Rusizi- Huye

Agace ka Gatanu: Rusizi- Huye
Isaha yo guhaguruka: Saa 11:00
Isaha yo gusoza: Saa 15:23
Abasiganwa: 68
Intera: 144

Umwanditsi : Eric Tony Ukurikiyimfura

Amafoto : Kwizera Remy Moses, Cyubahiro Key & Habyarimana Raoul

Uko isiganwa riri kugenda

07:34

Saturday, 03/01/25

Ubusesenguzi ku byaranze Agace ka Gatanu ka Tour du Rwanda 2025

16:21

Friday, 02/28/25

Ikipe nziza yahembwe na Inyange Industries: Bike Aid

16:16

Friday, 02/28/25

Umukinnyi wayoboye isiganwa igihe kirekire wahembwe na Ingufu Gin Ltd: Muhoza Eric (Team Amani)

16:13

Friday, 02/28/25

Umunyafurika muto mwiza: Yoel Habteab (Bike Aid)

16:13

Friday, 02/28/25

Umunyafurika mwiza wahembwe na RwandAir: Henok Mulubrhan (Eritrea)

16:12

Friday, 02/28/25

Umunyarwanda mwiza mu isiganwa: Masengesho Vainqueur (Team Rwanda)

16:12

Friday, 02/28/25

Umukinnyi wahize abandi muri sprint wahembwe na TotalEnergies: Munyaneza Didier (Team Rwanda)

16:12

Friday, 02/28/25

Umukinnyi muto witwaye neza mu isiganwa wahembwe na Prime Insurance: Adria Pericas (UAZ)

16:11

Friday, 02/28/25

Umukinnyi wahize abandi mu kuzamuka wahembwe na Forzza Bet: Nsengiyumva Shemu (Java-InovoTec)

16:09

Friday, 02/28/25

Umukinnyi uyoboye urutonde rusange rwa Tour du Rwanda 2025 wahembwe na Visit Rwanda: Joris Delbove (TotalEnergies)

16:09

Friday, 02/28/25

Umukinnyi wegukanye Agace ka Gatanu ka Tour du Rwanda 2025 wahembwe na Amstel: Duarte Marivoet Scholiers (UAZ)

16:05

Friday, 02/28/25

Tour du Rwanda 2025 izasubira i Kigali ku wa Gatandatu

Tour du Rwanda 2025 izakomeza ku wa Gatandatu hakinwa Agace kayo ka Gatandatu kazahagurukira i Nyanza, kerekeza kuri Canal Olympia, ku ntera y'ibilometero 131,5 mu muhanda unyura mu Bugesera.

15:53

Friday, 02/28/25

Abanyarwanda babiri bari mu bakinnyi 10 ba mbere ku rutonde rusange nyuma y'Agace ka Gatanu


1. Joris Delbove (Team TotalEnergies): 16h25'33"
2. Fabien Doubey (Team TotalEnergies): +2"
3. Oliver Mattheis (Team Bike Aid): +5"
4. Brady Gilmore (Israel - Premier Tech): +8"
5. Henok Mulueberhan (Eritrea): +12"
6. Adria Pericas Capdevila (UAE Team Emirates Gen-Z): +14"
7. Milan Donie (Lotto Development Team): +18"
8. Masengesho Vainqueur (Rwanda): +29"
9. Juan Martinez Huertas (Development Team Picnic Postnl): +30"
10. Manizabayo Eric (Java-Inovotec Pro Team, Rwanda): +44"

15:47

Friday, 02/28/25

AMASHUSHO: Reba uko Duarte Marivoet yanikiye abandi akagera i Huye ntawe umukurikiye

