Etoile de l'Est 1-2 Sunrise FC
Uko umukino uri kugenda
Umwanditsi |
: Eric Tony Ukurikiyimfura |
Amafoto |
: Umwari Sandrine |
18:12
Mu Cyiciro cya Kabiri, abitabira umukino baje ku magare aba ari benshi
18:08
Sunrise FC yazamutse mu Cyiciro cya Mbere itsinze Etoile de l'Est 2-1 || Ibitego byaranze umukino
17:34
Abakinnyi ba Sunrise FC bishimira igikombe begukanye
17:01
Sunrise FC yegukanye Shampiyona y'Icyiciro cya Kabiri, izamukana na Unity FC
Sunrise FC itsinze Etoile de l'Est ibitego 2-1, yegukana Igikombe cya Shampiyona y'Icyiciro cya Kabiri n'amanota 13 muri play-offs ndetse izamuka mu Cyiciro cya Mbere yaherukagamo mu 2024.
Iyi kipe y'i Nyagatare izamukanye na Unity FC yagize amanota 10 nyuma yo kunganya na Intare FC ubusa ku busa.
Unity FC ni ubwa mbere igiye gukina Icyiciro cya Mbere,
16:58
Umukino urarangiye
16:58
Ku bindi bibuga: BK Pro League
FT: Kiyovu Sports 1-1 AS Muhanga
FT: Marine FC 2-3 Etincelles FC
APR FC yegukanye Igikombe cya Shampiyona y'Icyiciro cya Mbere ku nshuro ya karindwi yikurikiranya.
16:50
90+1' Ikarita y'umuhondo
Umunyezamu wa Sunrise FC, Kabera Bonheur, ahawe ikarita y'umuhondo kubera gutinza umukino.
16:50
90' Iminota ine y'inyongera
Umusifuzi wa kane yerekanye iminota ine y'inyongera.
Abafana ba Sunrise FC batangiye kwiterera mu bicu mu gihe aba Etoile de l'Est baryumyeho.
16:50
90' Iminota ine y'inyongera
Umusifuzi wa kane yerekanye iminota ine y'inyongera.
Abafana ba Sunrise FC batangiye kwiterera mu bicu mu gihe aba Etoile de l'Est baryumyeho.
16:46
Ku bindi bibuga: BK Pro League
86' Kiyovu Sports 1-1 AS Muhanga
85' Marine FC 2-3 Etincelles FC
16:44
85' Iminota mike isigaye ishobora gusiga Sunrise FC isubiye mu Cyiciro cya Mbere
16:40
Ku bindi bibuga: BK Pro League
80' Kiyovu Sports 1-1 AS Muhanga
79' Marine FC 2-2 Etincelles FC
16:34
72' Gusimbuza
Faradji Idi asimbuye Nyandwi Theophile ku ruhande rwa Etoile de l'Est.
16:32
72' Gusimbuza
Nsanzingomayijuru Adolphe asimbuye Mwizerwa Elisa ku ruhande rwa Sunrise FC.
16:31
Ku bindi bibuga: Muri BK Pro League:
71' Kiyovu Sports 1-0 AS Muhanga
70' Marine FC 2-2 Etincelles FC
70' Marine FC 2-2 Etincelles FC
16:30
70' Umukino winjiye mu minota 20 ya nyuma
Etoile de l'Est ikomeje kugerageza amahirwe yo kwishyura ku bubi n'ubwiza ariko umunyezamu Kabera Bonheur n'ubwugarizi bwe bakayibera ibamba.
Sunrise FC yo ntikiri kugaragaza imbaraga nyinshi mu busatirizi.
Mu Bugesera, nta kipe irabona igitego hagati ya Unity SC na Intare FC.
16:25
63' Etoile de l'Est yashakaga penaliti, iboneka ikarita y'umuhondo
Muhoza Daniel yeretswe ikarita y'umuhondo n'umusifuzi Ishimwe Rene nyuma yo gushaka kubeshya ko akorewe ikosa mu rubuga rw'amahina kandi yigushije.
16:23
62' Umukino watangiye kuzamo imibare
Sunrise FC yatangiye kugenza umukino gake kuko yizeye kuzamuka.
16:17
56' Gusimbuza
Mahoro Fidele asimbuye Shema Frank ku ruhande rwa Sunrise FC.
16:17
55' Ikarita y'umuhondo
Munyemana Alexandre wa Etoile de l'Est yeretswe ikarita y'umuhondo akiniye nabi Umunyezamu wa Sunrise FC, Kabera Bonheur.
