Musanze- Rubavu

Agace ka Gatatu: Musanze- Rubavu
Isaha yo guhaguruka: Saa 11:00
Isaha yo gusoza: Saa 14:16
Abasiganwa: 68
Intera: 121,3 Km

Umwanditsi : Eric Tony Ukurikiyimfura

Amafoto : Kwizera Remy Moses, Cyubahiro Key & Habyarimana Raoul

Uko isiganwa riri kugenda

16:18

Wednesday, 02/26/25

Tour du Rwanda 2025 izakomereza i Karongi


Tour du Rwanda izakomereza i Karongi ku wa Kane, hakinwa Agace ka Kane ku ntera y'ibilometero 95,1.

15:42

Wednesday, 02/26/25

Ikipe nziza yahembwe na Inyange Industries: Bike Aid

15:40

Wednesday, 02/26/25

Umukinnyi wayoboye isiganwa igihe kirekire wahembwe na Ingufu Gin Ltd: Niyonkuru Samuel (Team Amani)

15:38

Wednesday, 02/26/25

Umunyafurika muto mwiza: Yoel Habteab (Bike Aid)

15:37

Wednesday, 02/26/25

Umunyafurika mwiza wahembwe na RwandAir: Henok Mulubrhan (Eritrea)

15:36

Wednesday, 02/26/25

Umunyarwanda mwiza mu isiganwa: Masengesho Vainqueur (Team Rwanda)

15:35

Wednesday, 02/26/25

Umukinnyi wahize abandi muri sprint wahembwe na TotalEnergies: Munyaneza Didier (Team Rwanda)

15:33

Wednesday, 02/26/25

Umukinnyi muto witwaye neza mu isiganwa wahembwe na Prime Insurance: Adria Pericas (UAZ)

15:32

Wednesday, 02/26/25

Umukinnyi wahize abandi mu kuzamuka wahembwe na Forzza Bet: Vinzent Dorn (Bike Aid)

15:31

Wednesday, 02/26/25

Umukinnyi wambaye umwambaro w'umuhondo wahembwe na Visit Rwanda: Fabien Doubey (TotalEnergies)

15:30

Wednesday, 02/26/25

Umukinnyi wegukanye Agace ka Gatatu ka Tour du Rwanda 2025 wahembwe na Amstel: Brady Gilmore (Israel Premier Tech)

15:29

Wednesday, 02/26/25

Abakinnyi ba mbere ku rutonde rusange


1. Fabien Doubey (TotalEnergies): 9h57'36"
2. Joris Delbove (TotalEnergies): +1"
3. Oliver Mattheis (Bike Aid): +3"
4. Brady Gilmore (Israel Premier Tech): +6”
5. Henok Mulubrhan (Eritrea): +10”
6. Adria Pericas (UAZ): +12"
7. Moritz Kretschy (Israel PT): +12"
8. Milan Donie (Lotto Development Team): +16”
9. Oliver Peace (DPP): +22”
10. Yoel Habteab (Bike Aid): +25”
11. Masengesho Vainqueur (Rwanda): +27"
.
.
15. Manizabayo Eric (Java-InovoTec): +42"
18. Mugisha Moise (Rwanda): +2’07"
.
.
.
68. Ruhumuriza Aime (May Stars): +39'20"

15:07

Wednesday, 02/26/25

AMASHUSHO: Reba uko Brady Gilmore yegukanye Agace ka Gatatu i Rubavu


14:59

Wednesday, 02/26/25

Abanyarwanda batanu ba mbere mu Gace ka Gatatu ka Tour du Rwanda 2025


9. Manizabayo Eric (Java-InovoTec): 2h55'14"+6"
13. Masengesho Vainqueur (Team Rwanda)
15. Byukusenge Patrick (Java-InovoTec)
24. Mugisha Moise (Team Rwanda): +1'39"
30. Nkundabera Eric (Team Rwanda): +2'36"

14:56

Wednesday, 02/26/25

Abakinnyi ba mbere mu Gace ka Gatatu ka Tour du Rwanda 2025


1. Brady Gilmore (Israel Premier Tech): 2h55’14”
2. Yoel Habteab (Bike Aid)
3. Henok Mulubrhan (Eritrea)
4. Fabien Doubey (TotalEnergies)
5. Kamiel Eeman (Lotto Dstny)
6. Joris Delbove (TotalEnergies)
7. Oliver Mattheis (Bike Aid)
8. Moritz Kretschy (Israel-Premier Tech): +3”
9. Manizabayo Eric (Java-InovoTec): +6”
10. Milan Donie (Lotto Dstny)

14:24

Wednesday, 02/26/25

Andi mafoto ya Brady Gilmore yishimira intsinzi i Rubavu

Ni agace ka kabiri yegukanye muri Tour du Rwanda ndetse no mu isiganwa ry'ababigize umwuga.