15:37

Friday, 02/28/25

Abakinnyi bitwaye neza mu Gace ka Gatanu ka Tour du Rwanda 2025

1. Duarte Marivoet Scholiers (UAZ): 4h05'01"
2. Awet Aman (CMC): +25"
3. Fabien Doubey (TotalEnergies)
4. Brady Gilmore (Israel Premier Tech)
5. Henok Mulueberhan (Eritrea)
6. Oliver Peace (DPP)
7. Milan Donie (Lotto Dstny)
8. Yoel Habteab (Bike Aid)
9. Masengesho Vainqueur (Rwanda)
10. Oliver Mattheis (Bike Aid)
11. Joris Delbove (TotalEnergies)
.
13. Manizabayo Eric (Java-Inovotec)

15:31

Friday, 02/28/25

Joris Delbove yakomeje kwambara umwambaro w'umuhondo

Umufaransa Joris Delbove wa TotalEnergies, ni we ukomeje kwambara umwambaro w'umuhondo.

Duarte Marivoet yarushwaga hejuru y'iminota itatu, bityo kurusha Delbove amasegonda 25 ntacyo byari guhindura.

15:21

Friday, 02/28/25

Duarte Marivoet yegukanye Agace ka Gatanu ka Tour du Rwanda 2025



Umubiligi Duarte Marivoet w'imyaka 20, ukinira Ikipe ya UAE, yegukanye Agace ka Gatanu ka Tour du Rwanda 2025 i Huye nyuma yo kwitwara mu bilometero bitatu bya nyuma ari wenyine.

15:17

Friday, 02/28/25

Duarte Marivoet ari imbere wenyine

Mu nkengero z'Umujyi wa Huye, Duarte Marivoet wa UAZ ari imbere wenyine mu bilometero bibiri bya nyuma.

Doubey Fabien na Aman Awet bamukurikiye yabasize amasegonda 25.

15:16

Friday, 02/28/25

Doubey na Aman bavuye mu gikundi

Fabien Doubey watakaje umwambaro w'umuhondo i Karongi na Aman Awet, bavuye mu gikundi cyasizwe amasegonda 45 mu gihe basatira mu Mujyi wa Huye.

15:10

Friday, 02/28/25

Abaterankunga ba Tour du Rwanda bariteguye i Huye

15:09

Friday, 02/28/25

Isiganwa riyobowe n'abakinyi babiri

Gilmore yafashe Marivoet bayobora isiganwa ari babiri mu gihe hasigaye ibilometero umunani.

Igikundi cyafashe Muhoza Eric na Nahom Araya cyasizwe amasegonda 25.

15:06

Friday, 02/28/25

Gilmore avuye mu gikundi anyura kuri Muhoza

Brady Gilmore wegukanye intsinzi i Musanze n'i Rubavu, avuye mu gikundi aragenda anyura kuri Muhoza, akurikira Duarte mu gihe bari i Sovu.

15:03

Friday, 02/28/25

Marivoet ayoboye isiganwa wenyine

Umubiligi Duarte Marivoet w'Ikipe ya UAZ, asize Muhoza Eric wa Team Amani mu gihe hasigaye ibilometero 10 gusa.

15:01

Friday, 02/28/25

Marivoet yafashe Muhoza

Mu gihe hasigaye ibilometero 12 gusa, Duarte Marivoet wa UAZ yafashe Muhoza Eric, bombi basiga igikundi amasegonda 55.

Hailemaryam ari hagati yabo aho yasizwe amasegonda 25 n'abakinnyi bari imbere.

14:57

Friday, 02/28/25

Ibilometero 14 bya nyuma

Nyuma y'ibilometero 130 bimaze gukinwa, Muhoza Eric yasize Duarte Marivoet amasegonda 30 mu gihe igikundi cyasizwe amasegonda 40.

14:56

Friday, 02/28/25

Igikundi cyafashe abakurikiye Muhoza Eric


Duarte Marivoet wa UAZ yavuye mu bandi akurikira Muhoza Eric wari wabasize amasegonda 40.

Igikundi cyahise gifata abakinnyi bane bari basigaye.

14:53

Friday, 02/28/25

Abasiganwa binjiye mu Karere ka Huye

Igikundi kiri inyuma umunota n'amasegonda 25 ukurikije aho Muhoza Eric ageze mu bilometero 20 bya nyuma.

