Mukura Victory Sports 0-3 APR FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
03:45
AMASHUSHO: Uko bamwe mu bakinnyi ba APR FC bakiriye gutsinda Mukura VS
17:10
Abafana ba APR FC baranezerewe
APR FC irushwa amanota atandatu na Al-Hilal SC ya mbere, yashyizemo amanota 11 hagati yayo na Rayon Sports zihanganiye Igikombe cya Shampiyona ndetse zizahura ku wa Gatandatu utaha.
17:09
Mukura VS basigaye bipfumbase
17:07
Rayon Sports izakina n'Amagaju FC ku Cyumweru, yarebye umukino wa Mukura VS na APR FC
17:06
Stephen Constantine utoza Amavubi ari mu barebye umukino wa Mukura VS na APR FC
17:00
Abakinnyi ba Rayon Sports barebye APR FC bazahura na yo mu cyumweru gitaha
16:59
Umukino urarangiye
APR FC itsinze Mukura VS ibitego 3-0 mu mukino w'Umunsi wa 28 wa BK Pro League waberaga kuri Stade Kamena, igira amanota 55 ku mwanya wa kabiri.
Mukura VS igumanye amanota 41 ku mwanya wa karindwi.
16:53
90' Iminota y'inyongera
Umusifuzi wa kane yerekanye iminota itatu y'inyongera.
Mukura VS 0-3 APR FC.
Mukura VS 0-3 APR FC.
16:52
88' Mukura VS irarokotse
Djibril Ouattara ahawe umupira ari mu rubuga rw'amahina, atera ishoti rikomeye rinyuze kuri Sebwato, ku bw'amahirwe ya Mukura VS umupira ukubita igiti cy'izamu uvamo.
16:50
85' APR FC ihushije uburyo bwiza
Ruboneka Bosco ateye ishoti rikomeye ari inyuma y'urubuga rw'amahina, umupira ukurwamo na Sebwato ujya muri koruneri.
Koruneri iratewe, Sebwato akuraho umupira, usanga Mamadou Sy uwusubijemo, uyu munyezamu w'Umunya-Uganda yongera gutabara.
Koruneri iratewe, Sebwato akuraho umupira, usanga Mamadou Sy uwusubijemo, uyu munyezamu w'Umunya-Uganda yongera gutabara.
16:48
84' Gusimbuza
William Togui na Dauda Yussif basimbuwe na Iraguha Hadji na Ngabonziza Pacifique ku ruhande rwa APR FC.
16:46
82' Uburyo APR FC yishimiye ibitego bitatu yatsinze Mukura VS
Ni ibitego byinjijwe na Djibril Ouattara, Hakim Kiwanuka na Nduwayo Alex mu gice cya kabiri.
16:44
80' Umukino winjiye mu minota 10 ya nyuma
APR FC yagabanyije imbaraga yakoreshaga isatira mu gihe na Mukura VS ikigorwa no kubona aho imenera.
16:40
76' Uburyo bwiza bwa Mukura VS
Joseph Sackey ateye ishoti rikomeye ari hagati mu kibuga cya APR FC, umupira ushyirwa muri koruneri na Ruhamyankiko Yvan.
Iradukunda Elie Tatou asubije umupira mu kibuga, Ndimbumba na Sackey ntibawugeraho.
Iradukunda Elie Tatou asubije umupira mu kibuga, Ndimbumba na Sackey ntibawugeraho.
16:39
75' Mukura VS irashaka kugabanya ikinyuranyo
Abakinnyi ba Mukura VS bari gusatira ndetse bakagerageza imipira inyuranye bashaka kugabanya ikinyuranyo, ariko kubona izamu ni ikibazo.
16:37
73' Mukura VS yabonye umufatanyabikorwa mushya
Mbere y'uko igice cya kabiri gitangira, Ikipe ya Mukura VS yasinyanye amasezerano y'ubufatanye n'Uruganda rutunganya amazi yo kunywa rwa Jibu.
Ni amasezerano azamara imyaka ibiri.
Ni amasezerano azamara imyaka ibiri.
16:33
68' APR FC yakinnye idafite bane b'ingenzi
Niyigena Clement na Nshimiyimana Yunussu basanzwe bakina hagati mu bwugarizi, bombi ntibakinnye uyu mukino.
Yunussu yujuje amakarita atatu y'umuhondo mu gihe Clement afite imvune.
Undi utakinnye ni Ssekiganda Ronald na we ufite imvune ndetse na Memel Raouf Dao uri ku ntebe y'abasimbura.
16:31
68' Gusimbuza
Denis Omedi na Mamadou Sy basimbuye Mugisha Gilbert na Hakim Kiwanuka ku ruhande rwa APR FC.
