Gasogi United 1-0 APR FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
21:06
VIDEO: Reba uburyo Gasogi United yatsinze APR FC
20:58
Gasogi United itsinze APR FC
Gasogi United itsinze APR FC igitego 1-0 mu mukino ubanza wa 1/4 cy'Igikombe cy'Amahoro waberaga kuri Kigali Pele Stadium.
Umukino wo kwishyura uzaba mu cyumweru gitaha.
Indi mikino yabaye uyu munsi, Gorilla FC yanganyije na AS Kigali ubusa ku busa naho Bugesera FC itsinda Etincelles FC igitego 1-0.
Ku wa Kane Saa 15:00, Police FC izakira Rayon Sports.
20:56
90+5' Umukino urarangiye
20:53
90+2' APR FC ihushije uburyo bwiza
Byiringiro Gilbert akinanye na Denis Omedi uteye umupira ukora ku mukinnyi wa Gasogi United, mu gihe umunyezamu Ndagijimana yari yaryamye, umupira ukubita igiti cy'izamu uvamo.
20:52
90+2' Gusimbuza
Douglas Ochoko asimbuye Hakim Hamiss ku ruhande rwa Gasogi United.
20:51
90' Iminota itanu y'inyongera
Umusifuzi wa kane yerekanye iminota itanu y'inyongera.
APR FC iri gusatira ishaka kwishyura.
APR FC iri gusatira ishaka kwishyura.
20:50
89' Gasogi United yasuzuguye APR FC
Gasogi United iri guhererekanya neza ndetse abakinnyi bayo bari gucenga cyane aba APR FC muri iyi minota ya nyuma.
20:48
88' Uburyo bwa APR FC
Niyibizi Ramadhan ateye umupira uteretse muri koruneri, ugeze kuri Ishimwe Abdul awutera ku ruhande rw'izamu.
20:45
84' Gusimbuza
Mamadou Sy na Iraguha Hadji basimbuye William Togui na Djibril Ouattara ku ruhande rwa APR FC.
20:44
82' Gusimbuza
Niyonkuru Elissa yinjiye mu kibuga asimbuye ku ruhande rwa Gasogi United.
20:43
82' Gusimbuza
Ruboneka Bosco asimbuwe na Niyibizi Ramadhan ku ruhande rwa APR FC.
20:42
82' Gasogi United yirwanyeho
Djibril Ouattara na Hakim Kiwanuka bagerageje gusatira izamu rya Gasogi United, ariko ubwugarizi n'umunyezamu Ndagijimana Leandre birwanaho.
20:40
79' Uburyo bwiza bwa Gasogi United
Hakim Hamiss ateye ishoti rikomeye rikozweho na Hakizimana Adolphe, umupira ujya muri koruneri.
20:36
75' Igitego cya Gasogi United
Niyigena Ebenezer afunguye amazamu i Nyamirambo, ku ruhande rwa Gasogi United, ku mupira ahawe na Ndikumana Danny.
Ni nyuma y'uko APR FC yose yari yazamutse isiga inyuma umukinnyi umwe.
Ni nyuma y'uko APR FC yose yari yazamutse isiga inyuma umukinnyi umwe.
20:35
74' Gasogi United irarokotse
Denis Omedi akinnye umupira uvuye kuri Niyomugabo, ushyirwa muri koruneri na Ndagijimana Leandre.
20:32
70' Umukino winjiye mu minota 20 ya nyuma
Umupira uri gukinirwa mu kibuga hagati, amakipe yombi akanyuzamo agasatirana, ariko gutera mu izamu biracyagoye.
20:28
67' Gusimbuza
Denis Omedi na Hakim Kiwanuka basimbuye Mugisha Gilbert na Memel Dao ku ruhande rwa APR FC.
20:27
67' APR FC ihushije uburyo bwiza
Byiringiro Gilbert ahinduye umupira mwiza, Ouattara awushyira ku runde rw'izamu ariko yawukojejeho ukuboko.
20:26
65' Gasogi United irarusha APR FC kugeza ubu
20:25
64' APR FC irarokotse
Umunyezamu Hakizimana Adolphe akoze ku mupira ukomeye utewe na Hakim Hamiss, awushyira muri koruneri.
Bwari uburyo bwiza buremwe na Ngono Guy Herve uhinduye umupira mwiza.
Bwari uburyo bwiza buremwe na Ngono Guy Herve uhinduye umupira mwiza.
20:22
60' Coup-franc ya Gasogi United
Nkubana Marc ahannye ikosa ryakorewe kuri Danny, APR FC ikuraho umupira nabi ukubita kuri Byiringiro Jean Gilbert ujya muri koruneri ku buryo yashoboraga kwitsinda.
20:20
60' Umukino uhagaze gato
Ndikumana Danny wa Gasogi United ari kwitabwaho n'abaganga nyuma yo gukinirwa nabi na Ronald Ssekiganda.
20:19
58' APR FC iri gushyushya abakinnyi batanu
Mamadou Sy, Iraguha Hadji, Denis Omedi, Hakim Kiwanuka na Niyibizi Ramadhan bari kwishyushya bitegura gusimbura ku ruhande rwa APR FC.
