APR FC vs AS Kigali

APR FC 2-1 AS Kigali

Uko umukino uri kugenda

Umwanditsi

: Eric Tony Ukurikiyimfura

Amafoto

: Umwari Sandrine

22:15

APR FC na Al-Hilal zasatiriye kwegukana Shampiyona || Impaka ku gutanga ibikombe bibiri zirakomeje

22:13

Igikombe turagitwaye: Abafana ba APR FC mu byishimo nyuma yo gutsinda AS Kigali || Rayon tuzayiheka

20:26

APR FC isatiriye kwegukana Shampiyona

Ibitego bya Djibril Ouattara na Ngabonziza Pacifique bifashije APR FC gutsinda AS Kigali 2-1, igira amanota 59 mu mikino 31 ndetse isigara ibura inota rimwe kugira ngo yegukana Shampiyona y'uyu mwaka nk'ikipe ihagaze neza yo mu Rwanda.

Ikipe y'Ingabo ni iya kabiri muri rusange, inyuma ya Al-Hilal ifite amanota 70 mu mikino 30 mu gihe Al-Merrikh SC ifite amanota 58 ku mwanya wa gatatu ariko mu mikino 29.

Saa 21:00, Al-Merrikh irakira Kiyovu Sports.

Djibril Ouattara ni we wabaye umukinnyi w'umukino, ahabwa ibihumbi 100 Frw.

20:24

Umukino urarangiye

20:21

90+3' APR FC irarokotse

Hakizimana Adolphe akuyemo umupira ukomeye bamwe babonaga usa n'uwageze ku murongo.

AS Kigali yose igiye kuburana ku musifuzi wo ku ruhande Mugabo Eric ibaza impamvu atemeje ko wageze mu izamu.

20:20

90+2' Ikarita y'umuhondo

Mugisha Gilbert ahawe ikarita y'umuhondo akiniye nabi Iyabivuze Osee wari ugiye kumucika.

20:17

90' Iminota y'inyongera

Umusifuzi wa Kane, Ishimwe Rene, yerekanye iminota itanu y'inyongera.

APR FC iri gusatira ishaka igitego cy'umutekano.

20:14

87' Gusimbuza

Denis Omedi na Iraguha Hadji basimbuye William Mel Togui na Djibril Ouattara ku ruhande rwa APR FC.

20:13

85' APR FC yirangayeho

Mugisha Gilbert yinjiranye umupira mu rubuga rw'amahina, awuhindura imbere y'izamu ariko Djibril Ouattara ananirwa kuwukina.

20:11

83' AS Kigali ikinnye neza


Ouattara ahinduye umupira mwiza mu ruuga rw'amahina ashaka Mugisha Gilbert, ariko Sinaly Diarra Mory awukuraho n'umutwe.

20:08

80' Ikarita y'umuhondo

Djibril Ouattara ahawe ikarita y'umuhondo akiniye nabi myugariro Kayiranga Leon wa AS Kigali mu rubuga rw'amahina.

20:06

80' Umukino winjiye mu minota 10 ya nyuma

20:04

76' Gusimbuza

Elia Kategaya asimbuye Kalisa Rachid wavunitse, ku ruhande rwa AS Kigali.

20:03

75' Gusimbuza

Hakim Kiwanuka asimbuwe na Mugisha Gilbert ku ruhande rwa APR FC.

20:01

74' Igitego cya kabiri cya APR FC

Ngabonziza Pacifique atsinze igitego cya kabiri ku mupira ateye n'umutwe uvuye kuri Niyomugabo Claude.

APR FC 2-1 AS Kigali.

19:58

70' Gusimbuza

Nshimiyimana Tharcisse asimbuwe na Ntirushwa Aime ku ruhande rwa AS Kigali.

19:55

67' Gusimbuza

Memel Dao asimbuwe na Ruboneka Jean Bosco ku ruhande rwa APR FC.

