Rukomo (Gicumbi)- Kayonza

Tour du Rwanda 2025 izakomeza ku wa Kabiri, ku munsi wayo wa gatatu, hakinwa Agace ka Kabiri kazahagurukira i Kigali kuri MIC, kagasorezwa i Musanze ku ntera y'ibilometero 112,8.

1. Fabien Doubey (TotalEnergies): 4h01'43"
2. Milan Menten (Lotto Development Team)
3. Joris Delbove (TotalEnergies): +1"
4. Oliver Mattheis (Bike Aid): +3"
5. Pavel Šumpik (Devo Team Picnic): +4"
.
.
12. Henok Mulubrhan (Eritrea): +10"
.
.
15. Aldo Taillieu (Lotto Devo Team): +10"
.
.
26. Masengesho Vainqueur (Rwanda): +21"
27. Byukusenge Patrick (Java-InovoTec)

13. Byukusenge Patrick (Java-InovoTec): 3h57'52"
17. Ngendahayo Jeremie (May Stars)
21. Masengesho Vainqueur (Team Rwanda)
28. Mugisha Moise (Team Rwanda)
32. Manizabayo Eric (Java-InovoTec)
.
.
.
63. Munyaneza Didier (Team Rwanda): +1'15"

1. Henok Mulubrhan (Eritrea): 3h57'52"
2. Rotern Tene (Israel PT)
3. Lorrenzo Manzin (TotalEnergies)
4. Milan Menten (Lotto)
5. Brady Gilmore (Israel PT)

Abakinnyi 51 ba mbere bakoresheje ibihe bimwe.

Umufaransa Fabien Doubey ukinira TotalEnergies ni we uhise yambara umwambaro w'umuhondo ku Munsi wa Kabiri wa Tour du Rwanda 2025.

Byabaye ngombwa ko hitabazwa amashusho ya camera kugira ngo harebwe niba Henok Mulubrhan ari we watanze abandi gukoza ipine mu murongo.

Umunya-Eritrea Henok Mulubrhan yegukanye Agace ka Mbere ka Tour du Rwanda 2025 kahagurukiye mu Rukomo i Gicumbi, kagasorezwa i Kayonza.

Mu bilometero bibiri bya nyuma, abakinnyi bose bari mu gikundi, abahanga mu kunyonga igare biteguye gushaka intsinzi.

Nyuma yo kugenda ibilometero bisaga 154 ari imbere, hamwe akagenda wenyine, Munyaneza Didier yafashwe n'igikundi mu gihe isigaye risatira ibilometero bitatu bya nyuma.

Israel Premier Tech ikinamo Einhorn Itamar watsindiye hano i Kayonza mu 2024, ni yo iri imbere aho yasimbuye Lotto Devo Team.

Mu bilometero bine bya nyuma, Munyaneza Didier yasize igikundi amasegonda umunani gusa.

Munyaneza Didier yigeze gushyiramo amasegonda 55, aramanuka aba 40 na 30, none ubu hasigayemo 15 hagati ye n'igikundi.

Munyaneza Didier wongereye umuvuduko, yashyizemo amasegonda 40 hagati ye n'igikundi mu gihe isiganwa rigeze mu bilometero 10 bya nyuma, i Rukara.

Mu gihe abakinnyi basatira mu bilometero 10 bya nyuma, hasigayemo amasegonda 25 hagati ya Munyaneza Didier n'igikundi.

Munyaneza Didier wa Team Rwanda asize abakinnyi babiri bari hamwe barimo Uwiduhaye Mike, agenda wenyine mu gihe hasigaye ibilometero 12 gusa.

Igikundi kiyobowe n'Ikipe ya Lotto irimo Aldo Taillieu wambaye umwambaro w'umuhondo, cyasizwe amasegonda 20.

Ni ubwa kabiri iyi Etape ikinwe muri Tour du Rwanda, aho mu 2024 yegukanywe n'Umunya-Israel Itamar Einhorn ukinira Israel Premier Tech.

Ubushize, isiganwa ryasojwe muri 'sprint', abakinnyi benshi begeranye mu bihe.

