Kigali- Kigali

Yakurikiwe na Ilkhan Dostiyev wa Astana Kazakhstan Devo Team na Jhonatan Restrepo Valencia wa Polti-Kometa.

Nyuma yo gutsindira kuri Mont-Kigali mu Gace ka Gatandatu no kuri Kigali Convention Centre mu Gace ka Munani, Umwongereza Peter Joseph Blackmore ukinira Ikipe ya Israel-Premier Tech ni we wegukanye Tour du Rwanda 2024 yakinwaga ku nshuro ya 16, aba umukinnyi 14 uyegukanye kuva ibaye mpuzamahanga mu 2009.

Kuri iki Cyumweru, tariki ya 25 Gashyantare, ni bwo hakinwe Agace ka Munani ari ko ka nyuma k'irushanwa ry'uyu mwaka, katangirijwe kuri Kigali Convention Centre na Minisitiri wa Siporo, Munyangaju Aurore Mimosa.

Ni isiganwa ryatangiye abakinnyi bacungana, ariko by’umwihariko Ikipe ya Israel Premier-Tech irimo Joe Blackmore wari wambaye Maillot Jaune igenzura ko bataza kuyitakaza ndetse byasabye ko kabuhariwe Chris Froome yiyoborera igikundi mu gice kinini cyaryo.

Bakigenda ibilometero bya mbere, abakinnyi barindwi bagerageje gusiga abandi ariko igikundi gihita kibagarura bidatinze.

Grmay wa CMC yaje kongera kuva mu gikundi ngo ayobore isiganwa ndetse abasha no kumara umwanya munini ayoboye wenyine. Abanyarwanda Byukusenge Patrick na Niyonkuru Samuel na bo baje gusohoka mu gikundi bajya gushaka Simon Julien, Milan Donie, Arias Torres na Dillon Geary bari imbere, ariko nyuma cyongera kubagarura.

Ubwo bari hafi gusoza Umusozi wa Mont Kigali barenze ahazwi nka Norvege, abakinnyi bose bari bari hamwe, ariko ubwo batangiraga kumanuka i Nyamirambo berekeza Kimisagara, Dostiyev (wa kabiri ku rutonde rusange), Lecerf (wari uwa kane ku rutonde rusange) ndetse na Gomez bahise bava mu gikundi bajya imbere y’abandi ariko ntibyabahira.

Bazamuka ahazwi nko Kwa Mutwe, Joe Blackmore wari wambaye Maillot Jaune yahise atangira gusiga abandi, akurikirwa na Restrepo Valencia ariko uyu wa nyuma aza gusigara nk'uko byagenze kuri Lecerf.

Blackmore yakomeje kuyobora isiganwa wenyine ndetse ageraho anashyiramo ikinyuranyo cy’amasegonda 30 kugeza ubwo yatangaga abandi kuri KCC, akomerwa amashyi mbere y'uko haririmbwa indirimbo yubahiriza Ubwami bw'u Bwongereza "God Save the King".

Mu Gace ka Munani, Peter Blackmore yatsinze akoresheje isaha, iminota 47 n'amasegonda 37, arusha amasegonda 30 Pierre Latour wa TotalEnergies, Dostiyev, Lecerf, Restrepo, Rolland na Doubey.

Mugisha Moise wa Java-InovoTec yasoreje ku mwanya wa 12 yasizwe amasegonda 46 naho Manizabayo Eric wa Team Rwanda aba uwa 17 yasizwe amasegonda 53.

Ku rutonde rusange, Joe Blackmore yegukanye Tour du Rwanda 2024 akoresheje amasaha 17, iminota 18 n'amasegonda 46, arusha amasegonda 41Ilkhan Dostiyev wa Astana n'amasegonda 43 Jhonatan Restrepo wa Polti-Kometa mu gihe William Junior Lecerf wa Soudal Quick Step Devo Team yasoje arushwa umunota n'amasegonda 25.

