Rwanda 3-1 Liberia
Uko umukino uri kugenda
Umwanditsi |
: Iradukunda Olivier & Eric Tony Ukurikiyimfura |
Amafoto |
: Umwari Sandrine |
20:54
Amafoto: Abakinnyi b'Amavubi bishimiye intsinzi
20:45
Amashusho: Mu byishimo byinshi, Leroy Jacques Mickels atanze ubutumwa bukomeye
20:44
Amashusho: Iby'ingenzi byaranze umukino Amavubi yatsindiyemo Liberia ibitego 3-1
20:07
Amavubi atangiye neza urugendo rugana muri CAN 2027
Ikipe y'u Rwanda 'Amavubi' itangiye neza mu rugendo rugana mu Gikombe cya Afurika cya 2027, itsinda iya Liberia y'abakinnyi 10 ibitego 3-1 mu mukino wa mbere wo mu Itsinda K waberaga muri Stade Amahoro.
Ibitego by'Amavubi byatsinzwe na Biramahire Abeddy, Leroy-Jacques Mickels na Joy-Lance Mickels mu gihe kimwe cya Libera cyatsinzwe na Sylvanus Nimely.
Liberia yasigaye ari abakinnyi 10 ku munota wa 60 ubwo rutahizamu wayo, Kpah Sean Sherman, yahabwaga ikarita itukura akiniye nabi Mugisha Bonheur amukandagiye.
U Rwanda ruzasubira mu kibuga ku wa 29 Nzeri, rwakirwa na Cap-Vert i Praia.
Kuri uyu wa Gatanu Saa Tatu z'ijoro, Mali irakira Cap-Vert i Bamako kuri Stade du 26 Mars.
20:04
Umukino urarangiye
20:03
90+5' Uburyo bw'Amavubi
Bizimana Djihad ashatse gutsindira inyuma y'urubuga rw'amahina, atera ishoti rigiye hejuru y'izamu rya Liberia.
20:02
90+3' Liberia ntinyuzwe n'imisifurire
Abanya-Liberia bibwiraga ko babonye penaliti, ariko umusifuzi agaragaza ko ikosa nta kosa ryabaye.
Umutoza Erradi Adil n'abakinnyi be ntibanyuzwe.
Umutoza Erradi Adil n'abakinnyi be ntibanyuzwe.
19:58
90' Iminota y'inyongera
Umusifuzi wa Kane, Chanshi Kasongo, yerekanye iminota itanu y'inyongera.
Joy-Lance Mickels ahinduye umupira mwiza, habura mugenzi we uwukina.
Liberia ifite abakinnyi icyenda nyuma y'uko Edward Ledlum ari hanze, hirya y'izamu ry'u Rwanda, ari kuvurwa.
Joy-Lance Mickels ahinduye umupira mwiza, habura mugenzi we uwukina.
Liberia ifite abakinnyi icyenda nyuma y'uko Edward Ledlum ari hanze, hirya y'izamu ry'u Rwanda, ari kuvurwa.
19:55
Amashusho: Reba penaliti ya Joy-Lance Mickels yitanze ibyishimo
19:55
86' Gusatira kw'Amavubi
Byiringiro Jean Gilbert ahinduye umupira mwiza mu rubuga rw'amahina rwa Liberia, Nshuti Innocent awurengeshwa na myugariro w'iki gihugu cyo mu Burengerazuba bwa Afurika.
19:51
83' Amavubi biranze
Iradukunda Elie Tatou ahinduye umupira mwiza mu rubuga rw'amahina, Joy-Lance Mickels, Nshuti Innocent na Mugisha Gilbert bananirwa kuwukoraho ujya hanze.
19:49
80' Umukino winjiye mu minota 10 ya nyuma
Amavubi yasoje gusimbuza, bivuze ko Naom Emeran azakinira u Rwanda bwa mbere undi munsi utari uyu.