19:51

65' Ikiyongoyongo cyarikoroje ku mukino wa Rayon Sports na Marine FC, cyagarutse i Nyamirambo


Ku mukino Rayon Sports yatsinzemo Marine FC ibitego 2-1 ku wa Gatandatu, benshi batunguwe no kubona ikiyongoyongo mu kibuga ndetse babihuza na ya myemerere itavugwaho rumwe y'amarozi.

Kuri iki Cyumweru, na bwo iki kiyongoyongo cyongeye kugaragara ku mukino wa APR FC na AS Kigali.

19:48

60' Ubundi buryo bwa AS Kigali

Kalisa Rachid agerageje ishoti ari inyuma y'urubuga rw'amahina ahagana mu ruhande, umupira unyura ku ruhande rw'izamu rya APR FC.

19:47

59' APR FC irarokotse

Hakizimana Adolphe arokoye APR FC, akuramo umupira ukomeye wari utewe na Sinary Diarra.

19:45

57' Ikarita y'umuhondo

Rucogoza Ilias ahawe ikarita y'umuhondo akiniye nabi Memel Dao.

19:42

54' AS Kigali irarokotse

Byiringiro Jean Gilbert ateye umupira uteretse, usanga Nshimiyimana Yunussu awushyira mu izamu n'umutwe, ukurwamo na Ndikuriyo Patient.

Umupira uhise usanga Mel Togui uwusubije mu izamu, Patient awushyira muri koruneri.

19:38

50' Ubundi buryo bwa APR FC

Hakim Kiwanuka yambuye umupira Ndayishimiye Didier aranamusiga, ageze mu rubuga rw'amahina atera ishoti rijya hanze.

19:36

48' APR FC ihushije uburyo bwabazwe


Djibril Ouattara ahinduye umupira mwiza mu rubuga rw'amahina, Kiwanuka awukoraho usanga William Togui uteye ishoti rifata umutambiko w'izamu, umupira ujya hejuru.

19:34

47' Igitego cya AS Kigali


Iyabivuze Osee yishyuriye AS Kigali nyuma yo gukinana neza na Ndayishimiye Didier umusubije umupira mu rubuga rw'amahina.

APR FC 1-1 AS Kigali.

19:32

46' Igice cya kabiri cyatangiye


APR FC itangiranye umupira mu gice cya kabiri, ihita itangira gusatira AS Kigali.

19:19

Abakinnyi ba AS Kigali bakoze inama

Mbere yo kuva mu kibuga, abakinnyi ba AS Kigali babanje mu kibuga babanje gukora inama.

Bagenzi babo basimbura bo bakomeje mu rwambariro.

19:17

Igice cya mbere kirarangiye

Igice cya mbere cy'umukino w'Umunsi wa 31 wa BK Pro League uri kubera kuri Kigali Pele Stadium, kirangiye APR FC yatsinze AS Kigali igitego 1-0 cyinjijwe na Cheikh Djibril Ouattara.

19:15

45' Iminota ibiri y'inyongera

Umusifuzi wa kane yerekanye iminota ibiri y'inyongera.

Umupira uri gukinirwa mu kibuga hagati.

19:11

40' Ubundi buryo bwa AS Kigali


Iyabivuze Osee ashyize umupira mwiza mu rubuga rw'amahina ngo akinane na Nshimiyimana Tharcisse uteye ishoti, rikurwamo na Hakizimana Adolphe uhise utabarwa na Nshimiyimana Yunussu.

19:10

38' AS Kigali yirangayeho

Sinaly Mory Diarra akinanye na Gedeon Bendeka, ariko ntiyafatisha neza umupira usanga myugariro wa APR FC.

19:06

35' Dauda ntibimukundiye

Dauda Yussif ukunze kugerageza amashoti ya kure, yongeye kubikora ariko umupira wo hasi ateye ujya ku ruhande rw'izamu.

19:02

30' Umukino uri guhagarara buri kanya


Muri iyi minota, amakosa yabaye menshi ku mpande zombi ndetse Rulisa Patience arasabwa guhuha mu ifirimbi kenshi.

