Amagaju FC vs Rayon Sports

Amagaju FC 0-2 Rayon Sports

Uko umukino uri kugenda

Umwanditsi

: Eric Tony Ukurikiyimfura

Amafoto

: Umwari Sandrine

18:12

Wasiri ati APR FC izasogongera umujinya wa Rayon II Ku wa Gatandatu ni umwanya wo guca agasuzuguro

18:05

Haringingo na Kabange nyuma yo gutsinda Amagaju FC II Tugiye ku mukino wa APR tumeze neza

18:04

AMASHUSHO: Abafana ba Rayon batangarije APR FC bikomeye


18:03

AMASHUSHO: Ibyishimo by'abafana n'abayobozi ba Rayon Sports i Huye II Igitego cya Tambwe II Icyizere ni cyose


17:14

Uko indi mikino yabaye yarangiye


FT: Etincelles FC 0-0 Kiyovu Sports
FT: Al- Merrikh FC 3-0 Bugesera FC

17:10

Abakinnyi n'abafana ba Rayon Sports bari i Huye, batahanye akanyamuneza

17:08

Meya wa Huye, Sebutege Ange yarebye umukino yicaranye na Murenzi Abdallah uyobora Rayon Sports

16:55

Haringingo abonye intsinzi ya mbere muri Rayon Sports

Umukino Rayon Sports itsinzemo Amagaju FC ibitego 2-0, ni wo wa mbere Haringingo Francis atsinze kuva ahawe akazi mu mpera za Werurwe.

Mu cyumweru gitaha azakina na APR FC muri Shampiyona.

16:52

Umukino urarangiye

Rayon Sports itsinze Amagaju FC ibitego 2-0 bya Tambwe Gloire na Youssou Diagne, isubirana umwanya wa kane n'amanota 47, irushwa amanota 14 na Al-Hilal SC ya mbere.

Gikundiro irushwa kandi amanota umunani na APR FC zizahura ku wa Gatandatu utaha.

Amagaju FC agumye ku mwanya wa 15 n'amanota 27, arusha amanota atanu amakipe ari munsi y'umurongo utukura.

16:49

90' Iminota itatu y'inyongera

Umusifuzi wa kane yerekanye iminota itatu y'inyongera.

16:43

84' Amagaju FC aracyagerageza


Rachid Mapoli ahinduye umupira mwiza mu izamu ashaka Malanda Destin, Kwizera arawumutanga ndetse amwereka ko awufite.

16:42

83' Uburyo bw'Amagaju FC


Iradukunda Daniel ahinduye umupira mwiza mu rubuga rw'amahina, usanga Nibibona Eddy uwukinnye n'umutwe, ufatwa na Kwizera Olivier.

16:38

80' Gusimbuza

Habimana Yves asimbuwe na Ishimwe Fiston ku ruhande rwa Rayon Sports.

16:37

80' Umukino winjiye mu minota 10 ya nyuma

Igitutu cyagabanyutse kuri Rayon Sports yatangiye gukina ishaka gushimisha abafana bayo.

16:34

75' Igitego cya kabiri cya Rayon Sports

Youssou Diagne atsinze igitego cya kabiri cya Rayon Sports n'umutwe, ku mupira uteretse uvuye kuri Nshimiyimana Emmanuel 'Kabange'.

Amagaju FC 0-2 Rayon Sports.

16:32

74' Ikarita y'umuhondo

Myugariro akaba na Kapiteni w'Amagaju FC, Matumona Adel, ahawe ikarita y'umuhondo akiniye nabi Sindi Paul Jesus.

16:32

72' Uburyo bw'Amagaju FC

Bakaki arenguye umupira ukorwaho na Malanda, usanga Mapoli uwushyizeho umutwe, ku bw'amahirwe make ujya hejuru.

Shabani Salomon na we ateye umupira mwiza ujya hejuru y'izamu.

16:30

70' Ubwugarizi bw'Amagaju FC buhagaze neza

Matumona Adel na Shafik Bakaki bari gukina neza ndetse baburijemo Habimana Yves, Bigirimana Abedi na Fall Ngagne.

16:25

66' Gusimbuza

Ndikumana Asman asimbuwe na Sindi Paul Jesus ku ruhande rwa Rayon Sports.

16:24

65' Rayon Sports iri gushaka igitego cy'umutekano

16:19

60' Amagaju FC ahushije uburyo bwabazwe

Bakaki Shafik arenguye umupira mwiza, urenga abandi bakinnyi usanga Rachid Mapoli ushyizeho ikirenge, ku bw'amahirwe ye make umupira ujya hejuru y'izamu.

16:17

58' Gusimbuza

Twizerimana Innocent asimbuwe na Kalala Christian ku ruhande rw'Amagaju FC.

