Gorilla FC 1-1 Rayon Sports
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
20:23
AMASHUSHO: Reba ibyaranze umukino wa Gorilla FC na Rayon Sports
20:06
Umukino urarangiye
Gorilla FC inganyije na Rayon Sports igitego 1-1 mu mukino ubanza wa 1/2 cy'Igikombe cy'Amahoro.
Gikundiro izakira umukino wo kwishyura uzaba mu cyumweru gitaha.
Ku wa Kabiri, Etincelles FC yatsinzwe na APR FC ibitego 3-1 mu wundi mukino wa 1/2.
20:05
90+6' Rayon Sports yirangayeho
Ndayishimiye Richard ahannye ikosa, umupira awutera hasi, ugwa mu rukuta, uhita ukurwaho n'abakinnyi ba Gorilla FC.
20:02
90+4' Coup-franc nziza ya Rayon Sports
Ndikumana Asman akiniwe nabi ari inyuma y'urubuga rw'amahina.
Ni umupira afunze n'igituza, uhita ukurwaho na myugariro wa Gorilla FC ariko Remy Victor yagaragaje ko ari ikosa.
Ni umupira afunze n'igituza, uhita ukurwaho na myugariro wa Gorilla FC ariko Remy Victor yagaragaje ko ari ikosa.
20:00
90+2' Umukino uhagaze gato
Umukino wabaye uhagaze mu gihe hari kuvurwa myugariro wa Gorilla FC, Akayezu Jean Bosco, wagonganye n'abakinnyi ba Rayon Sports.
19:59
90+2' Rayon Sports ihushije uburyo bwiza
Ndikumana Asman ahinduye umupira witambikwa na myugariro wa Gorilla FC, usanga Ndayishimiye Richard uteye ishoti rikurwamo na Gad uhise wiyongeza afata umupira neza.
19:58
90' Iminota itanu y'inyongera
Umusifuzi wa Kane, Ishimwe Jean Claude 'Cucuri', yerekanye iminota itanu y'inyongera.
Umukino urasubukuwe.
Umukino urasubukuwe.
19:57
89' Umukino uhagaze gato
Umuganga wa Gorilla FC ahamagajwe mu kibuga kugira ngo avure Irakoze Darcy,
Ni mu gihe umusifuzi ahise ahamagaza abamukura ku kibuga ku ngobyi.
Ni mu gihe umusifuzi ahise ahamagaza abamukura ku kibuga ku ngobyi.
19:56
88' Gusatira kwa Gorilla FC
Irakoze Darcy ahinduye umupira mwiza mu rubuga rw'amahina, ariko Kwizera Olivier arasimbuka arawufata.
19:53
85' Abafana bamwe bihebye
19:53
84' Ikarita y'umuhondo
Ndayishimiye Richard ahawe ikarita y'umuhondo akiniye nabi Akayezu.
19:51
83' Gusatira kwa Gorilla FC
Irakoze Darcy ananiwe gutsindira Gorilla FC ku mupira atereye mu rubuga rw'amahina, ujya hanze unyuze ku izamu.
19:50
82' Ubundi buryo bwa Rayon Sports
Ndayishimiye Richard ahaye umupira Ganijuru Elie n'urutugu, atera ishoti rinyuze imbere gato y'izamu.
19:48
80' Umukino winjiye mu minota 10 ya nyuma
19:48
78' Uburyo bwa Rayon Sports
Bigirimana Abedi akinanye na Ndayishimiye Richard uteye ishoti rikomeye, umupira ujya ku ruhande rw'izamu.
19:45
75' Coup-franc ya Gorilla FC
Mosengo Tansele ahannye ikosa ryakozwe na Bigirimana Abedi wihanangirijwe, ariko habura mugenzi we uwukoraho mu rubuga rw'amahina.
19:41
72' Gusimbuza
Mugisha Didier asimbuwe na Sindi Paul Jesus ku ruhande rwa Rayon Sports.
19:40
72' Gusimbuza
Derrick asimbuye Nduwimana Franck ku ruhande rwa Gorilla FC.
19:39
70' Uburyo bwa Gorilla FC
Mosengo Tansele ahawe umupira na Kalifa, atera ishoti, umupira ushyirwa muri koruneri na Kwizera Olivier ubanje kuryama.
19:36
67' Ubwo habaga imvururu zasize batatu bahawe amakarita y'umuhondo
19:35
66' Rayon Sports ihushije uburyo bwabazwe
Habimana Yves ananiw kungukira ku makosa y'ubwugarizi n'umunyezamu Gad, umupira ubacitse awutera ku ruhande rw'izamu ryambaye ubusa.
19:33
65' Gorilla FC yirangayeho
Nduwimana Franck akinanye neza na Darcy mu rubuga rw'amahina, ateye ishoti rinyura imbere y'izamu rya Kwizera Olivier.
19:32
63' Rayon Sports ihushije uburyo bwabazwe
Ishimwe Ganijuru Elie ahinduye umupira mwiza mu rubuga rw'amahina, usanga Tambwe Gloire uwukinnye n'umutwe, umunyezamu Muhawenayo Gad arirambura awukuramo.
