Rwanda vs Mali

Rwanda 0-0 Mali

Uko umukino uri kugenda

Umwanditsi

: Eric Tony Ukurikiyimfura

Amafoto

: Umwari Sandrine

21:06

2' Niyomugabo abaye ibamba

Hamari Traore acometse umupira imbere ashaka mugenzi we Cheikh Keita ufashe umupira arinjira, ariko Niyomugabo Claude aramuzibira, ateye ishoti rijya hanze.

21:03

Umukino uratangiye


Umusifuzi Lahlou Benbraham atangije umukino muri Stade Amahoro.

Umupira utangiranywe n'Amavubi, Iradukunda Elie Tatou akinana na bagenzi be.

20:58

Haririmbwe indirimbo zubahiriza ibihugu byombi

"Le Mali" ni yo yahereweho mbere y'uko haririmbwa "Rwanda Nziza".

Amavubi yambaye umuhondo hejuru, amakabutura y'ubururu n'amasogisi y'umuhondo.

Mali yambaye icyatsi hose.

20:54

Mali yabonye intsinzi imwe mu mikino itanu iheruka gukinira hanze

20:51

Umukino wahawe Abanya-Algeria


Abanya-Algeria barangajwe imbere na Lahlou Benbraham ni bo bagiye kuyobora umukino w'u Rwanda na Mali.

Abasifuzi bo ku ruhande ni Abbes Akram Zerhouni na Adel Abane naho umusifuzi wa kane ni Mustapha Ghorbal.

Ni mu gihe Komiseri w'Umukino ari Ahmed Mgoyi wo muri Tanzania.

20:46

Uko Mali yitwaye mu mikino itanu iheruka gukina

20:45

Amakipe yombi yasoje kwishyushya


Abakinnyi b'u Rwanda n'aba Mali, bose basubiye mu rwambariro nyuma yo kwishyushya.

Umukino uratangira mu minota 15 iri imbere.

20:37

Umuhondo, ubururu n'icyatsi biriganje muri Stade Amahoro


Mu gihe habura iminota mike ngo umukino utangire, abafana bakomeje kwiyongera ariko abamaze kuhagera babarirwa hagati y'ibihumbi 25 na 30.

20:25

AMASHUSHO: Abanyarwanda bishimiye Amavubi ubwo yasuraga ikibuga


20:22

AMASHUSHO: Ubwo Amavubi yageraga kuri Stade Amahoro

20:17

Amavubi yatsinzwe umukino wa Mali gusa muri itanu aheruka gukina

20:16

Abasimbura b'Amavubi kuri uyu mugoroba


Kuri uyu mukino wa Mali, abasimbura 12 ni:

Imanishimwe Emmanuel 'Manguende',Uwumukiza Obed, Biramahire Abeddy, Ruboneka Jean Bosco, Mickels Joy Slayd, Hamiss Hakim, Niyigena Clement, Manzi Thierry, Nshuti Innocent, Ishimwe Ganijuru Elie, Niyongira Patience na Nkurikiyimana Darrly Nganji.

20:11

Ingabo z'u Rwanda mu bashyigikiye Amavubi kuri uyu mugoroba


Abafana bakomeje kwiyongera muri Stade Amahoro mu gihe habura iminota 50 ngo umukino utangire.

Mu bamaze kuhagera harimo Ingabo z'u Rwanda ziteguye gushyigikira Ikipe y'Igihugu.

20:08

Abakinnyi ba Mali babanje mu kibuga


Umutoza wa Mali, Anthony Da Sylva, yahisemo kubanzamo:

Djigui Diarra
Hamari Traore (C)
Amadou Haidara
Cheikh Keita
Nene Dorgeles
Mamadou Sangare
Mamadou Camara
Kamory Doumbia
Modibo Sagnan
Daouda Guindo
Lassine Fanta Mady Sinayoko

20:05

Abakinnyi b'Amavubi babanje mu kibuga


Umutoza w'Amavubi, Stephen Constantine, yahisemo kubanzamo:

Ntwari Fiacre
Niyomugabo Claude
Bizimana Djihad (C)
Mutsinzi Ange
Mugisha Gilbert
Mickels Leroy Jacques
Iradukunda Elie Tatou
Mugisha Bonheur
Mickels Joy Lance
Byiringiro Jean Gilbert
Kavita Phanuel Mabaya

20:01

Abakinnyi b'Amavubi na Mali babanje gusura ikibuga mbere yo kwishyushya

19:58

Reba uko byifashe muri Stade Amahoro: Abafana b'Amavubi bizeye gutsinda Mali

19:55

Amavubi ya Constantine bivuze kureba mu izamu?


Imwe mu mikinire iranga Ikipe y'Igihugu kuva isubiye mu biganza bya Stephen Constantine harimo gukina umukino usatira kandi uganisha ku gutera mu izamu.

Mu mikino 12 Constantine amaze gutozamo Amavubi, ushyizemo itatu yo mu 2014, Ikipe y'u Rwanda yinjije ibitego 20.