16:16
54' Sunrise FC ihushije uburyo bwiza
Kalu Daniel Ikpo abonye amahirwe yo gutsinda igitego cya gatatu mu mukino, ariko umupira awushyira hejuru y'izamu nyamara yari yasize abandi bakinnyi ba Etoile de l'Est.
16:10
Ku bindi bibuga
Mu mikino ya BK Pro League:
48' Marine FC 1-1 Etincelles FC
50' Kiyovu Sports 0-0 AS Muhanga
48' Marine FC 1-1 Etincelles FC
50' Kiyovu Sports 0-0 AS Muhanga
16:07
47' Etoile de l'Est yirangayeho
Iradukunda Djarudi akinanye na Jonathan Mbula Momboko unaniwe kubyaza umusaruro umupira ahawe ari mu rubuga rw'amahina, awutera hejuru y'izamu.
16:05
46' Igice cya kabiri cyatangiye
I Ngoma, Etoile de l'Est na Sunrise FC zinjiye mu gice cya kabiri.
Ni ko bimeze kandi mu Bugesera ahari kubera umukino wa Unity SC na Intare FC.
16:02
Stade ya Ngoma yuzuye abakunzi b'umupira w'amaguru bari kubera umukino wa Etoile de l'Est na Sunrise FC
Full house at @NgomaDistrict Stadium - for the @FERWAFA D2 championship last game. Unity, Etoile de l’Est and Sunrise all have the chances to win this title! What a game ?? - The 1st and 2nd teams will be promoted to the @bkproleague next season.
— Jonathan H. (@JonathanHarind1) May 16, 2026
Football ni uburyohe pic.twitter.com/xUvJWtIJMU
15:58
Kugeza ubu Sunrise FC yazamukana na Unity SC
Mu gihe habura iminota 45 y'igice cya kabiri ngo imikino yombi irangire, Sunrise FC na Unity SC ziri mu muryango winjira mu Cyiciro cya Mbere.
Kuri ubu Sunrise FC ifite amanota 13, Unity SC ikagira amanota 10, Etoile de l'Est ikagira amanota arindwi naho Intare FC ikagira amanota atatu.
15:51
Sunrise FC igiye kuruhuka imwenyura
Igice cya mbere cy'umukino w'Umunsi wa Gatandatu wa Play-offs wa Shampiyona y'Icyiciro cya Kabiri, uri kubera kuri Stade ya Ngoma, kirangiye Etoile de l'Est yatsinzwe na Sunrise FC ibitego 2-1.
Ibitego bya Sunrise FC byinjijwe na Kalu Daniel Ikpo naho icya Etoile de l'Est cyabonetsemo hagati yabyo, cyinjijwe na Joel Emmanuel.
Kuri Stade ya Bugesera, Unity SC iracyanganya na Intare FC ubusa ku busa.
Ibitego bya Sunrise FC byinjijwe na Kalu Daniel Ikpo naho icya Etoile de l'Est cyabonetsemo hagati yabyo, cyinjijwe na Joel Emmanuel.
Kuri Stade ya Bugesera, Unity SC iracyanganya na Intare FC ubusa ku busa.
15:47
45' Iminota ibiri y'inyongera
Umusifuzi wa kane yerekanye iminota ibiri y'inyongera.
Mugenzi Jean de Dieu ananirwa kubyaza umusaruro amahirwe abonetse ku ruhande rwa Sunrise FC aho yari akoze contre-attaque ariko ashyira umupira hanze.
Mugenzi Jean de Dieu ananirwa kubyaza umusaruro amahirwe abonetse ku ruhande rwa Sunrise FC aho yari akoze contre-attaque ariko ashyira umupira hanze.
15:47
45' Etoile de l'Est yirangayeho
Kwizera Jean d'Amour ahinduye umupira mwiza mu rubuga rw'amahina, Mbula Momboko awukinnye n'umutwe awushyira hejuru y'izamu.
15:44
43' Gusimbuza
Iradukunda Djarudi na Shumbusho Aphrodice Kwibuka basimbuye Ishimwe Benjamin na Nsengimana Richard ku ruhande rwa Etoile de 'Est.
15:42
39' Sunrise FC irarokotse
Jonathan Mbula Momboko asize ba myugariro ba Sunrise FC, atera ishoti rikomeye ari mu ruhande, umunyezamu Bonheur awukuramo mbere yo gutabarwa na bagenzi be.
15:37
35' Igitego cya kabiri cya Sunrise FC
Daniel Kalu Ikpo yongeye kureba mu izamu rya Etoile de l'Est, atsindira Sunrise FC igitego cya kabiri nyuma yo kurusha imbaraga ba myugariro babiri, aroba umunyezamu Kabera Bonheur wari usohotse.