No kuri iyi nshuro, byitezwe ko ari ko bigenda dore ko mu gihe risatira mu bilometero 13 bya nyuma, ikinyuranyo ni amasegonda 50 gusa.

Igikundi cyatangiye gukoresha imbaraga nyinshi kijya gushaka abakinnyi bari imbere.

Kuri ubu intera irimo hagati n'umunota n'amasegonda 10 gusa.

Abakinnyi b'imbere bari i Kiziguro, basize igikundi iminota ibiri n'amasegonda 35.

Umugereki Nikolaos Zegklis ni we mukinnyi wagize ibihe byiza ku munsi wa mbere, muri batatu bayoboye isiganwa aka kanya.

Muri Prologue yakinwe ku Cyumweru, Zegklis wa May Stars yabaye uwa 47 yasizwe amasegonda 29 n'umukinnyi wa mbere.

Igikundi cyongeye kugabanya umuvuduko, byatumye intera iri hagati yacyo n'abakinnyi bayoboye isiganwa iba iminota ibiri n'amasegonda 55.

Munyaneza Didier na Uwiduhaye Mike ba Team Rwanda ndetse na Zegklis wa May Stars basize igikundi iminota ibiri n'amasegonda 40 mu gihe isiganwa riri gusatira ibilometero 30 bya nyuma.

Daniyal Matthews w'Ikipe y'Igihugu ya Afurika y'Epfo yasigaye, kuri ubu abakinnyi batatu bari imbere ni Munyaneza na Uwiduhaye (Team Rwanda) na Zegklis wa May Stars nyuma y'ibilometero 116 i Kabarore.

Kayonza ni Akarere kaberanye n’ubukerarugendo ndetse kakaba amarembo ya Pariki y’Akagera, ari na yo nini mu Rwanda aho icumbikiye inyamaswa eshanu z’inkazi zirimo intare, inkura, ingwe, inzovu n’imbogo.

Ni inyamanswa zagaruwemo mu myaka mike ishize mu rwego rwo kuzahura ubukerarugendo bwari bwaracwendereye kubera Jenoside yakorewe abatutsi mu 1994.

Muri Pariki imbere, habarizwa hoteli enye zirimo Ruzizi Tente Lodge, Magashi Camp, Karenge bush Camp ndetse n’Akagera Game Lodge.

Hanze ya Pariki hari nk’Akagera Rhino Lodge, Akagera Transit Lodge, Akagera Safari Camp n’ahandi hantu ushobora kuruhukira.

Kuva mu isantere ya Kabarondo ugakomeza Rwinkwavu no kuri Pariki y’Akagera kuri ubu uwo muhanda washyizwemo kaburimbo mu rwego rwo gufasha ba mukerarugendo bayisura.

Umunsi wa kabiri wa @tour_du_Rwanda uje iwacu mu Ntara y'Iburasirazuba. Abasiganwa barigaragariza abafana bo mu turere twa Nyagatare, Gatsibo na Kayonza. Tubahaye ikaze mu mirambi myiza y’iwacu, mu nkengero za Pariki y’Igihugu y’Akagera.#TdRwanda2025#VisitRwanda pic.twitter.com/I8wiyLehfu

— ???????????????????????????? ???????????????????????????????? | ???????????????????????? (@RwandaEast) February 23, 2025

<

Umukinnyi wa Team Rwanda, Uwiduhaye Mike, yegukanye amanota ya sprint yatangiwe i Kabarore ku kilometero cya 113.

Yakuriwe na Munyaneza Didier na Daniyal Matthews wa Afurika y'Epfo.

Mu kurushaho kugeza serivisi z’ubwishingizi butandukanye ku bakiliya bayo, Prime Insurance Ltd yashyizeho uburyo bwo kuzigeraho ukoresheje telefoni aho ukanda *177#.

Iki kigo gifite uburambe mu gutanga serivisi z’ubwishingizi, ni cyo rukumbi kiri muri Tour du Rwanda 2025 mu rugendo rw’iminsi umunani, tariki ya 23 Gashyantare kugeza ku ya 2 Werurwe.


Ni ku nshuro ya munani yikurikiranya Prime Insurance iherekeza iri siganwa ry’amagare rigiye kuzenguruka igihugu ku nshuro ya 17 kuva ribaye mpuzamahanga.