Bivuze ko mu mateka ye, azahora yibuka ko yishimiye intsinzi ye bwa mbere ari mu Rwanda, by'umwihariko i Musanze n'i Rubavu.

14:08

Wednesday, 02/26/25

Umunyarwanda usoreje hafi yabaye uwa cyenda

Manizabayo Eric wa Java-InovoTec ni we Munyarwanda usoreje hafi i Rubavu aho yabaye uwa cyenda yasizwe amasegonda atandatu.

Abakinnyi barindwi ba mbere barimo Fabien Doubey wambaye umwambaro w'umuhondo, bose bakoresheje amasaha abiri, iminota 55 n'amasegonda 14.

14:04

Wednesday, 02/26/25

Brady Gilmore yegukanye Agace ka Gatatu ka Tour du Rwanda 2025

Umunya-Australia Brady Gilmore ukinira Ikipe ya Israel-Premier Tech, yegukanye Agace ka Gatatu ka Tour du Rwanda 2025 kasorejwe i Rubavu nyuma yo guhagurukira i Musanze.

Gilmore yatsinze kuri 'sprint' nk'uko yabikoze i Musanze mu Gace ka Kabiri.

14:00

Wednesday, 02/26/25

Isiganwa riri mu bilometero bine bya nyuma rirasorezwa muri sprint

Nahom Araya yafashwe n'abakinnyi 19 bavuye mu gikundi.

Muri ibi bilometero bya nyuma ni ukumanuka mbere y'uko batambika gato bagiye kugera ku murongo.

Igikundi kiyobowe na Israel Premier Tech ya Itamar Einhorn na Brady Gilmore bakomeye muri 'sprint'.

13:58

Wednesday, 02/26/25

Techno Market yashyize igororora abakiliya bayo mu gihe cya Tour du Rwanda 2025

Icapiro ritanga serivisi zo gusohora inyandiko ku mpapuro (printing), kwandika ku byapa n’imyenda, gushushanya ku bikoresho n’ibindi bintu (branding), Techno Market, ryagabanyije 5% ku biciro ku bazayigana mu gihe cya Tour du Rwanda 2025.

Techno Market yitabiriye iri rushanwa ku nshuro yayo ya gatandatu. Kuva icyo gihe yishimira intambwe imaze gutera mu kwegera no kwegeraza abaturarwanda serivisi aho baherereye hose mu gihugu, binyuze muri Tour du Rwanda no gufatanya na yo mu kubashimisha.

Iri capiro riheruka gufungura ishami rishya i Gikondo ku muhanda ujya ku rusengero rwa Methodiste Libre.

13:50

Wednesday, 02/26/25

Araya yegukanye amanota y'Umusozi wa Kane

Nahom Araya w'Ikipe y'Igihugu ya Eritrea, yegukanye amanota y'Umusozi wa Kane yatangiwe muri Rambo.

Yakurikiwe na. Aman na Milan Donie.

Isiganwa rigeze mu bilometero 11 bya nyuma. Araya yasize igikundi amasegonda 30 avuye kuri 40.

13:48

Wednesday, 02/26/25

Igisobanuro cy'iyi foto kirenze kimwe

13:48

Wednesday, 02/26/25

Igisobanuro cy'iyi foto kirenze kimwe

13:45

Wednesday, 02/26/25

Agace ka Gatatu ka Tour du Rwanda 2025 kanyuze ku nkengero z'Ikiyaga cya Kivu

13:42

Wednesday, 02/26/25

Araya yafashe icyemezo wenyine

Nahom Araya wa Eritrea yavuye mu gikundi, agisiga amasegonda 30 mu gihe habura ibilometero 15.

