Jamus FC vs Rayon Sports

Jamus FC 1-3 Rayon Sports

Uko umukino uri kugenda

Umwanditsi

: Iradukunda Olivier & Eric Tony Ukurikiyimfura

Amafoto

: Umwari Sandrine

21:30

Ruvuyanga asesenguye Rayon igeze kuri 'finale' , APR yapangiwe 'imikino nabi

21:23

Amafoto: Ibyishimo bidasanzwe mu bafana ba Rayon Sports

21:19

Amashusho: Abafana ba Rayon Sports mu byishimo byinshi nyuma yo gutsinda Jamus SC

20:58

90+6’ Umukino urarangiye

Rayon Sports itsinze Jamus FC ibitego 3-1 mu mukino wa 1/2 cya CECAFA Kagame Cup 2026, igera ku mukino wa nyuma uzayihuza na Gor Mahia yasezereye Al Hilal SC.

Uyu mukino uzabera kuri Stade Amahoro, ku wa Gatanu, tariki ya 7 Kanama 2026.

Rayon Sports yaherukaga kugera ku mukino wa nyuma mu 1998 ubwo yegukanaga iri rushanwa itsinze Mlandege FC ibitego 2-1.

20:56

90+5' Rayon Sports ibuze igitego

Muderi Akbar ateye ishoti rikubita igiti cy'izamu, habura gato ngo Rayon Sports ibone igitego cya kane.

20:52

90' Iminota y’inyongera

Umukino wongeweho iminota itandatu kuri 90 y’umukino.

20:51

87' Igitego cya gatatu cya Rayon Sports

Tambwe Gloire ateye ishoti rikomeye atsinda igitego cya Rayon Sports.

20:40

81' Rayon Sports irasimbuje

Nisingizwe Christian ahawe umwanya na Iradukunda Elie Tatou.

Nizeyimana aha umwanya Ndayishimiye Didier.

20:39

80' Iminota ya nyuma yihariwe na Jamus

Jamus FC iri guhanahana neza mu minota ya nyuma, ishaka kwishyura igitego cya kabiri yatsinzwe na Rayon Sports.

20:37

77' Rayon Sports igeze imbere y'izamu

Tambwe Gloire agejeje umupira mu rubuga rw'amahina rwa Jamus ariko abuzwa gutera mu izamu kugeza awurengeje.

20:34

74' Rayon Sports ibuze igitego

Djingarey yakiriye umupira ahawe na Nizeyimana Mubaraka ariko ntiyawushyira ku mutwe neza ngo ujye mu izamu ahubwo ujya hanze.

20:30

69' Igitego cya Jamus FC

Rutahizamu wa Jamus FC, Bandiougou Diallo, atsinze igitego nyuma yo kutumvikana kwa Nshuti Didier wa Rayon Sports utumvikanye n'umunyezamu we Dande Junior.

20:26

67' Amafoto: Rayon Sports iyoboye umukino

20:26

66' Rayon Sports irasimbuje

Kameni Junior na Issa Djiguiba bavuye mu kibuga hajyamo Nizeyimana Mubaraka na Tambwe Gloire.

20:24

65' Jamus FC irasimbuje

Joseph Irungu avuye mu kibuga aha umwanya Deng Simon.

20:20

59' Abafana ba Rayon Sports bari gukina ku mubyimba mukeba

Abafana ba Rayon Sports bari kurimba indirimbo 'Wa Gikona wee..", bishima hejuru mukeba wayo APR FC yavuye mu irushanwa mu matsinda.

20:15

56' Igitego cya kabiri cya Rayon Sports

Issa Djiguiba azamukanye umupira awukuye mu kibuga hagati, bawumukuraho nabi usanga Ibrahim Djingarey Mansouru, ahita awutereka mu izamu atawuhagaritse.

20:13

53' Kameni aryamye hasi

Kameni Junior afashe umupira arawuzamukana awugeza mu rubuga rw'amahina bamushyira hasi ariko umusifuzi avuga ko yigushije.

20:08

48' Jamus ihushije igitego

Hergy Samoni wa Jamus yinjiye mu rubuga rw'amahina rwa Rayon Sports, ateye ishoti mu izamu rica hejuru.