Muri iri siganwa, iyi sosiyete yimakaje ikoranabuhanga yavuguruye gahunda yayo, aho umukiriya yisabira serivisi akanze *177#.


Umukiliya mushya ashobora kwisabira ubwishingizi bwose ashaka, bitabaye ngombwa ko afata umwanya, ajya ku ishami rimwemegereye.


Si ibyo gusa kuko iyi serivisi iri gufasha umukiliya kubona abafatanyabikorwa bayo muri serivisi zijyanye n’ubuzima n’imodoka (Pharmacie, ibitaro n’igaraje) zimwegereye, bikamufasha gukemura ikibazo mu buryo bwihuse.

Ibindi Prime Insurance yashyize imbere uyu mwaka harimo ubwishingizi bw’ubuvuzi, ubw’ibinyabigiziga n’ubw’umutungo.


Muri Tour du Rwanda, Prime Insurance ihemba umukinnyi muto kuri buri gace.


Kugeza ubu, Prime Insurance ibumbiyemo ibigo bibiri bitanga ubwishingizi bw’igihe gito n’ubw’igihe kirekire butangwa na Prime Life Insurance Ltd.


Ubwishingizi bw’igihe gito bukubiyemo ubw’ibinyabiziga by’ubwoko bwose, ubw’inkongi z’umuriro, ububungabunga umutungo, ubw’imizigo, ubw’impanuka zonona umubiri, ubw’imirimo ijyanye n’inyubako z’ingeri zose n’ubw’ingendo zo mu kirere.


Ubwishingizi bw’igihe kirekire burimo ubw’amashuri y’abana, ubw’inguzanyo z’amabanki, ubw’izabukuru, ubw’impanuka zitewe n’akazi n’ubw’umuryango.


Prime Insurance yashinzwe mu 1995, icyo gihe yitwaga COGEAR Ltd. Ni ikigo cy’ubwishingizi rusange cyemewe na Banki Nkuru y’u Rwanda. Imaze kugaba amashami arenga 60 mu gihugu, hagamijwe kwegereza Abanyarwanda serivisi zinoze kandi zihuse.

Manizabayo, Uwiduhaye, Zegklis na Matthews bamaze kugenda ibilometero 104, aho bari i Gatsibo, basize igikundi iminota itatu n'amasegonda 15.

Abakinnyi bane bari imbere aribo Manizabayo, Uwiduhaye, Zegklis na Matthews basize igikundi iminota itatu n'amasegonda 25 mu gihe bamaze kugenda ibilometero 96.

Mu gihe abakinnyi bari imbere bari gusatira ku kigo cya Air Force i Gabiro, igikundi kirarushwa iminota ibiri n'amasegonda 50.

Icapiro ritanga serivisi zo gusohora inyandiko ku mpapuro (printing), kwandika ku byapa n’imyenda, gushushanya ku bikoresho n’ibindi bintu (branding), Techno Market, ryagabanyije 5% ku biciro ku bazayigana mu gihe cya Tour du Rwanda 2025.

Techno Market yitabiriye iri rushanwa ku nshuro yayo ya gatandatu. Kuva icyo gihe yishimira intambwe imaze gutera mu kwegera no kwegeraza abaturarwanda serivisi aho baherereye hose mu gihugu, binyuze muri Tour du Rwanda no gufatanya na yo mu kubashimisha.

Iri capiro riheruka gufungura ishami rishya i Gikondo ku muhanda ujya ku rusengero rwa Methodiste Libre.

Umubiligi Aldo Taillieu wambaye umwambaro w'umuhondo, hamwe n'ikipe ye ya Lotto iri hamwe na UAE, Picnic na TotalEnergies, bagabanyije ikinyuranyo kiri hagati yabo n'abakinnyi bane bayoboye isiganwa, hasigaramo iminota ibiri n'amasegonda 35 mu gihe bari gusohoka i Ryabega.

Mu gihe abakinnyi bayoboye isiganwa bageze ku kilometero cya 80, basize igikundi iminota itatu n'amasegonda 20.