13:39

Wednesday, 02/26/25

Juan Martinez avuye mu gikundi

Juan Martinez wa Development Team Picnic yasohotse mu gikundi kugira ngo atangire gushaka amanota y'Umusozi wa Rambo mu gihe habura ibilometero 16.

13:36

Wednesday, 02/26/25

Abanya-Rubavu berekanye ko bari banyotewe no kongera kubona Tour du Rwanda

13:34

Wednesday, 02/26/25

Uko isiganwa ryifashe


Munyaneza Didier ari imbere naho igikundi kiyobowe n'Ikipe ya TotalEnergies.

13:31

Wednesday, 02/26/25

Hasigaye ibilometero 25


Isiganwa ryinjiye mu bilometero 25 bya nyuma.

Birashoboka ko nta mpinduka nyinshi ziba kuko mu bilometero bitatu bya nyuma hamanuka naho muri metero za nyuma hakaba hatambika.

13:25

Wednesday, 02/26/25

Munyaneza Didier yegukanye amanota ya Sprint ya Kabiri

Munyaneza Didier wa Team Rwanda yongeye kunyura ku murongo usorezwaho ari imbere, yegukana amanota ya Sprint atangirwa ahatambika.

Yakurikiwe na Retailleau na Eyob Metkel.

13:20

Wednesday, 02/26/25

Abakinnyi banyuze ahasorezwa isiganwa ku nshuro ya kabiri

Tugeze ku kilometero cya 90 mu bilometero 121,3 bigomba gukinwa uyu munsi.

Abakinnyi bongeye kunyura kuri Auberge mu Mujyi wa Rubavu ahasorezwa isiganwa.

Bivuze ko nibagaruka hano, baraba basoje isiganwa.

13:17

Wednesday, 02/26/25

Isiganwa rigeze mu bilometero 32 bya nyuma


Igikundi kiyobowe n'Ikipe ya TotalEnergies ikinamo Fabien Doubey wambaye umwambaro w'umuhondo.

13:15

Wednesday, 02/26/25

AMASHUSHO: Ubwo Munyaneza Didier yinjiraga i Rubavu yanikiye abandi

13:13

Wednesday, 02/26/25

Niyonkuru wafashwe n'igikundi, yegukanye amanota y'Umusozi wa Kabiri

Niyonkuru Samuel wa Team Amani, yegukanye amanota y'Umusozi wa Kabiri muri Rambo.

Yakurikiwe na Aman na Milan Donie.

13:11

Wednesday, 02/26/25

Tour du Rwanda 2025 yageze iwabo wa Amstel


Agace ka Gatatu ka Tour du Rwanda 2025 ka Musanze - Rubavu kiswe "Home of Amstel" dore ko ari ho zikorerwa.

Uruganda rwenga ibinyobwa bisembuye n’ibidasembuye, Bralirwa Plc, rubinyujije mu kinyobwa cyarwo Amstel, rwitabiriye Tour du Rwanda ku nshuro ya gatanu.

Muri iri siganwa, uru ruganda ruba rususurutsa abaryitabiriye binyuze mu bitaramo bitandukanye rutegura.

Ni rwo kandi ruhemba umukinnyi wegukanye isiganwa ry'umunsi.

13:06

Wednesday, 02/26/25

Tour du Rwanda irenze kuba irushanwa

Clapton Kibonge uri muri Techno Market, Ndahiro Valens Papy wa Ingufu Gin Ltd na Bushali wa MTN Momo bahuriye muri iri rushanwa ry'amagare rizenguruka igihugu.

13:02

Wednesday, 02/26/25

Niyonkuru Samuel ayoboye isiganwa wenyine

Niyonkuru Samuel wa Team Amani ni we uyoboye isiganwa.

Nyuma y'ibilometero 75, yasize igikundi amasegonda 10.

13:00

Wednesday, 02/26/25

Abakinnyi bakomeje kuzenguruka i Rubavu

Ibilometero 61,5 bya nyuma by'Agace ka Gatatu ka Tour du Rwanda 2025 ni ibyo kuzenguruka i Rubavu.

