Rwanda vs Kenya

22:23

Amafoto: Abakinnyi b'Amavubi bashimiwe banahabwa impano

20:41

Amashusho: Iby'ingenzi byaranze umukino w'u Rwanda na Kenya

20:02

Amavubi asoje imikino yayo anganya na Kenya

Ikipe y'Igihugu 'Amavubi' inganyije n'iya Kenya ubusa ku busa mu mukino wa gicuti wabereye muri Stade Amahoro ku mugoroba wo kuri uyu wa Mbere, tariki ya 5 Ukwakira 2026.

Ni wo mukino usoje iyo Amavubi yari afite muri Nzeri n'Ukwakira, nyuma yo gutsinda Liberia na Cap-Vert.

Ikipe y'Igihugu izasubira mu kibuga ku wa 11 Ugushyingo yakirwa na Mali mu mukino w'Umunsi wa Gatatu wo mu Itsinda K ryo Gushaka Itike ya CAN 2027 uzabera i Bamako.

Nyuma y'iminsi ine, u Rwanda ruzakira umukino w'Umunsi wa Kane uzabera hano muri Stade Amahoro ku wa 15 Ugushyingo 2026.

Turabashimiye mwese twabanye kuri uyu mukino, mugire umugoroba mwiza.

19:58

Umukino urarangiye

19:57

90+3' Uburyo bw'Amavubi

Leroy Jacques ahinduye umupira mwiza mu rubuga rw'amahina, Niyigena Clement awukinnye n'umutwe ujya hejuru y'izamu gato.

19:56

90+2' Ikarita y'umuhondo

Ryan Wesley Ogam Rabok ahawe ikarita y'umuhondo akiniye nabi Imanishimwe Emmanuel 'Mangwende'.

19:54

90' Iminota y'inyongera

Umusifuzi wa Kane, Rulisa Patience, yerekanye iminota itandatu y'inyongera.

Amakipe yombi ari gushaka gitego gikora ikinyuranyo.

19:53

90' Amavubi yirangayeho

Amavubi akoze 'contre-attaque' ku mupira winjiranywe na Byiringiro Jean Gilbert, ariko awuhinduye mu izamu uba muremure kuri Leroy Jacques Mickels ujya hanze.

19:51

Amafoto: Umukino ugeze mu minota ya nyuma

19:50

87' Ikarita y'umuhondo

Marvin Omondio Nabwire ahawe ikarita y'umuhondo akiniye nabi Hakim Hamiss.

19:48

85' Coup-franc y'Amavubi

Leroy Jacques Mickels ahannye ikosa ryakorewe kuri Taiba, umupira unyura ku ruhande rw'izamu.

19:47

83' Ikarita y'umuhondo

Mike Evans Kibwage ahawe ikarita y'umuhondo abuza Mbonyumwami Taiba gukina umupira yari acomekewe na Niyomugabo Claude hafi y'urubuga rw'amahina.

19:45

82' Ikarita y'umuhondo

Leroy Jacques Mickels yeretswe ikarita y'umuhondo ku ikosa Bizimana Djihad yakoreye Marvin Omondio Nabwire. Birumvikana ko habayeho kwibeshya k'umusifuzi.

19:43

80' Gusimbuza

Frank Onyango Odhiambo na Mohamed Omar Ali Bajaber bagiye mu kibuga basimbuye ku ruhande rwa Kenya.

19:42

79' Uburyo bwa Kenya

Manzur Okwaro Suleiman afunze umupira wari ugaruwe na Niyigena Clement, atera ishoti rikomeye rinyuze ku ruhande rw'izamu ry'u Rwanda.

19:41

78' Ikarita y'umuhondo

Amos Emmanuel Wanjala ahawe ikarita y'umuhondo akiniye nabi Imanishimwe Emmanuel 'Mangwende'.

19:40

75' Coup-franc ya Kenya

Hakim Hamiss akiniye nabi Manzur Okwaro hagati mu kibuga cy'Amavubi.