Isiganwa rifite ibilometero 157,8.

Munyaneza Didier wari umaze igihe kirekire ayoboye isiganwa wenyine, yafashwe n'abandi bakinnyi batatu bageze i Ryabega ku kilometero cya 78.

Kuri ubu isiganwa riyobowe n'abakinnyi bane ari bo Munyaneza na Uwiduhaye (Team Rwanda), Zegklis (May Stars) na Matthews wa Afurika y'Epfo.

Kapiteni wa Team Rwanda, Munyaneza Didier, ni we wegukanye amanota ya Sprint ya Mbere yatangiwe i Nyagatare, ku kilometero cya 72,6, bagikata berekeza i Ryabega.

Yakurikiwe na Matthews wa Afurika y'Epfo na Zegklis wa May Stars.

I Nyagatare, ku kilometero cya 74, Uwiduhaye uri mu bakinnyi batatu bakurikiye Munyaneza Didier yagize ikibazo cy'igare.

Nikolaos Zegklis wa May Stars yamaze gusigara.

Sosiyete Nyarwanda y'Imikino y'Amahirwe, Forzza Bet, muri iyi Tour du Rwanda 2025, yabazaniye #BikorenaForzza, uburyo bushya bwo kwishyiriraho amafaranga yo gukinira ndetse no kwibikuriza ayo watsindiye, byose bigakorwa utarinze kugana cyangwa guhamagara iduka rya Forzza Bet.

Ni ku nshuro ya kane Forzza Bet itera inkunga irushanwa rya Tour du Rwanda, isiganwa rizenguruka igihugu, igenda isabana n'abakunzi bayo aho inyura hose.

Muri iyi Tour du Rwanda 2025, Forzza Bet izasangiza buri wese wifuza gutega uko yabikora akoresheje telefoni ye, uko yakwishyiriraho amafaranga n'uko yakwibikuriza ayo yatsindiye kandi ako kanya.

Forzza Bet ni izina ry'ubucuruzi bwa Sosiyete ya Baron Sports Gaming Ltd, yanditse kandi ikorera mu Rwanda. Intego zayo ni ugutanga serivisi zinoze, kandi ikaba ishishikajwe no guteza imbere uruganda rw'imikino n'imyidagaduro mu Rwanda.

Ukeneye ibindi bisobanuro uhamagara umurongo wa telefoni utishyurwa 6677 cyangwa se ukabandikira ku mbuga nkoranyambaga zabo, (X, Facebook, Instagram @Forzzagamingrwanda na WhatsApp @ 0795307588).

Nyuma y'ibilometero 70 bimaze gukinwa, nta mpinduka zirongera kuba mu isiganwa.

Nyuma y'ibilometero 70 bimaze gukinwa, nta mpinduka zirongera kuba mu isiganwa.

Mu gihe Munyaneza yitegura kwinjira i Mirama, ku kilometero cya 64, igikundi cyagabanyije ikinyuranyo cyarushwaga, hasigaramo iminota itatu n'amasegonda 40.

Nta mpinduka zabaye ku bakinnyi batatu bari hagati mu isiganwa kuko harimo umunota n'amasegonda 20.

Ku kilometero cya 62, i Bushoga, Munyaneza Didier ayoboye isiganwa wenyine.

Uyu mukinnyi wa Team Rwanda akurikiwe n'abandi batatu ari bo Uwiduhaye, Zegklis na Matthews aho yabasize umunota n'amasegonda 20.

Ni mu gihe igikundi cyo cyasizwe iminota ine.

Ku kilometero cya 56, intera iri hagati ya Munyaneza Didier n'igikundi yabaye iminota ine gusa.

Intera iri hagati ya Munyaneza Didier uri imbere n'igikundi ni iminota ine n'amasegonda 40.

Igikundi kiyobowe n'Ikipe ya TotalEnergies na Lotto Development Team nyuma y'ibilometero 51.

Ku kilometero cya 47, Munyaneza Didier yasize abakinnyi batatu bamukiriye abarusha umunota n'amasegonda 30.

Nta gukorana kugaragara hagati y'aba bakinnyi barimo Uwiduhaye wa Team Rwanda, uwa May Stars n'uwa Afurika y'Epfo.