Umunyarwanda wasoreje hafi ni Manizabayo Eric (Rwanda) wa 15, arushwa iminota itanu n'amasegonda 13, Masengesho aba uwa 18 naho Mugisha Moise aba uwa 20.

Umunyafurika wasoreje hafi uyu mwaka ni Umunya-Eritrea Yemane Dawit wabaye uwa 10, akaba akinira Bike Aid yo mu Budage.

Israel Premier Tech ni yo yihariye intsinzi uyu mwaka kuko yegukanye uduce tune mu munani turimo tubiri kuri Itimar Einhorn (2 na 7) n'utundi tubiri kuri Joe Blackmore (6 na 8).

Abakinnyi 63 ni bo basoje iri siganwa ryari ryatangiwe na 94.

Mugisha Moise wa Java-Inovotec bakurikiye Joe Blackmore usigaje ikilometero kimwe.

Yashyizemo amasegonda 43.

Nta gushidikanya ko ari we ugiye gutsinda no gutwara Tour du Rwanda 2024.

Joe Blackmore wa Israel Premier Tech ari gusatira kuri Kigali Covention Centre kandi yashyizemo amasegonda 30.

Uyu Mwongereza ukinira Israel Premier Tech ugeze mu Gakinjiro, agiye kugera ahahoze Gereza ya 1930 ari wenyine,

Yashyizemo amasegonda 15.

Uruganda rwenga ibinyobwa bisembuye n’ibidasembuye, Bralirwa Plc, rubinyujije mu kinyobwa cyarwo Amstel rwaznye udushya twinshi muri Tour du Rwanda 2024.

Umuyobozi ushinzwe Iyamamazabikorwa muri BRALIRWA, Martine Gatabazi yavuze ko icyo bashyize imbere muri iri rushanwa ari ugushimangira ko Amstel ari yo ifasha abantu gusabana.

Ati “Amstel iri gutegura ibikorwa bitandukanye bizafasha abantu kunezerwa ari na ko bakurikiza amabwiriza yo kunywa mu rugero. Ikizibandwaho uyu mwaka ni ugushimangira ko Amstel aricyo kinyobwa inshuti zikwiye guhitamo mu gihe ziri gusabana.”

Amstel kandi iherutse gushyira ahagaragara uruhererekane rw’ibikorwa bitandukanye bigamije gukabya inzozi z’ibyo abantu babona muri Tour du Rwanda ari na ko zisabana.

Iki gikorwa kimaze kwamamara cyane muri Kigali gikorwa binyuze mu gutwara amagare hifashishijwe ikoranabuhanga (E-Cycling) mu tubari dutandukanye nka Maison Noir, Molato, Plazzo, na Clausy Bar.

Muri Tour du Rwanda, Amstel ihemba umukinnyi mwiza w’umunsi (uwegukanye agace k’uwo munsi

Bayobowe na Blackmore wambaye Maillot Jaune, nibarenga Kwa Mutwe barafata kuri Onatracom, 1930, CHIC, mu Mujyi, bagaruke kuri KCC aho basoreza,

Hasigaye ibilometero umunani gusa.

Dostiyev wa kabiri ku rutonde rusange, Lecerf William wa kane na Gomez bari imbere i Kimisagara, bashyizemo amasegonda atanu ku barimo Blackmore wambaye umwambaro w'umuhondo.

Kubera gushaka amanota yo kuzamuka, bamwe bavuye mu gikundi bahita bafata ab'imbere.

Ubu bari kumanuka ku Ryanyuma no kuri Kigali Pelel Stadium bagana ku Kimisagara no kuzamuka Kwa Mutwe.

Ibinyujije muri Tour du Rwanda, Sosiyete itanga Ingufu z’Amashanyarazi akomoka ku mirasire y’Izuba, MySol, yegereje Abaturarwanda serivisi nshya zirimo umurasire wiswe (Solar Business System) ushobora kwifashishwa n’inganda

MySol iri mu bafatanyabikorwa baherekeje Tour du Rwanda 2024; ni umwaka wa gatandatu yitabiriye iri rushanwa riri kuba ku nshuro ya 16 kuva mu 2009 ribaye mpuzamahanga.