19:48
79' Gusimbuza
Kwizera Jojea, Niyomugabo Claude na Mugisha Bonheur basimbujwe Mugisha Gilbert, Imanishimwe Emmanuel 'Mangwenge' na Muhire Kevin ku ruhande rw'u Rwanda.
19:47
Amashusho:Igitego Leroy Jacques Mickels yatsinze
19:46
77' Uburyo bwa Liberia
Edward Ledlum acomekewe umupira mwiza mu rubuga rw'amahina, awukina n'umutwe ariko Ntwari Fiacre ahita awufata.
19:45
75' Ikarita y'umuhondo
Nshuti Innocent ahawe ikarita y'umuhondo akiniye nabi Murphy Dorley mu kibuga hagati.
19:44
75' Gusimbuza
Solomon Tweh na Franklin Nyenetue basimbujwe Divine Teah na Kindness Cole ku ruhande rwa Liberia.
19:42
72' Gusatira kw'Amavubi
Byiringiro Jean Gilbert ahinduye umupira mwiza mu rubuga rw'amahina, ashaka Joy-Lance Mickels, ariko umunyezamu Tommy Songo asohoka neza, afata umupira.
19:38
70' Umukino winjiye mu minota 20 ya nyuma
Nubwo Liberia imaze iminota 10 isigaranye abakinnyi 10 gusa mu kibuga, Amavubi nta buryo bukomeye arongera kurema.
Umupira uri gukinirwa cyane mu kibuga cya Liberia, ariko atari hafi y'izamu.
Umupira uri gukinirwa cyane mu kibuga cya Liberia, ariko atari hafi y'izamu.
19:36
67' Gusimbuza
Biramahire Abeddy na Leroy Jacques Mickels basimbujwe Nshuti Innocent na Iradukunda Elie Tatou ku ruhande rw'Amavubi.
19:33
65' Amavubi yihariye umupira
Amavubi ari guhererekanya uko abishaka, yari abonye uburyo bwiza ku mupira Abeddy Biramahire yari ashyize mu izamu, ufata inshundura ntoya.
19:30
62' Coup-franc y'Amavubi
Leroy Jacques Mickels ahannye ikosa ryakorewe kuri Mugisha Bonheur, umupira washoboraga kujya mu izamu ufatwa neza na Tommy Songo abanje gusimbuka.
19:29
60' Ikarita itukura
Rutahizamu wa Liberia, Kpah Sean Sherman, ahawe ikarita itukura akiniye nabi Mugisha Bonheur aho amukandagiye.
Uyu mukinnyi yari amaze iminota 15 gusa mu kibuga ndetse yari yamaze guhabwa ikarita y'umuhondo.
Uyu mukinnyi yari amaze iminota 15 gusa mu kibuga ndetse yari yamaze guhabwa ikarita y'umuhondo.
19:26
57' Amavubi ahushije uburyo bwiza
Leroy Jacques acomekeye umupira mwiza Niyomugabo Claude na we awushyira mu rubuga rw'amahina, usanga uyu mugenzi we uwuteye mu izamu ariko ufata umutambiko uvamo, myugariro wa Liberia ahita awushyira muri koruneri.
19:26
Amafoto: Ubwo Amavubi yishimiraga igitego cya gatatu
19:25
55' Amavubi ararokotse na none
Byiringiro Jean Gilbert atabaye Ikipe y'Igihugu, akura umupira ku izamu uri hafi kujyamo.
Liberia ikomeje gusatira nyuma yo gukora impinduka eshatu mu busatirizi.
Liberia ikomeje gusatira nyuma yo gukora impinduka eshatu mu busatirizi.
19:23
54' Ubundi buryo bwa Liberia
Murphy Dorley ashyize umupira mwiza mu rubuga rw'amahina, Sean Sherman awuteye ufatwa na Ntwari Fiacre.
19:22
53' Amavubi ararokotse
Sean Sherman ahushije uburyo bwiza ku mupira ateye n'umutwe umusanze mu rubuga rw'amahina, ujya hirya y'izamu gato kuko wari wagiye ku ruhande Ntwari Fiacre atariho.