Kapiteni wa Team Rwanda, Munyaneza Didier, ni we wegukanye amanota y'Umusozi wa Mbere yatangiwe ku kilometero cya 28,6.

Yakurikiwe na Uwiduhaye Mike bakinana muri Team Rwanda na Daniyal Matthews wa Afurika y'Epfo.

Ni inshuro ya kabiri Tour du Rwanda inyuze mu muhanda mushya wa Gicumbi-Nyagatare [aho isorezwa i Kayonza].

Ku muhanda, ahantu hose hari abafana benshi bashaka kureba abakinnyi b'amagare bitabiriye isiganwa ry'uyu mwaka,

Uruganda rukora rukanagurisha matela, Rwanda Foam, rwaherekeje isiganwa mpuzamahanga ry’amagare rya Tour du Rwanda ku nshuro ya cyenda.

Rwanda Foam iheruka kwagura uruganda, mu rwego rwo guhaza isoko ryo mu Rwanda no hanze kuko ubu rushobora gukora matela ibihumbi 5000 ku munsi.

Rwanda Foam imaze imyaka irenga 40 ikora matelas kuva mu 1983. Serivisi zayo ziboneka ku bacuruzi barenga 60 bayihagarariye mu gihugu hose.

Aharanga umucuruzi haba hari icyapa cy’umuhondo cyayo ndetse nta zindi matelas acuruza. Ushobora no kugura matela zayo unyuze kuri https://rwandafoam.com/

Undi mukinnyi wa Team Rwanda, Uwiduhaye Mike, ari mu bakinnyi batatu bakurikiye Munyaneza Didier wabasize umunota n'amasegonda 45 ku kilometero cya 29.

Abandi ni Matthews wa Afurika y'Epfo na Zegklis wa May Stars.

Igikundi cyasizwe iminota ine n'amasegonda 45.

Munyaneza Didier uyoboye isiganwa, ari gusatira Umusozi wa Mbere wa Nyagahanga, ahatangirwa amanota yo kuzamuka ku kilometero cya 28,6.

Muri Tour du Rwanda y'uyu mwaka wa 2025 hari gutangwa ibihembo bisanzwemo n'ibishya ndetse n'ibyari bisanzwe ariko byahinduriwe icyiciro.

Muri ibyo harimo igihembo gihabwa umukinnyi uyobora isiganwa igihe kirekire, kiri gutangwa n'Uruganda Ingufu Gin Ltd kuko mu 2024 rwahembaga Umunyarwanda ukiri muto ufite ibihe byiza kurusha abandi.

Ibinyobwa uru ruganda rutunganya ni 10 birimo Royal Castle Gin, Nguvu, Club Whiskey, New House, Rabiant, Home Town, New House, Medal Gin n'izindi.

Kapiteni wa Team Rwanda, Munyaneza Didier, aracyayoboye isiganwa wenyine nyuma y'ibilometero 18.

Intera y'ibihe iracyari umunota n'amasegonda 40 hagati ye n'igikundi.

Munyaneza Didier amaze kugenda ibilometero 10. Hagati ye n'igikundi harimo ikinyuranyo cy'umunota n'amasegonda 40.

Uruganda rwenga ibinyobwa bisembuye n’ibidasembuye, Bralirwa Plc, rubinyujije mu kinyobwa cyarwo Amstel, rwitabiriye Tour du Rwanda ku nshuro ya gatanu.

Muri iri siganwa, uru ruganda ruba rususurutsa abaryitabiriye binyuze mu bitaramo bitandukanye rutegura.

Ni rwo kandi ruhemba umukinnyi wegukanye isiganwa ry'umunsi.

Uruganda rwenga ibinyobwa bisembuye n’ibidasembuye, Bralirwa Plc, rubinyujije mu kinyobwa cyarwo Amstel, rwitabiriye Tour du Rwanda ku nshuro ya gatanu.

Muri iri siganwa, uru ruganda ruba rususurutsa abaryitabiriye binyuze mu bitaramo bitandukanye rutegura.

Ni rwo kandi ruhemba umukinnyi wegukanye isiganwa ry'umunsi.