Isiganwa rirasorezwa imbere y'Imberabyombi y'Akarere ka Huye.

14:49

Friday, 02/28/25

Isiganwa ryinjiye mu bilometero 25 bya nyuma

Muhoza Eric yasize batanu bamukurikiye amasegonda 30 mu gihe igikundi cyasigaye umunota n'amasegonda 35.

14:47

Friday, 02/28/25

Muhoza Eric yegukanye amanota ya Sprint i Nyamagabe

Muhoza Eric wa Team Amani yegukanye amanota y'ahatambika yatangiwe i Nyamagabe.

Yakuriwe na Schutte na Duarte Marivoet.

14:44

Friday, 02/28/25

Uko isiganwa rihagaze i Nyamagabe

Muhoza Eric ari imbere yasize abakinnyi batanu bamuri inyuma amasegonda 15.

Igikundi cyasizwe umunota n'amasegonda 35.

14:42

Friday, 02/28/25

Muhoza Eric asize abo bari hamwe imbere

Muhoza Eric wa Team Amani asize abakinnyi bari hamwe imbere, ajya gushaka amanota y'ahatambika i Nyamagabe, ku kilometero cya 115.

14:35

Friday, 02/28/25

Abakinnyi bayoboye isiganwa ubu ni batandatu

I Kigeme, Duarte Marivoet w'ikipe ya UAZ yafashe batanu bari imbere barimo Muhoza Eric. Ku kilometero cya 109, abakinnyi bayoboye ni batandatu mu gihe igikundi kirimo Joris Delbove wambaye umwambaro w'umuhondo cyasizwe umunota n'amasegonda 35.

14:33

Friday, 02/28/25

Marivoet asohotse mu gikundi

Duarte Marivoet wa UAZ asohotse mu gikundi akurikira abakinnyi bari imbere, bageze i Gakoma.

14:25

Friday, 02/28/25

Isiganwa riyobowe n'abakinnyi batanu

Hailemaryam na we yongeye kwisubiza umwanya we mu bakinnyi bayoboye isiganwa, bose hamwe baba batanu barimo Muhoza Eric wa Team Amani, nyuma y'bilometero 102 i Kaganza.

14:23

Friday, 02/28/25

Gidey ahise asubira mu itsinda riyoboye isiganwa

Amanuel Gidey wa Ethiopia, ahise yongera gufata abakinnyi bari imbere.

Igikundi cyasizwe umunota n'amasegonda 50.

14:21

Friday, 02/28/25

Schutte na Gidey bavuye mu bakinnyi bayoboye isiganwa

Schutte na Gidey basizwe na bagenzi babo bari imbere, barimo Muhoza Eric, mu gihe bamaze kugenda ibilometero 100.

14:19

Friday, 02/28/25

Intera yongeye kwiyongera


Mu gihe abakinnyi bari imbere barimo Muhoza Eric bagiye kugera mu Gasarenda, basize igikundi umunota n'amasegonda 20.

14:07

Friday, 02/28/25

Isiganwa rigeze i Kitabi

Abakinnyi bari imbere bamaze gusohoka muri Nyungwe.

Ku kilometeri cya 88, igikundi cyakomeje kurushwa amasegonda 50.

14:03

Friday, 02/28/25

Amagare yanyuze muri Nyungwe ku nshuro ya kane mu mateka ya Tour du Rwanda

Tour du Rwanda yanyuze mu Ishyamba rya Nyungwe ku nshuro ya kane. Yaherukaga kuhanyura mu 2016, 2020 na 2024.

Pariki ya Nyungwe ni ishyamba cyimeza ry’inzitane rimaze igihe kirekire muri Afurika nzima, amoko 13 y’inyamaswa zo mu bwoko bw’inguge n’amoko asaga 300 y’inyoni bikurura ba mukerarugendo.