19:00

29' Umukino uhagaze gato

Umukino ubaye uhagaze mu gihe hari kuvurwa Memel Dao wa APR FC uguye nabi.

Abaganga ba AS Kigali bari hafi, bahise batabara, bafatanya n'aba APR FC.

18:58

27' APR FC yirangayeho

Hakim Kiwanuka akuye umupira mu kibuga cye, arawukomezanya agera mu rubuga rw'amahina, ahitamo gutera mu izamu aho gukinana na Ouattara wari ku rundi ruhande, ariko umupira ujya ku ruhande.

18:54

23' Ubundi buryo bwiza bwa AS Kigali


Hakizimana Adolphe arokoye APR FC, akuramo umupira wari utewe na Sunday Inemesit nyuma yo gusiga ubwugarizi bwa Niyigena Clement na Niyomugabo Claude amaze kuwuherezwa na Ndayishimiye Didier.

18:51

21' APR FC irarokotse

Sunday Inemesit Akang asize Niyigena Clement, ageze ku murongo w'urubuga rw'amahina atera umupira wo hasi unyuze ku ruhande gato.

18:49

19' Djibril Ouattara ntiyabonye uko yishimira igitego yatsindiye APR FC ku munota wa cyenda kubera ikibazo yahise agira

18:46

15' Abafana ni bake i Nyamirambo


Nubwo umukino wabaye mu mpera z'icyumweru ndetse mu masaha y'umugoroba, abafana ni bake cyane.

Ushaka wabihuza n'uko APR FC iheruka kunyagirwa na Al-Hilal SC ibitego 4-0.

18:44

13' Uburyo bwa AS Kigali


Kalisa Rachid ateye koruneri ya AS Kigali, umupira usanga Sunday Inemesit Akang uwukinnye n'umutwe, ku bw'amahirwe ya APR FC uridunda urenga izamu rya Hakizimana Adolphe.

18:42

12' APR FC yirangayeho


Djibril Ouattara utatinze hanze, ahawe umupira na Ngabonziza Pacifique, atera ishoti rinyuze imbere y'izamu rya AS Kigali, umupira ujya hanze.

18:40

9' Igitego cya APR FC

Cheikh Djibril Ouattara afunguye amazamu i Nyamirambo, atsindira APR FC ku mupira ugendera hasi atereye inyuma y'urubuga rw'amahia.

Uyu Munya-Burkina Faso agize ibitego 15.

Ouattara wateye umupira ari hasi, ari kwitabwaho n'abaganga.

18:38

7' APR FC yambaye umukara n'umweru, AS Kigali yambara orange kuri uyu mugoroba

18:36

5' AS Kigali yatangiye kwiharira umukino


AS Kigali yasunitse APR FC iyisubiza inyuma ndetse umupira uri gukinirwa mu kibuga cy'Ikipe y'Ingabo.

18:32

2' Ibyo APR FC yari yubatse ntibikunze

Djibril Ouattara yinjiranye umupira anyuze ibumoso, awushyira mu rubuga rw'amahina ngo akinane na Memel Dao, ariko awugarura wamaze kugera hanze.

18:30

Umukino uratangiye


Umusifuzi Rulisa Patience atangije umukino.

AS Kigali yatangiranye umupira, ikinira mu kibuga cyayo.

18:28

Hafashwe umunota wo Kwibuka

Mbere y'uko umukino utangira, abari kuri Kigali Pele Stadium barahagurutse bafata umunota wo kwibuka no guha icyubahiro Abatutsi bishwe muri Jenoside mu 1994.

18:19

Abasifuzi b'umukino


Umusifuzi mpuzamahanga Rulisa Patience ni we ugiye kuyobora umukino wa APR FC na AS Kigali.

Mugabo Eric na Bazahira Aimable ni abasifuzi bo ku ruhande.

Ni mu gihe Ishimwe Rene ari Umusifuzi wa Kane naho Alain Zimurinda akaba Komiseri w'Umukino.