20:05

46' Rayon Sports ihushije igitego

Iradukunda Elie Tatou arekuye ishoti rikomeye rikurwamo n'umunyezamu wa Jamus, Majak, Djiguiba agiye gusobyamo bamubwira ko yaraririye.

20:04

45' Igice cya kabiri kiratangiye

Jamus itangiye iki gice ikora impinduka, aho ikuye mu kibuga, Joseph Dhata, Rodrigue Mfegue na Jean Ngumbi, ishyiramo Hergy Samoni, Atendele Mawa na Diallo.

19:48

45+2' Igice cya mbere kirarangiye

Igice cya mbere cy'umukino wa Rayon Sports na Jamus FC kirangiye ari igitego 1-0 cyinjijwe na Muderi Akbar wa Gikundiro.

Iki gice kirangiye nta buryo bukomeye bwinshi bw'ibitego bwaremwe imbere y'izamu, dore ko amakipe yombi yagerageje gutera mu izamu inshuro ebyiri, imwe igahira Rayon Sports ikavamo igitego.

Buri kipe yabonye koruneri ebyiri, ariko kubera amakosa yo mu kibuga hagati, Rayon Sports yateye coup franc umunani, naho Jamus itera coup franc zirindwi.

Umupira warenze inshuro 30 muri iki gice, aho buri kipe yarengeje umupira inshuro 15.

Jamus iri inyuma ku gitego, yihariye umupira ku kigero cya 52%, mu gihe Rayon Sports ari 48%.

19:46

45' Iminota y'inyongera

Umukino wongeweho iminota ibiri y'inyongera ku gice cya mbere, ari na ko Joseph Irungu wa Jamus yihanangirizwa kubeshya umusifuzi ko yakorewe ikosa.

19:44

43' Jamus ibuze igitego

Oumar Traore wa Jamus ahinduye umupira ujya ku mutwe wa Joseph Stephen ariko awuteye mu izamu Dande Junior uri mu izamu rya Rayon Sports arawufata.

19:43

42' Umusifuzi yirengagije ikosa

Kameni Junior aryamye hasi agaragaza ko yakorewe ikosa na Thomas Eta wa Jamus ariko umusifuzi amubwira ko nta cyabaye.

19:41

39' Umukino uhagazeho gato

Ibrahim Djingarey wa Rayon Sports akorewe ikosa aryama hasi abaganga binjira mu kibuga vuba ngo bamwiteho.

19:37

36' Rayon Sports ibuze igitego

Kameni Junior ahaye umupira Issa Djiguiba wari imbere y'izamu rya Jamus, ateye ishoti, umunyezamu Majak Maling afata umupira neza.

19:34

35' AMAFOTO: Rayon Sports iyoboye umukino

19:31

30' Coup franc ya Jamus

Issa Djiguiba wa Rayon Sports akoreye ikosa Duvan wa Jamus hatangwa coup-franc.

19:29

29' Coup franc ya Rayon Sports

Nshuti Didier akorewe ikosa na Duvan Elenga wa Jamus FC, hatangwa coup franc ya Rayon Sports.

19:28

27' Coup franc ya Rayon Sports

Ishimwe Ganijuru akorewe ikosa na George Rodrigue, hatangwa coup franc kuri Rayon Sports ariko itagize icyo itanga.

19:26

24' Ikarita y'umuhondo kuri Jamus

Jean Ngumbi wa Jamus yeretswe ikarita y'umuhondo nyuma yo gukinira nabi Iradukunda Elie Tatou, uyu mukinnyi wa Rayon Sports arawiterera habura gato ngo ujye mu izamu.

19:24

20' Rayon Sports yari yarushijwe yongeye gusubira mu mukino

Mu minota 15 y'umukino Rayon Sports yari yarushijwe cyane, ariko amahirwe yabonye yo kuzamuka yayabyaje umusaruro ibonamo igitego, ndetse itangira no gukina irusha Jamus FC, no gukinira mu kibuga cyayo.