Pariki ya Nyungwe yabayeho mbere y’izindi mu gihe cyiswe icy’ubutita, ikungahaye ku runyurane rw’ibimera, ishyamba rigizwe n’amoko arenga 1068 y’ibimera, urwunge rw’ibiti by’indabyo zirimo ubwoko bw’ibito n’iby’inganzamarumbo bya lobelia. Harimo n’ibiti bivamo imiti ya Kinyarwanda.

Ifite umwihariko wo kuba ariho hari amasoko y’inzuzi nini muri Afurika. Harimo isoko y’Uruzi rwa Nil mu Burasirazuba n’iy’Uruzi rwa Congo mu Burengerazuba.

Nyungwe ifite amoko asaga 300 y’inyoni abonekamo ayo mu bwoko bwa Ruwenzori Turaco, zikunzwe na ba mukerarugendo bazisura. Pariki ya Nyungwe kandi ikunze guca agahigo mu mapariki meza afite urusobe rw’ibinyabuzima bitaboneka ahandi ku Isi, birimo maguge zo mu bwoko bw’Inkomo, zibaho mu miryango isaga 400 zigenda ziri kumwe, Impundu, Ibitera n’izindi nyinshi.

14:01

Friday, 02/28/25

Uko isiganwa rihagaze ku kilometero cya 82



Isiganwa riyobowe n'abakinnyi batanu ari bo Kibrom, Hailemaryam, Berlin, Schutte na Muhoza Eric.

Igikundi cyasizwe amasegonda 50.

13:58

Friday, 02/28/25

Andi mafoto y'abasiganwa mu muhanda

13:52

Friday, 02/28/25

Isiganwa rigeze ku kilometero cya 80

Abakinnyi bari imbere bageze ku kilometero cya 80, hafi yo gusohoka muri Nyungwe, basize igikundi amasegonda 45.

13:36

Friday, 02/28/25

Abaterankunga ba Tour du Rwanda 2025 basusurukije abatuye Nyamagabe

13:33

Friday, 02/28/25

Intera yagabanutse cyane



Ku kilometero cya 67, nyuma yo kwinjira mu Karere ka Nyamagabe, ariko bakiri muri Nyungwe, igikundi cyasizwe umunota n'amasegonda 10 gusa.

13:25

Friday, 02/28/25

Joris Delbove yasubiye mu gikundi

Joris Delbove wa TotalEnergies, wambaye umwambaro w'umuhondo, yasubiye mu gikundi kigizwe n'abakinnyi 17, basizwe iminota ibiri ku kilometero cya 63.

Mu kanya gato, abakinnyi barinjira mu Karere ka Nyamagabe.

13:20

Friday, 02/28/25

Joris Delbove wambaye umwambaro w'umuhondo yasigaye

Umufaransa Joris Delbove wambaye umwambaro w'umuhondo yasizwe iminota itatu n'abakinnyi bayoboye isiganwa, bo bamaze kugenda ibilometero 57.

Igikundi cyasizwe iminota ibiri n'amasegonda 50.

13:15

Friday, 02/28/25

Antoine Berlin yegukanye amanota y'Umusozi wa Gatatu


Antoine Berlin ukinira Bike Aid, yegukanye amanota y'Umusozi wa Gatatu yatangiwe muri Nyungwe.

Yakurikiwe na Hailemaryam, Muhoza Eric na Schutte.

13:09

Friday, 02/28/25

Forzza Bet yegereye abakiliya bayo muri Tour du Rwanda 2025

Ku wa Kane, Forzza Bet yafunguye ku mugaragaro Shop ya Kamembe no mu Bugarama mu Karere ka Rusizi.

Izi Shop ziyongereye mu zindi Forzza yagejejemo ibikorwa byayo mu gihugu hose, mu rwego rwo gufasha abakunzi ba siporo gutega ku mikino.