18:14

APR FC na AS Kigali zasoje kwishyushya


Abakinnyi ba APR FC n'aba AS Kigali bategerejwe mu kibuga nyuma yo gusubira mu rwambariro bamaze kwishyushya.

Umukino uratangira mu minota 15 iri imbere.

18:12

Abakinnyi ba AS Kigali babanje mu kibuga

Umutoza wa AS Kigali, Mbarushimana Shabani, yahisemo gukoresha:

Ndikuriyo Patient
Rucogoza Ilias (C)
Kayiranga Leon
Usengimana Faustin
Ndayishimiye Didier
Sinaly Mory Diarra
Nshimiyimana Tharcisse
kalisa Rashid
Iyabivuze Osee
Bendeka Gedeon
Sunday Inemesit Akang

18:06

Rwanda Premier League izatanga ibikombe bibiri uyu mwaka


Nubwo hari ibiganiro biri kubera mu gikari hasuzumwa niba bikwiye, Rwanda Premier League iteganya kuzatanga ibikombe bibiri bya Shampiyona uyu mwaka nk'uko byemejwe mbere.

Igikombe kimwe gishobora kuzahabwa Al-Hilal SC yizeye kuba iya mbere, ikindi kigahabwa APR FC na yo ifite amahirwe menshi yo kuba ikipe ihagaze neza mu makipe yo mu Rwanda.

18:01

Niyigena Clement yasubiye mu bakinnyi 11 ku ruhande rwa APR FC

Myugariro Niyigena Clement utarakinnye imikino itanu iheruka hakavugwa kwanga gukina ku bushake, we agashimangira ko yavunitse akagombambari, ari mu bakinnyi 11 Umutoza wa APR FC, Abderrahim Taleb, akoresha kuri uyu mugoroba imbere ya AS Kigali.

Abo ni:

Hakizimana Adolphe
Niyomugabo Claude (C)
Niyigena Clement
Nshimiyimana Yunussu
Byiringiro Jean Gilbert
Ngabonziza Pacifique
Dauda Yussif Seidu
Memel Raouf Dao
Hakim Kiwanuka
Cheikh Djibril Ouattara
Mel William Togui

17:55

Al-Hilal SC yasatiriye kwegukana Shampiyona y'u Rwanda


Ibitego bya Ahmed Salem na Girumugisha Jean Claude byafashije Al-Hilal SC gutsinda AS Muhanga 2-0, igira amanota 70 mu mikino 30 ndetse irabura amanota atatu ngo yizere gutwara Igikombe cya Shampiyona y'u Rwanda.

Iyi kipe yo muri Sudani irusha ngenzi yayo Al Merrikh amanota 12 mu gihe yo isigaje imikino itanu.

Ni mu gihe APR FC ya gatatu, na yo yizeye kuzasoza imbere mu makipe yo mu Rwanda, ifite amanota 56 ndetse niramuka itsinze kuri iki Cyumweru irasigara ibura inota rimwe kugira ngo itware BK Pro League ku nshuro ya kabiri yikurikiranya.

Indi mikino yabaye kuri iki Cyumweru, Gasogi United yanganyije na Etincelles FC ibitego 2-2 naho Rutsiro FC itsindwa n'Amagaju FC ibitego 2-1.

17:50

AS Kigali na yo iriteguye

17:49

Ubwo APR FC yageraga kuri Kigali Pele Stadium

17:39

Ikaze kuri Kigali Pele Stadium


Icyumweru cyiza n'umugoroba mwiza! IGIHE ibahaye ikaze kuri Kigali Pele Stadium, ku mukino w'Umunsi wa 31 wa Shampiyona y'Icyiciro cya Mbere mu Rwanda, BK Pro League, uhuza APR FC na AS Kigali.

Ikipe y'Ingabo yakiriye uyu mukino, iri ku mwanya wa gatatu n'amanota 56 mu guhe AS Kigali ifite amanota 29 ku mwanya wa 15.

Umukino uratangira Saa 18:30.