Ku kilometero cya gatatu, Munyaneza Didier wa Team Rwanda yashyizemo ikinyuranyo cy'amasegonda 45 hagati ye n'abandi bakinnyi.

Kapiteni wa Team Rwanda, Munyaneza Didier, yavuye mu bandi ayobora isiganwe imbere wenyine.

Ku kilometero cya kabiri, yamaze gushyiramo ikinyuranyo cy'amasegonda 25 hagati ye n'igikundi.

Saa Tanu n'iminota ine ni bwo abakinnyi batangiye kubarirwa ibihe nyuma yo kugenda ibilometero 2,1.

Kuri ubu bagiye gusiganwa intera y'ibilometero 157,8 byiganjemo ahantu hamanuka no gutambika.

Saa Tanu zuzuye ni bwo abakinnyi b'amakipe 14 ari gukina Tour du Rwanda 2025 bahagurutse mu Rukomo.

Bagiye kubanza gukora intera y'ibilometero 2,1 mbere y'uko bagera hafi yo ku Cyuru aho kubara ibihe bitangirira.

Saa Tanu zuzuye ni bwo abakinnyi b'amakipe 14 ari gukina Tour du Rwanda 2025 bahagurutse mu Rukomo.

Bagiye kubanza gukora intera y'ibilometero 2,1 mbere y'uko bagera hafi yo ku Cyuru aho kubara ibihe bitangirira.

Akarere ka Gicumbi ni kamwe muri dutanu tugize Intara y’Amajyaruguru. Gafite amateka yihariye mu buzima bw’Abanyarwanda cyane ko kabaye igicumbi cy’urugamba rwo kubohora igihugu, kanafite Umurindi w’Intwali, rwatumye hongera kuvuka bwa kabiri u Rwanda rushya rwishimiwe na benshi bazi aho ruvuye n’aho rugeze kuri ubu.

Ni akarere gafite ibihe bikonje, akagoroba kaho n’igitondo hagira imbeho ubundi imenyerewe mu bihugu by’u Burayi kubera imiterere yabyo n’aho biherereye ku Isi. Iyo uturutse mu bindi bice by’igihugu bigusaba kwifubika mu gihe abahatuye cyangwa ba kavukire usanga umubiri wabo waramenyereye, ubukonje bwamaze kuba mu byo babana na byo.

Gicumbi ni akarere gafite ubuso bungana na kilometero kare 829. Gaherereye Iburasirazuba bw’iyi Ntara. Mu Majyaruguru, gahana imbibi n’Akarere ka Burera na Uganda.

Iburasirazuba hari Uturere twa Nyagatare na Gatsibo, mu Majyepfo hari Akarere ka Gasabo n’agace gato ka Rwamagana ku nkengero z’ikiyaga cya Muhazi cyizwi mu bukerarugendo mu byiza bitatse u Rwanda. Mu Burengerazuba gahana imbibi n’Akarere ka Rulindo.

Kugera i Gicumbi bamwe bibuka ku izina rya Byumba uturutse nko muri Kigali cyangwa se Gasabo, ugenda ubona ubwiza bw’imisozi y’u Rwanda mu buryo butandukanye n’uko wari usanzwe uyizi, hagomba kuba ari ho havuye izina ko u Rwanda ari ‘urw’imisozi igihumbi’.

Gicumbi-Gatsibo-Nyagatare ni rumwe mu ngendo ziryoheye ijisho ku bakunda ibidukikije kimeza mu Rwanda kuko ugenda usa n’umanuka imisozi myiza cyane wegera ibibaya bya Gatsibo, ugana imirambi ya Nyagatare n’isura y’igitaka, imiterere bigenda bihinduka mu maso yawe.

Kuhatembera ni ukuruhura umutwe no kwirebera uko u Rwanda rugenda ruhinduka mu maso y’urusura.

Gicumb ni umujyi witeje imbere mu bijyanye n’ubuzima bwiza bw’abatuye aka karere. Ibitaro bya Byumba biriranga ukigera muri uwo mujyi mu nyubako zabyo nziza ziri ahirengeye. Ntitwakwibagirwa amasoko, imihanda y’imigenderano irimo gushyirwamo kaburimbo n’ibindi.