Sosiyete Nyarwanda y'Imikino y'Amahirwe, Forzza Bet, muri iyi Tour du Rwanda 2025, yabazaniye #BikorenaForzza, uburyo bushya bwo kwishyiriraho amafaranga yo gukinira ndetse no kwibikuriza ayo watsindiye, byose bigakorwa utarinze kugana cyangwa guhamagara iduka rya Forzza Bet.

Ni ku nshuro ya kane Forzza Bet itera inkunga irushanwa rya Tour du Rwanda, isiganwa rizenguruka igihugu, igenda isabana n'abakunzi bayo aho inyura hose.

Muri iyi Tour du Rwanda 2025, Forzza Bet izasangiza buri wese wifuza gutega uko yabikora akoresheje telefoni ye, uko yakwishyiriraho amafaranga n'uko yakwibikuriza ayo yatsindiye kandi ako kanya.

Forzza Bet ni izina ry'ubucuruzi bwa Sosiyete ya Baron Sports Gaming Ltd, yanditse kandi ikorera mu Rwanda. Intego zayo ni ugutanga serivisi zinoze, kandi ikaba ishishikajwe no guteza imbere uruganda rw'imikino n'imyidagaduro mu Rwanda.

Ukeneye ibindi bisobanuro uhamagara umurongo wa telefoni utishyurwa 6677 cyangwa se ukabandikira ku mbuga nkoranyambaga zabo, (X, Facebook, Instagram @Forzzagamingrwanda na WhatsApp @ 0795307588).

13:01

Friday, 02/28/25

Igikundi cyatangiye kugabanya intera kirushwa


Mu gihe isiganwa rigeze ku kilometero cya 50, bazamuka muri Nyungwe, igikundi cyagabanyije intera kirushwa. Kuri ubu hasigayemo iminota itandatu n'amasegonda 10.

12:55

Friday, 02/28/25

Abanya-Rusizi na Nyamasheke beretse urukundo abari gukina Tour du Rwanda 2025

12:49

Friday, 02/28/25

Intera yakomeje kuba iminota irindwi

Abakinnyi bari imbere batangiye kuzamuka umusozi uri muri Nyungwe ndetse bageze ku kilometero cya 45.

Intera iri hagati yabo n'igikundi ni iminota irindwi n'amasegonda 30.

12:35

Friday, 02/28/25

Intera yiyongereye bageze muri Nyungwe


Ku kilometero cya 38, muri Pariki y'Igihugu ya Nyungwe, abakinnyi bari imbere basize igikundi iminota irindwi n'amasegonda 50.

12:33

Friday, 02/28/25

Antoine Berlin yegukanye amanota y'Umusozi wa Kabiri


Antoine Berlin ukinira Ikipe ya Bike Aid, yegukanye amanota y'Umusozi wa Kabiri yatangiwe mu Gisakura.

Yakurikiwe na Hailemaryam, Muhoza Eric na Kibrom.

12:21

Friday, 02/28/25

Amwe mu mafoto y'abasiganwa mu muhanda

12:16

Friday, 02/28/25

Isiganwa riyobowe n'abakinnyi batanu

Kibrom na Hailemaryam bafashe batatu b'imbere barimo Muhoza Eric mu gihe bari kuzamuka mu Gisakura.

12:13

Friday, 02/28/25

Abasiganwa bageze ku Buhinga

Abakinnyi batatu bari imbere, barimo Muhoza Eric, basize igikundi iminota ine n'amasegonda 25 mu gihe bamaze kugenda ibilometero 28.

Kibrom na Hailemaryam basizwe amasegonda 20 n'abakinnyi bari imbere.

12:06

Friday, 02/28/25

Muhoza Eric ari mu bakinnyi batatu bari imbere

Muhoza Eric, Berlin na Schutte ni bo bari imbere nyuma y'uko Gidey, Taha, Kibrom na Hailemaryam basigariye i Ntendezi, ku kilometero cya 23.