16:16

57' Coup-franc y'Amagaju FC


Bigirimana Abedi akiniye nabi Adel Matumona hafi y'izamu ry'Amagaju FC, umusifuzi agaragaza ko hahanwa ikosa.

Umukino wagabanyije igitutu muri iyi minota, amakipe yombi ari gukina bisanzwe.

16:09

51' Ubundi buryo bw'Amagaju FC


Malanda Destin yongeye guhindura umupira mwiza mu izamu, Kwizera Olivier awufata neza.

16:08

50' Abafana ba Rayon Sports bafite icyizere nubwo atari cyinshi

16:07

48' Amagaju FC yakangutse

Amagaju FC atangiye gusatira ashaka igitego ariko Kwizera n'ubwugarizi bwa rayon Sports bazibiye Malanda Destin ku mipira ibiri agerageje.

16:05

47' Rayon Sports ihushije uburyo bwiza

Ndayishimiye Richard ahinduye umupira mwiza mu rubuga rw'amahina, usanga mugenzi we Ndikumana Asman ushyizeho umutwe, ku bw'amahirwe ye make ujya hejuru gato y'izamu.

16:04

46' Igice cya kabiri cyatangiye

Rayon Sports yatangiranye umupira mu gice cya kabiri, isatira Amagaju FC ndetse ibona koruneri ku mupira urengejwe na Matumona Addel.

16:03

Gusimbuza

Mugisha Didier asimbuwe na Likau Kitoko ku ruhande rwa Rayon Sports.

16:03

Gusimbuza


Eddy Nibibona asimbuye Ndayishimiye Edouard ku ruhande rw'Amagaju FC.

15:50

Igice cya mbere kirarangiye


Igice cya mbere cy'umukino w'Umunsi wa 28 wa Shampiyona uri kubera kuri Stade Kamena, cyarangiye Rayon Sports yatsinze Amagaju FC igitego 1-0 cyinjijwe na Tambwe Gloire wahise uvunika.

15:47

45' Iminota ine y'inyongera

Umusifuzi wa kane yerekanye iminota ine y'inyongera.

Amagaju FC ari gusatira ashaka igitego cyo kwishyura.

15:46

45' Coup-franc y'Amagaju FC

Ganijuru akiniye nabi Mapoli, ikosa rihanwe na Iradukunda Emmanuel, umupira ukurwaho na Tshimanga n'umutwe.

15:44

Tambwe Gloire yishimiye igitego cya Rayon Sports ashinyiriza

15:42

41' Umukino uhagaze gato


Umuganga w'Amagaju FC ahamagajwe mu kibuga kugira ngo yite kuri Malanda Destin ugonganye na ba myugariro ba Rayon Sports barindaga Kwizera Olivier ngo afate umupira wari uhinduwe na Rachid Mapoli.

15:40

38' Ikarita y'umuhondo

Rachid Mapoli w'Amagaju FC ahawe ikarita y'umuhondo agonze Kwizera Olivier wari ugiye gufata umupira.

Kwizera abanje kuryama hasi ngo yitabweho n'abaganga.

15:39

38' Gusimbuza


Fall Ngagne asimbuye Tambwe Gloire wavunitse ari kwishimira igitego.

Uko bigaragara hari mugenzi we wamukubise ikintu ahagana mu rubavu.

15:34

33' Igitego cya Rayon Sports


Tambwe Gloire afunguye amazamu kuri Stade Kamena ku mupira atsindishije umutwe uvuye kuri Nshimiyimana Emmanuel 'Kabange'.

Amagaju FC 0-1 Rayon Sports.

15:33

32' Rayon Sports yongeye kugerageza biranga


Bigirimana Abedi akinanye na Ndikumana Asman uhise aha umupira Tambwe Gloire, ariko uku gufatanya kw'Abarundi ntacyo gutanze kuko Tambwe ateye umupira ukajya hanze.

15:30

30' Abafana si benshi kuri Stade Kamena


Kuri iki kibuga, Amagaju FC yari yemerewe kwinjiza abafana 3300.

Gusa abari ku mukino ni bake ku buryo batageze ku mubare wateganyijwe.

Nko mu myanya y'icyubahiro, ahatwikiriye, hishyuwe 20.000 Frw, biragoye ko hari abagera kuri 200 bahicaye kandi na bwo hari abanyamakuru barimo.

15:26

24' Rayon Sports ihushije uburyo bwabazwe


Tambwe Gloire ananiwe gufungura amazamu ku mupira aherejwe ari mu rubuga rw'amahina, atera agashoti gato ko hasi gafatwa n'umunyezamu Twagirumukiza Clement.

Hari nyuma y'uko Mugisha Didier na Ndikumana Asman na bo bananiwe gukina uwo mupira.

15:23

23' Uburyo bwa Rayon Sports


Ishimwe Elie Ganijuru ahinduye umupira mwiza mu rubuga rw'amahina, ashaka bagenzi be, ariko uba muremure ujya hanze.