Ikosa rihanwe na Okwaro, umupira ukurwaho na Nkurikiyimana n'umutwe.

19:33

70' Umukino winjiye mu minota 20 ya nyuma

Amavubi ari kugerageza uburyo butandukanye ashaka igitego.

19:31

68' Uburyo bw'Amavubi

Niyomugabo Claude ahaye umupira Leroy Jacques Mickels ari inyuma y'urubuga rw'amahina, azamura umupira ugiye hejuru gato y'izamu ku buryo washoboraga kumanukiramo.

19:29

66' Gusimbuza

Ronney Onyango Otieno asimbuye Abud Khamis Omar Abud wavunitse, ku ruhande rwa Kenya.

19:27

64' Umukino wongeye guhagarara

Kapiteni wa Kenya, Abud Omar Khamis Abud, agaragaje ko yagize ikibazo mu ivi, asabwa kuva mu kibuga ndetse ahamagarirwa ingobyi.

19:24

60' Gusimbuza

Leroy Jacques Mickels, Niyomugabo Claude, Mbonyumwami Taiba na Niyongira Patience basimbuye Iradukunda Elie Tatou, Nshuti Innocent, Kwizera Jojea na Niyongira Patience ku ruhande rw'Amavubi.

19:22

59' Gusimbuza

Christophe Erambo Otieno asimbujwe Stanley Ben Omondi ku ruhande rwa Kenya.

19:21

58' Umukino uhagaze gato

Umunyezamu Hakizimana Adolphe wahoze acumbagira, yicaye hasi agaragaza ko afite ikibazo, ahamagarirwa abaganga.

19:19

Amafoto: Abafana baracyategereje igitego

19:18

55' Amavubi yirangayeho

Kwizera Jojea yinjiranye umupira mu rubuga rw'amahina, agorwa no kuwutera mu izamu, arahindukira akinana na Nshuti Innocent uteye ishoti rigiye ku ruhande.

19:15

54' Ubundi buryo bw'Amavubi

Iradukunda Elie Tatou ahinduye umupira mwiza mu rubuga rw'amahina, Abud Omar Khamis Abud awutanga Nshuti Innocent awushyira muri koruneri.

19:13

52' Amavubi ari gusatira

Joy-Lance Mickels akinanye neza na Byiringiro Jean Gilbert uhinduye umupira mu rubuga rw'amahina, habura mugenzi wabo uwukoraho kuko Nshuti Innocent, Jojea na Tatou bari basigaye.

19:10

48' Amavubi yirangayeho

Nshuti Innocent acomekewe umupira mwiza na Kwizera Jojea, ariko myugariro Mike Evans Kibwage arawumutanga.

19:07

46' Igice cya kabiri cyatangiye

Kenya itangiranye umupira mu gice cya kabiri, ihita itangira gusatira Amavubi.

19:07

Gusimbuza

Hakim Hamiss, Joy-Lance Mickels, Bizimana Djihad na Byiringiro Jean Gilbert basimbuye Biramahire Abeddy, Muhire Kevin, Uwumukiza Obed na Samuel Gueulette ku ruhande rw'Amavubi.

18:57

Abakinnyi bane b'Amavubi bari kwishyushya

Joy-Lance Mickels, Bizimana Djihad, Byiringiro Jean Gilbert na Hakim Hamiss bari kwishyushya ku ruhande rw'u Rwanda.

18:50

Igice cya mbere kirarangiye

Iminota 45 ibanza y'umukino wa gicuti uri guhuza u Rwanda na Kenya muri Stade Amahoro, irangiye amakipe yombi anganya ubusa ku busa.

18:48

45' Iminota ibiri y'inyongera

Umusifuzi wa kane yerekanye iminota ibiri y'inyongera.

Kenya iri gukinira mu kibuga cy'u Rwanda ishaka gufungura amazamu.

18:47

44' Uburyo bw'Amavubi

Kwizera Jojea ateye umupira uteretse, usanga Niyigena Clement mu rubuga rw'amahina, awukinnye n'umutwe uca imbere y'izamu rya Kenya ujya hanze.