19:17

17' Igitego cya Rayon Sports

Muderi Akbar wa Rayon Sports akoze akazi gakomeye mu kibuga hagati, ahereza umupira Iradukunda Elie Tatou, awuhereza Nshimiyimana Emmanue, awohereza mu rubuga rw'amahina usanga nanone Muderi ahita atsinda igitego cye cya mbere muri Rayon Sports.

19:15

14' Gushyamirana kw'abakinnyi

Hanif wa Jamus ashyamiranye na Junior Kameni wa Rayon Sports, ariko umusifuzi aratabara.

19:13

12' Koruneri ya Jamus

Nshuti Didier arengeje umupira wari ugiye kujyanwa mu rubuga rw'amahina rwa Rayon Sports na George Mfegue wa Jamus.

19:11

10' Coup franc ya Rayon Sports

Ishimwe Ganijuru Elie akorewe ikosa mu kibuga hagati hatangwa coup-franc.

19:08

5' Umukino uri gukinirwa mu kibuga hagati

Amakipe yombi ari gukinira mu kibuga hagati, buri imwe ishaka uko yakubaka umukino wayo.

19:02

2' Koruneri ya Jamus FC

Dhata Joseph yari ateye umupira mu izamu, Ganijuru awushyira muri koruneri.

19:00

1' Umukino uratangiye

18:56

Amakipe yombi ari kwinjira mu kibuga

Abakinnyi b'amakipe yombi binjiye mu kibuga bitegura gukina uyu mukino w'ishiraniro.

18:48

AMAFOTO: Ubwo amakipe yarimo yishyushya

18:43

AMASHUSHO: Omar Artan yageze i Kigali

Umusifuzi mpuzamahanga wo muri Somalia, Omar Artan, yageze i Kigali aho azasifura umukino wa nyuma wa CECAFA Kagame Cup 2026 uzaba ku wa 7 Kanama 2026, kuri Stade Amahoro.

Artan wabaye umusifuzi wa mbere muri Afurika muri 2025, yabaye ikimenyabose nyuma yo kwangirwa kwinjira muri Leta Zunze Ubumwe za Amerika aho yagombaga gusifura imikino ya nyuma y'Igikombe cy'Isi cya 2026.

Ku wa 12 Kanama azasifura umukino wa UEFA Super Cup uzahuza Paris Saint-Germain na Aston Villa.
Azasifura umukino wa Gor Mahia n'indi kipe iva hagati ya Rayon Sports na Jamus FC.



18:41

AMASHUSHO: Uyu mwaka waba ari uwa Gikundiro?

Rayon Sports yongeye kugera muri ½ cya CECAFA Kagame Cup nyuma y’imyaka 13. Amateka agaragaza ko uko iyi kipe yageze muri iki cyiciro, yagize umwaka mwiza ikanegukana Igikombe cya Shampiyona.

18:38

Abasifuzi b'umukino

Umusifuzi w'umukino uza kuba ari mu kibuga hagati ni Aradjiga Ahmed.

Yungirijwe na Eleyeh Robleh na Hamdan Said mu mpande, mu gihe umusifuzi wa kane ari Saddam Mansour.

18:23

Riderman ari gususurutsa abafana

Mu gihe abafana bategereje umukino wa 1/2 cya CECAFA Kagame Cup 2026 uhuza Rayon Sports na Jamus FC, Riderman ari kubasusurutsa mu ndirimbo ze zakunzwe zirimo 'Mambata' yafatanyije na Safi Madiba n'izindi.

18:21

Amakipe yombi ari kwishyushya

Abakinnyi ba Rayon Sports na Jamus FC bageze mu kibuga batangira kwishyushya mbere y'uko umukino utangira mu minota iri imbere.

18:13

Muhire Kevin ntakina na Rayon Sports

Kapiteni wa Jamus FC, Muhire Kevin, wakiniye Rayon Sports na yo akayibera kapiteni, ntakina n'iyi kipe yahozemo kubera imvune yagiriye mu mukino uheruka kuyihuza na Mogadishu City.

Muhire ni umwe mu bakinnyi bafashije Jamus FC kugera muri ½ cya CECAFA Kagame Cup 2026, nyuma y’uko iyoboye Itsinda B yari isangiye na Singida Black Stars, Simba SC Club na Mogadishu City.