Ucyinjira mu Mujyi kandi ubona Ibiro byiza bishya by’akarere, Ibiro bya Polisi, Hotel Urumuri n’izindi nyubako z’ubucuruzi zitandukanye.

Ni akarere kandi karimo amashuri menshi abanza, ayisumbuye ndetse na Kaminuza y’Ubugeni n’Ikoranabuhanga ya Byumba.

Gicumbi ni ku gicumbi cy’amateka y’urugamba rwo kubohora igihugu no guhagarika Jenoside yakorewe Abatutsi.

Uhasanga indaki yari iy’umugaba mukuru w’Ingabo ubu uyobora u Rwanda, Perezida Paul Kagame, hakaba n’inzira z’urugamba aho ugera ugasobanurirwa uko urugamba rwagiye rupangwa.

Gicumbi uhasanga n’amateka y’Ibwami nk’ahitwa Rutare hahoze hatabarizwa Abami n’Abagabekazi. Hakagira kandi umwihariko mu bijyanye n’Imbyino nziza nk’ikinimba, ni kimwe mu birango by’umuco muri ako gace kazwi nko mu Rukiga.

Ushaka gutarama kandi ku marwa ukizihirwana n’abahatuye ku kagoroba cyangwa ikiruhuko, Umujyi wa Gicumbi ubonekamo ikigage cyengetse cyiza cyane, kimwe cy’umwimerere.

Umwe mu bakinnyi ba Team Rwanda, Mugisha Moise, yagaragaye asuhuzanya n'umwe mu bapolisi bari muri Tour du Rwanda.

Polisi y'igihugu iba hafi Tour du Rwanda binyuze mu kuyiherekeza, icunga umutekano w'abakinnyi n'abakurikira iri siganwa.

Nk'uko bisanzwe, abakinnyi, Abanyarwanda n'abandi bareba iri siganwa, bahabwa ubutumwa bwa "Gerayo Amahoro".

Tubahaye ikaze na none mu isiganwa mpuzamahanga rizenguruka u Rwanda mu mukino wo gusiganwa ku magare "Tour du Rwanda 2025", ryakomeje kuri uyu wa Mbere hakinwa umunsi waryo wa kabiri, mu Gace ka Mbere gahagurukira mu Rukomo i Gicumbi kerekeza i Kayonza ku ntera y'ibilometero 157,8.

- Etape 1: Rukomo- Kayonza
-Intera: Kilometero 157,8
-Isaha yo guhaguruka: Saa 11:00
-Isaha yo gusoza: Hagati ya saa 14:40 na 14:50

Tour du Rwanda ni cyo gikorwa cy’imikino cyonyine kigera mu Ntara zose z’u Rwanda kandi gikurikiranwa n’Abanyarwanda benshi badasabwe ikiguzi na gito, muri make ni ku buntu.

Ni inshuro ya karindwi iri siganwa riri kuba riri ku kwego rwa 2.1 nyuma y’atandatu aheruka, yegukanywe n’Abanya-Erythrée; Merhawi Kudus mu 2019 na Natnael Tesfazion mu 2020, Umunya-Espagne Cristian Rodriguez, Natnael Tesfazion mu 2022, Henok Mulubrhan mu 2023 na Joe Blackmore mu 2024.


Tour du Rwanda yatangiye gukinwa mu 1988, yabaye mpuzamahanga kuva mu 2009, aho yashyizwe ku cyiciro cya 2.2 kugeza mu 2018.

Itandukaniro ry’ibi byiciro byombi riba ko mu isiganwa riri kuri 2.1, amakipe yemerewe gutumirwamo arimo ayo mu cyiciro cya mbere ‘World Tour’ atarenze 50% y’amakipe yose agize isiganwa, n’amakipe yo mu cyiciro cya kabiri ‘Pro-Continental teams’, naho isiganwa riri ku cyiciro cya 2.2 ryo amakipe yemerewe gutumirwa ni ayo mu cyiciro cya gatatu gusa bita ‘Continental teams’ n’amakipe y’ibihugu yo ku mugabane irushanwa.