APR FC 1-1 Kiyovu Sports
Uko umukino uri kugenda
Umwanditsi |
: Eric Tony Ukurikiyimfura & Iradukunda Olivier |
Amafoto |
: Umwari Sandrine |
21:54
Abafana ba APR FC bati "Tuzajya dutsinda Rayon Sports gusa?"
21:16
APR FC imaze imikino itatu yikurikiranya idatsinda
APR FC yujuje imikino itatu ikurikiranye idatsinda, nyuma yo kunganya na Bugesera FC, gutsindwa na Al-Hilal SC no kunganya na Kiyovu Sports muri Shampiyona.
Umukino iyi kipe iheruka gutsinda ni uwayihuje na Gasogi United yatsinze ku bitego 3-0.
Ku mukino utaha, APR FC izakirwa na Police FC ku wa Gatanu, tariki ya 20 Gashyantare.
Umukino iyi kipe iheruka gutsinda ni uwayihuje na Gasogi United yatsinze ku bitego 3-0.
Ku mukino utaha, APR FC izakirwa na Police FC ku wa Gatanu, tariki ya 20 Gashyantare.
21:04
APR FC inaniwe gusubira ku mwanya wa mbere
APR FC inganyije na Kiyovu Sports igitego 1-1 mu mukino w'Umunsi wa 20 wa Shampiyona waberaga muri Stade Amahoro, inanirwa gusubira ku mwanya wa mbere.
Ikipe y'Ingabo z'Igihugu yagize amanota 38 inganya na Al-Hilal SC ya mbere, ariko zitandukanywa n'ibitego zizigamye.
APR izigamye ibitego 12 mu mikino 20 naho Al Hilal izigamye ibitego 31 nyuma y'imikino 16 imaze gukina.
Kiyovu Sports yafashe umwanya wa gatanu n'amanota 32 inganya na Rayon Sports ya gatandatu.
Indi mikino yabaye kuri uyu wa Gatandatu, Bugesera FC yatsinze Gorilla FC ibitego 3-1 naho Marine FC inganya na Gicumbi FC igitego 1-1.
Ikipe y'Ingabo z'Igihugu yagize amanota 38 inganya na Al-Hilal SC ya mbere, ariko zitandukanywa n'ibitego zizigamye.
APR izigamye ibitego 12 mu mikino 20 naho Al Hilal izigamye ibitego 31 nyuma y'imikino 16 imaze gukina.
Kiyovu Sports yafashe umwanya wa gatanu n'amanota 32 inganya na Rayon Sports ya gatandatu.
Indi mikino yabaye kuri uyu wa Gatandatu, Bugesera FC yatsinze Gorilla FC ibitego 3-1 naho Marine FC inganya na Gicumbi FC igitego 1-1.
21:00
90+9' Umukino urarangiye
20:59
90+7' Coup-franc ya APR FC
Bukuru akiniye nabi Mamadou Sy inyuma y'urubuga rw'amahina.
Birashoboka ko ari bwo buryo bwa nyuma.
Birashoboka ko ari bwo buryo bwa nyuma.
20:57
90+6' APR FC yirangayeho
Mugisha Gilbert ahinduye umupira mu rubuga rw'amahina, Nshimiyimana Yunussu ananirwa kuwutera mu izamu, ujya hanze.
20:56
90+4' Uburyo bwa APR FC
Bugingo Hakim ahinduye umupira muremure mu rubuga rw'amahina, Ruboneka Bosco awukinnye n'umutwe ujya hanze.
20:52
90+1' Igitego cya APR FC
Denis Omedi wari umaze gukorerwa ikosa ridasifuwe, arahagurutse afata umupira, atera ishoti rikomeye umunyezamu James Desire ananiwe guhagarika.
20:51
90' Iminota y'inyongera
Umusifuzi wa Kane, Murindangabo Moise, yerekanye iminota itandatu y'inyongera.
20:51
89' Uburyo bwa Kiyovu Sports
Mugisha Joseph ateye umupira mwiza ashaka gutsinda, ufatwa na Hakizimana Adolphe.
20:50
88' Ikarita y'umuhondo
Ruboneka Bosco ahawe ikarita y'umuhondo akiniye nabi Bukuru Christophe mu kibuga hagati.