20:17
55' Gasogi United irarokotse
Djibril Ouattara ananiwe gutsinda nyuma y'umupira ukuweho nabi n'umunyezamu Ndagijimana Leandre, uhita ukurwaho na Kazindu Bahati Guy.
20:13
52' Uburyo bwa Gasogi United
Ngono Guy Herve akinanye na Muderi Akbar winjiye mu rubuga rw'amatera, atera umupira ukubise inshundura ntoya.
20:07
47' Ikarita y'umuhondo
Ishimwe Abdul wa APR FC, ahawe ikarita y'umuhondo akiniye nabi Ndikumana Danny.
20:06
Gusimbuza
Mbere yo gutangira igice cya kabiri, Niyigena Ebenezer yasimbuye Kokoete Udo Ibioko ku ruhande rwa Gasogi United.
20:05
46' Igice cya kabiri cyatangiye
Gasogi United yatangiranye umupira mu gice cya kabiri, Hakim Hamiss akinana na bagenzi be.
20:01
Abafana bategereje igitego
Umukino wa Gasogi United na APR FC witabiriwe n'abafana baringaniye, ariko na bo nta morale bafite nyuma y'uko ibitego byabuze i Nyamirambo.
Amakipe yombi yakinnye neza mu gice cya mbere, ariko abakinnyi basatira bakagorwa no gutera mu izamu.
19:49
Igice cya mbere kirarangiye
Igice cya mbere cy'umukino ubanza wa 1/4 cy'Igikombe cy'Amahoro uri guhuza Gasogi United na APR FC kuri Kigali Pele Stadium, cyarangiye amakipe yombi anganya ubusa ku busa.
19:47
45' Iminota y'inyongera
Umusifuzi wa kane yerekanye iminota itatu y'inyongera.
APR FC iri gusatira cyane ishaka igitego.
APR FC iri gusatira cyane ishaka igitego.
19:41
40' Amakipe yombi aracyashaka igitego
19:40
38' Danny na none
Ronald Ssekiganda ahushije umupira ufashwe na Ndikumana Danny uwinjiranye, awuteye ukora kuri myugariro wa APR FC ujya muri koruneri.
Gasogi United iri kurusha cyane APR FC muri iyi minota.
19:39
37' Gasogi United yirangayeho na none
Muderi Akbar ahaye umupira Ndikumana Danny bari mu rubuga rw'amahina, awutera ku ruhande rw'izamu rya APR FC.
19:37
35' Gasogi United yirangayeho
Ndikumana Danny ananiwe kubyaza umusaruro umupira abonye asigaranye n'umunyezamu Hakiziamana Adolphe wasohotse, awutera hanze.
19:31
28' Gasogi United yokeje APR igitutu
Gasogi United igerageje imipira ibiri yikurikiranya igana ku izamu rya APR FC, ariko ba myugariro bayo barimo Niyomugabo Claude baritambika.
19:27
25' APR FC yari ifunguye amazamu
Nshimiyimana Yunussu yongeye gushyira umupira mu izamu, kuri iyi nshuro akoresheje umutwe, ariko Umusifuzi wa Mbere Wungirije, Mugabo Eric, agaragaza ko habayeho kurarira.
19:26
24' APR FC ihushije uburyo bwiza
Memel Dao yambuye umupira William Togui urobye umunyezamu Ndagijimana Leandre, ariko ashyiraho ukuguru, umupira ujya muri koruneri.
19:20
20' Nta kipe iratera mu izamu ry'indi
19:18
16' Coup-franc ya Gasogi United
Ssekiganda Ronald akoze umupira wari utewe na Kanamugire.
Ikosa rihanwe na Nkubana Marc, umupira ukinwe na Muderi Akbar n'umutwe ujya hanze.
Ikosa rihanwe na Nkubana Marc, umupira ukinwe na Muderi Akbar n'umutwe ujya hanze.
19:16
14' Coup-franc ya APR FC
Memel Dao akiniwe nabi Ngono Herve mu kibuga cya Gasogi United.
Ikosa rihanwe na Ruboneka Bosco, umupira ukorwa na Nshimiyimana Yunussu mbere y'uko awutera mu izamu.
Umusifuzi wo ku ruhande yahise azamura igitambaro.
Ikosa rihanwe na Ruboneka Bosco, umupira ukorwa na Nshimiyimana Yunussu mbere y'uko awutera mu izamu.
Umusifuzi wo ku ruhande yahise azamura igitambaro.
19:15
12' Coup-franc ya Gasogi United
Ishimwe Abdul akiniye nabi Muderi Akbar ahagana muri koruneri, hafi y'urubuga rw'amahina.
Ikosa rihanwe na Kanamugire Arsene, umupira ujya hejuru y'izamu rya APR FC.
19:11
10' Umupira watangiranye ishyaka
Abakinnyi ku mpande zombi bari gukinana imbaraga nyinshi muri uyu mugoroba urimo akayaga.
Kugeza ubu umupira uri gukinirwa cyane mu kibuga hagati, amakipe yombi agerageza gusatirana.