19:31
62' Ikarita y'umuhondo
Kalifa Traore ahawe ikarita y'umuhondo nyuma yo gutera umupira mu kirere kandi umusifuzi yamaze gusifura ikosa.
Gusa Gorilla FC ntiyishimiye iki cyemezo.
Gusa Gorilla FC ntiyishimiye iki cyemezo.
19:26
58' Ikarita y'umuhondo
Ndikumana Asman ahawe ikarita y'umuhondo nyuma yo gushyamirana na Akayezu.
19:25
57' Ikarita y'umuhondo
Emery Bayisenge ahawe ikarita y'umuhondo nyuma yo gushyamirana n'abakinnyi ba Gorilla FC barimo Akayezu wari ukiniye nabi mugenzi we.
19:25
55' Ikarita y'umuhondo
Akayezu Jean Bosco ahawe ikarita y'umuhondo akiniye nabi Tambwe Gloire.
19:21
52' Rayon Sports ibuze amahirwe
Ishimwe Ganijuru ateye umupira mu izamu, ukurwamo na Gad, usubizwamo na Yves, ugarurwa na myugariro, usubijwemo na Didier na bwo ukurwamo n'umukinnyi wa Gorilla FC mbere y'uko uyu Mugisha Didier awutera hejuru y'izamu.
19:17
48' Amakipe yombi yakaniye
Gorilla FC na Rayon Sports zinjiye mu gice cya kabiri zikinisha imbaraga nyinshi, aho ubona ko zishaka gutanguranwa igitego cya kabiri.
19:13
46' Igice cya kabiri cyatangiye
Gorilla FC yatangiranye umupira mu gice cya kabiri, ariko Nduwimana Franck ahita awutakaza kuri ba myugariro ba Rayon Sports.
18:57
Igice cya mbere kirarangiye
Igice cya mbere cy'umukino ubanza wa 1/2 cy'Igikombe cy'Amahoro kuri kubera kuri Kigali Pele Stadium, kirangiye Gorilla FC inganya na Rayon Sports igitego 1-1.
18:55
45+3' Igitego cya Rayon Sports
Moussa Omar akiniye nabi Mugisha Didier hafi y'urubuga rw'amahina.
Ikosa rihanwe na Ndayishimiye Richard, umupira uruhukira mu izamu.
Gorilla FC 1-1 Rayon Sports.
Ikosa rihanwe na Ndayishimiye Richard, umupira uruhukira mu izamu.
Gorilla FC 1-1 Rayon Sports.
18:52
45+1' Ikarita y'umuhondo
Habimana Yves ahawe ikarita y'umuhondo kubera kutishimira ko Umusifuzi Remy Victor asifuye ko yakoreye ikosa myugariro wa Gorilla FC wari umutwaye umupira.
18:51
45' Iminota itatu y'inyongera
Umusifuzi wa Kane, Ishimwe Jean Claude 'Cucuri' yerekanye iminota itatu y'inyongera.
Rayon Sports iri gusatira ishaka igitego cyo kwishyura.
Rayon Sports iri gusatira ishaka igitego cyo kwishyura.
18:50
44' Ndikumana Asman bamuciriyeho umupira
Rutahizamu wa Rayon Sports, Ndikumana Asman, kuri ubu yambaye umupira ucitse ku kuboko nyuma yo kugundagurana n'abakinnyi ba Gorilla FC hagiye guterwa koruneri.
Umusifuzi nta kosa yasifuye.
Umusifuzi nta kosa yasifuye.
18:46
40' Gorilla FC ntinyuzwe n'imisifurire
Abakinnyi ba Gorilla FC bari kwereka abasifuzi ko bari gukinirwa nabi ariko bo bakabyirengagiza.
18:42
36' Gorilla FC ihushije uburyo bwiza
Franck na Kalifa Traore bakinanye neza, ariko umupira utewe n'uyu Munya-Mali ushyirwa muri koruneri na Uwumukiza Obed.
18:41
35' Umukino wongeye guhagarara
Umunyezamu wa Gorilla FC, Muhawenayo Gad, ahamagariwe umuganga kugira ngo amwiteho nyuma yo gufata umupira wari mu kirere awufatiye hejuru y'abakinnyi be n'aba Rayon Sports.
18:39
Remy Victor ntabwo asifura ibibonetse byose
Ibyo benshi babona ko ari amakosa si ko Umusifuzi wo hagati Nshimiyimana Remy Victor ari kubibona.
Gusa ni ku mpande zombi, haba kuri Gorilla FC no kuri Rayon Sports.
18:34
30' Umukino washyushye ku mpande zombi
18:32
25' Uburyo bwa Gorilla FC
Darcy ahinduye umupira mwiza mu izamu rya Rayon Sports, Kwizera ntiyawukurikira, ku bw'amahirwe ye ujya ku ruhande ariko ukaba washoboraga kujya mu izamu.