19:21
Amafoto: Igice Amavubi ytangiye igice cya kabiri ayoboye umukino
19:20
51' Liberia iri gusatira cyane
Muri iyi minota ibanza y'igice cya kabiri, Liberia iri gusatira cyane ishaka kwishyura.
Abatoza bayo bari ku gitutu aho umwe mu bungirije Adil Erradi Mohammed yeretswe ikarita y'umuhondo.
19:16
48' Ikarita y'umuhondo kuri Liberia
Ayouba Kosia wa Liberia yeretswe ikarita y'umuhondo kubera gukina nabi.
19:16
Liberia yasimbuje abakinnyi batatu
Ayoub Kosiah, Jimmy Farkarlun na Kpah Sherman bagiye mu kibuga basimbuye ku ruhande rwa Liberia. Abavuyemo ni Sylvanus Nimely, Sabastin Teclar na Philip Tarnue.
19:13
46' Igice cya kabiri kiratangiye
19:10
Amavubi yagize iminota 45 myiza
Ikipe y'Igihugu 'Amavubi' yagize igice cya mbere cyiza imbere ya Lone Star ya Liberia, aho uretse ibitego, abakinnyi b'u Rwanda bagerageje uburyo butandukanye.
Igitego cya mbere cyatsinzwe na Biramahire Abeddy ku munota wa gatatu, cyinjiye byari uburyo bwa gatatu bubonetse imbere y'izamu rya Liberia.
Nyuma yaho, na bwo abarimo Joy-Lance Mickels bashoboraga kubona ibindi bitego, ariko ntibahirwa.
Liberia iri gukina umukino wihuta ushingiye ku mipira miremire, iri kunyuzamo ikagerageza guteza ibibazo u Rwanda binyuze ku bakinnyi barimo Edwaed Ledlum, Sylvanus Nimely, Sabastin Teclar na Franklin Nyenetue.
Niyomugabo Claude wibazwagaho byinshi nyuma yo guhamagarwa adaheruka mu kibuga kuko ubu nta kipe afite, yigaragaje aho yanakuyemo umupira wari kujya mu izamu.
Byitezwe ko mu gice cya kabiri, Stephen Constantine utoza Amavubi ashobora gusimbuza abarimo Kwizera Jojea wabonye ikarita y'umuhondo, Biramahire Abeddy na Leroy-Jacques Mickels agaha umwanya abarimo Nshuti Innocent na Noam Emeran ushobora gukinira u Rwanda bwa mbere kuri uyu mugoroba.
Igitego cya mbere cyatsinzwe na Biramahire Abeddy ku munota wa gatatu, cyinjiye byari uburyo bwa gatatu bubonetse imbere y'izamu rya Liberia.
Nyuma yaho, na bwo abarimo Joy-Lance Mickels bashoboraga kubona ibindi bitego, ariko ntibahirwa.
Liberia iri gukina umukino wihuta ushingiye ku mipira miremire, iri kunyuzamo ikagerageza guteza ibibazo u Rwanda binyuze ku bakinnyi barimo Edwaed Ledlum, Sylvanus Nimely, Sabastin Teclar na Franklin Nyenetue.
Niyomugabo Claude wibazwagaho byinshi nyuma yo guhamagarwa adaheruka mu kibuga kuko ubu nta kipe afite, yigaragaje aho yanakuyemo umupira wari kujya mu izamu.
Byitezwe ko mu gice cya kabiri, Stephen Constantine utoza Amavubi ashobora gusimbuza abarimo Kwizera Jojea wabonye ikarita y'umuhondo, Biramahire Abeddy na Leroy-Jacques Mickels agaha umwanya abarimo Nshuti Innocent na Noam Emeran ushobora gukinira u Rwanda bwa mbere kuri uyu mugoroba.
18:55
Igice cya mbere kirarangiye
Igice cya mbere cy'umukino w'Umunsi wa Mbere wo mu Itsinda K ryo gushaka itike ya CAN 2027 uri kubera muri Stade Amahoro, cyarangiye u Rwanda rwatsinze Liberia ibitego 3-1.