18:46

Amafoto: Amakipe yombi aracyanganya 0-0

18:45

43' Amavubi yongeye kurokoka

Hakizimana Adolphe akuyemo imipira ibiri ikomeye itewe na Stanley Wilson Omondi na Ogam Rabok ku ruhande rwa Kenya, uwa nyuma ujya muri koruneri itagize icyo itanga.

18:43

40' Amavubi ararokotse

Iradukunda Elie Tatou akuye umupira imbere y'izamu ry'Amavubi ryambaye ubusa ubwo Hakizimana Adolphe yari asohotse, akananirwa gufata neza umupira wahise uterwa na Ryan Wesley Ogam Rabok.

18:41

38' Uburyo bwa Kenya

Stanley Wilson Omondi yongeye kugerageza ishoti rikomeye ari inyuma y'urubuga rw'amahina, na none umupira ujya ku ruhande rw'izamu ry'u Rwanda.

18:40

37' Umupira umwe ni wo wagannye mu izamu

Mu minota yose imaze gukinwa, uburyo bumwe bwageragejwe na Kwizera Jojea ni bwo bwashoboraga kuvamo igitego.

Muri iyi minota amakipe yombi arakina byo guhererekanya gusa.

18:31

30' Amavubi ari gushyushya abakinnyi batanu

Joy-Lance Mickels, Bizimana Djihad, Mugisha Bonheur, Mutsinzi Ange na Leroy-Jacques Mickels bamaze kwishyushya ndetse bashobora gusimbura vuba.

18:29

26' Uburyo bwa Kenya

Stanley Wilson Omondi agerageje ishoti rikomeye ari inyuma y'urubuga rw'amahina, umupira unyura ku ruhande rw'izamu ririnzwe na Hakizimana Adolphe.

18:24

22' Amavubi yapfundikanyije hagati mu kibuga

Umutoza w'Amavubi, Stephen Constantine, kuri uyu mugoroba yahisemo ko hagati mu kibuga hakina Muhire Kevin na Samuel Guelette, bombi bakunganirwa na Kwizera Jojea.

Iradukunda Elie Tatou na Biramahire Abeddie bari kunyura ku ruhande mu gihe Nshuti Innocent ari imbere.

18:22

19' Kenya yirangayeho

Ogam Rabok acenze abakinnyi bane b'Amavubi, yinjirana umupira, awushyize imbere usanga mugenzi we Omondio Nabwire yaraririye.

18:21

Abakinnyi babanje mu kibuga

18:16

13' Umukino uri gukinirwa hagati mu kibuga

Amakipe yombi yagabanyije gusatira izamu ahubwo akinira hagati mu kibuga.

Buri kipe iri kugira iminota mike isunika indi, ikayisatira.

18:12

9' Uburyo bw'Amavubi

Muhire Kevin ahinduye umupira mwiza mu rubuga rw'amahina rwa Kenya, ushyirwa muri koruneri na Abud Omar Khamis.

Usubijwe mu kibuga na kwizera Jojea, ukinwe na Nshuti Innocent, myugariro wa Kenya atabara izamu rye.

18:09

8' Amavubi yaciye akarongo

Amavubi ari gukinira cyane mu kibuga cya Kenya.

Uwumukiza Obed na Samuel Gueulette bari mu bakinnyi bataribona muri iki kibuga.

18:07

4' Kenya yatangiye kwibona mu mukino

Muri iyi minota ya mbere, abakinnyi ba Kenya bari guhererekanya neza nubwo batarabasha kwinjira mu rubuga rw'amahina rw'Amavubi.

18:04

2' Uburyo bwa mbere bw'Amavubi

Imanishimwe Emmanuel Mangwende ateye umupira muremure imbere, usanga Kwizera Jojea uwuteye adahagaritse, ufatwa n'umunyezamu Faruk wa Kenya.

