Etincelles FC 1-1 Rayon Sports
Uko umukino uri kugenda
Umwanditsi |
: Iradukunda Olivier |
Amafoto |
: Umwari Sandrine |
19:00
AMASHUSHO: Umva ubusesenguzi buryoshye bwa Rugaju Reagan n'agahinda avanye i Rubavu
18:50
AMASHUSHO: Bekeni utoza Etincelles avuze icyamufashije kunganya na Rayon Sports
18:48
AMASHUSHO: Abafana ba Rayons bari mu gahinda gakomeye nyuma yo kunganya na Etincelles FC
17:20
Uko amakipe akurikiranye ku rutonde rwa Shampiyona y'u Rwanda
16:57
Etincelles FC ihagamye Rayon Sports
Rayon Sports inaniwe gukura amanota atatu kuri Etincelles FC, inganya umukino wa gatatu wikurikiranya, ariko ifata umwanya wa kane n'amanota 38, mu gihe iyi Kipe yo mu Karere ka Rubavu igize amanota 20, iguma ku mwanya wa 16.
Indi mikino yabaye ku bindi bibuga:
Amagaju 2-1 Gorilla
AS Kigali 2-2 AS Muhanga
Indi mikino yabaye ku bindi bibuga:
Amagaju 2-1 Gorilla
AS Kigali 2-2 AS Muhanga
16:50
90+5' Umukino urarangiye
16:48
90+4' Igitego cyabuze
Rayon Sports iri gushaka igitego ariko abakinnyi ba Etincelles bari gukina bayikoresha amakosa menshi.
16:47
90+1' Coup-franc ya Etincelles
Niyonkuru Sadjat ashyizwe hasi na Uwumukiza Obedi, hatangwa Coup-franc.
16:45
90' Iminota itanu y'inyongera
Umukino wongeweho iminota itanu kuri 90 y'umukino.
16:44
89' Umunyezamu wa Etincelles aryamye hasi
Umunyezamu wa Etincelles FC ugonganye na Fall Ngagne, aryamye hasi ari kuvurwa.
16:43
88' Umukino ugeze mu minota ya nyuma
Abakinnyi bari gukina iminota ya nyuma bashaka intsinzi.
16:40
84' Abakinnyi ba Etincelles FC barihanangirijwe
Abakinnyi ba Etincelles barimo baburanya umusifuzi ku ikosa ryakorewe Niyonkuru Sadjat mu rubuga rw'amahina ntihatangwe penaliti, barihanangirijwe.
16:37
82' Etincelles FC irasimbuje
Ishimwe Djabilu avuye mu kibuga hajyamo Manase Mutatu Mbedi.
16:34
80' Igitego cya Rayon Sports
Fall Ngagne atsinze igitego cya Rayon Sports kivuye kuri Coup-franc itewe na Mugisha Didier.
16:34
78' Ikarita y'umuhondo kuri Rayon Sports
Bayisenge Emery ukiniye nabi Awadi Iraguha wa Etincelles yeretswe ikarita y'umuhondo.
16:29
74' Rayon Sports ikoze impinduka
Rayon Sports ikuyemo Richard Ndayishimiye ishyiramo Sindi Paul Jesus.
16:27
71' Umunyezamu wa Etincelles FC yari ayitanze
Umunyezamu wa Etincelles FC, Justin Ndikumana, afashe nabi umupira uramujabuka ari kumwe na Habimana Yves, habura gato ngo awutere mu izamu ariko ujya muri koruneri.
16:25
70' Rayon Sports irasimbuje
Rayon Sports ikoze impinduka, ikura mu kibuga Ndikumana Asman, Aziz Dao na Yannick Bangala ishyiramo Fall Ngagne, Faustin Likau na Habimana Yves.
16:19
65' Igitego cya Etincelles
Yacouba Nimaga wa Etincelles winjiye asimbuye, ayitsindiye igitego cya mbere ku burangare bw'abakinnyi ba Rayon Sports bari mu bwugarizi.