16:29
65' APR FC yihariye umukino mu gice cya kabiri
16:28
63' Gusimbuza
Jordan Nzau Ndimbumba na Samuel Pimpong basimbuye Samson Aylara na Zuberi Hakizimana ku ruhande rwa Mukura VS.
16:25
61' Igitego cya gatatu cya APR FC
Nduwayo Alex atsinze igitego cya gatatu cya APR FC ku mupira akozeho uvuye muri koruneri itewe na Ruboneka Bosco.
Mukura VS 0-3 APR FC.
Mukura VS 0-3 APR FC.
16:21
58' Ubundi buryo bwa APR FC
Dauda Yussif ahaye umupira Ouattara uhindukiye, atera ishoti rikomeye rikuwemo na Nicolas Sebwato mbere y'uko atabarwa n'ubwugarizi bwe.
16:19
56' Igitego cya kabiri cya APR FC
Hakim Kiwanuka ahaye umupira Byiringiro Gilbert na we arawumusubiza, ubwugarizi bwa Mukura VS buwukuraho nabi ahita awutera mu izamu.
Mukura VS 0-2 APR FC.
Mukura VS 0-2 APR FC.
16:17
53' Mukura VS yibwiraga ko yishyuye
Tatou ahaye umupira Zuberi uwuhinduye mu rubuga rw'amahina, Aylara Samson awuboneza mu izamu, ariko umusifuzi wo ku ruhande agaragaza ko habayeho kurarira.
16:14
50' Igitego cya APR FC
Hakim Kiwanuka ahinduye umupira mwiza mu rubuga rw'amahina, usanga Djibril Ouattara ahita awuboneza mu izamu atawuhagaritse.
Mukura VS 0-1 APR FC.
Mukura VS 0-1 APR FC.
16:09
47' Ubuto bw'ikibuga cya Stade Kamena butuma abakinnyi bakora cyane
Kuri Stade Kamena, umupira urava ku izamu rimwe ujya ku rindi kandi mu gihe gito.
16:08
46' Igice cya kabiri cyatangiye
Mukura VS itangiranye umupira mu gice cya kabiri, ikinira mu kibuga cyayo.
15:55
Ubwo Hakizimana Adolphe yajyanwaga kwa muganga mu mbangukiragutabara
15:54
45+7 Igice cya mbere kirarangiye
Igice cya mbere cy'umukino w'Umunsi wa 28 wa Shampiyona uri kubera kuri Stade Kamena, kirangiye Mukura VS inganya na APR FC ubusa ku busa.
15:46
45' Iminota itandatu y'inyongera
Mukura VS na APR FC zihawe indi minota itandatu mbere y'uko igice cya mbere kirangira.
Iyi minota ni yo yatakaye ubwo havurwaga umunyezamu Hakizimana Adolphe wa APR FC byarangiye ajyanywe kwa muganga.
Iyi minota ni yo yatakaye ubwo havurwaga umunyezamu Hakizimana Adolphe wa APR FC byarangiye ajyanywe kwa muganga.
15:42
41' Coup-franc nziza ya Mukura VS
Nduwayo Alex akiniye nabi Iradukunda Elie Tatou inyuma gato y'urubuga rw'amahina, ahagana muri koruneri.
Ikosa rihanwe na Tatou, Ruhamyankiko Yvan arasimbuka ashyira umupira hejuru y'izamu.
Ikosa rihanwe na Tatou, Ruhamyankiko Yvan arasimbuka ashyira umupira hejuru y'izamu.
15:38
38' Gusatira kwa APR FC
Dauda Yussif akinanye na Mugisha Gilbert uteye ishoti rirerire, umupira ujya hejuru kure y'izamu rya Mukura VS.
15:37
36' Gusimbuza
Umunyezamu Ruhamyankiko Yvan asimbuye Hakizimana Adolphe ku ruhande rwa APR FC.
15:36
35' Adolphe ajyanywe ku bitaro
Umunyezamu wa APR FC, Hakizimana Adolphe, ajyanywe ku bitaro nyuma yo kugongana na rutahizamu Mutsinzi Patrick wa Mukura VS.
15:33
32' Hahamagajwe imbangukiragutabara
Umunyezamu Hakizimana Adolphe yababaye cyane, ndetse hahamagajwe imbangukiragutabara kugira ngo yitabweho birushijeho.
Patrick Mutsinzi bagonganye asa n'uwazanzamutse.
Patrick Mutsinzi bagonganye asa n'uwazanzamutse.
15:32
30' APR FC irarokotse
Niyonizeye ahannye ikosa, Hakizimana Adolphe ugonganye n'umukinnyi wa Mukura VS akora ku mupira usanga Sackey uwusubije mu izamu, ku bw'amahirwe ukubita igiti cy'izamu uvamo.