Imikino ibiri yarangiye Amavubi atabonyemo igitego ni uwa Congo Brazzaville yatsinzwemo ibitego 2-0 (hanze mu 2014) n'uwa gicuti wahuje u Rwanda na Kenya ukarangira ari ubusa ku busa mu Ukwakira.

Mu mikino itatu y'amarushanwa iheruka, Amavubi yinjije ibitego birindwi birimo bine yatsindiye hanze, ni ukuvuga bibiri kuri buri mukino yahuyemo na Cap-Vert na Mali.

19:47

Amavubi akeneye amanota ane ngo asubire mu Gikombe cya Afurika

Mbere yo gukina na Mali, u Rwanda ruri ku mwanya wa kabiri mu Itsinda K n’amanota atandatu, rukurikiye Mali ifite icyenda. Cap-Vert ifite atatu mu gihe Liberia nta nota irabona.

Gutsinda uyu mukino biratuma Amavubi agira amanota icyenda, asigare akeneye inota rimwe gusa mu mikino ibiri yaba isigaye, kugira ngo yizere adashidikanya itike ya CAN 2027.

Bivuze ko mu gihe u Rwanda rwatsinda Mali kuri uyu mugoroba, Cap-Vert ntibashe gutsinda Liberia, rwazakina imikino yo muri Werurwe 2027 rukoza imitwe y’intoki ku itike y’Igikombe cya Afurika.

Ni amahirwe adakunze kuboneka ku Mavubi, amaze imyaka isaga 20 agorwa no kubona itike y’Igikombe cya Afurika, rimwe na rimwe agasezererwa habura imikino myinshi ngo amajonjora arangire.

Amanota 10 atanga umutekano ku ikipe yose muri iri tsinda, ndetse Mali iramutse itsindiye i Kigali, yahita iboneka itike mu gihe Amavubi yazashakira mu mikino yo muri Werurwe.

19:42

Stephen Constantine ntaratsindirwa mu Rwanda


Uretse kuba bamwe bemeza ko umupira utakidunda, ahubwo wamenyekanye, abahanga bashimangira ko wahindutse siyansi.

Kuri ubu imibare iba ari ingenzi mu kumenya imyitwarire y'ikipe, abakinnyi n'abatoza.

Imwe mu igiye kugarukwaho kuri uyu mugoroba harimo iy'Umutoza w'u Rwanda, Stephen Constantine.

Uyu Mwongereza w'imyaka 64, ari gutoza Amavubi ku nshuro ya kabiri kuva muri Werurwe uyu mwaka, mu gihe bwa mbere byari hagati ya Nyakanga 2014 na Mutarama 2015.

Mu mikino irindwi amaze gukinira mu rugo ari kumwe n'Amavubi, Constantine yatsinze itandatu, anganya umwe uheruka guhuza u Rwanda na Kenya bikina bya gicuti, mu Ukwakira.

19:34

Amakipe yombi yageze muri Stade Amahoro


Harabura iminota 90 ngo umukino utangire ndetse na wo ubwawo uraza kumara iminota 90!

Kuri ubu Amavubi na Les Aigles du Mali, zombi zamaze kugera muri Stade Amahoro ndetse abakinnyi babanje gusura ikibuga baza gukiniramo.

19:29

Amavubi yakwigaranzura Mali?

Mu mikino itanu imaze guhuza u Rwanda na Mali kuva mu 2013, Amavubi yabonyemo inota rimwe gusa mu gihe Les Aigles du Mali yatsinzemo ine.

Imikino ine ibanza yari iyo gushaka itike y'Igikombe cy'Isi mu gihe kuri iyi nshuro ibihugu byombi bihataniye itike y'Igikombe cya Afurika.

19:19

Aba mbere bafashe ibyicaro

Abafana ba mbere bari muri Stade Amahoro, mu gihe habura hafi amasaha abiri ngo umukino uhuza Amavubi na Mali utangire.

19:11

Abafana b'Amavubi bageze i Remera bazindutse


Imiryango ya Stade Amahoro yafunguwe Saa Kumi, amasaha atanu mbere y'umukino, ndetse hari abafana bari bamaze kugera i Remera.

19:08

Ikaze muri Stade Amahoro

Umugoroba mwiza! IGIHE ibahaye ikaze i Remera, muri Stade Amahoro, ahagiye kubera umukino w'Umunsi wa Kane wo mu Itsinda K ryo Gushaka Itike y'Igikombe cya Afurika cya 2027 kizabera muri Uganda, Kenya na Tanzania.

Ni umukino uhuza u Rwanda na Mali guhera Saa Tatu z'ijoro.

Mali ni yo iyoboye Itsinda K n'amanota icyenda, nyuma yo gutsinda u Rwanda ibitego 3-2 mu mukino uheruka.

U Rwanda ruri ku mwanya wa kabiri n'amanota atandatu, Cap-Vert ifite atatu naho Liberia ntirabona inota mu mikino itatu imaze gukinwa.