19:09
7' Uko Gasogi United na APR FC zaserutse kuri uyu mugoroba
19:06
5' Uburyo bwiza bwa APR FC
APR FC ihererakanyije neza mu rubuga rw'amahina rwa Gasogi United, Memel Dao ahinduye umupira mu izamu ashaka William Togui, ukurwamo na Ndagijimana Leandre uwushyize muri koruneri.
19:06
2' Kokoete ntiyishimiye icyemezo cy'umusifuzi
Kokoete Udo Ibioko ashatse gucenga Byiringiro Jean Gilbert amukuraho umupira agwa hasi, umusifuzi Rulisa Patience wari hafi aho arabyihorera.
Uyu mukinnyi ahagurutse agaragaza ko atishimiye ko badasifuye.
Uyu mukinnyi ahagurutse agaragaza ko atishimiye ko badasifuye.
19:03
1' Ouattara yari acitse Arsene
Rutahizamu wa APR FC, Djibril Ouattara, yari ashatse guhindura umupira mu izamu nyuma yo gusiga Kanamugire Arsene, ariko umupira uramurengana.
19:01
Umukino uratangiye
Umusifuzi Rulisa Patience atangije umukino.
APR FC itangiranye umupira, William Togui awusubiza inyuma kuri bagenzi be.
APR FC yambaye umweru hose mu gihe Gasogi Uited yambaye Orange hose.
APR FC itangiranye umupira, William Togui awusubiza inyuma kuri bagenzi be.
APR FC yambaye umweru hose mu gihe Gasogi Uited yambaye Orange hose.
18:54
Abakinnyi ba Gasogi United babanje mu kibuga
Ndagijimana Leandre
Hakim Hamiss
Kazindu Bahati Guy
Byiringiro Thierry
Ndikumana Danny
Ngono Guy Herve
Iradukunda Axel
Kanamugire Arsene
Muderi Akbar (C)
Kokoete Udo Ibioko
Nkubana Marc
18:44
Amakipe yombi yasoje kwishyushya
Abakinnyi ba APR FC na Gasogi United basubiye mu rwambariro nyuma yo kwishyushya.
Umukino uratangira mu minota mike iri imbere.
18:42
Abakinnyi ba APR FC babanje mu kibuga
Umutoza wa APR FC, Abderrahim Taleb, yahisemo kubanzamo:
Hakizimana Adolphe
Niyomugabo Claude (C)
Byiringiro Jean Gilbert
Ishimwe Abdul
Nshimiyimana Yunussu
Ronald Ssekiganda
Ruboneka Bosco
Memel Dao
Djibril Ouattara
Mugisha Gilbert
William Togui
Abasimbura: Ruhamyankiko, Bugingo, Souane, Omborenga, Iraguha, Omedi, Kiwanuka, Niyibizi na Mamadou Sy.
18:17
Gasogi United na APR FC zihuriye muri 1/4 cy'Igikombe cy'Amahoro ku nshuro ya gatatu yikurikiranya
Mu 2025, APR FC yasezereye Gasogi United nyuma yo kunganya ubusa ku busa, iyikuramo ku giteranyo cy’igitego 1-0 mu mikino ibiri ya 1/4 cy’Igikombe cy’Amahoro.
Ubwo amakipe yombi yari yahuriye muri 1/4 cy’Igikombe cy’Amahoro mu 2024, Gasogi United yasezereye APR FC iyitsinze penaliti 4-3.
Imikino ibiri amakipe yombi yari yahuyemo, yombi yari yarangiye ari ubusa ku busa.
Ubwo amakipe yombi aheruka guhura muri Shampiyona ku wa 4 Gashyantare, APR FC yatsinze Gasogi United ibitego 3-0.
Ubwo amakipe yombi yari yahuriye muri 1/4 cy’Igikombe cy’Amahoro mu 2024, Gasogi United yasezereye APR FC iyitsinze penaliti 4-3.
Imikino ibiri amakipe yombi yari yahuyemo, yombi yari yarangiye ari ubusa ku busa.
Ubwo amakipe yombi aheruka guhura muri Shampiyona ku wa 4 Gashyantare, APR FC yatsinze Gasogi United ibitego 3-0.
18:12
Uko imikino ibanza yagenze
Mu mikino ibanza ya 1/4 cy'Igikombe cy'Amahoro yabaye ku gicamunsi, AS Kigali yanganyije na Gorilla FC ubusa ku busa naho Bugesera FC itsinda Etincelles FC igitego 1-0 cyinjijwe na Umar Abba.
18:08
Abakinnyi ba APR FC bagera kuri Stade
18:08
Ikaze kuri Kigali Pele Stadium
IGIHE ibahaye ikaze kuri Stade ya Kigali yitiriwe Pele, ahagiye kubera umukino ubanza wa 1/4 cy'Igikombe cy'Amahoro hagati ya Gasogi United na APR FC.
Gasogi United yasezereye Musanze FC mu gihe APR FC yakuyemo Kiyovu Sports.
Umukino uratangira Saa 19:00.