16:18
62' Etincelles FC irasimbuje
Mucyo Emmanuel wa Etincelles FC asimbuwe na Yacouba Nimaga.
16:17
61' Ikarita y'umuhondo kuri Etincelles
Anselme Dusabimana wa Etincelles FC akoreye ikosa Aziz Bassane yerekwa ikarita y'umuhondo.
16:13
58' Rayon Sports iri gusatirana imbaraga
Rayon Sports iri gukinira mu kibuga cya Etincelles FC ishaka igitego hasi hejuru.
16:10
55' Rayon Sports yirangayeho
Tambwe Gloire ananiwe gushyira mu izamu umupira wari utewe na Uwumukiza Obed, birangira ugiye hanze.
16:09
53' Koruneri ya Etincelles
Ramazani Tshimanga wa Rayon Sports arengeje umupira wari uhinduwe na Ishimwe Djabilu.
16:05
50' Icyizere ku bafana cyabaye gike
Abafana bitabiriye ari benshi kuri uyu mukino, ariko icyizere cyo gutsinda cyabaye gike.
16:02
47' Koruneri ya Rayon Sports
Mugisha Didier wa Rayon Sports yivuye mu mitsi atera ishoti rikomeye, umunyezamu wa Etincelles awushyira muri koruneri itagize icyo itanga.
16:00
46' Igice cya kabiri kiratangiye
15:59
Uko imikino iri kugenda ku bindi bibuga
Mu mukino uri guhuza Amagaju FC na Gorilla FC mu Karere ka Huye, kuri Stade Kamena, ni igitego 1-1. Ibitego byashyizwemo na Nibibona Eddy w'Amagaju FC na Kanamugire Roger wa Gorilla FC.
AS Kigali na yo iri kunganya na AS Muhanga igitego 1-1. Ibi byatsinzwe na Sunday Inemesit w'Ikipe y'Umujyi wa Kigali na Twizerimana Onesme w'Ikipe y'Akarere ka Muhanga.
AS Kigali na yo iri kunganya na AS Muhanga igitego 1-1. Ibi byatsinzwe na Sunday Inemesit w'Ikipe y'Umujyi wa Kigali na Twizerimana Onesme w'Ikipe y'Akarere ka Muhanga.
15:48
45+1' Igice cya mbere kirarangiye
15:48
45+1' Rayon Sports irarokotse
Rody Mwinyi ateye ishoti rikomeye mu izamu rikurwamo na Kwizera Olivier, mu gihe abakinnyi ba Etincelles bakiburana penaliti yabaye nyuma y'uko Tshimanga akoze umupira mu rubuga rw'amahina.
15:45
45' Umunota umwe w'inyongera
Umukino wongeweho umunota umwe w'inyongera ku gice cya mbere.
15:43
43' Umukino ugeze mu minota ya nyuma
Amakipe yombi ari gukina iminota ya nyuma, mu gihe Rayon Sports iri gushaka igitego.
15:41
40' Justin Ndikumana atabaye Etincelles FC
Ndikumana Asman arirambuye atera ishoti rikomeye mu izamu rya Etincelles, ariko umunyezamu wayo Ndikumana Asman arirambura awukuramo.
15:39
37' Rayon Sports yirangayeho
Aziz Bassane azamukanye umupira arwuhereza Ndikumana Asman, aho kugira ngo amusubize atsinde igitego, awushyira mu maboko y'umunyezamu wa Etincelles.
15:38
35' Etincelles FC irashaka igitego
Ishimwe Djabilu wa Etincelles FC azamukanye umupira awuhereza Rody Mwinyi unaniwe kuwufunga ngo atere mu izamu.
15:32
31' Rayon Sports ihushije igitego cyabazwe
Tambwe Gloire wa Etincelles FC azamukanye umupira, ageze mu rubuga rw'amahina awuha Ndikumana Asman ananirwa gushyiraho ikirenge ngo awerekeze mu izamu, birangira umunyezamu wa Etincelles FC, Justin Ndikumana, awufashe.
15:30
29' Etincelles irarokotse
Mugisha Didier wa Rayon Sports ashatse kwinjira mu rubuga rw'amahina ariko Kwizera Aimable wa Etincelles arahagoboka.
15:25
24' Umukino uri gukinirwa hagati mu kibuga
Amakipe yombi ntabwo ari gusatirana nk'uko umukino watangiye, ahubwo umukino uri gukinirwa mu kibuga hagati harimo no kurenza umupira inshuro nyinshi.
15:22
20' Etincelles FC irugarijwe
Aziz Bassane yari acitse abakinnyi ba Etincelles ariko ageze kuri Awadi Iraguha arawurenza, mu kurengura Rayon Sports isubira mu rubuga rw'amahina ariko uyu myugariro wa Etincelles arongera arayitabara awushyira muri koruneri.
15:18
17' Koruneri ya Etincelles
Abdoul Kasapu acenze abakinnyi ba Rayon Sports, ariko yinjiye mu rubuga rw'amahina Yannick Bangala arenza umupira.
15:14
13' Rayon Sports yari yirangayeho
Bayisenge Emery arekeye umupira Kwizera Olivier ushatse gucenga Rodrigue Mwinyi, birangira awurengeje.
15:12
10' Etincelles FC itangiye kwinjira mu mukino
Mu gihe Rayon Sports yakomeje gusatira cyane ariko nta gitego, yakanguye Etincelles FC itangira gukina iva inyuma.
15:08
7' Coup-franc ya Rayon Sports
Aziz Bassane yari agiye kwinjira mu rubuga rw'amahina ariko ashyirwa hasi na Pascal Rwigema hatangwa coup-franc.
15:06
5' Umurindi ni wose ku bafana ba Rayon Sports
Abafana ba Rayon Sports batangiranye umurindi uri hejuru cyane mu minota ya mbere y'umukino.
15:04
3' Rayon Sports ihushije igitego
Uwumukiza Obed ahannye ikosa ryari rikorewe Tamwe Gloire, ariko Ramazani Tshimanga awushyize ku mutwe ujya hejuru y'izamu.
15:02
1' Rayon Sports itangiranye ingufu
Aziz Bassane yari atsinze igitego nyuma yo gutangira asatirana imbaraga, ariko agongana n'umunyezamu wa Etincelles FC, Justin Ndikumana.
15:00
Umukino uratangiye
14:55
Amakipe yombi yasohotse mu rwambariro
Ikipe ya Etincelles FC n'iya Rayon Sports zasohotse mu rwambariro zitegura gutangira umukino.
14:49
Abafana ku makipe yombi biteguye umukino
14:47
Abakinnyi Etincelles FC ibanza mu kibuga
Abakinnyi 11 Umutoza wa Etincelles FC, Bizimana Abdou 'Bekeni', yahisemo kubanza mu kibuga.
Justin Ndikumana
Sadjati Niyonkuru
Pascal Rwigema
Awadi Iraguha
Anselme Dusabimana
Djabilu Ishimwe
Ibrahim Abdoul Kasapu
Innocent Gakumba
Emmanuel Mucyo
Aimable Kwizera
Lody Rodrigue Mwinyi
Justin Ndikumana
Sadjati Niyonkuru
Pascal Rwigema
Awadi Iraguha
Anselme Dusabimana
Djabilu Ishimwe
Ibrahim Abdoul Kasapu
Innocent Gakumba
Emmanuel Mucyo
Aimable Kwizera
Lody Rodrigue Mwinyi
14:41
Abakinnyi 11 Rayon Sports ibanza mu kibuga
Abakinnyi 11 Umutoza wa Rayon Sports, Bruno Ferry, yahisemo kubanza mu kibuga.
Kwizera Olivier
Obed Uwumukiza
Ganijuru Elie
Ramazani Tshimanga
Emery Bayisenge
Bangala Yanick
Aziz Dao
Richard Ndayishimiye
Asman Ndikumana
Tambwe Gloire
Mugisha Didier
Kwizera Olivier
Obed Uwumukiza
Ganijuru Elie
Ramazani Tshimanga
Emery Bayisenge
Bangala Yanick
Aziz Dao
Richard Ndayishimiye
Asman Ndikumana
Tambwe Gloire
Mugisha Didier
14:37
Abasifuzi b'umukino
Twagirumukiza Abdoul Karim ni we uza gusifura uyu mukino ari mu kibuga hagati, akaza kungirizwa na Mugabo Eric ari ku ruhande rumwe, Ndayamaje Hamdan ajye ku rundi ruhande, mu gihe umusifuzi wa kane ari Nizeyimana Is'haq. Komiseri w'umukino ni Munyangoga Appolinaire.
14:32
Imikino iheruka ku makipe yombi
Mu mikino itanu Etincelles FC iheruka gukina, yatsinzemo ibiri, inganya ibiri mu gihe yatsinzwe umwe.
Rayon Sports iri mu bihe byiza iheruka kunganya imikino ibiri muri itanu iheruka, mu gihe itatu yose yayitsinze.
Amakipe yombi aheruka guhurira kuri Kigali Pele Stadium anganya igitego 1-1, mu gihe ubwo aheruka guhurira mu Karere ka Rubavu, Gikundiro yahakuye intsinzi y'igitego 1-0.
Muri rusange mikino itanu iheruka Rayon Sports yatsinze ibiri, Etincelles itsinda umwe, mu gihe ibiri zanganyije.
Rayon Sports iri mu bihe byiza iheruka kunganya imikino ibiri muri itanu iheruka, mu gihe itatu yose yayitsinze.
Amakipe yombi aheruka guhurira kuri Kigali Pele Stadium anganya igitego 1-1, mu gihe ubwo aheruka guhurira mu Karere ka Rubavu, Gikundiro yahakuye intsinzi y'igitego 1-0.
Muri rusange mikino itanu iheruka Rayon Sports yatsinze ibiri, Etincelles itsinda umwe, mu gihe ibiri zanganyije.
14:16
Amakipe yombi yatangiye kwishyushya
Abakinnyi ba Etincelles na Rayon Sports batangiye kwishyushya mbere yo gucakirana mu mukino ukomeye.
14:05
Amakipe yombi yageze kuri Stade Umuganda
Abakinnyi ba Etincelles FC na Rayon Sports bageze ku kibuga aho bakinira.
13:33
AMASHUSHO: Abafana ba Rayon Sports bageze i Rubavu
Abafana ba Rayon Sports bageze mu Karere ka Rubavu, aho biteguye kuba inyuma y'ikipe yabo bagatsinda Etincelles FC iri iwayo.
13:31
Stade Umuganda irateguye mbere yo kwakira umukino
Stade Umuganda yamaze gutegurwa mbere yo kuberaho umukino w'ishiraniro hagati ya Rayon Sports na Etincelles FC.
13:28
Ikaze kuri Stade Umuganda
IGIHE ibahaye ikaze kuri Stade Umuganda yo mu Karere ka Rubavu, ahagiye kubera umukino w'Umunsi wa 23 wa Shampiyona y'u Rwanda, uhuza Etincelles FC na Rayon Sports.
Rayon Sports iri ku mwanya wa gatandatu n'amanota 37 ndetse irashaka kuyongera kugira ngo ikomeze gushyira igitutu ku makipe ayoboye Shampiyona, mu gihe Etincelles FC iri ku mwanya wa 16 n'amanota 19, ikaba ishaka kongera amanota ayikura mu murongo utukura.
Umukino uratangira Saa 15:00.
Rayon Sports iri ku mwanya wa gatandatu n'amanota 37 ndetse irashaka kuyongera kugira ngo ikomeze gushyira igitutu ku makipe ayoboye Shampiyona, mu gihe Etincelles FC iri ku mwanya wa 16 n'amanota 19, ikaba ishaka kongera amanota ayikura mu murongo utukura.
Umukino uratangira Saa 15:00.