Police FC 0-0 Rayon Sports
Uko umukino uri kugenda
Umwanditsi |
: Iradukunda Olivier & Eric Tony Ukurikiyimfura |
Amafoto |
: Umwari Sandrine |
21:07
Reba hano ibyaranze umukino
17:07
Umukino ukurikira uzaba mu cyumweru gitaha
Rayon Sports izakira Police FC mu cyumweru gitaha mu mukino uzaba ku wa Kane, tariki ya 19 Werurwe 2026, kuri Kigali Pele Stadium.
17:00
90+5' Umukino urarangiye
17:00
90+5' Rayon Sports ihushije amahirwe ya nyuma
Rukundo Onesime akuyemo coup-franc yari itewe na Ndayishimiye Richard, Rushema asobyamo uca hejuru.
16:58
90+4' Ikarita y'umutuku kuri Police FC
Richard Kilongozi ahawe ikarita y'umuhondo ya kabiri nyuma yo gukorera ikosa Aziz Bassane, ahita yerekwa umutuku.
16:56
90+2' Rayon Sports ihushije uburyo
Tony Kitoga ateye ishoti mu izamu Nsabimana Zidane akozaho umutwe ujya muri koruneri.
16:54
90' Iminota ine y'inyongera
Umukino wongeweho iminota ine y'inyongera kuri 90 y'umukino.
16:54
Mugisha Didier yavuye mu kibuga yavunitse nyuma yo gusimbura
16:52
88' Ikarita y'umuhondo kuri Police FC
Henry Msanga ahawe ikarita y'umuhondo nyuma yo gukorera ikosa Fall Ngagne.
16:51
86' Police FC ibuze igitego
Byiringiro Lague ateye coup-franc ya Police FC, Issa Yakubu ashyira ku mutwe habura gato ngo umupira ujye mu izamu kuko Kwizera Olivier yari yasohotse nabi.
16:49
85' Police FC ihawe ikarita y'umuhondo
Richard Kilongozi ahawe ikarita y'umuhondo nyuma yo kubwira nabi abasifuzi.
Ni nyuma y'uko yari akuruwe na Fall Ngagne utahanwe.
Ni nyuma y'uko yari akuruwe na Fall Ngagne utahanwe.
16:48
84' Police FC irarokotse
Rukundo Onesime akuyemo ishoti rikomeye ryaro ritewe na Ndikumana Asman wa Rayon Sports.
16:47
83' Police FC irsimbuje
Ingabire Christian asimbuye Ekeson Okorie wa Police FC.
16:46
82' Police FC yirangayeho
Ekeson Ekori, Byiringiro Lague na Rudasingwa Prince babuze igitego bari imbere y'izamu nyuma yo guhuzagurika kugeza umupira ubarenganye.
16:41
77' Coup-franc ya Rayon Sports
Fall Ngagne ashyizwe hasi na Richard Kilongozi wa Police FC, hatangwa ikosa.
16:40
75' Rwabuze gica i Nyamirambo
16:39
75' Police FC ihushije igitego
Byiringiro Lague ashatse gutungura umunyezamu wa Rayon Sports ariko ishoti ateye rinyura hafi y'izamu gato.
16:36
72' Rayon Sports irasimbuje
Ndikumana Asman wa Rayon Sports asimbuye Mugisha Didier wavunitse ndetse agasohorwa ku ngombyi.
16:35
72' Police FC irasimbuje
Byiringiro Lague na Rudasingwa Prince basimbuwe na Kwitonda Alain na Ani Elijah ba Police FC.
16:32
67' Umukino uhagazeho gato
Mugisha Didier aryamye hasi asaba ko abaganga baza kumwitaho mu kibuga mu gihe umukino uhagazeho gato.
16:31
66' Police FC yirangayeho
Ekeson Okorie akinnye neza yinjira mu rubuga rw'amahina, ahereza umupira Kwitonda Alain, ariko ananirwa gushyira mu izamu ari wenyine.
