KCC- KCC

Ubuyobozi bwa Tour du Rwanda bwemeje ko Agace ka Karindwi kabaye imfabusa, bityo Umufaransa Fabien Doubey wari wambaye umwambaro w'umuhondo ni we wegukanye Tour du Rwanda 2025.

Umufaransa Fabien Doubey wa TotalEnergies, wari ufite umwanya wa mbere, ni we wegukana Tour du Rwanda 2025 mu gihe Agace ka Karindwi kagirwa imfabusa nk'uko bigaragara.

Nyuma y'uko Fabien Doubey wambaye umwambaro w'umuhondo asabye ko isiganwa ry'Agace ka Karindwi rihagarara kubera umuhanda wanyereye, mu kanya gato hashobora gutangazwa ko aka gace kabaye imfabusa.

Fabien Doubey wambaye umwambaro w'umuhondo, ni we wasabye ko isiganwa rihagarara kuko umuhanda wanyereye.

Henok Mulubrhan wa kabiri n'uyu mukinnyi wa mbere bari kuganira n'uyoboye abakomiseri, waturutse muri UCI, witabiriye iri rushanwa.

Mu gihe igikundi cyari kigeze kuri Kigali Convention Centre, hasigaye kuzenguruka inshuro imwe, abakinnyi bose bahise bahagarara.

Ni mu gihe abakinnyi bari imbere bo bakomeje.

Imvura yaguye mu kanya kashize ishobora kuba yanyereje umuhanda.

Abakinnyi bari imbere barimo Jacob Bush wa Picnic na Yemane Dawit wa Bike Aid bagiye kugera kuri KCC ku nshuro ya gatatu.

Nahom Araya na Joris Delbove basizwe umunota n'amasegonda 20 mu muhanda w'amabuye.

Igikundi kiri inyuma umunota n'amasegonda 30.

Nahom Araya wa Eritrea yavuye mu gikundi, ahita akurikirwa na Joris Delbove wa TotalEnergies.

Aba bakinnyi bombi bakurikiye abari imbere bayobowe na Jacob Bush.

Igikundi cyasizwe umunota n'amasegonda 15.

Igikundi kiyobowe na TotalEnergies cyasizwe umunota n'amasegonda 10.

Cuylits (Lotto), Tene (Israel), Medhanie (Eritrea), Loriot na Kagimu (Amani), Fabries (UAE) na Yemane (Eritrea) bayoboye isiganwa bashyizemo amasegonda 40 hagati yabo n'igikundi.

Igikundi kiyobowe n'Ikipe ya Eritrea kimaze kunyura kuri KCC ku nshuro ya kabiri.

Henok Mulubrhan ashatse kugenda, na Fabien Doubey ahita ashitura igare.

Abakinnyi barindwi bayoboye isiganwa barimo Umunya-Uganda Lawrence Lorot wa Team Amani, bageze ku Kimihurura aho bagiye kuzamuka kwa Mignone.

Basize igikundi kiyobowe na TotalEnergies amasegonda 30.

- Cuylits (Lotto), Tene (Israel) na Medhanie (Eritrea) bayoboye isiganwa

- Loriot (Amani), Fabries (UAE) na Yemane (Bike Aid) basizwe amasegonda 20

- Kagimu (Armani) yasizwe amasegonda 35

- Igikundi cyasizwe amasegonda 45.

Abakinnyi batatu: Cuylits (Lotto), Tene (Israel) na Medhanie (Erythrée bakurikiye Muhoza Eric nyuma yo gusohoka mu gikundi bagiye kugera kuri KCC.

Henok Mulubrhan wa Eritrea na Fabien Doubey wa TotalEnergies bari kugendera hamwe mu muhanda w'amabuye ku Kimihurura.

Doubey wa mbere arusha Henok wa kabiri amasegonda atandatu gusa ku rutonde rusange.

Mu gihe Muhoza Eric yerekeza Kimihurura ngo agere kuri KCC, yasize igikundi amasegonda 10.

Umunyarwanda Muhoza Eric wa Team Amani ni we uri imbere nyuma yo kongetra guca mu rihumye abakinnyi benshi bashaka kuyobora.

Igikundi kiyobowe n'Ikipe ya Eritrea.

Mu gihe abakinnyi bakiri kugenda ibilometero birindwi bya mbere, abakinnyi bo mu makipe arimo Bike Aid, Picnic na Eritrea bari imbere y'abandi ariko TotalEnergies na bo bari hafi.

Abakinnyi batangiye urugendo rw'ibilometero 74 aho bagiye kuzenguruka inshuro enye.

Inzira ikoreshwa ni KCC (Gutangira) -Gishushu- RDB- MTN HQ- Kabuga ka Nyarutarama- umuhanda wa UTEXRWA- umuhanda wo kuri Tennis Club-Frontier-Gold Club (inzira yo kwirukiramo)- SOS- MINAGRI- Meridien- KBAC-RIB HQ- Kimicanga- Kimihurura- (Kwa Mignone)- Umuhanda w'amabuye- Kabindi- KABC- KCC (Gusoza).

Kubera imvura yaguye mu Mujyi wa Kigali, isiganwa ry'Agace ka Karindwi ka Tour du Rwanda 2025 ntirikinyuze mu gace kanini ko kuzenguruka, ahubwo abakinnyi barazenguruka intera nto inshuro enye.

Bivuze ko isiganwa ritanyura Nyabugogo, Norvege, Kimisagara, kwa Mutwe no mu Mujyi.