Ibitego by'Amavubi byatsinzwe na Biramahire Abeddy, Leroy-Jacques Mickels na Joy-Lance Mickels mu gihe kimwe cya Libera cyatsinzwe na Sylvanus Nimely.
Ibitego by'Amavubi byatsinzwe na Biramahire Abeddy, Leroy-Jacques Mickels na Joy-Lance Mickels mu gihe kimwe cya Libera cyatsinzwe na Sylvanus Nimely.
18:54
45+3' Jojea aryamye hasi
Umukinnyi w'Amavubi ahise aryama hasi ubwo yari akubiswe umupira na Edward Ledlum ari hanze y'ikibuga, ubwo yari agiye kurengura, yigaragura asubira mu kibuga.
Umusifuzi yitambitse abakinnyi b'impande zombi basaga n'abatangiye gushwana.
18:50
45' Iminota ine y'inyongera
Umusifuzi wa Kane, Chanshi Kasongo, yerekanye iminota ine y'inyongera.
Liberia iri gushaka uko yongera kugabanya ikinyuranyo.
Liberia iri gushaka uko yongera kugabanya ikinyuranyo.
18:50
45' Igitego cya gatatu cy'Amavubi
Stade Amahoro yose iti "Siuuuuuuuuuuuuuu!"
Joy-Lance Mickels, Umunyarwanda wa mbere wakinnye League Phase ya UEFA Champions League, yanditse izina rye mu batsindiye Amavubi, atsinda igitego cya gatatu kuri penaliti yinjije neza.
Ni penaliti ateye nyuma yo kuyihabwa na Biramahire Abeddy wari wabanje gutereka umupira.
Uyu mukinnyi wa Sabah FK muri Azerbaijan, yishimiye igitego nka Cristiano Ronaldo, Stade Amahoro yose igira iti "Siuuuuuuu!"
Rwanda 3-1 Liberia.
Joy-Lance Mickels, Umunyarwanda wa mbere wakinnye League Phase ya UEFA Champions League, yanditse izina rye mu batsindiye Amavubi, atsinda igitego cya gatatu kuri penaliti yinjije neza.
Ni penaliti ateye nyuma yo kuyihabwa na Biramahire Abeddy wari wabanje gutereka umupira.
Uyu mukinnyi wa Sabah FK muri Azerbaijan, yishimiye igitego nka Cristiano Ronaldo, Stade Amahoro yose igira iti "Siuuuuuuu!"
Rwanda 3-1 Liberia.
18:48
43' Penaliti y'Amavubi
Mugisha Bonheur ateye ishoti rikomeye mu rubuga rw'amahina, umukinnyi wa Liberia ashyiraho ukuboko.
18:45
40' Ikarita y'umuhondo
Kwizera Jojea ahawe ikarita y'umuhondo akiniye nabi Edward Ledlum wa Liberia bari hagati mu kibuga.
18:44
38' Igitego cya Liberia
Sylvanus Nimely agabanyije ikinyuranyo ndetse agarurira icyizere Abanya-Liberia nyuma yo kwishyura igitego kimwe ubwo Amavubi yari agowe no gukiza izamu ku mupira wari uvuye muri koruneri.
Rwanda 2-1 Liberia.
Rwanda 2-1 Liberia.
18:42
Amafoto: Amavubi ayoboye umukino
18:42
37' Niyomugabo atabaye Amavubi
Ku mupira wa koruneri, Niyomugabo Claude akuriyemo umupira ku murongo ubwo Liberia yari iteye mu izamu ry'Amavubi mu ruhande umunyezamu Ntwari atariho.
Liberia iri gusatira cyane muri iyi minota.
18:41
36' Ntwari yitwaye gitwari
Ntwari Fiacre akinnye neza, akuramo umupira uteretse wari ushyizwe hejuru mu izamu na Edward Ledlum.