20:48
87' Gusatira kwa Kiyovu Sports
Mugisha Joseph ahaye umupira Uwineza Rene, awuhinduye mu izamu ufatwa neza na Hakizimana Adolphe.
20:47
86' Gusatira kwa APR FC
Bugingo Hakim ahinduye umupira mu rubuga rw'amahina, ufatwa na James Desire uhise wongera aryama hasi, ahamagarizwa abaganga.
20:45
85' Gusimbuza
Dauda Yussif asimbuwe na Mamadou Sy ku ruhande rwa APR FC.
20:45
83' Umukino uhagaze gato
Umukino ubaye uhagaze mu gihe hari kuvurwa Umunyezamu James Desire wa Kiyovu Sports ugonganye na Djibril Ouattara wa APR FC.
20:42
80' Igitego cya Kiyovu Sports
Harerimana Abdelaziz afinguye amazamu ku mupira aherejwe mu rubuga rw'amahina, aroba umunyezamu Hakizimana Adolphe wari wasohotse.
20:39
78' Kiyovu Sports ihagaze neza
Kiyovu Sports iri kugarira neza, aho muri iyi minota idatuma APR FC igera ku izamu ryayo.
20:33
73' Gusimbuza
Harerimana Abdelaziz asimbuye Mutunzi Darcy ku ruhande rwa Kiyovu Sports.
20:31
70' Ikarita y'umuhondo
Umunyezamu wa APR FC, Hakizimana Adolphe, ahawe ikarita y'umuhondo nyuma yo gusohoka agakinira nabi Uwineza Rene inyuma y'urubuga rw'amahina, ahagana muri koruneri.
20:28
65' Kiyovu Sports ihushije uburyo bwiza
Uwineza ateye umupira wa koruneri, usanga Mbonyingabo Regis uwukinnye n'umutwe, ufatwa na Hakizimana Adolphe.
20:27
65' Gusimbuza
Mugisha Gilbert na Denis Omedi basimbuye Mel Togui na Hakim Kiwanuka ku ruhande rwa APR FC.
20:25
64' Gusimbuza
Mugisha Rama Joseph asimbuye Cherif Bayo ku ruhande rwa Kiyovu Sports.
20:23
61' Gusimbuza
Ruboneka Bosco asimbuye Memel Dao ku ruhande rwa APR FC.
20:22
61' Kiyovu Sports ihushije uburyo bwabazwe
Mutunzi Darcy ananiwe kuroba Hakizimana Adolphe ku mupira aherejwe mu rubuga rw'amahina, uyu munyezamu awushyira muri koruneri.
20:21
59' Kiyovu Sports yirangayeho
Mutunzi Darcy ananiwe kubyaza umusaruro umupira wari utakajwe n'ubwugarizi bwa APR FC, awutera hejuru y'izamu.
20:17
55' APR FC ihushije uburyo bwabazwe
Djibril Ouattara ahawe umupira mwiza mu rubuga rw'amahina, awuteye mu izamu ukorwaho na James Desire arawurenza.
20:15
53' Ikarita y'umuhondo
Byiringiro Jean Gilbert ahawe ikarita y'umuhondo akiniye nabi Byiringiro David mu kibuga hagati.
20:12
50' Ikarita y'umuhondo
Bukuru Christophe ahawe ikarita y'umuhondo kubera amagambo abwiye umusifuzi nyuma y'ikosa ryari rikozwe na Mbonyingabo Regis mu kibuga hagati.
20:10
49' Gusatira kwa APR FC
William Togui acomekeye umupira Kiwanuka, undi awuhinduye ukurwaho na Ntwali Assouman, ujya muri koruneri itagize icyo itanga.
20:06
46' Igice cya kabiri cyatangiye
APR FC yatangiranye umupira mu gice cya kabiri, Djibril Ouattara awusubiza inyuma kuri bagenzi be bakiniye mu kibuga cyabo.
20:05
Gusimbuza
Uwiyaremye Fidali asimbuye Musa Keita ku ruhande rwa Kiyovu Sports.
19:49
Igice cya mbere kirarangiye
Iminota 45 ibanza y'umukino w'Umunsi wa 20 wa Shampiyona uri guhuza APR FC na Kiyovu Sports muri Stade Amahoro, irangiye amakipe yombi anganya ubusa ku busa.
