APR FC 2-0 Musanze FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
21:12
Abafana ba APR FC barishimye
APR FC yari imaze imikino itatu yikurikiranya idatsinda ndetse kuri uyu wa Gatandatu yagaragaje guhatana kwihariye, bitandukanye n'uburyo yakinaga mu mikino iheruka.
20:48
APR FC isubiye ku mwanya wa mbere
Ibitego bya Ronald Ssekiganda na William Mel Togui byafashije APR FC gutsinda Musanze FC 2-0, ifata umwanya wa mbere n'amanota 46, irusha inota rimwe Al-Hilal SC ya kabiri.
APR FC imaze gukina imikino 24 mu gihe Al-Hilal yakinnye imikino 21.
Musanze FC yagumye ku mwanya wa karindwi n'amanota 33.
20:45
Umukino urarangiye
20:44
90+3' Igitego cya kabiri cya APR FC
William Togui ashimangiye intsinzi ya APR FC.
20:43
90+2' Musanze FC yirangayeho
Abakinnyi ba Musanze FC barimo Bioko na Niyitanga bagerageje uburyo bubiri, ariko ntibugize icyo butanga.
20:41
90' Iminota ine y'inyongera
Musanze FC iri gushaka igitego cyo kwishyura mu gihe APR FC ishaka icy'umutekano.
20:40
88' Gusimbuza
Memel Dao na Djibril Ouattara basimbuwe na Mugisha Gilbert na Mamadou Sy.
20:37
86' Gusimbuza
Kwihangana Cedekia asimbuye Ntijyinama Patrick ku ruhande rwa Musanze FC.
20:37
85' Coup-franc nziza ya Musanze FC
Bizimungu Omar ahannye ikoa ryakozwe na Dao, umupira ukubita mu rukuta mbere yo kurenzwa na Ssekiganda.
20:35
84' Ikarita y'umuhondo
Memel Dao ahawe ikarita y'umuhondo akiniye nabi Ntijyinama Patrick inyuma y'urubuga rw'amahina.
20:31
80' Umukino winjiye mu minota 10 ya nyuma
20:31
79' Ikarita y'umuhondo
Katembo Lubula Delovin ahawe ikarita y'umuhondo abwiye nabi umusifuzi nyuma yo gukinira nabi Ruboneka Bosco mu kibuga hagati.
20:29
78' Gusimbuza
Dauda Yussif asimbuwe na Ruboneka Bosco ku ruhande rwa APR FC.
20:28
77' Umukino uhagaze gato
Umusifuzi Nshimiyimana Remy Victor ahagaritse umukino ngo havurwe umukinnyi wa Musanze FC ugonganye na Ishimwe Abdul bagakubitana imitwe.
20:25
74' APR FC yirangayeho
Niyomugabo Claude ahinduye umupira mwiza mu rubuga rw'amahina, ugeze kuri Ouattara awutera nabi, uridunda ujya hejuru y'izamu.
20:23
73' Gusimbuza
Mutsinzi Charles asimbuye Munyurangabo Leonidas ku ruhande rwa Musanze FC.
20:21
69' Igitego cya APR FC
Ronald Ssekiganda afunguye amazamu i Nyamirambo, ku ruhande rwa APR FC, ku mupira umuguyeho uvuye ku mukinnyi wa Musanze FC.
Wari umupira uvuye muri koruneri yatewe na Memel Dao.
Wari umupira uvuye muri koruneri yatewe na Memel Dao.
20:19
68' Gusimbuza
Hakim Kiwanuka asimbuye Denis Omedi ku ruhande rwa APR FC.
20:16
Ubwo Ouattara yahushaga penaliti yabonetse ku munota wa 50
20:14
63' Uburyo bwa APR
Denis Omedi ahawe umupira ari mu rubuga rw'amahina, awuteye n'umutwe ufatwa neza na Nsabimana Jean de Dieu.
20:12
61' Umukino uhagaze gato
Kapiteni wa Musanze FC, Ntijyinama Patrick, asabye kwitabwaho n'abaganga nyuma yo kugongana n'abakinnyi ba APR FC.
20:07
56' Gusimbuza
Christivie Bioko asimbuye Hakizimana Thity ku ruhande rwa Musanze FC.
20:02
51' Ouattara ahushije penaliti
Rutahizamu wa APR FC, Djibril Ouattara, ahushije penaliti yari ahawe, atera umupira hejuru kure y'izamu rya Musanze FC.
20:01
50' Penaliti ya APR FC
Marcel Dikoume akiniye nabi Ouattara wari winjiye mu rubuga rw'amahina.