MySol yahisemo gukoresha isiganwa mu kwegereza abakiliya bayo ibicuruzwa bitandukanye birimo bitatu bishya nk’umurasire munini ushobora gukoreshwa n’inganda. Hari kandi ibyuma bishyushya amazi ndetse n’amatara y’umutekano.

Umuyobozi wungirije ushinzwe kwamamaza Ibikorwa muri MySol, Sinavyigize Ndahumba Fabrice, yavuze ko intego ari uko Abaturarwanda babaho neza bifashisha MySol.
Ati “Uyu mwaka dufite umurasire mushya munini wa 3Kw, 5Kw na 8Kw ushobora kwifashishwa n’inganda cyangwa ingo zifite ibikoresho byinshi bikenera amashanyarazi. Hari kandi ibyuma bishyushya amazi kuva kuri litiro 100 kugera kuri 300.”

Iyi sosiyete yageze mu Rwanda mu 2014 yitwa Mobisol Rwanda. Kuva icyo gihe yungutse abakiliya barenga 268,000 bakoresha ingufu zisubira ndetse byahinduye ubuzima bw’abarenga 400.000.

Ni mu gihe kandi abangana na 67.3% bamaze kwishyura imirasire yabo.

Mu 2020, ENGIE Group yaguze Mobisol, Fenix International na ENGIE PowerCorner bituma ibi bigo byose bihurizwa hamwe mu cyitwa ENGIE Energy Access yasimbuye izina rya Mobisol yitwa MySol.

Chris Froome wa Israel Premier Tech irimo Joe Blackmore wambaye Maillot Jaune, ni we uyoboye igikundi cyasizwe amasegonda 35 na Torres Arias (UAE) na Donie (Lotto Dstny).

Igikundi na cyo kiri kuzamuka Norvege kuri Ruliba ndetse cyafashe Simon Julien wa TotalEnergies.

Hasigayemo amasegonda 10.

Abakinnyi bari imbere bagiye kuzamuka Norvege.

Bashyizemo amasegonda 30 hagati yabo n'igikundi kiyobowe n'Ikipe ya Soudal Quick-Step.

Ikigo cy’Imari cya MTN MoMo Rwanda Ltd, cyatangiye gutanga ibihembo muri Tour du Rwanda, aho ku ikubitiro cyahembye Umunya-Eritrea Aklilu Arefayine wabaye Umunyafurika mwiza ukiri muto mu duce twose tumaze gukinwa muri iri siganwa riri gukinwa ku nshuro ya 16.

Muri iyi Tour du Rwanda, MTN Mobile Money Rwanda Ltd yashyize igorora abakiliya bayo binyuze mu bukangurambaga bwiswe #BivaMoMoTima, aho abazakoresha neza uburyo bwo kwishyura binyuze kuri telefoni bwa Momo Pay, bazahembwa ibihembo birimo n’imodoka igezweho.

Ubu bukangurambaga bwatangiye tariki 15 Gashyantare, bukaba buzasozwa ku ya 28 Werurwe 2024.

Kubwinjiramo ku bakiliya ni ugukanda *182*16# naho abacuruzi bo basabwa gushishikariza ababagana kubishyura bakoresheje MoMo Pay.

Ibihembo bigabanyije mu buryo bubiri, aho iby’icyumweru birimo moto, telefoni zigezweho, amatike yo guhaha mu maguriro atandukanye, amafaranga kuva ku bihumbi 50Frw, 100 Frw, 500 Frw na miliyoni 1Frw.

Ni mu gihe, iby’ukwezi birimo amatike y’indege ndetse n’igihembo nyamukuru aricyo imodoka ebyiri (2) nshya zo mu bwoko bwa ‘Volkswagen T-Cross’.