12:58

Wednesday, 02/26/25

Ingufu Gin Ltd yaserukanye abarimo Mico the Best na Senderi


Uruganda rw'ibinyobwa rwa Ingufu Gin Ltd rwaherekeje Tour du Rwanda 2025 ruri n'ibyamamare.

Mu bajyana n'uru ruganda harimo abahanzi Mico the Best na Senderi International Hit, DJ Brianne, Ndahiro Valens Papy n'abandi.

Mu bihembo bitangwa muri Tour du Rwanda 2025 harimo igihembo gihabwa umukinnyi uyobora isiganwa igihe kirekire, kiri gutangwa n'Uruganda Ingufu Gin Ltd.

Ibinyobwa uru ruganda rutunganya ni 10 birimo Royal Castle Gin, Nguvu, Club Whiskey, New House, Rabiant, Home Town, New House, Medal Gin n'izindi.

12:53

Wednesday, 02/26/25

Mugisha Moise yari ashyigikiwe n'abarimo umuryango we

Ubwo isiganwa ryari rigeze i Busogo, Mugisha Moise wa Team Rwanda yakiriwe n'umuryango we aho umugore we n'abana babo b'impanga baje kumushyigikira baranamusuhuza.

12:35

Wednesday, 02/26/25

Igikundi gitambutse bwa mbere ahasorezwa isiganwa

Abakinnyi bari mu gikundi, barimo Fabien Doubey wambaye umwambaro w'umuhondo, batambutse kuri Auberge ahasorezwa isiganwa.

Baraza kuhazenguruka mu indi nshuro mbere y'uko isiganwa rirangira bahageze bwa gatatu.

12:34

Wednesday, 02/26/25

Munyaneza Didier yegukanye amanota ya Sprint ya Mbere

Kapiteni wa Team Rwanda, Munyaneza Didier, yegukanye amanota ya Sprint ya Mbere yatangiwe kuri Auberge i Rubavu.

Yakurikiwe na Zer Debay wa Ethiopia na Niyonkuru Samuel wa Team Amani.

12:31

Wednesday, 02/26/25

Munyaneza Didier ni umwe muri batatu bageze mbere i Rubavu

Abakinnyi batatu barimo Munyaneza Didier bageze bwa mbere mu Mujyi wa Rubavu, kuri Auberge, ahasorezwa isiganwa. Bagiye gukomeza kuzenguruka, nibahagaruka bwa gatatu ni bwo basoza.

Baracyafite ibilometero 62 byo kugenda.

12:29

Wednesday, 02/26/25

Abakinnyi batangiye gusatira Umujyi wa Rubavu

Ugana mu Mujyi wa Rubavu haramanuka ku buryo abakinnyi bane bari imbere bihuse bidasanzwe aho basize igikundi iminota itatu n'amasegonda 20.

Harabura ibilometero bitatu ngo abakinnyi banyure bwa mbere ku murongo basorezaho.

12:23

Wednesday, 02/26/25

Prime Insurance yakomeje kubana n'Abanyarwanda no muri Tour du Rwanda 2025

Mu kurushaho kugeza serivisi z’ubwishingizi butandukanye ku bakiliya bayo, Prime Insurance Ltd yashyizeho uburyo bwo kuzigeraho ukoresheje telefoni aho ukanda *177#.

Iki kigo gifite uburambe mu gutanga serivisi z’ubwishingizi, ni cyo rukumbi kiri muri Tour du Rwanda 2025 mu rugendo rw’iminsi umunani, tariki ya 23 Gashyantare kugeza ku ya 2 Werurwe.


Ni ku nshuro ya munani yikurikiranya Prime Insurance iherekeza iri siganwa ry’amagare rigiye kuzenguruka igihugu ku nshuro ya 17 kuva ribaye mpuzamahanga.


Muri iri siganwa, iyi sosiyete yimakaje ikoranabuhanga yavuguruye gahunda yayo, aho umukiriya yisabira serivisi akanze *177#.


Umukiliya mushya ashobora kwisabira ubwishingizi bwose ashaka, bitabaye ngombwa ko afata umwanya, ajya ku ishami rimwemegereye.