18:02

Umukino uratangiye

Amavubi atangiranye umupira, Darryl Nkulikiyimana awutera imbere ugera ku munyezamu Faruk Shikhalo wa Kenya.

18:01

Amafoto: Ubwo amakipe yombi yinjiraga mu kibuga

17:59

Amashusho: Ubwo Amavubi yishyushyaga

17:57

Amakipe asubiye mu kibuga

Abakinnyi b'amakipe yombi binjiye mu kibuga ndetse batangira kuririmba indirimbo zubahiriza ibihugu byombi, bahereye kuri 'Ee Mungu Nguvu Yetu' ya Kenya na 'Rwanda Nziza' y'u Rwanda.

17:51

Noam, Kavita na Slayd bicaye mu bafana

Noam Emeran, Phanuel Kavita Mabaya na Joy-Slayd Mickels ntibashyizwe mu bakinnyi bakina uyu mukino, ndetse bicaye mu myanya isanzwe y'abafana by'umwihariko mu ya VIP.

17:49

Abafana barumbye

Mu gihe habura iminota itageze kuri 15, uwavuga ko Stade Amahoro isa n'iyambaye ubusa ntiyaba abeshye. Abafana ni bake cyane.

17:46

Amakipe yasoje kwishyushya

Abakinnyi b'amakipe yombi basoje kwishyushya basubira mu rwambariro mu myiteguro ya nyuma y'umukino.

17:45

Abakinnyi 11 Kenya yabanje mu kibuga

Abakinnyi Umutoza Mukuru wa Kenya, Bennie McCarthy, yahisemo kwifashisha kuri uyu mukino:

1 Faruk Shikhalo
3 Abud Omar Khamis Abud
4 Mike Evans Kibwage
14 Amos Emmanuel Wanjala
17 Vincent Mcdyess Harper
2 Hanif Makale Wesonga
12 Chrispine Erambo Otien?
20 Manzur Okwaro Suleiman
21 Stanley Wilson Omondi
22 Marvin Omondio Nabwire
15 Ryan Wesley Ogam Rabok

17:26

Abakinnyi 11 Amavubi yabanje mu kibuga

Abakinnyi 11 Umutoza w'Ikipe y'Igihugu y'u Rwanda, Stephen Constantine, yabanje mu kibuga:

18 Hakizimana Adolphe
6 Uwumukiza Obed
26 Nkulikiyimana Darryl
16 Niyigena Clement
3 Imanishimwe Emmanuel
11 Muhire Kevin
8 Samuel Gueulette
14 Iradukunda Elie
22 Kwizera Jojea
17 Nshuti Innocent (C)
7 Biramahire Abeddy

17:20

Amakipe yatangiye kwishyushya

Amavubi na Harambee Stars zageze mu kibuga zitangira kwishyushya mbere yo gutangira umukino.

Niyongira Patience na Mbonyumwami Taiba batajyanye n'ikipe muri Cap-Vert gukina umukino wa kabiri mu yo gushaka itike y'Igikombe cya Afurika bari kwishyushyanya n'abandi.

17:13

Amafoto: Ubwo Amavubi yageraga ku kibuga

17:10

Amashusho: Uko abakinnyi b'Amavubi bageze kuri Stade Amahoro

17:08

Amakipe yombi yageze ku kibuga

Abakinnyi b'Amavubi n'aba Harambee Stars bageze muri Stade Amahoro babanza gusura ikibuga cyayo mbere yo kugikiniraho.

17:07

Ikaze kuri Stade Amahoro

Umugoroba mwiza!

IGIHE ibahaye ikaze kuri Stade Amahoro, ahagiye kubera umukino wa gicuti uhuza Ikipe y'Igihugu y'u Rwanda na Kenya, mu kurushaho kwitegura imikino yo gushaka itike y'Igikombe cya Afurika cya 2027.

Umukino uratangira Saa Kumi n'Ebyiri 18:00.

Umwanditsi	: Iradukunda Olivier & Eric Tony Ukurikiyimfura
Amafoto	: