Kiyovu Sports 0-2 APR FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
17:32
APR FC itangiye neza mu Gikombe cy'Amahoro cya 2026
Ikipe ya APR FC ifite Igikombe cy'Amahoro giheruka, itangiye neza irushanwa ry'uyu mwaka, itsinda Kiyovu Sports ibitego 2-0 mu mukino ubanza wa 1/8.
Umukino wabanjirije uyu kuri Kigali Pele Stadium, warangiye Gicumbi FC inganyije na Police FC igitego 1-1.
17:31
Umukino urarangiye
17:28
90+1' Coup-franc ya Kiyovu Sports
Moise Sandja Bulaya ateye coup-franc ahana ikosa rya Nshimiyimana Yunussu, umupira unyura ku ruhande rw'izamu rya APR FC.
17:27
90' Iminota y'inyongera
Umusifuzi wa kane yerekanye iminota ine y'inyongera.
Kiyovu Sports iritegura gutera coup-franc.
Kiyovu Sports iritegura gutera coup-franc.
17:26
89' Ikarita y'umuhondo
Nshimiyimana Yunussu ahawe ikarita y'umuhondo ku mupira akinishije akaboko ari inyuma y'urubuga rw'amahina.
17:24
87' Uburyo bwiza bwa APR FC
Lamine Bah aritakumye, atera ishoti rikomeye ari mu rubuga rw'amahina ariko umupira ukurwamo na James Desire uwushyize muri koruneri.
17:23
86' Ssekiganda akomeye amashyi Bugingo
Uwineza Rene acitse Niyigena Clement, asigara arebana na Hakizimana Adolphe, agiye gutera akurwaho umupira na Bugingo Hakim.
Uyu mukinnyi w'inyuma ibumoso, akomewe amashyi na Ronald Ssekiganda bakinana.
Uyu mukinnyi w'inyuma ibumoso, akomewe amashyi na Ronald Ssekiganda bakinana.
17:21
84' Coup-franc ya APR FC
Byiringiro David akiniye nabi Mamadou Sy inyuma y'urubuga rw'amahina.
Ikosa rihanwe na Bugingo Hakim, umupira ateye ujya ku ruhande rw'izamu.
Ikosa rihanwe na Bugingo Hakim, umupira ateye ujya ku ruhande rw'izamu.
17:20
83' Gusimbuza
Ngabonziza Pacifique asimbuye Ruboneka Bosco ku ruhande rwa APR FC.
17:18
81' Ikarita y'umuhondo
Uwimana Yakubu ahawe ikarita y'umuhondo akiniye nabi Lamine Bah.
17:15
80' Umukino winjiye mu minota 10 ya nyuma
17:11
75' Gusimbuza
Cherif Bayo asimbuwe na Moise Sandja Bulaya ku ruhande rwa Kiyovu Sports.
Niyigena Clement wa APR FC ari kwitabwaho n'abaganga.
Niyigena Clement wa APR FC ari kwitabwaho n'abaganga.
17:09
73' Igitego cya kabiri cya APR FC
Mamadou Sy atsinze igitego cya kabiri cya APR FC ku mupira yari aherejwe na William Togui.
Kiyovu Sports 0-2 APR FC.
Kiyovu Sports 0-2 APR FC.
17:07
71' Gusimbuza
William Togui, Mugisha Gibert, Lamine Bah na Mamadou Sy basimbuye Ouattara, Kiwanuka, Dao na Denis Omedi ku ruhande rwa APR FC.
17:05
68' APR FC yirangayeho
Omedi ahawe umupira na Dao, ageze mu rubuga rw'amahina awutera ku ruhande ufata inshundura ntoya.
17:02
65' Kiyovu Sports ntitanga umwanya wo guhumeka
Abakinnyi ba KIyovu Sports bari gusatira cyane APR FC, aho bayishyizeho igitutu bashaka kwishyura.
Umupira uri gukinirwa cyane mu kibuga cya APR FC.
16:58
60' Coup-franc ya Kiyovu Sports
Ntwari Assouman ahannye ikosa Memel Dao yakoreye kuri Uwineza Rene, ariko habura mugenzi we ukina umupira yari ashyize mu rubuga rw'amahina.