Si ibyo gusa kuko iyi serivisi iri gufasha umukiliya kubona abafatanyabikorwa bayo muri serivisi zijyanye n’ubuzima n’imodoka (Pharmacie, ibitaro n’igaraje) zimwegereye, bikamufasha gukemura ikibazo mu buryo bwihuse.

Ibindi Prime Insurance yashyize imbere uyu mwaka harimo ubwishingizi bw’ubuvuzi, ubw’ibinyabigiziga n’ubw’umutungo.


Muri Tour du Rwanda, Prime Insurance ihemba umukinnyi muto kuri buri gace.


Kugeza ubu, Prime Insurance ibumbiyemo ibigo bibiri bitanga ubwishingizi bw’igihe gito n’ubw’igihe kirekire butangwa na Prime Life Insurance Ltd.


Ubwishingizi bw’igihe gito bukubiyemo ubw’ibinyabiziga by’ubwoko bwose, ubw’inkongi z’umuriro, ububungabunga umutungo, ubw’imizigo, ubw’impanuka zonona umubiri, ubw’imirimo ijyanye n’inyubako z’ingeri zose n’ubw’ingendo zo mu kirere.


Ubwishingizi bw’igihe kirekire burimo ubw’amashuri y’abana, ubw’inguzanyo z’amabanki, ubw’izabukuru, ubw’impanuka zitewe n’akazi n’ubw’umuryango.


Prime Insurance yashinzwe mu 1995, icyo gihe yitwaga COGEAR Ltd. Ni ikigo cy’ubwishingizi rusange cyemewe na Banki Nkuru y’u Rwanda. Imaze kugaba amashami arenga 60 mu gihugu, hagamijwe kwegereza Abanyarwanda serivisi zinoze kandi zihuse.

12:12

Wednesday, 02/26/25

Amwe mu mafoto y'isiganwa ku bakinnyi bari mu gikundi

Impuzandengo y'umuvuduko mu isaha ya mbere yari kilometero 38 ku isaha.

12:11

Wednesday, 02/26/25

Igikundi gitangiye kugabanya intera


Ku kilometero cya 38, urenze gato mu Bigogwe, abakinnyi bane bari imbere bararusha igikundi iminota ine n'amasegonda 50.

Ni mu gihe mu kanya kashize harimo iminota itanu n'amasegonda 10.

12:00

Wednesday, 02/26/25

Munyaneza Didier yegukanye amanota y'Umusozi wa Mbere


Munyaneza Didier wa Team Rwanda, yegukanye amanota y'Umusozi wa Mbere yatangiye mu Gataraga.

Yakurikiwe na Zer Debay wa Ethiopia na Niyonkuru Samuel wa Team Amani.

11:58

Wednesday, 02/26/25

Rwanda Foam yaherekeje Tour du Rwanda 2025



Uruganda rukora rukanagurisha matela, Rwanda Foam, rwaherekeje isiganwa mpuzamahanga ry’amagare rya Tour du Rwanda ku nshuro ya cyenda.

Rwanda Foam iheruka kwagura uruganda, mu rwego rwo guhaza isoko ryo mu Rwanda no hanze kuko ubu rushobora gukora matela ibihumbi 5000 ku munsi.

Rwanda Foam imaze imyaka irenga 40 ikora matelas kuva mu 1983. Serivisi zayo ziboneka ku bacuruzi barenga 60 bayihagarariye mu gihugu hose.

Aharanga umucuruzi haba hari icyapa cy’umuhondo cyayo ndetse nta zindi matelas acuruza. Ushobora no kugura matela zayo unyuze kuri https://rwandafoam.com/

11:55

Wednesday, 02/26/25

Abakinnyi bayoboye isiganwa bashyizemo hafi iminota itanu


Munyaneza Didier wa Team Rwanda, Tuyizere Etienne wa Java-InovoTec, Zer Debay (Eritrea) na Niyonkuru Samuel (Amani) bageze Cyamabuye, ku kilometero cya 25, basize igikundi iminota ine n'amasegonda 45.

11:51

Wednesday, 02/26/25

Abaterankunga ba Tour du Rwanda 2025 bamaze kugera i Rubavu ahasorezwa isiganwa

11:47

Wednesday, 02/26/25

Munyaneza Didier na bagenzi be bageze ku Mukamira bayoboye


Munyaneza Didier wa Team Rwanda, Tuyizere Etienne wa Java-InovoTec, Zer Debay (Eritrea) na Niyonkuru Samuel (Amani) bageze ku Mukamira basize igikundi iminota ine n'amasegonda 30.

11:41

Wednesday, 02/26/25

Abakunzi b'umukino w'amagare ni benshi ku muhanda


Kuva i Musanze, ku Kimonyi, mu Gataraga, mu Byangabo na Mukamira, hari abakunzi benshi b'umukino w'amagare baje kureba isiganwa.

11:39

Wednesday, 02/26/25

Intera ikomeje kuzamuka


Abakinnyi bane bari imbere barimo Munyaneza Didier na Tuyizere Etienne barenze mu Byangabo basize igikundi iminota itatu n'amasegonda 10.

11:35

Wednesday, 02/26/25

Intera yiyongereye



Abakinnyi bane bayoboye isiganwa bageze kuri Campus ya Busogo. Basize igikundi iminota ibiri n'amasegonda 15.

11:32

Wednesday, 02/26/25

Forzza Bet yegereye abakiliya bayo muri Tour du Rwanda 2025

Sosiyete Nyarwanda y'Imikino y'Amahirwe, Forzza Bet, muri iyi Tour du Rwanda 2025, yabazaniye #BikorenaForzza, uburyo bushya bwo kwishyiriraho amafaranga yo gukinira ndetse no kwibikuriza ayo watsindiye, byose bigakorwa utarinze kugana cyangwa guhamagara iduka rya Forzza Bet.

Ni ku nshuro ya kane Forzza Bet itera inkunga irushanwa rya Tour du Rwanda, isiganwa rizenguruka igihugu, igenda isabana n'abakunzi bayo aho inyura hose.

Muri iyi Tour du Rwanda 2025, Forzza Bet izasangiza buri wese wifuza gutega uko yabikora akoresheje telefoni ye, uko yakwishyiriraho amafaranga n'uko yakwibikuriza ayo yatsindiye kandi ako kanya.

Forzza Bet ni izina ry'ubucuruzi bwa Sosiyete ya Baron Sports Gaming Ltd, yanditse kandi ikorera mu Rwanda. Intego zayo ni ugutanga serivisi zinoze, kandi ikaba ishishikajwe no guteza imbere uruganda rw'imikino n'imyidagaduro mu Rwanda.

Ukeneye ibindi bisobanuro uhamagara umurongo wa telefoni utishyurwa 6677 cyangwa se ukabandikira ku mbuga nkoranyambaga zabo, (X, Facebook, Instagram @Forzzagamingrwanda na WhatsApp @ 0795307588).

11:28

Wednesday, 02/26/25

Igikundi cyagabanyije imbaraga


Abakinnyi bari mu gikundi bagabanyije umuvuduko, byatumye basigwa umunota umwe n'abakinnyi bane bari imbere barimo Munyaneza Didier, Tuyizere Etienne na Niyonkuru Samuel.

11:23

Wednesday, 02/26/25

Uwiduhaye na Lorot bagaruwe n'igikundi


Uwiduhaye Mike wa Team Rwanda na Lorot wa Team Amani, bombi bashatse kugenda ngo bakurikire abakinnyi bane bari imbere, ariko igikundi gihita kibashyikira.

11:20

Wednesday, 02/26/25

Munyaneza na Tuyizere bagiye gushaka amanota y'Umusozi wa Mbere


Abakinnyi bane ari bo Debay (Ethiopia), Tuyizere Etienne (Java-Inovotec), Niyonkuru Samuel (Amani) na Munyaneza (Rwanda) bagiye imbere gushaka amanota y'Umusozi wa Gataraga ndetse basize igikundi amasegonda 35.

11:19

Wednesday, 02/26/25

Abakinnyi bose bongeye kugendera hamwe mu gikundi


Ku kilometero cya gatanu, mbere yo gutangira kuzamuka mu Gataraga, igikundi cyashyikiriye Tuyizere (Java-InovoTec), Kibrom (Eritrea) na Lorot (Amani).

11:17

Wednesday, 02/26/25

Abakinnyi batatu bayobowe isiganwa ku Kimonyi


Kibrom wa Eritrea asanze Tuyizere na Lorot imbere, isiganwa riyoborwa n'abakinnyi batatu.