16:30
65' Abafana basubiye mu myanya yabo
Imvura irahise abafana basubira mu myanya yabo y'ahasanzwe hadatwikiriye.
16:28
64' Coup-franc ya Police FC
Police FC ibonye coup-franc ivuye ku ikosa rikorewe Ani Elijah, ariko Rayon Sports yirwanaho.
16:27
62' Kwizera Olivier yari atanze ikipe
Umunyezamu wa Rayon Sports, Kwizera Olivier, yari ashatse gucenga Ani Elijah habura gato ngo awumwambure.
16:26
Imvura yahise
Nyuma y'iminota irindwi, imvura yagabanyutse i Nyamirambo ndetse bamwe mu bafana basubiye mu byicaro byabo ahadatwikiriye.
16:25
60' Rayon Sports ihushije uburyo
Ishimwe Ganijuru wa Rayon Sports ateye ishoti rikomeye rinyura hejuru y'izamu gato.
16:24
58' Coup-franc ya Rayon Sports
Issa Yakubu akiniye nabi Fall Ngagne, hatangwa coup-franc, itewe igwa mu rukuta Aziz Bassane asobyamo ariko umupira bushyirwa muri koruneri.
16:20
56' Rayon Sports irasimbuje
Rayon Sports ishyize mu kibuga Tony Kitoga na Mugisha Didier, ikuramo Bigirimana Abedi na Sindi Paul.
16:18
53' Imvura ikuye bamwe mu byicaro
Imvura iguye kuri Kigali Pelé Stadium, abafana bose bajya mu myanya itwikiriye.
16:16
52' Fall Ngagne agerageje uburyo bw'igitego
Fall Ngagne ahawe umupira na Ndayishimiye Richard, arahindukira atera mu izamu ariko uca hejuru cyane y'izamu.
16:16
Police FC yahagurukije abakinnyi batanu
Ishimwe Christian, Aboubakar Kamanzi, Iradukunda Simeon, Byiringiro Lague na Rudasingwa Prince ni bo bari kwishyushya ku ruhande rwa Police FC.
16:14
50' Koruneri ya Police FC
Rushema Chris arengeje umupira Ani Elijah yari ashatse gutera mu izamu rya Rayon Sports, hatangwa koruneri itagize icyo itanga.
16:13
Rayon Sports iri gushyushya abakinnyi bane
Tony Kitoga, Ndikumana Asman, Habimana Yves na Mugisha Didier bari kwishyushya ku ruhande rwa Rayon Sports.
16:12
48' Igice cya kabiri gitangiye amakipe ari hasi
Amakipe yombi ntabwo atangiranye amashagaga yo gushaka igitego, ahubwo umupira uri kurenga cyane n'amakosa menshi.
16:09
46' Igice cya kabiri kiratangiye
15:59
Habuze ikipe ikosora indi!
Iminota 45 ibanza y'umukino uri guhuza Police FC na Rayon Sports mu Gikombe cy'Amahoro yaranzwe no gusatirana ku mpande zombi, ariko abakinnyi basatira bananirwa kubyaza umusaruro uburyo babonye.
Rayon Sports yashoboraga gufungura amazamu hakiri kare ariko Fall Ngagne, Sindi Paul Jesus na Aziz Bassane bagorwa no kubyaza umusaruro uburyo babonye muri Police FC yagaragaje guhuzaguruka mu kugarira.
Ni mu gihe Ani Elijah, Kwitonda Alain Bacca na Gakwaya Leonard na bo bahushije uburyo bwiza ku ruhande rwa Police FC.
Nubwo yatabaye Rayon Sports kenshi, Kwizera Olivier yakoze ikosa ryashoboraga kuvamo igitego ku mupira yihereye Ekeson Okorie, ku bw'amahirwe abakinnyi baganzi be barahagoboka.
Byitezwe ko Rayon Sports itangirana impinduka mu gice cya kabiri, Bigirimana Abedi wari wasabye gusimburwa ku munota wa 33, agaha umwanya Tony Kitoga wari wamaze kwambara.