18:40
Perezida Kagame yageze muri Stade Amahoro
Umukuru w'Igihugu yamaze kugera muri Stade Amahoro aho yitabiriye umukino uri guhuza u Rwanda na Liberia mu gushaka itike ya CAN 2027.
18:39
34' Igitego cya kabiri cy'Amavubi
Dore igitego! Ni nde wundi?
Leroy Jacques Mickels atsinze igitego cya kabiri cy'Amavubi ku mupira umusanze hirya mu rubuga rw'amahina, nyuma yo kuva kuri Byiringiro Gilbert ukabanza gukorwaho na Joy-Lance Mickels.
Rwanda 2-0 Liberia.
18:37
30' Koruneri ya mbere ibonetse ku Banya-Liberia
Byiringiro Gilbert akinishije umutwe arenza umupira wari uhinduwe mu rubuga rw'amahina rw'u Rwanda, uvamo kuroneri ya mbere mu mukino.
Umupira usubijwe mu kibuga na Murphy Dorley ukina muri Arabie Saoudite, ariko bagenzi be bananirwa kuwukina utwarwa na Jacques Mickels.
Umupira usubijwe mu kibuga na Murphy Dorley ukina muri Arabie Saoudite, ariko bagenzi be bananirwa kuwukina utwarwa na Jacques Mickels.
18:34
29' Abasifuzi ntibahuje
Kwizera Jojea akiniwe nabi na Sabastin Teclar umupira urarenga, umusifuzi wo ku ruhande agaragaza ko ari ukurengura kwa Liberia ariko uwo hagati atanga coup-franc y'u Rwanda ari na yo itewe.
18:33
28' Liberia iri kurema uburyo bwo gupfundikanya
Kugeza ubu guhererakanya imipira migufi ijya imbere ntibirakunda hagati y'abakinnyi ba Liberia.
Mu kugira ngo bagere ku izamu ry'Amavubi, bari kwitabaza imipira miremire.
Edward Daddy Ledlum agerageje ishoti ryo hanze y'urubuga rw'amahina, atera umupira hejuru.
18:32
Amashusho: Reba igitego Biramahire Abeddy yatsindiye Amavubi
18:31
26' Abafana bitabiriye
Bitandukanye n'uko byari bimaze kumenyerwa ko mu gihe Amavubi yakinnye hashyirwaho bisi zitwara abafana ku kibuga ndetse bakinjirira ubuntu, kuri iyi nshuro byabaye ngombwa ko hagurishwa amatike aho aya make yari 2000 Frw.
Kugeza ubu abari muri Stade bagera muri 70% by'ubushobozi bw'abantu ibihumbi 45 Stade Amahoro ishobora kwakira.
18:27
24' Amavubi yaciye akarongo
Kuri ubu abakinnyi bose b'Amavubi bari gukinira mu kibuga cya Liberia.
Iyi kipe itozwa na Adil Erradi Mohammed wahoze muri APR FC, birasa n'aho nta gitutu cyinshi ifite nubwo yamaze gutsindwa igitego.
Amavubi yo ari gushaka igitego cya kabiri nyuma y'icya Biramahire Abeddy cyabonetse hakiri kare.
18:26
21' Gusatira kwa Liberia
Sylvanus Nimely yohererejwe umupira muremure imbere, arawukurikira ndetse awufata ugiye kurenga, awuteye unyura kuri Kavita usanga Ntwari Fiacre awufata neza.
18:24
Amafoto: Ubwo Amavubi yishimiraga igitego
18:22
18' Abafana bakunda ibitego?
Ubwo umukino watangiraga, abafana b'Amavubi bari bafite imbaraga n'urusaku rwinshi.
Ni ko byari bimeze kandi ku basaga 300 ba Liberia bari muri Stade Amahoro.
Muri aka kanya, bose baratuje. Icyo wumva ni ingoma ziterenze 20.