Igikundi cyasigaye amasegonda 10.

11:15

Wednesday, 02/26/25

Ubwo abakinnyi bahagurukaga i Musanze

11:14

Wednesday, 02/26/25

Tuyizere ari mu bakinnyi babiri bavuye mu bandi bakayobora isiganwa


Tuyizere Etienne wa Java-InovoTec na Lorot wa Amani, bombi bavuye muri bagenzi babo ku kilometero cya kabiri, bayobora isiganwa.

11:06

Wednesday, 02/26/25

Bamwe mu bakinnyi b'Abanyarwanda bari gukinira iwabo


Munyaneza Didier, Mugisha Moise, Manizabayo Eric, Byukusenge Patrick n'abandi, bose bavuka hano mu turere twa Musanze na Nyabihu.

Baba bategerejwe n'abaturanyi mu mihanda ihanyura muri Tour du Rwanda.

11:04

Wednesday, 02/26/25

Isiganwa nyakuri riratangiye

Abakinnyi batangiye urugendo rw'ibilometero 121,3 rusorezwa i Rubavu.

Bagiye kubanza kugenda ahatambika ku Musanze na Kimonyi mbere yo kuzamuka mu Gataraga.

11:01

Wednesday, 02/26/25

Agace ka Gatatu ka Tour du Rwanda 2025 karatangiye


Abakinnyi bagiye kubanza kugenda kilometero 1,5 mbere yo gutangirira kubarirwa ibihe ubwo baba bageze i Yaounde, mu Kagari ka Rwebeya, mu Murenge wa Cyuve.

10:58

Wednesday, 02/26/25

Ibyo kwitega mu Gace ka Gatatu ka Tour du Rwanda 2025


10:50

Wednesday, 02/26/25

Imiterere y’Agace ka Gatatu ka Tour du Rwanda 2025


Isiganwa riratangirira imbere y’Isoko rya Goico saa Tanu, abakinnyi babanze kugenda kilometero 1,5 mbere yo gutangira kubarirwa ibihe.

Ibihe biratangira kubarirwa kuri ku biro by’Ikigo cy’Igihugu cy’Ubutaka, urugendo rw’ibilometero 121,3 rube ruratangiye.

Amanota y’Umusozi wa Mbere aratangirwa mu Gataraga, ay’Umusozi wa Kabiri atangirwe ku i Kora mu gihe Sprint ya Mbere iri i Rubavu aho basoreza.

Nibagera aho, baraba bamaze kugenda ibilometero 59,8, bityo barakomeza bazenguruka Umujyi wa Rubavu, baze gukorera amanota yo kuzamuka muri Rambo, indi Sprint ibe bagarutse ahasorezwa isiganwa, bongere bajye muri Rambo mbere yo gusoreza kuri Auberge.


10:41

Wednesday, 02/26/25

Abakinnyi bari kwishyushya mbere yo guhaguruka

Isiganwa riratangira mu minota mike iri imbere.

Abakinnyi beretswe abakunzi b'umukino w'amagare bari aho isiganwa ritangirira imbere y'Isoko rya Goico.

10:05

Wednesday, 02/26/25

Rubavu itekanye igiye kwakira Tour du Rwanda 2025

09:46

Wednesday, 02/26/25

Agace ka Gatatu ka Tour du Rwanda 2025 karatangirira i Musanze; iwabo w’ingagi, ku gicumbi cy’ubukerarugendo


Ni ku nshuro ya 15, isiganwa rya Tour du Rwanda rigiye gutangirira mu Mujyi wa Musanze aho byaherukaga mu 2024, mu gace kahavuye kerekeje kuri Mont Kigali.

Musanze iri mu mijyi itandatu yunganira uwa Kigali, imaze kugaragaza impinduka zidasanzwe bitewe n’iterambere rimaze kuhagera. Kuri ubu nta washidikanya kuvuga ko Musanze igwa Kigali mu ntege mu mijyi yihagazeho mu Rwagasabo.

Musanze iri mu turere dutanu tugize Intara y’Amajyaruguru. Ifite umwihariko wo kuba ikungahaye ku bukerarugendo bushingiye ku ngagi zo muri Pariki y’Ibirunga n’ibindi bikorwa bikurura abagenda aka gace gaturiye imisozi miremire.