11:55

Friday, 02/28/25

Amafoto y'abakinnyi bava i Rusizi

11:54

Friday, 02/28/25

Intera yiyongereye


Mu Bushenge, ku kilometero cya 14, igikundi cyasizwe iminota ibiri n'amasegonda 50.

11:53

Friday, 02/28/25

Geremedhin Hailemaryam yegukanye amanota y'Umusozi wa Mbere

Umunya-Ethiopia Gereziher Geremedhin Hailemaryam yegukanye amanota y'Umusozi wa Mbere yatangiwe i Giheke.


Yakurikiwe na Berlin, Gidey na Schutte.

11:44

Friday, 02/28/25

Muhoza Eric ari mu bakinnyi bayoboye

Muhoza Eric (Team Amani), Berlin (Bike Aid), Schutte (Afurika y'Epfo), Kibrom (Eritrea), Gidey (Ethiopia), Taha (CMC) na Hailemaryam (Ethiopia) ni bo bari imbere ndetse basize igikundi amasegonda 40 mu gihe bari kuzamuka i Giheke.

11:34

Friday, 02/28/25

Yemane Dawit agiye gushaka amanota yo kuzamuka


Umunya-Eritrea Yemane Dawit avuye mu gikundi agenda wenyine mu gihe abakinnyi batangiye kuzamuka Umusozi wa Giheke.

11:27

Friday, 02/28/25

Isiganwa nyakuri ryatangiye

Abakinnyi batangiye kubarirwa ibihe nyuma yo kugera ku muhanda ujya ku Karere ka Rusizi.

Bagiye gukora urugendo rw'ibilometero 144 rusorezwa i Huye.

11:17

Friday, 02/28/25

Abakinnyi bishyushya mbere yo guhaguruka

11:16

Friday, 02/28/25

Ibyo kwitega mu Gace ka Gatanu ka Tour du Rwanda gasorezwa i Huye

11:15

Friday, 02/28/25

Ibyo kwitega mu Gace ka Gatanu ka Tour du Rwanda gasorezwa i Huye

11:09

Friday, 02/28/25

Prime Insurance yakomeje kubana n'Abanyarwanda no muri Tour du Rwanda 2025


Mu kurushaho kugeza serivisi z’ubwishingizi butandukanye ku bakiliya bayo, Prime Insurance Ltd yashyizeho uburyo bwo kuzigeraho ukoresheje telefoni aho ukanda *177#.

Iki kigo gifite uburambe mu gutanga serivisi z’ubwishingizi, ni cyo rukumbi kiri muri Tour du Rwanda 2025 mu rugendo rw’iminsi umunani, tariki ya 23 Gashyantare kugeza ku ya 2 Werurwe.


Ni ku nshuro ya munani yikurikiranya Prime Insurance iherekeza iri siganwa ry’amagare rigiye kuzenguruka igihugu ku nshuro ya 17 kuva ribaye mpuzamahanga.


Muri iri siganwa, iyi sosiyete yimakaje ikoranabuhanga yavuguruye gahunda yayo, aho umukiriya yisabira serivisi akanze *177#.


Umukiliya mushya ashobora kwisabira ubwishingizi bwose ashaka, bitabaye ngombwa ko afata umwanya, ajya ku ishami rimwemegereye.


Si ibyo gusa kuko iyi serivisi iri gufasha umukiliya kubona abafatanyabikorwa bayo muri serivisi zijyanye n’ubuzima n’imodoka (Pharmacie, ibitaro n’igaraje) zimwegereye, bikamufasha gukemura ikibazo mu buryo bwihuse.

Ibindi Prime Insurance yashyize imbere uyu mwaka harimo ubwishingizi bw’ubuvuzi, ubw’ibinyabigiziga n’ubw’umutungo.


Muri Tour du Rwanda, Prime Insurance ihemba umukinnyi muto kuri buri gace.


Kugeza ubu, Prime Insurance ibumbiyemo ibigo bibiri bitanga ubwishingizi bw’igihe gito n’ubw’igihe kirekire butangwa na Prime Life Insurance Ltd.