18:21
16' Umukino uhagaze gato
Emmanuel Favor Fully agaragaje ko yakiniwe nabi na Mugisha Bonheur wari ucometse umupira mwiza iburyo, umusifuzi yemeza ikosa.
18:19
15' Umukino wagabanyije umuvuduko
Bitandukanye n'uko byari bimeze mu minota itanu ya mbere, umukino ntukiri kwihuta cyane.
Amavubi yahisemo gukoresha impande zayo, aho mu bakinnyi ari gukoresha cyane arimo Leroy-Jacques Mickels, Kwizera Jojea na Byiringiro Jean Gilbert uri kuba wazamutse.
18:17
Amafoto: Ubwo amakipe yombi yinjiraga mu kibuga
18:17
12' Uburyo bwa Liberia
Sabastin Teclar ahinduye umupira mwiza mu rubuga rw'amahina rw'Amavubi, Sylvanus Nimely awutanga Mutsinzi Ange, awukinnye n'umutwe ujya ku ruhande.
18:16
11' Niyomugabo akomewe amashyi
Nubwo umukino w'irushanwa aheruka ari uwo muri Gicurasi 2026, Niyomugabo Claude acenze rutahizamu wa Liberia ahabwa amashyi menshi n'abafana.
Abatoza b'Amavubi bavuze ko bamugiriye icyizere kuko yari amaze iminsi akorera imyitozo muri Kigali FC.
Mbere yo kuva muri APR FC, n'ubundi Claude ni we wabanzagamo mu Mavubi.
18:14
8' Uburyo bw'Amavubi
Kwizera Jojea ahinduye umupira mwiza usanga Joy-Lance Mickels ku murongo w'urubuga rw'amahina, arahindukira atera ishoti rikuwemo n'umunyezamu Songo mbere yo gufashwa na bagenzi be bagakiza izamu.
18:13
7' Liberia itangiye kwibona mu mukino
Abakinnyi ba Liberia barimo Solomon Tweh basunitse Amavubi bayasubiza inyuma, ariko ubwugarizi bwitwara neza burenza umupira.
18:12
5' Ubundi buryo bw'Amavubi
Ikipe y'Igihugu yatangiranye imbaraga nyinshi ndetse iri gukinishiriza Liberia mu kibuga cyayo.
Jacques Mickels yongeye guhindura umupira mwiza, umunyezamu Songo awukuramo mbere yo gutabarwa na Solomon Tweh.
18:08
3' Igitego cy'Amavubi
Nta gutinda, Stade Amahoro ibaye umuhondo.
Biramahire Abeddy afunguye amazamu i Remera, akora ku mupira wari uhinduwe na Leroy Jacques Mickels.
Rwanda 1-0 Liberia.
Biramahire Abeddy afunguye amazamu i Remera, akora ku mupira wari uhinduwe na Leroy Jacques Mickels.
Rwanda 1-0 Liberia.
18:06
2' Coup-franc y'Amavubi
Biramahire Abeddy ni umunyabwenge.
Rutahizamu w'Amavubi arinaze ubwo yari asatiriwe na Emmanuel Fully.
Ikosa rihanwe na Jojea, umunyezamu akubita ibipfunsi umupira uvamo.
Rutahizamu w'Amavubi arinaze ubwo yari asatiriwe na Emmanuel Fully.
Ikosa rihanwe na Jojea, umunyezamu akubita ibipfunsi umupira uvamo.
18:05
Umukino watangiye
Umunya-Zambia Hillary Hambaba atangije umukino.
Umupira wa mbere ukinwe na Liberia, Sylvanus Nimely awusubiza inyuma kuri bagenzi be bahise bawurenza.
Kuri uyu mugoroba, Amavubi yambaye amabara yayo yo mu rugo ari yo umuhondo hejuru no ku masogisi mu gihe amakabutura ari ubururu.
Liberia yambaye umweru hose.
Umupira wa mbere ukinwe na Liberia, Sylvanus Nimely awusubiza inyuma kuri bagenzi be bahise bawurenza.