16:56
58' Kiyovu Sports ihushije uburyo bwiza
Byiringiro David ahinduye umupira mwiza mu rubuga rw'amahina, Uwimana Yakubu awushyizeho umutwe ujya hejuru y'izamu.
16:54
56' Ikarita y'umuhondo
Niyigena Clement ahawe ikarita y'umuhondo akiniye nabi Cherif Bayo.
16:51
54' Uburyo bwa Kiyovu Sports
Cherif Bayo aeteye ishoti rikomeye ari hagati mu kibuga cya APR FC, Niyigena Clement aritambika, ujya muri koruneri itagize icyo itanga.
16:49
52' Kiyovu Sports irashaka kwishyura
Harerimana Abdul Aziz amaze kugerageza uburyo bubiri ku ruhande rwa Kiyovu Sports, ashaka uko ikipe ye yagaruka mu mukino hakiri kare.
16:42
46' Igitego cya APR FC
Djibril Ouattara afunguye amazamu ku munota wa mbere w'igice cya kabiri, nyuma y'amakosa y'ubwugarizi bwa Kiyovu Sports.
16:42
46' Igice cya cya kabiri cyatangiye
16:41
Gusimbuza
Harerimana Abdul Aziz na Rismo Obiang basimbuye Muntunzi Darcy na Rwabuhihi Placide ku ruhande rwa Kiyovu Sports.
16:26
Igice cya mbere kirarangiye
Iminota 45 y'igice cya mbere cy'umukino ubanza wa 1/8 cy'Igikombe cy'Amahoro uri kubera i Nyamirambo, irangiye Kiyovu Sports inganya na APR FC ubusa ku busa.
16:21
45' Iminota y'inyongera
Umusifuzi wa kane yerekanye iminota itatu y'inyongera.
Niyigena Clement ahawe gasopo nyuma yo gukinira nabi Fidali.
Niyigena Clement ahawe gasopo nyuma yo gukinira nabi Fidali.
16:20
43' Kiyovu Sports irarokotse
Byiringiro David asubije umupira inyuma n'umutwe ashaka gukinana n'umunyezamu James Desire, umupira uterwa Hakim Kiwanuka, ariko unyura ku ruhande rw'izamu.
16:17
42' APR FC yirangayeho
Memel Dao ahaye umupira Djibril Ouattara winjiye mu rubuga rw'amahina, atera ishoti rigiye hejuru y'izamu.
16:15
39' Gusatira kwa Kiyovu Sports
Uwineza Rene ateye umupira mu rubuga rw'amahina ashaka mugenzi we, ariko myugariro Byiringiro Jean Gilbert awukuraho n'umutwe.
16:14
37' Coup-franc ya APR FC
Mbonyingabo Regis akiniye nabi Ruboneka Bosco ahagana mu ruhande.
Ikosa rihanwe n'uyu Kapiteni wa APR FC, umupira ufata inshundura nto z'izamu.
16:12
35' Ubwugarizi bwa Kiyovu Sports buhagaze neza
16:08
31' Ubundi buryo bwa APR FC
Memel Dao ahinduye umupira mwiza mu rubuga rw'amahina, Ouattara ntiyawufatisha ku mutwe, Omedi ashatse kuwukina awutangwa na Bukuru uwurengeje.
16:07
30' Uburyo bwa APR FC
Hakim Kiwanuka ahawe umupira mwiza na Ruboneka, atera ishoti rikomeye rinyuze hejuru y'izamu rya Kiyovu Sports.
16:03
25' Amakipe yombi akomeje gushaka igitego
Umukino uri gukinirwa ku mpande zombi, ariko nta kipe irongera kurema uburyo bugaragara.
15:56
18' Uburyo bwa APR FC
Bugingo Hakim ahinduye umupira mwiza ari mu ruhande rw'ibumoso, unyura ku munyezamu James Desire, ariko habura undi mukinnyi uwukina.
15:50
12' Gusatira kwa APR FC
Hakim Kiwanuka akinanye na Djibril Ouattara uteye umupira mwiza ari mu rubuga rw'amahina, ujya ku ruhande rw'izamu rya Kiyovu Sports.
15:47
9' Uburyo bwa Kiyovu Sports
Uwineza Rene na Cherif Bayo bahushije uburyo bubiri bukurikiranye ku ruhande rwa Kiyovu Sports yatangiye isatira cyane.
Imipira yombi inyuze ku ruhande, ariko uwa kabiri ujya muri koruneri.
Imipira yombi inyuze ku ruhande, ariko uwa kabiri ujya muri koruneri.
15:43
6' Umukino wakomeje
Abakinnyi bombi bari bagize ikibazo bahagurutse.
Umupira uri gukinwa mu kibuga cya APR FC.
Umupira uri gukinwa mu kibuga cya APR FC.
15:41
4' APR FC irarokotse
APR FC itakaje umupira, Uwineza Rene yinjira mu rubuga rw'amahina, ariko umunyezamu Hakizimana Adolphe asohoka neza amutanga umupira.
Uyu mukinnyi wa Kiyovu Sports n'umunyezamu wa APR FC baryamye hasi aho bari kwitabwaho n'abaganga.
Uyu mukinnyi wa Kiyovu Sports n'umunyezamu wa APR FC baryamye hasi aho bari kwitabwaho n'abaganga.
15:36
Umukino uratangiye
APR FC yatangiranye umupira mu mukino uyobowe na Murindangabo Moise nk'Umusifuzi wo Hagati, ariko ihita ikora ikosa mu kibuga cyayo.
15:33
Police FC yanganyije na Gicumbi FC igitego 1-1 mu mukino watangiye Saa 12:30
15:30
Amakipe yombi yongeye guhura nyuma y'iminsi itatu
Kiyovu Sports na APR FC zaherukaga guhurira mu mukino w'Umunsi wa 20 wa Shampiyona, warangiye zinganyije igitego 1-1 muri Stade Amahoro.
Muri 1/8 hazakinwa imikino ibiri; ubanza n'uwo kwishyura.
15:29
Abakinnyi Kiyovu Sports yabanje mu kibuga
Abakinnyi Haringingo Francis utoza Kiyovu Sports abanza mu kibuga:
James Bienvenue Desire Djaoyang
Regis Mbonyingabo (C)
Bayo Cherif
Aime Placide Rwabuhihi
Rene Uwineza
Uwimana Yakubu
Christophe Bukuru
David Byiringiro
Assouman Ntwal
Mutunzi Darci
Uwiyaremye Fidali
15:23
Amakipe yombi yasoje kwishyushya
Abakinnyi ba APR FC n'aba Kiyovu Sports bategerejwe mu kibuga nyuma yo gusubira mu rwambariro bamaze kwishyushya.
15:17
Abakinnyi ba APR FC babanje mu kibuga
Umutoza wa APR FC, Abderrahim Taleb, yahisemo kubanzamo:
Hakizimana Adolphe
Ruboneka Bosco
Dauda Yussif Seidu
Niyigena Clement
Nshimiyimana Yunussu
Bugingo Hakim
Byiringiro Jean Gilbert
Ssekiganda Ronald
Memel Dao Raouf
Hakim Kiwanuka
Djibril Ouattara
Denis Omedi
Hakizimana Adolphe
Ruboneka Bosco
Dauda Yussif Seidu
Niyigena Clement
Nshimiyimana Yunussu
Bugingo Hakim
Byiringiro Jean Gilbert
Ssekiganda Ronald
Memel Dao Raouf
Hakim Kiwanuka
Djibril Ouattara
Denis Omedi
15:14
Ikaze kuri Kigali Pele Stadium
IGIHE ibahaye ikaze kuri Stade ya Kigali i Nyamirambo, ahagiye kubera umukino ubanza wa 1/8 cy'Igikombe cy'Amahoro hagati ya Kiyovu Sports na APR FC.
APR ni yo ifite igikombe giheruka.
Umukino uratangira Saa 15:30.
APR ni yo ifite igikombe giheruka.
Umukino uratangira Saa 15:30.