15:35
35' Hejuru yo kuzamuka, miliyoni 25 Frw zitegereje ikipe ya mbere
Uyu mwaka, ikipe yegukana Igikombe cy'Icyiciro cya Kabiri izabona miliyoni 25 Frw, iya kabiri miliyoni 20 Frw, iya gatatu miliyoni 15 Frw mu gihe iya kane izabona miliyoni 13 Frw.
Amakipe umunani ya mbere ni yo azabona ibihembo, aho iya gatanu izabona miliyoni 11 Frw, iya gatandatu miliyoni 9 Frw, iya karindwi miliyoni 7 Frw naho iya munani ikabona miliyoni 5 Frw.
Muri rusange, miliyoni 105 Frw ni zo zizatangwa nk'ibihembo ku makipe umunani yo mu Cyiciro cya Kabiri mu Bagabo.
15:31
30' Sunrise FC yirangayeho
Kalu Daniel Ikpo ananiwe kubyaza umusaruro amakosa y'ubwugarizi bwa Etoile de l'Est, umupira atereye ku murongo w'urubuga rw'amahina ujya hejuru y'izamu.
15:28
28' Ubwitabire bw'abafana buri hejuru
15:23
21' Igitego cya Etoile de l'Est FC
Stade ya Ngoma isubiye mu biganza bya benshi nyuma y'uko Joel Emmanuel yishyuriye Etoile de l'Est ku mupira atsindishije umutwe nyuma yo kwisirisimba mu rubuga rw'amahina.
Etoile de l'Est 1-1 Sunrise FC.
Etoile de l'Est 1-1 Sunrise FC.
15:17
16' Abafana babuze mu Cyiciro cya Mbere, bari mu Cyiciro cya Kabiri!
Mu gihe stade zo mu Cyiciro cya Mbere usanga zambaye ubusa, i Ngoma hari abafana benshi bitabiriye umukino wa Etoile de l'Est na Sunrise FC.
Kwinjira kuri uyu mukino nta kindi byasabaga uretse kuhagera gusa!
15:13
12' Umukino uhagaze gato
Umunyezamu wa Sunrise FC, Rukundo Samuel, asabye ko umukino uhagarara kugira ngo atokorwe ikintu cyari kimuguye mu jisho.
15:11
10' Murera yatangiye kuririmbwa i Ngoma
Benshi bari muri Stade y'i Ngoma, birumvikana ko ari abafana ba Etoile de l'Est, baruciye bararumira kuko bamaze kwinjizwa igitego.
Abafana ba Sunrise FC ni bo bafite ijambo ndetse bari kuririmba indirimbo zirimo 'Murera' imenyerewe ku bafana ba Rayon Sports.
15:08
6' Igitego cya Sunrise FC
Kalu Daniel Ikpo afunguye amazamu ku ruhande rwa Sunrise FC, ku mupira ateranye ba myugariro ba Etoile de l'Est uvuye kuri coup-franc yari itewe na mugenzi we.
15:05
4' Muhoza Daniel ari mu bakunzwe cyane i Ngoma
Muhoza Daniel ukiri muto, uri mu bakinnyi basatira izamu muri Etoile de l'Est, ari mu bakunzwe cyane hano i Ngoma.
Uyu mukinnyi yamenyekanye mu 2024, afite imyaka 16, ubwo yafashaga iyi kipe yo mmu Burasirazuba gutsinda Marine FC muri Shampiyona.
15:01
Umukino uratangiye
I Ngoma, umusifuzi Ishimwe Rene atangije umukino wa Etoile de l'Est na Sunrise FC.
Mu Bugesera naho umukino wamaze gutangira.
Mu Bugesera naho umukino wamaze gutangira.
14:59
Hafashwe umunota wo Kwibuka
Mbere y'uko umukino utangira, abari kuri Stade ya Ngoma barahagurutse bafata umunota wo kwibuka no guha icyubahiro Abatutsi bishwe muri Jenoside mu 1994.
14:52
Sunrise FC na Etoile de l'Est zari zamanukiye rimwe
Hashize imyaka ibiri Sunrise FC na Etoile de l'Est zimanutse mu Cyiciro cya Kabiri, nyuma yo gusoreza mu myanya ibiri ya nyuma mu mwaka w'imikino wa 2023/24.
Kuri uyu wa Gatandatu, imwe muri zo irasubira mu Cyiciro cya Mbere cyangwa zombi zizamukane nk'uko zamanukanye. Gusa ibyo biraterwa n'uburyo Unity SC iza kuba yitwaye imbere ya Intare FC.
Unity SC ni ikipe nshya ndetse ni ubwa mbere iri gukina imikino nk'iyi yo kuzamuka mu Cyiciro cya Mbere, aho yabanje gusezerera Espoir FC mbere yo kwinjira muri iri rushanwa rito riri guhuza amakipe ane.