18:29
23' Umukino uhagaze gato
Umuganga wa Gorilla FC ahamagawe mu kibuga kugira ngo avure umukinnyi wabo uryamye hafi y'urubuga rw'amahina rwa Rayon Sports.
18:26
20' Coup-franc ya Rayon Sports
Darcy akiniye nabi Obed, ikosa rihanwa na Ndayishimiye Richard ariko umupira ufatwa neza na Muhawenayo Gad.
18:24
17' Rayon Sports yashyize igitutu kuri Gorilla FC
Nyuma yo gutsindwa igitego, Rayon Sports yashyizemo imbaraga ndetse iri kwiharira umupira ishaka kwishyura, ariko Gorilla FC yaciye akarongo k'aho itarenga.
18:18
12' Gusatira kwa Rayon Sports
Ndayishimiye Richard ahinduye umupira mu izamu akinanye na Yves Habimana, usanga Tshimanga uwukinnye n'umutwe, ufatwa neza na Muhawenayo Gad.
Uyu munyezamu wa Gorilla FC ahise aryama hasi kuko yagonganye n'umukinnyi wa Rayon Sports.
Uyu munyezamu wa Gorilla FC ahise aryama hasi kuko yagonganye n'umukinnyi wa Rayon Sports.
18:17
Uko Gorilla FC na Rayon Sports zaserutse kuri uyu mugoroba
18:15
9' Igitego cya Gorilla FC
Ishimwe Ganijuru Elie akiniye nabi Akayezu Jean Bosco hafi ya koruneri.
Ikosa rihanwe na Mosengo Tansele, umupira usanga Akayezu uwukozeho, usanga Kanamugire Roger atsinda igitego.
18:11
6' Uburyo bwa Rayon Sports
Mosengo Tansele atakaje umupira ufashwe na Tambwe Gloire, ahita atera ishoti rirerire rijya hejuru y'izamu rya Gorilla FC.
18:10
4' Gorilla FC yifitiye icyizere
Rayon Sports yatangiranye gahunda yo gusatirira Gorilla FC imbere ariko iyi kipe ya Kirasa Alain nta gitutu cyinshi ifite cyo guhererekanya mu kibuga cyayo.
18:07
2' Gusatira kwa Rayon Sports
Uwumukiza Obed ahinduye umupira mwiza mu rubuga rw'amahina, ukinwa na Youssou Diagne n'umutwe, ku bw'amahirwe ye make ujya hejuru y'izamu.
18:05
Umukino uratangiye
Umusifuzi wo hagati Nshimiyimana Remy Victor atangije umukino.
Umupira wa mbere utewe na Ndikumana Asman wa Rayon Sports, awusubiza inyuma kuri bagenzi be.
Umupira wa mbere utewe na Ndikumana Asman wa Rayon Sports, awusubiza inyuma kuri bagenzi be.
18:03
Hafashwe umunota wo kwibuka
Mbere y'uko umukino utangira, abari kuri Kigali Pele Stadium bafashe umunota wo kwibuka Abatutsi bishwe muri Jenoside mu 1994.
18:03
Hafashwe umunota wo kwibuka
Mbere y'uko umukino utangira, abari kuri Kigali Pele Stadium bafashe umunota wo kwibuka Abatutsi bishwe muri Jenoside mu 1994.
17:49
Amakipe yombi yamaze kwishyushya
Abakinnyi ba Gorilla FC na Rayon Spors basubiye mu rwambariro nyuma yo kwishyushya.
Umukino uratangira mu minota mike iri imbere.
17:36
'Kit Manager' wa Gorilla FC yabanje kumena ibisa n'ifu mu kibuga
Ubwo Gorilla FC na Rayon Sports ziteguraga kwishyushya, mbere y'umukino ugiye kuzihuza mu Gikombe cy'Amahoro, umwe mu bashinzwe ibikoresho muri Gorilla FC yagaragaye amena ibisa n'ifu mu kibuga cya Kigali Pele Stadium.
17:35
Abakinnyi ba Gorilla FC babanje mu kibuga
Umutoza wa Gorilla FC, Kirasa Alain, yahisemo gukoresha:
Gad
Bosco
Kevin
Musa
Duru
Roger
Masudi
Mosengo
Darcy
Franck
Kalifa
17:33
Abakinnyi ba Rayon Sports babanje mu kibuga
Umutoza wa Rayon Sports, Haringingo Francis, yahisemo kubanzamo:
Kwizera Olivier
Uwumukiza Obed
Ganijuru Ishimwe Elie
Youssou Diagne (C)
Tshimanga Ramazani
Ndayishimiye Richard
Bigirimana Abedi
Tambwe Gloire
Ndikumana Asman
Mugisha Didier
Habimana Yves
17:28
Ikaze kuri Kigali Pele Stadium
IGIHE ibahaye ikaze kuri Stade ya Kigali yitiriwe Umunya-Bresil Pele, ahagiye kubera umukino ubanza wa 1/2 cy'Igikombe cy'Amahoro uhuza Gorilla FC na Rayon Sports.
Umukino uratangira Saa 18:00.