Abatsinze bazajya bahamagarwa buri cyumweru na nimero +250788327777. Igihembo nyamukuru cyo kizatangarizwa kuri Televiziyo y’u Rwanda.

Ni mu gihe kandi uwatsindiye iby’icyumweru azajya ajya ku bifata ku ishami rya MTN rimwegereye.

Muri rusange ubu bukangurambaga bugamije gushimira abakiliya ba Mobile Money Rwanda Ltd bamaze kugera kuri miliyoni zisaga eshanu, mu gihe abacuruzi bo barenga ibihumbi 400.

Iyi serivisi yatangiye mu gihe cya Covid-19 igamije korohereza abantu guhererekanya amafaranga binyuze mu ikoranabuhanga. Ikoreshwa cyane n’abamotari, abacuruzi n’abandi.

Donie, Torres na Simon bamanutse Nyabugogo, basize igikundi amasegonda 59.

Geary wa Afurika y'Epfo arimo hagati ku masegonda 35.

Mu gihe bazamukaga mu Mujyi, Dillon Geary yatakaye.

Byukusenge na Niyinkuru bafashwe n'igikundi.

Ibihugu bitandatu ni byo bimaze kwegukana Tour du Rwanda kuva ibaye mpuzamahanga mu 2009: Eritrea (5), Rwanda (4), Afurika y’Epfo (2), Maroc (1), Espagne (1) na USA (1).

Mu korohereza abayigana kurushaho kugera kuri serivisi z’ubwishingizi butandukanye, Prime Insurance Ltd yavuguruye gahunda yo gufasha abakiliya bayo kwigurira serivisi bidasabye kujya ku ishami ryayo.

Iki kigo gifite uburambe mu gutanga serivisi z’ubwishingizi kiri muri Tour du Rwanda mu 2024 mu rugendo rw’iminsi umunani rwo ku wa 18-25 Gashyantare.

Ni ku nshuro ya karindwi yikurikiranya Prime Insurance iherekeza iri siganwa ry’amagare riri kuzenguruka igihugu ku nshuro ya 16 kuva ribaye mpuzamahanga.

Muri iri siganwa, iyi sosiyete yimakaje ikoranabuhanga yavuguruye gahunda yayo, aho umukiriya yisabira serivisi akanze *177#.

Kuri iyi nshuro, umukiliya mushya ashobora kwisabira ubwishingizi bwose ashaka, bitabaye ngombwa ko afata umwanya, ajya ku ishami rimwemegereye.

Si ibyo gusa kuko iyi serivisi iri gufasha umukiliya kubona abafatanyabikorwa bayo muri serivisi zijyanye n’ubuzima n’imodoka (Pharmacie, ibitaro n’igaraje) zimwegereye, bikamufasha gukemura ikibazo mu buryo bwihuse.

Muri Tour du Rwanda, Prime Insurance ihemba umukinnyi muto kuri buri gace.

Kugeza ubu, Prime Insurance ibumbiyemo ibigo bibiri bitanga ubwishingizi bw’igihe gito n’ubw’igihe kirekire butangwa na Prime Life Insurance Ltd.

Ubwishingizi bw’igihe gito bukubiyemo ubw’ibinyabiziga by’ubwoko bwose, ubw’inkongi z’umuriro, ububungabunga umutungo, ubw’imizigo, ubw’impanuka zonona umubiri, ubw’imirimo ijyanye n’inyubako z’ingeri zose n’ubw’ingendo zo mu kirere.

Ubwishingizi bw’igihe kirekire burimo ubw’amashuri y’abana, ubw’inguzanyo z’amabanki, ubw’izabukuru, ubw’impanuka zitewe n’akazi n’ubw’umuryango.

Prime Insurance yashinzwe mu 1995, icyo gihe yitwaga COGEAR Ltd. Ni ikigo cy’ubwishingizi rusange cyemewe na Banki Nkuru y’u Rwanda. Imaze kugaba amashami arenga 60 mu gihugu, hagamijwe kwegereza Abanyarwanda serivisi zinoze kandi zihuse.