Kuri uyu mugoroba, Amavubi yambaye amabara yayo yo mu rugo ari yo umuhondo hejuru no ku masogisi mu gihe amakabutura ari ubururu.
Liberia yambaye umweru hose.
18:03
Abanya-Liberia ni benshi muri Stade Amahoro
18:00
Haririmbwe indirimbo zubahiriza ibihugu byombi
Indirimbo yubahiriza igihugu ya Liberia, "All Hail, Liberia, Hail!", ni yo yahereweho mbere y'uko haririmbwa "Rwanda Nziza".
Liberia ifite abafana bari muri 300 mu gihe kuri ubu abarenga 60% by'abantu ibihumbi 45 bajya muri Stade Amahoro bamaze kuyigeramo.
17:58
Amafoto: Ubwo amakipe yombi yishyushyaga
17:52
Abafana bategereje amakipe
Mu gihe amakipe yombi yasoje kwishyushya agasubira mu rwambariro kwitegura gutangira umukino, abafana ku mpande zombi bari kuririmba indirimbo zitandukanye.
Ni igikorwa bari gufashwamo n'umushyushyarugamba, Mugenzi Faustin.
Ni igikorwa bari gufashwamo n'umushyushyarugamba, Mugenzi Faustin.
17:48
Abanya-Zambia ni bo bayobora umukino
Umukino ugiye guhuza u Rwanda na Liberia urasifurwa n'Umunya-Zambia Hillary Hambaba.
Abasifuzi bo ku ruhande ni Trywell Nyirenda na Francis Swaba naho Umusifuzi wa Kane ni Chanshi Kasongo.
Ni mu gihe Komiseri w'Umukino ari Umunya-Kenya Agwanda Richard Obare.
17:38
Abakinnyi ba Liberia babanje mu kibuga
Umutoza wa Liberia, Erradi Adil Mohammed, yabanje mu kibuga:
Tommy Songo
Jamal Arago
Emmanuel Fully
Solomon Tweh
Sylvanus Nimely
Philip Tarnue
Sebastine Teclar
Franklin Daliba Nyenetue
Oscar Murphy Dorley (C)
Edward Ledlum
Sampson Kargeoh Dweh Jr.
Tommy Songo
Jamal Arago
Emmanuel Fully
Solomon Tweh
Sylvanus Nimely
Philip Tarnue
Sebastine Teclar
Franklin Daliba Nyenetue
Oscar Murphy Dorley (C)
Edward Ledlum
Sampson Kargeoh Dweh Jr.
17:30
Abakinnyi b'Amavubi babanje mu kibuga
Umutoza w'Amavubi, Stephen Constantine, yahisemo gukinisha:
Ntwari Fiacre
Byiringiro Jean Gilbert
Niyomugabo Claude
Mutsinzi Ange
Kavita Phanuel
Mugisha Bonheur
Bizimana Djihad
Joy-Lance Mickels
Leroy Jacques Mickels
Biramahire Abeddy
Kwizera Jojea
17:26
Amafoto: Abafana bari kwinjira muri stade ari benshi
17:24
Amashusho: Reba uko urwambariro rw'Amavubi ruteguye
17:23
Amakipe yombi yinjiye mu kibuga atangira kwishyushya
Abakinnyi b'Amavubi, aba Lone Star n'abasifuzi bageze mu kibuga batangira kwishyushya mbere yo gukina.
17:18
Amavubi muri gahunda ya SOBER GEN
Ubwo Amavubi yinjiraga muri Stade Amahoro, agiye gusura ikibuga akiniraho na Liberia, abakinnyi n'abandi bagize ikipe binjiye bambaye imipira yanditseho "SOBER GEN".
Iyi ni gahinda imaze iminsi itangijwe mu gihugu cyose, aho "Sober Gen" bivuze urubyiruko rufite ubuzima bwiza kandi rwiyitaho, rwarezwe neza kandi rugakura neza.
Ni gahunda igamije guhashya ibiyobyabwenge n'inzoga zitujuje ubuziranenge mu rubyiruko.