19:57
46' Uburyo bwa APR FC
Dauda Yussif ateye ishoti rya kure ashaka gutungura umunyezamu, ukora ku mukinnyi wa Musanze FC ujya muri koruneri.
Dao awusubije mu kibuga, ukurwamo na Nsabimana Jean de Dieu.
Dao awusubije mu kibuga, ukurwamo na Nsabimana Jean de Dieu.
19:56
46' Igice cya kabiri cyatangiye
Musanze FC yatangiranye umupira, iwambukanye ikibuga uhita ufatwa na APR FC yatangiye gusatira.
19:41
Igice cya mbere kirarangiye
Umusifuzi wo hagati Nshimiyimana Remy Victor asoje igice cya mbere mu gihe hari hashize umunota umwe gusa mugenzi we yerekanye iminota ine y'inyongera.
Gusa ni iminota yerekanywe hashize indi itatu cyangwa ine kuri 45.
Gusa ni iminota yerekanywe hashize indi itatu cyangwa ine kuri 45.
19:40
45' Iminota y'inyongera
Umusifuzi wa Kane yerekanye iminota ine y'inyongera.
APR FC iri gusatira ishaka igitego.
APR FC iri gusatira ishaka igitego.
19:37
45' Coup-franc ya APR FC
Dauda Yussif akiniwe nabi na Katembo mu kibuga cya Musanze FC.
Ikosa rihanwe na Dauda ubwe, umupira ukubita mu rukuta, ugarukiye Byiringiro Jean Gilbert atera ishoti rigiye ku ruhande.
Ikosa rihanwe na Dauda ubwe, umupira ukubita mu rukuta, ugarukiye Byiringiro Jean Gilbert atera ishoti rigiye ku ruhande.
19:34
41' Ikarita y'umuhondo
Kapiteni wa Musanze FC, Ntijyinama Patrick, ahawe ikarita y'umuhondo nyuma yo gushyamirana na Ronald Ssekiganda wa APR FC.
19:34
41' Ikarita y'umuhondo
Ronald Ssekiganda ahawe ikarita y'umuhondo kubera gushyamirana na Kapiteni wa Musanze FC, Ntijyinama Patrick.
19:33
40' Umunyezamu wa Musanze FC aratabaye
Umunyezamu Nsabimana Jean de Dieu akinnye neza, abuza Denis Omedi gutsinda mu gihe bari basigaranye ari babiri.
19:27
35' APR FC ihushije uburyo bwabazwe
Djibril Ouattara ahinduye umupira mwiza mu rubuga rw'amahina, Denis Omedi awuteye n'umutwe ujya hejuru gato y'izamu rya Musanze FC.
19:25
33' Mukengele atabaye Musanze FC
Dauda Yussif yari ahaye umupira mwiza Ouattara mu rubuga rw'amahina, Mukengele Christian arahagoboka awushyira muri koruneri.
19:21
30' Amwe mu mafoto y'umukino
19:19
28' Coup-franc ya APR FC
Dauda Yussif ateye coup-franc ya APR FC ahana ikosa ryakorewe Dao, umupira ujya mu biganza bya Nsabimana Jean de Dieu.
19:15
Abakinnyi bari kwishyushya
Abakinnyi ba APR FC, aba Musanze FC ndetse n'abasifuzi, bose bari gushyushya amaguru mu gihe amatara yatangiye gusubiraho ku buryo umukino usubukurwa mu minota mike.
19:13
Amatara ashobora gusubiraho vuba
Hashize iminota 15 umuriro uvuyeho, ariko hacanwe moteri ya Kigali Pele Stadium.
Amatara y'iyi stade yaka mu minota 15, yatangiye gusubiraho.
Amatara y'iyi stade yaka mu minota 15, yatangiye gusubiraho.
18:58
Umuriro urabuze i Nyamirambo
Mu gihe APR FC yiteguraga guhana ikosa, Kigali Pele Stadium yongeye kubura umuriro, amatara arazima.
Umukino ugeze ku munota wa 27.
Umukino ugeze ku munota wa 27.
18:57
26' Ikarita y'umuhondo
Bizimungu Omar ahawe ikarita y'umuhondo akuruye Memel Dao wasatiraga urubuga rw'amahina.
18:55
25' Amakipe yombi aracyashaka igitego
18:54
22' APR FC yongeye kwirangaraho
Denis Omedi William Togui na Ouattara bananiwe kubyaza umusaruro uburyo babonye imbere y'izamu rya Musanze FC, umupira utewe n'uyu Munya-Cote d'Ivoire ujya hanze.