Julien Simon wa TotalEnergies ni we mukinnyi uhagaze neza kugeza ubu kuko ari uwa 28 arushwa iminota irenga 12.

Nk'uko byagenze ku wa Gatandatu i Kayonza, nubwo aba bose (bane bari imbere) bagenda bagatsinda, ntacyo byakwica mu myanya iri imbere.

Gusa haracyari kare.

Patrick Byukusenge (Java-InovoTec) na Niyonkuru Samuel (Rwanda) bageze i Nyarutarama bagana kuri Golf gushaka abakinnyi bane bari imbere. Basizwe amasegonda 50 naho igikundi kiri inyuma ho umunota.

Donie yamaze gufatwa n'abandi batatu: Geary, Simon na Torres ku kilometero cya 32.

Amanota ya Sprint ya Kabiri yatangiwe kuri KCC yegukanywe na Donie wa Lotto-Dstny.

1. Donie
2. Torres
3. Simon

Donie wa Lotto-Dstny aracyayoboye.

Torres (UAE) yafashe Geary na Simon.

Niyonkuru Samuel (Rwanda) yakurikiye, inyuma ye hari igikundi.

Milan Donie wa Lotto-Dstny ni we uri imbere wenyine ku kilometero cya 29.

Dillon Geary we yasigaye ku kilometero cya 27.

Baracyazamuka umuhanda w'amabuye wa Kimihurura.

Ku kilometero cya 25, Julien Simon (TotalEnergies), Dillon Geary (Afurika y'Epfo) na Milan Donie (Lotto-Dstny) bashyizemo amasegonda 30 hagati yabo n'igikundi kiyobowe na Astana.

Abakinnyi bagiye kongera kugera kuri KCC.

Ikinyuranyo ni amasegonda 20 hagati y'igikundi na batatu barimo Simon (TotalEnergies), Donie (Lotto-Dstny) na Geary Dillon (Afurika y'Epfo).

Hamaze gukorwa ibilometero 20, abakinnyi bari kugendera hamwe mu gikundi ariko hari batatu barimo Milan Donie wa Lotto-Dstny, Dillon Geary wa Afurika y'Epfo na Simon wa TotalEnergies bacomotse.

Ikinyuranyo ni amasegonda 15.

Nsengiyumva Shemu wa May Stars yegukanye Sprint ya Mbere kuri KCC, ahigitse Munyaneza Didier kuri ubu bahise banganya amanota 20 ku rutonde rusange muri sprint.

1. Nsengiyumva Shemu (May Stars)
2. Munyaneza Didier (Rwanda)
3. Lennert Teugels (Bingoal WB)

Grmay wa CMC ni we uri imbere nyuma yo gusiga abandi mu muhanda w'amabuye. Kuri ubu, bari gusubira kuri Kigali Convention Centre ku kilometero cya 14.

Israel Premier Tech irangajwe imbere na Chris Froome, imbere mu isiganwa, iri kuzamuka mu muhanda w'amabuye ku Kimihurura.

Ibilometero 10 bya mbere birarangiye, abakinnyi batambutse kuri Kigali Convention Centre, bakomeje ku Kimihurura.

Ku kilometero cya munani, abakinnyi barindwi barimo Paul Ourselin wa TotalEnergies bari imbere ndetse bari gusubira kuri Kigali Convention Centre.

Abakinnyi benshi batangiye gushaka uko bagenda hakiri kare mu kilometero cya mbere.

Isiganwa ry'uyu munsi ni rigufi nubwo ryiganjemo ahazamuka.

Abakinnyi bahagurutse kuri Kigali Convention Centre, bagiye kubanza gukora intera ya kilometero imwe itabarwa.