Abakinnyi bagonganye bari kwitabwaho n'abaganga.
Abakinnyi bagonganye bari kwitabwaho n'abaganga.
15:29
29' Byiringiro akomewe amashyi
Myugariro Byiringiro Jean Gilbert akomewe amashyi n'abafana ba APR FC nyuma yo gukiza izamu ndetse agahindura uruhande, akagera ibumoso agifite umupira.
15:27
25' Coup-franc ya Mukura VS
Nduwayo Alex akiniye nabi Niyonizeye Fred mu kibuga cya APR FC.
Ikosa rihanwe na Sackey ashaka guha umupira Tatou wari ugiye imbere, ariko birangira ubaye muremure ujya hanze.
15:25
25' Kuri Stade Kamena, abenshi barahagaze
15:23
22' Coup-franc ya Mukura VS
Niyomugabo Claude akiniye nabi Hakizimana Zuberi hafi y'urubuga rw'amahina.
Fred na Elie Tatou barakinanye, ariko umupira utewe n'uyu mukinnyi muto w'Umunyarwanda [Tatou] ujya hanze.
Fred na Elie Tatou barakinanye, ariko umupira utewe n'uyu mukinnyi muto w'Umunyarwanda [Tatou] ujya hanze.
15:21
19' Ikarita y'umuhondo
Niyonizeye Fred wa Mukura VS, ahawe ikarita y'umuhondo akiniye nabi Dauda Yussif.
15:18
17' Mukura VS yasabaga penaliti
Elie Tatou yinjiranye umupira mu rubuga rw'amahina, Niyomugabo Claude amukoraho aragwa, umusifuzi Murindangabo agaragaza ko nta kosa ryabayeho.
Abafana ba Mukura VS bahise bavuza induru.
15:16
15' Uburyo bwiza bwa Mukura VS
Mutsinzi Patrick asize ba myugariro ba APR FC, atera ishoti rikomeye, ariko umupira ufatwa na Hakizimana Adolphe.
15:15
14' Uburyo bwa APR FC
William Togui agerageje ishoti ari inyuma y'urubuga rw'amahina, umupira ukora kuri Niyonshuti ujya muri koruneri.
Usubijwe mu kibuga na Ruboneka, Sackey awukuraho urarenga.
Usubijwe mu kibuga na Ruboneka, Sackey awukuraho urarenga.
15:14
13' Mukura VS iri gukinira kwa APR FC
Muri iyi minota ibanza, umupira uri gukinirwa cyane mu kibuga cya APR FC, aho uretse penaliti yahujijwe na Ouattara nta bundi buryo iyi kipe y'Ingabo z'Igihugu irongera kurema.
15:12
10' Mukura VS na APR FC mu mabara yazo kuri uyu wa Gatandatu
15:10
8' Uburyo bwiza bwa Mukura VS
Iradukunda Elie Tatou atanze umupira mwiza mu rubuga rw'amahina, usanga Aylala Samson uwukinnye n'umutwe, ku bw'amahirwe ye make ujya hejuru y'izamu rya APR FC.
15:09
8' Umutoza w'Amavubi ari mu bitabiriye umukino
Stephen Constantine utoza Ikipe y'Igihugu 'Amavubi' ari mu bitabiriye uyu mukino wa Shampiyona uri guhuza Mukura VS na APR FC kuri Stade Kamena.
15:07
6' Penaliti igiye hanze
Djibril Ouattara ateye umupira ugendera hasi, umunyezamu Sebwato ajya mu rundi ruhande, ariko birangira ishoti rya rutahizamu wa APR FC rigiye ku ruhande.
15:05
4' Penaliti ya APR FC
Djibril Ouattara ahawe umupira mwiza mu rubuga rw'amahina, agushwa na myugariro wa Mukura VS, umusifuzi Murindangabo Moise ahita atanga penaliti.
15:04
3' Ubundi buryo kuri Mukura VS
Aylara Samson akinanye na Sackey Joseph ushyize umupira mu rubuga rw'amahina, uca imbere y'izamu rya Hakizimana Adolphe.
15:03
1' Uburyo bwa mbere mu mukin ntacyo butanze
Niyonshuti Eric arenguye umupira ku ruhande rwa Mukura VS, awushyira mu rubuga rw'amahina rwa APR FC, ariko Mutsinzi Patrick awukinnye n'umutwe, umusifuzi wo ku ruhande agaragaza ko habayeho kurarira.
15:01
Umukino watangiye
Umusifuzi Murindangabo Moise atangije umukino, Mukura VS itangira ikinira mu kibuga cyayo mbere y'uko Niyomugabo arenza umupira.