17:15
U Rwanda rwahannye Liberia ubwo amakipe yombi aheruka guhura
Imikino ibiri imaze guhuza ibihugu byombi yari iyo gushaka itike y’Igikombe cya Afurika.
U Rwanda rwanyagiye Liberia ibitego 4-0 mu 2007 nubwo mu mukino ubanza wabaye mu 2006, iki gihugu cyari cyarutsinze ibitego 3-2.
17:03
Ubwo amakipe yombi yageraga kuri Stade Amahoro
16:55
Imikino amakipe yombi aheruka gukina
Mu mikino itanu Amavubi aheruka gukina yatsinzemo itatu atsindwa ibiri.
Rwanda 2-0 Estonia
Rwanda 4-0 Grenada
Afurika y'Epfo 3-0 Rwanda
Rwanda 0-1 Benin
Zimbabwe 0-1 Rwanda
Liberia yatsinze umukino umwe muri itanu, inganya umwe, mu gihe indi itatu yayitsinzwe.
Liberia 3-1 Sierra Leone
Sierra Leone 1-0 Liberia
Liberia 2-2 Libya
Bénin 1-0 Liberia
Guinea 2-0 Liberia
Rwanda 2-0 Estonia
Rwanda 4-0 Grenada
Afurika y'Epfo 3-0 Rwanda
Rwanda 0-1 Benin
Zimbabwe 0-1 Rwanda
Liberia yatsinze umukino umwe muri itanu, inganya umwe, mu gihe indi itatu yayitsinzwe.
Liberia 3-1 Sierra Leone
Sierra Leone 1-0 Liberia
Liberia 2-2 Libya
Bénin 1-0 Liberia
Guinea 2-0 Liberia
16:48
Abafana ba Liberia bitabiriye
Abafana ba Liberia biganjemo abanyeshuri bo muri iki gihugu biga mu Rwanda, bagerageje kwitabira ari benshi kuri uyu munsi.
Mu bukangurambaga bakoze hgati yabo bifuzaga kuba barenga 2000, ndetse bigaragara ko byagezweho.
Mu bukangurambaga bakoze hgati yabo bifuzaga kuba barenga 2000, ndetse bigaragara ko byagezweho.
16:43
Amakipe yombi yasuye ikibuga
Abakinnyi b'Amavubi n'aba Lone Star bageze muri Stade Amahoro babanza gusura ikibuga mbere yo kugikiniraho.
Ubaye n'umwanya mwiza ku bakinnyi wo kuramutsa abafana bageze muri stade.
Ubaye n'umwanya mwiza ku bakinnyi wo kuramutsa abafana bageze muri stade.
16:38
Amashusho: Amavubi yageze kuri Stade Amahoro
16:25
Ikaze kuri Stade Amahoro
Umugoroba mwiza!
IGIHE ibahaye ikaze kuri Stade Amahoro, ahagiye kubera umukino wa mbere wo mu Itsinda K ryo gushaka itike y'Igikombe cya Afurika cya 2027.
Ni umukino uhuza Ikipe y'Igihugu y'u Rwanda, Amavubi, na Lone Star ya Liberia.
Umukino uratangira Saa Kumi n'Ebyiri.
Andi makipe ari muri iri tsinda ni Mali yakira Cap Vert kuri Stade du 26 Mars iri mu Mujyi wa Bamako, Saa Tatu z'ijoro.
IGIHE ibahaye ikaze kuri Stade Amahoro, ahagiye kubera umukino wa mbere wo mu Itsinda K ryo gushaka itike y'Igikombe cya Afurika cya 2027.
Ni umukino uhuza Ikipe y'Igihugu y'u Rwanda, Amavubi, na Lone Star ya Liberia.
Umukino uratangira Saa Kumi n'Ebyiri.
Andi makipe ari muri iri tsinda ni Mali yakira Cap Vert kuri Stade du 26 Mars iri mu Mujyi wa Bamako, Saa Tatu z'ijoro.