18:53
21' Uburyo bwa Musanze FC
Katembo Lubila ahannye ikosa ryakozwe na Ishimwe Abdul, umupira ateye usanga Mukengele uwutanze umunyezamu Hakizimana Adolphe, ku bw'amahirwe make ujya hejuru y'izamu.
18:51
20' Umukino urimo amakosa menshi
Abakinnyi b'amakipe yombi bari gukinisha imbaraga nyinshi, ibiri gutuma habamo amakosa ya buri kanya.
Umukino wongeye guhagarara havurwa Niyitanga Emmanuel.
Umukino wongeye guhagarara havurwa Niyitanga Emmanuel.
18:49
17' APR FC yirangayeho
Djibril Ouattara ananiwe kubyaza umusaruro umupira utewe nabi na Mukengele Christian, ashatse kuroba umunyezamu Nsabimana Jean de Dieu, awutera hejuru y'izamu.
18:46
15' Umukino wagabanyije umuvuduko
Muri iyi minota, amakipe yombi ntakiri gukina umupira wo hasi, ahubwo ari gutera imipira yo hejuru.
Musanze FC yatinyutse itangira gukina.
Musanze FC yatinyutse itangira gukina.
18:42
10' Dauda yagarukanye amashoti ya kure
Dauda Yussif uzwiho gutera amashoti ya kure, yatangiye kuyagerageza i Nyamirambo.
Gusa umupira ateye unyuze ku ruhande rw'izamu rya Musanze FC.
Gusa umupira ateye unyuze ku ruhande rw'izamu rya Musanze FC.
18:40
8' Umukino wasubukuwe
Denis Omedi yavuwe ajya hanze y'ikibuga kugira ngo abanze amere neza.
APR FC n'ubundi iracyasatira, ariko Ouattara wari uguye mu rubuga rw'amahina abwiwe ko nta kosa yakorewe.
APR FC n'ubundi iracyasatira, ariko Ouattara wari uguye mu rubuga rw'amahina abwiwe ko nta kosa yakorewe.
18:37
7' Uko APR FC na Musanze FC zarutse kuri uyu mugoroba
18:36
5' Umukino uhagaze gato
Umukino ubaye uhahaze mu gih hari kuvurwa umukinnyi wa APR FC, Denis Omedi, uryamye hasi.
18:35
5' Uburyo bwa APR FC
Djiril Ouattara yinjiranye umupira, awuha Memel Dao uteye ishoti rigendera hasi, rifatwa neza n'umunyezamu Nsabimana Jean de Dieu.
18:33
2' APR FC iri gukinira mu kibuga cya Musanze FC
Muri iyi minota ibanza, APR FC iri gusatira no gusunika Musanze FC, ao iri gukinira mu kibuga cyayo.
Denis Omedi agerageje ishoti ari inyuma y'urubuga rw'amahina, umupira ujya hejuru kure cyane.
Denis Omedi agerageje ishoti ari inyuma y'urubuga rw'amahina, umupira ujya hejuru kure cyane.
18:30
Umukino uratangiye
Umusifuzi Nshimiyimana Remy Victor atangije umukino.
Umupira utangiranywe na APR FC, William Togui asubiza inyuma kuri bagenzi be.
Umupira utangiranywe na APR FC, William Togui asubiza inyuma kuri bagenzi be.
18:22
Umukino ushobora gusubiza APR FC ku mwanya wa mbere
Gutsinda Musanze FC kuri uyu wa Gatandatu biratuma APR FC isubira ku mwanya wa mbere by'agateganyo, inyuze ku makipe abiri yo muri Sudani ayiri imbere.
Al Hilal SC iri muri Maroc, aho ifitanye umukino na RS Berkane kuri uyu mugoroba muri 1/4 cya CAF Champions League, iri ku mwanya wa mbere n'amnota 45 mu mikino 21 imaze gukina.
APR FC yo imaze gukina imikino 23 ndetse uyu wa Musanze FC ni uwa 24.
18:15
Abasifuzi b'umukino
Nshimiyimana Remy Victor ni we uyobora umukino ugiye guhuza APR FC na Musanze FC.
Abasifuzi bo ku ruhande ni Maniragabo Valery na Nsabimana Patrick.
Umusifuzi wa Kane ni Mukiza Patrick naho Komiseri w'Umukino ni Kayijuka Pascal.
18:10
APR FC yasubiye ku cyo yanze, igarura Dauda Yussif
Nyuma y'ibyumweru bibiri n'igice yoherejwe gukorera mu ikipe y'abato kubera gusiba umukino wa Kiyovu Sports, Dauda Yussif yongeye kugirirwa icyizere cyo gukina, abanzamo ku mukino wa Musanze FC.
Uyu mukinnyi ukomoka muri Ghana, yasubukuye imyitozo ku wa Kabiri, ariko ntiyifashishwa ku mukino wa Gasogi United mu Gikombe cy'Amahoro.
Amakuru IGIHE yamenye ni uko abatoza ba APR FC ari bo basabye ubuyobozi kubabarira uyu mukinnyi.
APR imaze imikino itatu idatsinda nyuma yo kunganya na Kiyovu Sports na Marine FC no gutsindwa na Gasogi United ndetse abakinnyi bayo bo hagati bamaze iminsi bagaragaza igisa n'umunaniro.
Kugira Dauda Yussif bishobora gutanga ibindi bisubizo hagati mu kibuga.
Uyu mukinnyi ukomoka muri Ghana, yasubukuye imyitozo ku wa Kabiri, ariko ntiyifashishwa ku mukino wa Gasogi United mu Gikombe cy'Amahoro.
Amakuru IGIHE yamenye ni uko abatoza ba APR FC ari bo basabye ubuyobozi kubabarira uyu mukinnyi.
APR imaze imikino itatu idatsinda nyuma yo kunganya na Kiyovu Sports na Marine FC no gutsindwa na Gasogi United ndetse abakinnyi bayo bo hagati bamaze iminsi bagaragaza igisa n'umunaniro.
Kugira Dauda Yussif bishobora gutanga ibindi bisubizo hagati mu kibuga.
18:06
APR FC na Musanze FC zikomeje kwishyushya
18:03
Abakinnyi ba Musanze FC babanje mu kibuga
Umutoza wa Musanze FC, Ruremesha Emmanuel, yahisemo kubanzamo:
Nsabimana Jean De Dieu
Ntijyinama Patrick (C)
Mukengere Christian
Yvan Marcel Dikoume Koutaye
Tuyishime Rodrigue
Niyitanga Emmanuel
Munyurangabo Leonidas
Bizimungu Omar
Hakizimana Tithy
Katembo Lubila Delovin
Tuyisenge Pacifique
Nsabimana Jean De Dieu
Ntijyinama Patrick (C)
Mukengere Christian
Yvan Marcel Dikoume Koutaye
Tuyishime Rodrigue
Niyitanga Emmanuel
Munyurangabo Leonidas
Bizimungu Omar
Hakizimana Tithy
Katembo Lubila Delovin
Tuyisenge Pacifique
18:00
Abakinnyi ba APR FC babanje mu kibuga
Umutoza wa APR FC, Abderrahim Taleb, yahisemo gukoresha:
Hakizimana Adolphe
Byiringiro Jean Gilbert
Niyomugabo Claude (C)
Nshimiyimana Yunussu
Ishimwe Abdul
Dauda Yussif
Ssekiganda Ronald
Memel Raouf Dao
Djibril Ouattara
Denis Omedi
William Mel Togui
Hakizimana Adolphe
Byiringiro Jean Gilbert
Niyomugabo Claude (C)
Nshimiyimana Yunussu
Ishimwe Abdul
Dauda Yussif
Ssekiganda Ronald
Memel Raouf Dao
Djibril Ouattara
Denis Omedi
William Mel Togui
17:58
Uko imikino yabanje yagenze:
Gasogi United 0-1 Bugesera FC
Etincelles FC 0-0 Rutsiro FC.
17:54
APR FC na yo yageze i Nyamirambo
17:52
Ubwo abakinnyi ba Musanze FC bageraga kuri Kigali Pele Stadium
17:51
Ikaze kuri Kigali Pele Stadium
Umugoroba mwiza! IGIHE ibahaye ikaze kuri Stade ya Kigali yitiriwe Umunya-Bresil Pele, ahagiye kubera umukino w'Umunsi wa 24 wa Shampiyona y'u Rwanda uhuza APR FC na Musanze FC.
APR FC imaze imikino itatu idatsinda mu marushanwa yose, iri ku mwanya wa gatatu n'amanota 43, irushwa amanota abiri na Al-Hilal SC ya mbere.
Musanze FC yatsinze umukino wahuje amakipe yombi mu mikino ibanza, ku bitego 3-2, iri ku mwanya wa karindwi n'amanota 33.
Umukino uratangira Saa 18:30.