Rayon Sports yashoboraga gufungura amazamu hakiri kare ariko Fall Ngagne, Sindi Paul Jesus na Aziz Bassane bagorwa no kubyaza umusaruro uburyo babonye muri Police FC yagaragaje guhuzaguruka mu kugarira.
Ni mu gihe Ani Elijah, Kwitonda Alain Bacca na Gakwaya Leonard na bo bahushije uburyo bwiza ku ruhande rwa Police FC.
Nubwo yatabaye Rayon Sports kenshi, Kwizera Olivier yakoze ikosa ryashoboraga kuvamo igitego ku mupira yihereye Ekeson Okorie, ku bw'amahirwe abakinnyi baganzi be barahagoboka.
Byitezwe ko Rayon Sports itangirana impinduka mu gice cya kabiri, Bigirimana Abedi wari wasabye gusimburwa ku munota wa 33, agaha umwanya Tony Kitoga wari wamaze kwambara.
15:50
45+5' Igice cya mbere kirarangiye
15:50
45+4' Ikarita y'umuhondo kuri Police FC
Udahemuka Jean de Dieu yeretswe ikarita y'umuhondo nyuma yo gukinira nabi Sindi Jesus.
15:49
45+3' Rayon Sports irarokotse
Ani Elijah ahereje umupira Gakwaya Leonard, ateye mu izamu Kwizera Olivier arirambura atabara Rayon Sports awushyira muri koruneri itagize icyo itanga.
15:47
45+2' Coup-franc ya Police FC
Kwitonda Alain akiniwe nabi na Faustin Likau, hatangwa ikosa.
15:46
45+1' Ikarita y'umuhondo kuri Rayon Sports
Uwumukiza Obed akiniye nabi Ekeson Okorie, yerekwa ikarita y'umuhondo.
15:45
45' Iminota itanu y'inyongera
Umukino wongeweho iminota itanu y'inyongera nyuma y'uko 45 y'igice cya mbere irangiye.
15:42
43' Umukino wageze mu minota ya nyuma
Umukino uri gukinwa iminota ya nyuma hashakwa igitego ku mpande zombi.
15:42
41' Rayon Sports ihushije igitego
Uwumukiza Obed ateye koruneri, Nshimiyimana Emmanuel ashyira ku mutwe uca hafi y'izamu gato.
15:40
40' Police FC ihushije igitego
Kwitonda Alain 'Bacca' abonye amahirwe imbere y'izamu ariko atera ishoti rikurwamo na Kwizera Olivier.
15:38
36' Koruneri ya Police FC
Police FC ibonye koruneri ebyiri zikurikiranya ariko ntizagira icyo zitanga.
15:36
35' Rayon Sports iri guhuzagurika
Rayon Sports ibonye amahirwe imbere y'izamu ariko guhererekanya umupira hagati ya Fall Ngagne, Aziz Bassane, Sindi Paul na Bigirimana Abedi bikaba ikibazo.
15:36
35' Bigirimana Abedi asabye gusimbuzwa
Bigirimana Abedi wari umaze ibyumweru bibiri adakina, wagarutse kuri uyu mukino, agaragaje ko akeneye kuva mu kibuga.
15:34
Ubwo Emery Bayisenge yavaga mu kibuga nyuma yo kuvunika
15:31
30' Police FC ibonye ikarita y'umuhondo
David Chimezie wa Police FC ahawe ikarita y'umuhondo nyuma yo gukinira nabi Sindi Paul wa Rayon Sports
15:30
29' Police FC iri gusatira Rayon Sports
Abakinnyi ba Police FC bari gukinira hafi y'urubuga rw'amahina rwa Rayon Sports bashaka kwiba umugono ngo batsinde igitego.
15:26
26' Rayon Sports irasimbuje
Nshimiyimana Emmanuel asimbuye Bayisenge Emery wavunitse.
15:26
25' Rayon Sports irarokotse
Ani Elijah yari yibye umugono abakinnyi ba Rayon Sports ariko Kwizera Olivier asohoka neza awukuramo.
15:24
Kabange yatangiye kwishyushya
Myugariro Nshimiyimana Emmanuel 'Kabange' yatangiye kwishyushya nyuma y'uko Emery Bayisenge ababaye ukuguru nyuma yo gusunikwa na Ani Elijah.
15:24
23' Bayisenge yababaye
Bayisenge Emery wa Rayon Sports ukiniwe nabi na Ani Elijah aryamye hasi hanze y'ikibuga, ari kuvurwa.
15:22
Umukino wahagaze iminota ine
Umunyezamu Kwizera Olivier yongeye gutangiza umukino nyuma y'iminota ine yari amaze yitabwaho n'abaganga ba Rayon Sports.
15:21
21' Kwizera Olivier yahagurutse
Kwizera Olivier wari wababaye amaze kuvurwa. umukino urakomeza.
15:19
18' Umukino uhagazeho gato
Kwizera Olivier wababaye ari kuvurwa mu gihe umukino uhagaze.
15:19
17' Umukino watangiye gufata injyana
Nyuma y'iminota 10 ya mbere amakipe yombi yakinaga nta mbaraga yashyizemo, kuri ubu yatangiye gusatirana.
15:18
16' Coup-franc ya Police FC
Elie Ganijuru wa Rayon Sports akoreye ikosa Kwitonda Alain wa Police FC, hatangwa Coup-franc itewe na Udahemuka Jean de Dieu, ariko ntiyagira icyo itanga kuko bakoreye ikosa Kwizera Olivier.
15:15
14' Kwizera Olivier atabaye Rayon Sports
Kwizera Olivier akuyemo umupira ukomeye wari utewe na Ekeson Okorie wa Police FC.
15:15
13' Coup-franc ya Police FC
Ani Elijah wa Police FC ashyizwe hasi mu kibuga hagati, hatangwa coup-franc.
15:15
13' Coup-franc ya Police FC
Ani Elijah wa Police FC ashyizwe hasi mu kibuga hagati, hatangwa coup-franc kuri Police FC.
15:12
12' Uko Police FC na Rayon Sports zaserutse kuri uyu wa Kane
15:12
11' Police FC irarokotse
Fall Ngagne ateye ishoti rikomeye mu izamu ku mupira yari ahawe na Aziz Bassane, Rukundo Onesime arirambura awukuramo.
15:11
10' Coup-franc ya Rayon Sports
Richard Kilongozi wa Police FC ashyize hasi Ishimwe Ganijuru Elie, hatangwa Coup-franc, isanga Bayisenge Emery ushyize ku mutwe ufatwa n'umunyezamu Rukundo Onesime.
15:11
10' Abafana si benshi i Nyamirambo
Nubwo ari umwe mu mikino mike ikomeye izagaragara mu Gikombe cy'Amahoro cy'uyu mwaka bitewe n'amazina y'amakipe ari gukina, abafana bitabiriye si benshi cyane.
Itike ya make yo kwinjira kuri uyu mukino ni 3000 Frw.
Gusa ntawakwirengagiza ko wabaye mu minsi y'akazi.
15:08
8' Koruneri ya Police FC
Rushema Chris arengeje umupira wari ushatse kuzamukanwa na Kwitonda Alain, hatangwa koruneri itagize icyo itanga.
15:06
5' Rayon Sports iri kugaririra imbere
Abakinnyi b'imbere ba Rayon Sports bagera kuri bane, begereye cyane ubwugarizi bwa Police FC kugira ngo babushyireho igitutu, babubuze gusohora umupira.
Muri iyi minota ya mbere, umupira uri gukinirwa cyane mu kibuga cya Police FC.
Muri iyi minota ya mbere, umupira uri gukinirwa cyane mu kibuga cya Police FC.
15:06
5' Rayon Sports iri gusatira
Rayon Sports iri gukinira mu kibuga cya Police FC ishaka uko yinjira mu rubuga rw'amahina, ndetse ihusha n'igitego ku mupira Fall Ngagne yohereje mu izamu ushyirwa muri koruneri na Rukundo Onesime.