Yavunikiye mu mukino w’umunsi wa gatatu mu itsinda wabahuje na Mogadishu City, akaba yaritaweho n’abaganga kugira ngo harebwe niba yakina na Rayon Sports, ariko birananirana.

Umutoza wa Rayon Sports, Haringingo Francis, aherutse kugaragaza ko azi neza ko Muhire Kevin azabwira Jamus FC imibereho n’imikinire y’iyi kipe yahozemo, bityo agiye gushaka ubundi buryo akina na yo akagera ku mukino wa nyuma wa CECAFA Kagame Cup.

Muri Kamena 2025 ni bwo Muhire w’imyaka 27, yagiye muri Sudani y’Epfo nyuma yo kurangiza amasezerano ye muri Rayon Sports. Ni amasezerano yarangiye ayifashije gusoreza ku mwanya wa kabiri muri Shampiyona no mu Gikombe cy’Amahoro.

17:54

AMASHUSHO: Reba uko Rayon yasesekaye kuri Stade | Kameni na Djiguiba mu isura nshya

17:49

Abasimbura ba Rayon Sports

Abakinnyi Rayon Sports yabanje ku ntebe y'abasimbura.

Mugisha Yves (GK)
Nshimimana Fabrice
Wakonda Abdel Matumona
Tambwe Ngongo Gloire
Nkudimana .
Nisingizwe Christian
Ndayishimiye Didie
Boris Gbenou
Ndikumana Asman
Nizeyimana Mubaraka
Muhoza Daniel

17:48

Abakinnyi Rayon Sports ibanza mu kibuga

Abakinnyi 11 Umutoza wa Rayon Sports, Haringingo Francis Christian, yahisemo kubanza mu kibuga.

Dande Junior (GK)
Ganijuru Ishimwe Elie
Nshimiyimana Emmanuel (C)
Nshuti Didier
Charles Tchouplaou
Muderi Akbar
Ibrahim Mansouru Djingarey
Issa Djiguiba
Antonio Atisso Kodjo Kossivi
Iradukunda Elie Tatou
Kameni Herman Junior

17:46

Abasimbura ba Jamus FC

Abakinnyi babanje ku ntebe y'abasimbura ba Jamus FC.

Benjamin Laku Lotelek
Atendele Mawa Christopher
Sabastin Teclar
Joseph Malish Manase
Mario Taban Cherelino
Hergy Samoni
Bandiougou Diallo
Deng Simon Bol
Godwill Yugusuk Simon (GK)

17:45

Abakinnyi Jamus FC ibanza mu kibuga

Abakinnyi 11 Umutoza wa Jamus FC, Saber Ben Jabria, yabanje mu kibuga.

Majak Maling Mawith (GK)
Mohammed Kesra Hakeen
Hanif Makale Wesonga
Thomas Bawak Eta (C)
Benz Jean Ngumbi
Laurent Ramazani
Gosim Duvan Elenga
Oumar Traore
Dhata Joseph Stephen
Joseph Irungu Waithira
George Rodrigue Mfegue

17:40

Stade yuzuye

Abafana biganjemo aba Rayon Sports buzuye muri Kigali Pelé Stadium mu gihe habura isaha imwe n'iminota 20 ngo ikipe yabo itangire gukina na Jamus FC.

17:31

AMAFOTO: Ubwo amakipe yombi yageraga kuri stade

17:17

Jamus yasuwe na

Defence Attaché wa Sudani y'Epfo mu Rwanda, Brigadier General Mohamed Mirghani, yasuye Jamus FC mbere y'uko ihura na Rayon Sports muri CECAFA Kagame Cup 2026, ayishimira umuhate yagaragaje muri iri rushanwa.

16:51

Ikaze kuri Kigali Pelé Stadium

IGIHE ibahaye ikaze kuri Kigali Pelé Stadium ahagiye kubera umukino wa 1/2 cya CECAFA Kagame Cup 2026, uhuza Jamus FC yo muri Sudani y'Epfo na Rayon Sports yo mu Rwanda.

Umukino uratangira saa Moya Zuzuye (19:00).