19:48
45+1' Uburyo bwa Kiyovu Sports
Uwineza Rene ahannye ikosa ku mupira uteretse ahagana mu ruhande, ufatwa neza na Hakizimana Adolphe uhise uwutera imbere.
19:46
45' Coup-franc nziza ya APR FC
Djibril Outtara ahannye ikosa yakoreweho, umupira ukurwamo na James Desire, ndetse Bugingo ashatse kongera kuwukina awutangwa na Uwineza Rene.
19:45
45' Iminota ibiri y'inyongera
Umusifuzi wa Kane, Murindangabo Moise, yerekanye iminota ibiri mbere y'uko igice cya mbere kirangira.
19:44
43' Ikarita y'umuhondo
Uwineza Rene ahawe ikarita y'umuhondo ku ikosa akoreye kuri Djibril Ouattara inyuma y'urubuga rw'amahina.
Umusifuzi wo ku ruhande, Akimana Juliette yari yazamuye igitambaro ariko icyemezo cya Twagirumukiza Abdul uri hagati ni cyo kigumyeho.
Umusifuzi wo ku ruhande, Akimana Juliette yari yazamuye igitambaro ariko icyemezo cya Twagirumukiza Abdul uri hagati ni cyo kigumyeho.
19:41
40' Uburyo bwa Kiyovu Sports
Uwimana Yakubu ahaye umupira Uwineza Rene ukina iburyo asatira, ateye ishoti rinyura imbere y'izamu rya APR FC ririnzwe na Hakimana Adolphe.
19:38
37' Kiyovu Sports ikomeje kugarizwa
Byiringiro Jean Gilbert ahaye umupira Kiwanuka uteye ishoti adahagaritse, ukora kuri myugariro Rwabuhihi wari uryamye hasi, ujya hanze muri koruneri.
19:35
34' Kiyovu Sports irarokotse
Hakim Kiwanuka ahinduye umupira mwiza mu rubuga rw'amahina, ufatwa n'umunyezamu James Desire mu gihe William Togui yari yakurikiye.
19:33
32' Amafoto: Umukinnyi wa Kiyovu Sports amena amazi mu kibuga
Rismo Albriche Ekome Obiang wa Kiyovu Sports amena amazi mu kibuga mbere y'uko umukino utangira.
19:32
31' Kiwanuka yari akinnye neza
Hakim Kiwanuka acenze abakinnyi babiri ba Kiyovu Sporys barimo Byiringiro David, ahinduye umupira mu rubuga rw'amahina ufatwa n'umunyezamu James Desire.
Gusa umusifuzi wo ku ruhande Akimana Juliette yari yamaze kugaragaza ko umupira wavuye hanze.
Gusa umusifuzi wo ku ruhande Akimana Juliette yari yamaze kugaragaza ko umupira wavuye hanze.
19:29
28' Uburyo bwiza APR FC
Bugingo Hakim ahannye ikosa ku mupira uteretse hagati mu kibuga cya Kiyovu Sports, ukurwamo n'umunyezamu James Desire, usubijwemo na Memel Dao wongera gukorwaho n'uyu munyezamu.
19:27
26' Abafana ba Kiyovu Sports bati "Wa gikona we"
Nubwo aei bake, abafana ba Kiyovu Sports ni bo bari kumvikana muri Stade Amahoro, aho bashyigikiye ikipe yabo.
Bari kuririmba bati "Wa gikona we, waba usize nkuru iki imusozi?"
Bari kuririmba bati "Wa gikona we, waba usize nkuru iki imusozi?"
19:25
24' Uburyo bwa APR FC
Kapiteni w'umunsi wa APR FC, Dauda Yussif 'Seidu' ateye ishoti rikomeye ari inyuma y'urubuga rw'amahina, umupira ujya hejuru y'izamu rya Kiyovu Sports.
19:22
21' Coup-franc ya Kiyovu Sports
Kiyovu Sports ihawe guhana ikosa ryakorewe Byiringiro David.
19:19
18' APR FC ihushije uburyo
Hakim Kiwanuka ahinduye umupira mu rubuga rw'amahina, ariko Aime Placide awukuraho n'umutwe William Togui atarawufata.