Amafoto: Amakipe ya Sunrise FC na Etoile de l'Est yamanutse mu 2024.
Kuri uyu wa Gatandatu, imwe muri zo irasubira mu Cyiciro cya Mbere cyangwa zombi zizamukane nk'uko zamanukanye. Gusa ibyo biraterwa n'uburyo Unity SC iza kuba yitwaye imbere ya Intare FC.
Unity SC ni ikipe nshya ndetse ni ubwa mbere iri gukina imikino nk'iyi yo kuzamuka mu Cyiciro cya Mbere, aho yabanje gusezerera Espoir FC mbere yo kwinjira muri iri rushanwa rito riri guhuza amakipe ane.
Amafoto: Amakipe ya Sunrise FC na Etoile de l'Est yamanutse mu 2024.
14:47
Sunrise FC, Unity SC na Etoile de l'Est zose ziracyafite amahirwe
Mbere y'uyu mukino w'Umunsi wa Gatandatu wa Play-offs, Sunrise FC ifite amanota 10 n’ibitego bibiri, ikurikiwe na Unity SC ifite amanota icyenda n’igitego kimwe, Etoile de l’Est ikagira amanota arindwi n’ibitego bibiri ku mwanya wa gatatu mu gihe Intare FC ifite amanota abiri ku mwanya wa kane.
14:43
Abakinnyi ba Sunrise FC babanje mu kibuga
Umutoza wa Sunrise FC, Nyirishema Gaspard, yahisemo gukoresha:
Rukundo Samuel (Gk)
Sibomana Yves (C)
Kalisa Jamir
Elisa Mwizerwa
Ndikumana Christian
Mugenzi Jean De Dieu
Kalu Daniel Ikpo
Tuyishimire Jonas
Tuyishime Eric
Nzabonimana Prosper
Shema Frank
Abasimbura:
Mugisha Yves (Gk)
Mugabe Robert
Nsanzingomayijuru Adolphe
Kaweesa Denis
Fidel Mahoro
Harerimana Jean Claude
Gatete Jimmy
Iradukunda Pacifique
Nyamurangwa Moses
14:43
Abakinnnyi ba Etoile de l’Est babanza mu kibuga
Umutoza wa Etoile de l’Est, Hitabatuma Nkotanyi, yahisemo gukoresha:
Kabera Bonheur (GK)
Nsengimana Richard (C)
Joel Emmanuel
Niyomufasha Gaston
Kwizera Jean D'amour
Ishimwe Benjamin
Akimanizanye Moussa
Munyemana Alexandre
Nyandwi Theophile
Muhoza Daniel
Jonathan Mbula Momboko
Abasimbura:
Habineza Samuel (Gk)
Niyonshuti Yusufu
Faradji Idi
Iradukunda Djarudi
Niyibizi Pierro
Nshumbusho Aphrodis Kwibuka
Hakizimana Ismael
Nsabimana Ibrahim
Kabera Richard Clement
Kabera Bonheur (GK)
Nsengimana Richard (C)
Joel Emmanuel
Niyomufasha Gaston
Kwizera Jean D'amour
Ishimwe Benjamin
Akimanizanye Moussa
Munyemana Alexandre
Nyandwi Theophile
Muhoza Daniel
Jonathan Mbula Momboko
Abasimbura:
Habineza Samuel (Gk)
Niyonshuti Yusufu
Faradji Idi
Iradukunda Djarudi
Niyibizi Pierro
Nshumbusho Aphrodis Kwibuka
Hakizimana Ismael
Nsabimana Ibrahim
Kabera Richard Clement
14:28
Ikaze kuri Stade ya Ngoma na Stade ya Bugesera
Igicamunsi cyiza! IGIHE ibahaye ikaze kuri Stade ya Ngoma n'iya Bugesera, zombi zo mu Burasirazuba, ahagiye kubera imikino ibiri y'ishiraniro itanga amakipe abiri azamuka mu Cyiciro cya Mbere mu mwaka w'imikino wa 2026/27.
Etoile de l'Est ubusanzwe ifashwa n'uturere twa Ngoma na Kirehe, yakiriye Sunrise FC yo mu Karere ka Nyagatare.
Amakipe yombi yigeze kuba mu Cyiciro cya Mbere, ndetse kuri iyi nshuro arishakamo imwe izamuka cyangwa yombi azamukanye mu gihe Unity FC yaba itsinzwe na Intare FC mu wundi mukino usoza izi 'play-offs' ubera mu Bugesera.
Imikino yombi iratangira Saa Cyenda.