15:05
3' Police FC ihushije amahirwe y'igitego
Ekeson Okorie yakiriye umupira wari uhinduwe na Richard Kilongozi, ariko ananirwa kuwufunga neza ngo atere mu izamu, ufatwa na Kwizera Olivier.
15:03
2' Umukino watangiranye amakosa
Mu minota ibiri, umukino umaze guhagarara inshuro ebyiri kubera amakosa.
Bwa mbere ni Nsabimana Eric 'Zidane' wakiniye nabi Sindi Paul Jesus.
Ubwa kabiri ni Likau Faustin upfukamye ashyira umutwe hasi agaragaza ko yababaye, ariko ahita ahaguruka.
Bwa mbere ni Nsabimana Eric 'Zidane' wakiniye nabi Sindi Paul Jesus.
Ubwa kabiri ni Likau Faustin upfukamye ashyira umutwe hasi agaragaza ko yababaye, ariko ahita ahaguruka.
15:02
2' Coup-franc ya Rayon Sports
Issa Yakubu ashyize hasi Sindi Paul wa Rayon Sports, umusifuzi atanga coup-franc itagize icyo itanga.
15:00
1' Umukino uratangiye
14:55
Abasifuzi b'umukino
Murindangabo Moise araba ari umusifuzi wo hagati, akaza gufatanya na Mutuyimana Dieudone na Akimana Juliette bari mu mpande na Kayitare David nk'umusifuzi wa kane, mu gihe Rurangirwa Aaron ari komiseri w'umukino.
14:51
Amakipe yombi ategerejwe mu kibuga nyuma yo kwishyushya
Abakinnyi ba Police FC na Rayon Sports bategerejwe mu kibuga nyuma yo gusubira mu rwambariro kwambara imyambaro y'umukino.
14:48
Abakinnyi Police FC ibanza mu kibuga
Abakinnyi 11 Umutoza wa Police FC, Ben Moussa, yahisemo kubanza mu kibuga.
Rukundo Onesime
Jean De Dieu Udahemuka
David Chimezie
Eric Nsabimana
Issa Yakubu
Henry Msanga
Richard Kirongozi
Gakwaya Leonard
Alain Kwitonda
Ekeson Okorie
Ani Elijah
Rukundo Onesime
Jean De Dieu Udahemuka
David Chimezie
Eric Nsabimana
Issa Yakubu
Henry Msanga
Richard Kirongozi
Gakwaya Leonard
Alain Kwitonda
Ekeson Okorie
Ani Elijah
14:42
Uko indi mikino ibanza ya 1/4 yagenze:
Gorilla FC 0-0 AS Kigali
Bugesera FC 1-0 Etincelles FC
Gasogi United 1-0 APR FC
Imikino yo kwishyura izakinwa mu cyumweru gitaha hagati.
14:29
Abakinnyi Rayon Sports ibanza mu kibuga
Abakinnyi 11 Umutoza wa Rayon Sports, Bruno Ferry, yahisemo kubanza mu kibuga.
Kwizera Olivier
Obed Uwumukiza
Ganijuru Elie
Emery Bayisenge
Rushema Chris
Likau Faustin
Bassane Aziz
Abedi Bigirimana
Fall Ngagne
Richard Ndayishimiye
Jesus Sindi
Kwizera Olivier
Obed Uwumukiza
Ganijuru Elie
Emery Bayisenge
Rushema Chris
Likau Faustin
Bassane Aziz
Abedi Bigirimana
Fall Ngagne
Richard Ndayishimiye
Jesus Sindi
14:23
Ikaze kuri Kigali Pelé Stadium
IGIHE ibahaye ikaze mu mukino wa 1/4 cy'Igikombe cy'Amahoro uza guhuza Police FC yakiriye Rayon Sports kuri Kigali Pelé Stadium.
Umukino uratangira saa 15:00.
Umukino uratangira saa 15:00.