15:21

20' Amagaju FC aracyakomanga


Amagaju FC akomeje kuba ikipe nziza kugeza ubu mu mukino, ariko na yo nta buryo arabona bugana mu izamu nk'uko bimeze kuri Rayon Sports.

15:16

15' Youssou Diagne yababaye


Youssou Diagne amaze kugwa inshuro ebyiri kandi akagaragaza ko yababaye.

Kuri iyi nshuro ya kabiri ahamagariwe abaganga ndetse Emery Bayisenge yatangiye kwishyushya nubwo uyu Munya-Senegal yasubiye mu kibuga.

15:15

14' Rayon Sports yirangayeho

Ndikumana Asman atwaye umupira mwiza hagati mu kibuga, awucomekera Nshimiyimana Emmanuel Kabange mu ruhande, ariko ashatse kuwushyira ku izamu ujya hanze kure.

15:11

11' Amagaju FC yambaye ubururu bwayo, Rayon Sports yambara umweru

15:10

Ubwo hafatwaga umunota wo Kwibuka mbere y'umukino

15:09

8' Uburyo bwa Rayon Sports

Mugisha Didier ahaye umupira Ganijuru Elie uwuhinduye mu rubuga rw'amahina, ukurwaho Addel Matumona.

15:08

6' Abedi yababaye

Bigirimana Abedi agonganye na Kambanda Emmanuel w'Amagaju FC hagati mu kibuga, ahaguruka yikanda ikirenge.

Gusa ntatinze hasi ndetse ntibisabye ko yitabwaho n'abaganga.

15:05

4' Gusatira kwa Rayon Sports

Ndikumana Asman ashatse gutera umupira mu izamu yinjiriye ibumoso, ushyirwa muri koruneri na Twizerimana Innocent.

Usubijwe mu kibuga na Mugisha Didier, Malanda Destin ahita akiza izamu.

15:04

2' Amagaju FC yaciye akarongo


Iminota ibiri ibanza irangiye Rayon Sports itagejeje umupira mu kibuga cy'Amagaju FC, ahubwo yo akinira mu kibuga cyayo.

Iki kibuga ni gito ku buryo kigora amakipe adasanzwe agikiniraho.

15:01

Umukino uratangiye

Amagaju FC yataniranye umupira, ahita ajya kuwukinira mu kibuga cya Rayon Sports.

14:59

Hafashwe umunota wo kwibuka


Mbere y'uko umukino utangira, abari kuri Stade Kamena bahagurutse, bafata umunota wo kwibuka Abatutsi bishwe muri Jenoside mu 1994.

14:53

Abakinnyi b'Amagaju FC babanje mu kibuga

Umutoza w'Amagaju FC, Sghir Hammadi, yahisemo kubanzamo:

Twagirumukiza Clement
Addel Matumona Wakonda (C)
Iradukunda Daniel
Niyitegeka Saidi
Shafik Bakaki
Destin Malanda Exauce
Rachidi Mapoli Yekini
Kambanda Emmanuel
Gloire Shabani Salomon
Twizerimana Innocent
Ndayishimiye Edouard

14:51

Umukino w'Amagaju FC na Rayon Sports ufite igisobanuro gikomeye


Amagaju FC ya 15 n'amanota 27, akeneye amanota ashobora kuyafasha kwizera kuguma mu Cyiciro cya Mbere.

Rayon Sports ya gatanu n'amanota 44, ikeneye amanota ayifasha gusatira amakipe ayiri imbere, by'umwihariko Police FC zinganya amanota na APR FC iyirusha amanota 11 ndetse akaba ari zo zihanganiye Shampiyona.

Gikundiro izakurikizaho kwakira APR FC muri Shampiyona.

14:46

Amakipe yombi yamaze kwishyushya

Abakinnyi b'Amagaju FC na Rayon Sports basubiye mu rwambariro nyuma yo kwishyushya.

Umukino uratangira mu minota mike iri imbere.

14:37

Abakinnyi ba Rayon Sports babanje mu kibuga


Umutoza wa Rayon Sports, Haringingo Francis, yahisemo kubanzamo:

Kwizera Olivier
Nshimiyimana Emmanuel Kabange
Ganijuru Ishimwe Elie
Tshimanga Ramazani
Youssou Diagne (C)
Ndayishimiye Richard
Tambwe Gloire
Bigirimana Abedi
Ndikumana Asman
Mugisha Didier
Habimana Yves

13:50

Ikaze kuri Stade Kamena

IGIHE ibahaye ikaze kuri Stade Huye ahagiye kubera umukino w'Umunsi wa 28 wa Shampiyona y'u Rwanda uhuza Amagaju FC na Rayon Sports.

Umukino uratangira Saa Cyenda.