Ubwishingizi bw’igihe gito bukubiyemo ubw’ibinyabiziga by’ubwoko bwose, ubw’inkongi z’umuriro, ububungabunga umutungo, ubw’imizigo, ubw’impanuka zonona umubiri, ubw’imirimo ijyanye n’inyubako z’ingeri zose n’ubw’ingendo zo mu kirere.


Ubwishingizi bw’igihe kirekire burimo ubw’amashuri y’abana, ubw’inguzanyo z’amabanki, ubw’izabukuru, ubw’impanuka zitewe n’akazi n’ubw’umuryango.


Prime Insurance yashinzwe mu 1995, icyo gihe yitwaga COGEAR Ltd. Ni ikigo cy’ubwishingizi rusange cyemewe na Banki Nkuru y’u Rwanda. Imaze kugaba amashami arenga 60 mu gihugu, hagamijwe kwegereza Abanyarwanda serivisi zinoze kandi zihuse.

11:00

Friday, 02/28/25

Agace ka Gatanu ka Tour du Rwanda 2025 karatangiye

Abakinnyi bahagurutse imbere y'Isoko rya Rusizi, bagiye kubanza kugenda ibilometero 4,1 bitabarwa.

10:42

Friday, 02/28/25

Ibyaranze Agace ka Kane kasize habaye impinduka zikomeye muri Tour du Rwanda 2025

09:49

Friday, 02/28/25

Imiterere y’Agace ka Gatanu ka Tour du Rwanda 2025


Ni agace gatangirira imbere y’Isoko rya Rusizi, ariko abakinnyi baratangira kubarirwa ibihe bageze kuri St. Matthew School nyuma yo kugenda ibilometero 4,1.

Mu nzira y’uyu munsi harimo imisozi itatu itangirwaho amanota; i Giheke, Gisakura no muri Nyungwe mu gihe aya Sprint (ahatambika) atangwa inshuro imwe i Nyamagabe.

09:40

Friday, 02/28/25

Rwanda Foam yashyizeho poromisiyo yihariye muri Tour du Rwanda 2025


Uruganda rukora rukanagurisha matela, Rwanda Foam, rwaherekeje isiganwa mpuzamahanga ry’amagare rya Tour du Rwanda ku nshuro ya cyenda.

Rwanda Foam iheruka kwagura uruganda, mu rwego rwo guhaza isoko ryo mu Rwanda no hanze kuko ubu rushobora gukora matela ibihumbi 5000 ku munsi.

Rwanda Foam imaze imyaka irenga 40 ikora matelas kuva mu 1983. Serivisi zayo ziboneka ku bacuruzi barenga 60 bayihagarariye mu gihugu hose.

Aharanga umucuruzi haba hari icyapa cy’umuhondo cyayo ndetse nta zindi matelas acuruza. Ushobora no kugura matela zayo unyuze kuri https://rwandafoam.com/

09:23

Friday, 02/28/25

Agace ka Gatanu ka Tour du Rwanda 2025 karahagurukira mu Mujyi wa Rusizi

Umujyi wa Rusizi ni umwe muri itandatu yunganira uwa Kigali.

Benshi mu batuye Umujyi wa Rusizi n’abawugenda bemeza ko uko iminsi yicuma ugenda utera imbere binyuze mu bikorwaremezo byubakwa ndetse n’urujya n’uruza rw’abantu, rugira uruhare mu kwagura ubuhahirane n’ibihugu by’ibituranyi birimo Repubulika Iharanira Demokarasi ya Congo n’u Burundi.

Uyu Mujyi uzwi nka Kamembe kuva mu myaka yo hambere, wabarizwagamo Umurenge wa Kamembe, n’igice gito cya Mururu na Gihundwe mbere y'uko hongerwaho imirenge ya Giheke na Nyakarenzo.