19:17
16' Kiyovu Sports ihushije igitego
Cherif Bayo atunguye umunyezamu wa APR FC, Hakizimana Adolphe wari wasohotse nabi, ariko ishoti rica hafi y'izamu gato.
19:16
14' Kiyovu Sports yirangayeho
Cherif Bayo ahereje umupira Byiringiro David ariko ananirwa kuwohereza mu rubuga rw'amahina ahubwo arawurenza.
19:10
9' Kiyovu Sports ihushije igitego
Cherif Bayo wa Kiyovu Sports azamukanye umupira, atera umupira mu izamu ariko ishoti rijya hanze yaryo.
19:08
8' Umukino uri gukinirwa mu kibuga hagati
Amakipe yombi ari gukinira mu kibuga hagati ahanahana umupira, buri imwe icungira hafi mu kibuga cyayo.
19:06
5' Coup-franc ya Kiyovu Sports
Bugingo Hakim akiniye nabi Ntwari Asouman, umusifuzi atanga coup-franc.
19:04
3' APR FC yari ikoze amakosa
Uwineza Rene wa Kiyovu Sports ateye umupira, Hakizimana Adolphe ashatse kuwufata uramucika Niyigena Clement arahagoboka akiza izamu.
19:00
1' Umukino uratangiye
18:53
Umurindi ni wose ku bafana ba Rayon Sports
Abafana ba Rayon Sports bashyigikiye Kiyovu Sports bafite umurindi udasanzwe mbere y'uko umukino utangira.
18:43
Abasifuzi baza kuyobora umukino
Umukino uraza kuyoborwa na Twagirumukiza Abdoul Karim uza gufashwa na Ishimwe Didier na Akimana Juliette basifura mu mpande, mu gihe Mulindangabo Moise ari umusifuzi wa kane.
18:41
Abakinnyi Kiyovu Sports yabanje mu kibuga
Abakinnyi Haringingo Francis utoza Kiyovu Sports abanza mu kibuga.
James Bienvenue Desire Djaoyang
Regis Mbonyingabo
Bayo Cherif
Aime Placide Rwabuhihi
Rene Uwineza
Uwimana Yakubu
Christophe Bukuru
David Byiringiro
Assouman Ntwal
Mutunzi Darci
Moussa Keita
James Bienvenue Desire Djaoyang
Regis Mbonyingabo
Bayo Cherif
Aime Placide Rwabuhihi
Rene Uwineza
Uwimana Yakubu
Christophe Bukuru
David Byiringiro
Assouman Ntwal
Mutunzi Darci
Moussa Keita
18:40
APR FC na Kiyovu Sports zisoje kwishyushya
Abakinnyi ba APR FC n'aba Kiyovu Sports basubiye mu rwambariro nyuma yo kwishyushya.
Umukino uratangira mu minota mike iri imbere.
Umukino uratangira mu minota mike iri imbere.
18:34
Abakinnyi ba APR FC babanje mu kibuga
Umutoza wa APR FC, Abderrahim Taleb, yahisemo kubanzamo:
Hakizimana Adolphe
Dauda Yussif Seidu (C)
Niyigena Clement
Nshimiyimana Yunussu
Bugingo Hakim
Byiringiro Jean Gilbert
Ssekiganda Ronald
Memel Dao Raouf
Hakim Kiwanuka
Djibril Ouattara
Togui Mel William
18:25
Ubwo abakinnyi ba APR FC bageraga kuri Stade Amahoro
18:20
Abakinnyi ba Kiyovu Sports babanje gusura ikibuga cya Stade Amahoro
18:19
Ikaze muri Stade Amahoro
IGIHE ibahaye ikaze muri Stade Amahoro i Remera, ahagiye kubera umukino w'Umunsi wa 20 wa Shampiyona y'u Rwanda uhuza APR FC na Kiyovu Sports.
Uyu mukino washyizwe Saa 19:00 kuko wabanjirijwe n'uwa CAF Champions League wahuje Al Hilal SC na FC St-Eloi Lupopo.
APR FC iri ku mwanya we kabiri n'amanota 37, irushwa inota rimwe na Al-Hilal ya mbere.
Ni mu gihe Kiyovu Sports ari iya gatandatu n'amanota 31.