Mbere y'aka gace ka nyuma, ku rutonde rusange, Joe Blackmore ayoboye n'amasaha 15, iminota 31 n'amasegonda icyenda, arusha amasegonda 11 Ilkhan Dostiyev wa Astana mu gihe Jhonatan Restrepo wa Polti-Kometa arushwa amasegonda 13. William Junior Lecerf wa Soudal Quick-Step aracyasigwa amasegonda 55.

Nta gihindutse, Umwongereza Blackmore ukinira Israel Premier Tech ni we ushobora kwegukana Tour du Rwanda 2024 dore ko aka gace ka nyuma gakunze kurangwa n'imibare myinshi.

Ku wa Gatandatu, Itimar Einhorn wa Israel-Premier Tech yatsindiye i Kayonza nyuma y'uko ntacyo yarwaniraga mu bayoboye.

No kuri iki Cyumweru, hashobora gutsinda umukinnyi udahindura byinshi, cyangwa hagatsinda umwe mu bari imbere ariko ku buryo ibihe bikoreshwa bidahindura byinshi.

Kuri iki Cyumweru, abakinnyi barazenguruka mu byiciro bibiri aho birangira bakoze intera y'ibilometero 73,3

Circuit ya mbere: Inshuro enye: KCC - Gishushu - Nyarutarama - Mu Kabuga - Utexrwa - TV1 - Umuhanda wa Golf - Minagri - Kigali Heights.

Circuit ya kabiri: KCC - Kimicanga - Sopetrad - Peage - City Roundabout - Yamaha - Nyabugogo - Giticyinyoni - Norvège - Mt Kigali - Kigali Pelé Stadium- Nyakabanda - Kwa Mutwe - Onatracom - Gitega - 1930 - CHIC - City Roundabout- Peage - Sopetrad - Medihill - Kimihurura Umuhanda w'amabuye - IFAK - Ku Kabindi - KCC [gusoza].

Tubahaye ikaze na none mu isiganwa mpuzamahanga rizenguruka u Rwanda mu mukino wo gusiganwa ku magare "Tour du Rwanda 2024", ryakomeje kuri iki Cyumweru hakinwa umunsi waryo wa munani ari na wo wa nyuma, mu gace gahagurukira kuri Kigali Convention Centre kakaza kuhasorezwa nyuma yo guca mu bice bitandukanye bya Kigali ku ntera y'ibilometero 73,3.

- Etape 8: Kigali- Kigali
-Intera: Kilometero 73,3
-Isaha yo guhaguruka: Saa 11:00
-Isaha yo gusoza: Hagati ya saa 12:56 na 13:02

Tour du Rwanda ni cyo gikorwa cy’imikino cyonyine kigera mu Ntara zose z’u Rwanda kandi gikurikiranwa n’Abanyarwanda benshi badasabwe ikiguzi na gito, muri make ni ku buntu.

Ni inshuro ya gatandatu iri siganwa riri kuba riri ku kwego rwa 2.1 nyuma y’atanu aheruka, yegukanywe n’Abanya-Erythrée; Merhawi Kudus mu 2019, Natnael Tesfazion mu 2020, Umunya-Espagne Cristian Rodriguez, Natnael Tesfazion mu 2022 na Henok Mulubrhan mu 2023.


Tour du Rwanda yatangiye gukinwa mu 1988, yabaye mpuzamahanga kuva mu 2009, aho yashyizwe ku cyiciro cya 2.2 kugeza mu 2018.


Itandukaniro ry’ibi byiciro byombi riba ko mu isiganwa riri kuri 2.1, amakipe yemerewe gutumirwamo arimo ayo mu cyiciro cya mbere ‘World Tour’ atarenze 50% y’amakipe yose agize isiganwa, n’amakipe yo mu cyiciro cya kabiri ‘Pro-Continental teams’, naho isiganwa riri ku cyiciro cya 2.2 ryo amakipe yemerewe gutumirwa ni ayo mu cyiciro cya gatatu gusa bita ‘Continental teams’ n’amakipe y’ibihugu yo ku mugabane irushanwa