Akarere ka Musanze gafite ubuso bungana na 530,2 Km2 zigizwe na 60 Km2 za Pariki y’Ibirunga na 28 Km2 z’Ikiyaga cya Ruhondo. Kagizwe n’imirenge 15, utugari 68 n’imidugudu 432.

Musanze ni igicumbi cy’ahantu nyaburanga mu Majyaruguru no mu Rwanda hose ndetse kari ku isonga mu gusurwa cyane na ba mukerarugendo bagenderera igihugu.

Abakagana bagakundira ibirimo Pariki y’Ibirunga icumbikiye ingagi zo mu misozi miremire, Buhanga Eco– park ndetse n’Ibirunga bya Muhabura, Gahinga, Kalisimbi, Bisoke na Sabyinyo bimaze kugwiza igikundiro n’ababisura biganjemo ababitondagira [hiking].

Ibi byiyongeraho amashyamba ya cyimeza agizwe n’ibirimo agashyamba ka Nkotsi na Bikara. Aya ni yo atuma Akarere ka Musanze karangwa n’amahumbezi cyane ko ayo mashyamba yiganjemo imigano. Musanze inafite amashyamba y’amaterano agizwe ahanini n’inturusu n’ibiti birimo iby’imbuto ziribwa.

09:20

Wednesday, 02/26/25

Umva ibyaranze Agace ka Kabiri i Musanze, kegukanywe na Brady Gilmore wa Israel Premier Tech

09:04

Wednesday, 02/26/25

Imyiteguro y'ahatangirira isiganwa yatangiye kare


Imbere y'Isoko rya Goico i Musanze ni ho hatangirira isiganwa ry'Agace ka Gatatu ka Tour du Rwanda 2025.

Imyiteguro yatangiye mu gitondo kugira ngo abakinnyi baze gutangira kwishyushya byose byarangiye.

08:55

Wednesday, 02/26/25

Ikaze mu Gace ka Gatatu ka Tour du Rwanda 2025

Tubahaye ikaze na none mu isiganwa mpuzamahanga rizenguruka u Rwanda mu mukino wo gusiganwa ku magare "Tour du Rwanda 2025", ryakomeje kuri uyu wa Gatatu hakinwa umunsi waryo wa kane, mu Gace ka Gatatu gahagurukira i Musanze kerekeza i Rubavu ku ntera y'ibilometero 121,3.

- Etape 3: Musanze- Rubavu
-Intera: Kilometero 121,3
-Isaha yo guhaguruka: Saa 11:00
-Isaha yo gusoza: Hagati ya saa 14:02 na 14:16

Tour du Rwanda ni cyo gikorwa cy’imikino cyonyine kigera mu Ntara zose z’u Rwanda kandi gikurikiranwa n’Abanyarwanda benshi badasabwe ikiguzi na gito, muri make ni ku buntu.

Ni inshuro ya karindwi iri siganwa riri kuba riri ku kwego rwa 2.1 nyuma y’atandatu aheruka, yegukanywe n’Abanya-Erythrée; Merhawi Kudus mu 2019 na Natnael Tesfazion mu 2020, Umunya-Espagne Cristian Rodriguez, Natnael Tesfazion mu 2022, Henok Mulubrhan mu 2023 na Joe Blackmore mu 2024.


Tour du Rwanda yatangiye gukinwa mu 1988, yabaye mpuzamahanga kuva mu 2009, aho yashyizwe ku cyiciro cya 2.2 kugeza mu 2018.

Itandukaniro ry’ibi byiciro byombi riba ko mu isiganwa riri kuri 2.1, amakipe yemerewe gutumirwamo arimo ayo mu cyiciro cya mbere ‘World Tour’ atarenze 50% y’amakipe yose agize isiganwa, n’amakipe yo mu cyiciro cya kabiri ‘Pro-Continental teams’, naho isiganwa riri ku cyiciro cya 2.2 ryo amakipe yemerewe gutumirwa ni ayo mu cyiciro cya gatatu gusa bita ‘Continental teams’ n’amakipe y’ibihugu yo ku mugabane irushanwa.