15:00
Hafashwe umunota wo Kwibuka
Mbere y'uko umukino utangira, abari kuri Stade Kamena bafashe umunota wo kwibuka Abatutsi bishwe muri Jenoside yabaye mu 1994.
14:54
Abakinnyi ba APR FC babanje mu kibuga
Umutoza wa APR FC, Taleb Abderrahim, yahisemo kubanzamo:
Hakizimana Adolphe
Ishimwe Abdoul
Nduwayo Alex
Niyomugabo Claude (C)
Byiringiro Jean Gilbert
Dauda Yussif
Ruboneka Bosco
Kiwanuka Hakim
Mugisha Gilbert
Ouattara Djibril
Mel Togui William
14:51
Umukino urarebwa n'abantu 3300
Kubera ubuto bw'ikibuga, Mukura VS yemerewe kwinjiza abafana 3300 gusa kandi na bwo abenshi muri bo barareba umukino bahagaze.
Stade Kamena ifite ahantu hato hatwikiriye ku buryo nta bantu 300 bahicara.
Hejuru yabyo, ikibuga cy'iyi stade ni gito ku buryo amakipe menshi kuhabonera amanota avuye ahandi biyagora.
Mukura VS iheruka kuhatsindira Al-Hilal SC ibitego 3-1, inahatsindira Al-Merrikh ibitego 3-0.
Stade Kamena ifite ahantu hato hatwikiriye ku buryo nta bantu 300 bahicara.
Hejuru yabyo, ikibuga cy'iyi stade ni gito ku buryo amakipe menshi kuhabonera amanota avuye ahandi biyagora.
Mukura VS iheruka kuhatsindira Al-Hilal SC ibitego 3-1, inahatsindira Al-Merrikh ibitego 3-0.
14:44
Amakipe yombi yasoje kwishyushya
Abakinnyi ba Mukura VS na APR FC basubiye mu rwambariro nyuma yo kwishyushya.
Umukino uratangira mu minota 15 iri imbere.
Umukino uratangira mu minota 15 iri imbere.
14:43
Abakinnyi ba Mukura VS babanje mu kibuga
Umutoza wa Mukura VS, Nshimiyimana Canisius, yahisemo kubanzamo:
Ssebwato Nicolas
Eric Niyonshuti
Tresor Kwizera
Nisingizwe Christian
Emmanuel Tuyishime
Hakizimana Zuberi
Fred Niyonizeye
Sackey Joseph
Elie Tatou Iradukunda
Samson Aylara
Patrick Mutsinzi
Ssebwato Nicolas
Eric Niyonshuti
Tresor Kwizera
Nisingizwe Christian
Emmanuel Tuyishime
Hakizimana Zuberi
Fred Niyonizeye
Sackey Joseph
Elie Tatou Iradukunda
Samson Aylara
Patrick Mutsinzi
14:40
APR FC ntiyanyuzwe n'urwambariro rwo kuri Stade Kamena
Abakinnyi ba APR FC ntibatinze mu rwambariro rwo kuri Stade Kamena, aho bahitaga barusohokamo bavuga ko ari ruto kandi iki cyumba kikaba gishyushye.
14:33
Ubwo Mukura VS yageraga ku kibuga
14:31
Mukura VS na APR FC zigiye guhurira mu mukino w'ishiraniro
Mu mukino ubanza wahuje amakipe yombi kuri Kigali Pele Stadium, Mukura VS ntiyanyuzwe n'uburyo yatsinzwemo na APR FC igitego 1-0.
Kuri uyu wa Gatandatu, amakipe yombi ahuriye mu mukino wo kwishyura afite byinshi aharanira.
Mukura VS iri mu rugo, irasabwa gutsinda kugira ngo yigarurira icyizere cyo gusoza mu makipe abiri ya mbere [yo mu Rwanda] dore ko ubu irushwa amanota atatu na Rayon Sports.
Ni mu gihe gutsinda kwa APR FC bituma irushaho gusatira Igikombe cya Shampiyona no kugabanya ikinyuranyo kiri hagati yayo na Al-Hilal SC.
14:23
Ubwo APR FC yageraga kuri Stade Kamena
14:13
Ikaze kuri Stade Kamena
IGIHE ibahaye ikaze kuri Stade ya Kamena, ahagiye kubera umukino w’Umunsi wa 28 wa Shampiyona y’u Rwanda uhuza Mukura VS na APR FC.
Mukura VS iri ku mwanya wa karindwi n’amanota 41 mu gihe APR FC iri ku mwanya wa kabiri n’amanota 52.
Umukino uratangira Saa Cyenda.