Nubwo inyubako zigezweho zikomeje kuzamurwa muri uyu Mujyi haba hagati ndetse no mu nkengero zawo, witegeye Ikiyaga cya Kivu ndetse n’imisozi ya Repubulika Iharanira Demokarasi ya Congo, haracyagaragara n’inzu bivugwa ko zubatswe n’abacuruzi b’Abarabu baje mu gihe cy’abakoloni.

09:18

Friday, 02/28/25

Abakinnyi bahagaze neza nyuma y'iminsi itanu (uduce tune) muri Tour du Rwanda 2025


1. Joris Delbove (TotalEnergies): 12h24'57"
2. Fabien Doubey (TotalEnergies): +2"
3. Oliver Mattheis (Bike Aid): +5"
4. Brady Gilmore (Israel Premier Tech): +8”
5. Henok Mulubrhan (Eritrea): +12”
6. Adria Pericas (UAZ): +14"
7. Moritz Kretschy (Israel PT): +14"
8. Milan Donie (Lotto Development Team): +18”
9. Masengesho Vainqueur (Rwanda): +29"
10.Juan Martinez (Devo Team Picnic) +30"
11. Manizabayo Eric (Java-InovoTec): +44"
.
.
16. Mugisha Moise (Rwanda): +2’09"
.
.
.
68. Ruhumuriza Aime (May Stars): +56'34"

09:11

Friday, 02/28/25

Uko Joris Delbove yegukanye Agace ka Kane agahita yambara umwambaro w'umuhondo

09:05

Friday, 02/28/25

Imyiteguro y'ahatangirira isiganwa yarangiye kare


Imbere y'Isoko rya Rusizi, ahatangirira isiganwa, imyiteguro yarangiye kare ndetse abantu ni benshi bategereje ko abakinnyi bahagera bagatangira kwishyushya.

09:03

Friday, 02/28/25

Ikaze mu Gace ka Gatanu ka Tour du Rwanda 2025


Tubahaye ikaze na none mu isiganwa mpuzamahanga rizenguruka u Rwanda mu mukino wo gusiganwa ku magare "Tour du Rwanda 2025", ryakomeje kuri uyu wa Gatanu hakinwa umunsi waryo wa gatandatu, mu Gace ka Gatanu gahagurukira i Rusizi kerekeza i Huye ku ntera y'ibilometero 144.

- Etape 5: Rusizi- Huye
-Intera: Kilometero 144
-Isaha yo guhaguruka: Saa 11:00
-Isaha yo gusoza: Hagati ya saa 15:03 na 15:23

Tour du Rwanda ni cyo gikorwa cy’imikino cyonyine kigera mu Ntara zose z’u Rwanda kandi gikurikiranwa n’Abanyarwanda benshi badasabwe ikiguzi na gito, muri make ni ku buntu.

Ni inshuro ya karindwi iri siganwa riri kuba riri ku kwego rwa 2.1 nyuma y’atandatu aheruka, yegukanywe n’Abanya-Erythrée; Merhawi Kudus mu 2019 na Natnael Tesfazion mu 2020, Umunya-Espagne Cristian Rodriguez, Natnael Tesfazion mu 2022, Henok Mulubrhan mu 2023 na Joe Blackmore mu 2024.


Tour du Rwanda yatangiye gukinwa mu 1988, yabaye mpuzamahanga kuva mu 2009, aho yashyizwe ku cyiciro cya 2.2 kugeza mu 2018.

Itandukaniro ry’ibi byiciro byombi riba ko mu isiganwa riri kuri 2.1, amakipe yemerewe gutumirwamo arimo ayo mu cyiciro cya mbere ‘World Tour’ atarenze 50% y’amakipe yose agize isiganwa, n’amakipe yo mu cyiciro cya kabiri ‘Pro-Continental teams’, naho isiganwa riri ku cyiciro cya 2.2 ryo amakipe yemerewe gutumirwa ni ayo mu cyiciro cya gatatu gusa bita ‘Continental teams’ n’amakipe y’ibihugu yo ku mugabane irushanwa.