Mu gihe abakinnyi bari gusatira kuri KCC ngo batangire isiganwa, Fabien Doubey yari mu bakinnyi batatu ba TotalEnergies basigaye bari gukorerwa amagare n'umukanishi wabo ariko byahise bikemuka.

Philippe Calliou uyobora ibijyanye na tekinike muri Tour du Rwanda yemeje ko abakinnyi bakomeza urugendo nyuma y'uko Amanuel Gidey ameze neza.

Gusa agace gato bagombaga kuzenguruka, barakagenda katabarwa. Nibagera kuri KCC ni bwo batangira bundi bushya.

Uruganda rwenga ibinyobwa bisembuye n’ibidasembuye, Bralirwa Plc, rubinyujije mu kinyobwa cyarwo Amstel, rwitabiriye Tour du Rwanda ku nshuro ya gatanu.

Muri iri siganwa, uru ruganda ruba rususurutsa abaryitabiriye binyuze mu bitaramo bitandukanye rutegura.

Ni rwo kandi ruhemba umukinnyi wegukanye isiganwa ry'umunsi.

Uyu mufaransa ukinira Ikipe ya TotalEnergies ni we uyoboye urutonde rusange ndetse yashyizemo amasegonda atandatu hagati ye na Henok Mulubrhan.

Mu gihe Amanuel Gidey wa Ethiopia akiri kwitabwaho, abakinnyi bose bari imbere y'ahakorera kuri RDB.

Umukinnyi wa Ethiopia, Amanuel Gidey, aguye mbere yo kugera ahabarirwa ibihe, abakinnyi bose baba bahagaze ngo bamurindire.

Abakinnyi bahagurutse kuri Kigali Convention Centre aho bagiye kubanza kuzenguruka intera nto banyuze i Nyarutarama bakagaruka hano mbere yo kuzenguruka intera ndende.

Mu kurushaho kugeza serivisi z’ubwishingizi butandukanye ku bakiliya bayo, Prime Insurance Ltd yashyizeho uburyo bwo kuzigeraho ukoresheje telefoni aho ukanda *177#.

Iki kigo gifite uburambe mu gutanga serivisi z’ubwishingizi, ni cyo rukumbi kiri muri Tour du Rwanda 2025 mu rugendo rw’iminsi umunani, tariki ya 23 Gashyantare kugeza ku ya 2 Werurwe.


Ni ku nshuro ya munani yikurikiranya Prime Insurance iherekeza iri siganwa ry’amagare rigiye kuzenguruka igihugu ku nshuro ya 17 kuva ribaye mpuzamahanga.


Muri iri siganwa, iyi sosiyete yimakaje ikoranabuhanga yavuguruye gahunda yayo, aho umukiriya yisabira serivisi akanze *177#.


Umukiliya mushya ashobora kwisabira ubwishingizi bwose ashaka, bitabaye ngombwa ko afata umwanya, ajya ku ishami rimwemegereye.


Si ibyo gusa kuko iyi serivisi iri gufasha umukiliya kubona abafatanyabikorwa bayo muri serivisi zijyanye n’ubuzima n’imodoka (Pharmacie, ibitaro n’igaraje) zimwegereye, bikamufasha gukemura ikibazo mu buryo bwihuse.

Ibindi Prime Insurance yashyize imbere uyu mwaka harimo ubwishingizi bw’ubuvuzi, ubw’ibinyabigiziga n’ubw’umutungo.


Muri Tour du Rwanda, Prime Insurance ihemba umukinnyi muto kuri buri gace.


Kugeza ubu, Prime Insurance ibumbiyemo ibigo bibiri bitanga ubwishingizi bw’igihe gito n’ubw’igihe kirekire butangwa na Prime Life Insurance Ltd.


Ubwishingizi bw’igihe gito bukubiyemo ubw’ibinyabiziga by’ubwoko bwose, ubw’inkongi z’umuriro, ububungabunga umutungo, ubw’imizigo, ubw’impanuka zonona umubiri, ubw’imirimo ijyanye n’inyubako z’ingeri zose n’ubw’ingendo zo mu kirere.


Ubwishingizi bw’igihe kirekire burimo ubw’amashuri y’abana, ubw’inguzanyo z’amabanki, ubw’izabukuru, ubw’impanuka zitewe n’akazi n’ubw’umuryango.


Prime Insurance yashinzwe mu 1995, icyo gihe yitwaga COGEAR Ltd. Ni ikigo cy’ubwishingizi rusange cyemewe na Banki Nkuru y’u Rwanda. Imaze kugaba amashami arenga 60 mu gihugu, hagamijwe kwegereza Abanyarwanda serivisi zinoze kandi zihuse.

Kuri uyu munsi wa nyuma wa Tour du Rwanda 2025, Ikipe y'Igihugu (Team Rwanda) yambaye umwambaro mushya uriho ikirango cya Shampiyona y'Isi y'Amagare izabera i Kigali muri Nzeri 2025.

Ni ubwa mbere iri rushanwa rizaba ribereye ku Mugabane wa Afurika.

Sosiyete Nyarwanda y'Imikino y'Amahirwe, Forzza Bet, muri iyi Tour du Rwanda 2025, yabazaniye #BikorenaForzza, uburyo bushya bwo kwishyiriraho amafaranga yo gukinira ndetse no kwibikuriza ayo watsindiye, byose bigakorwa utarinze kugana cyangwa guhamagara iduka rya Forzza Bet.

Ni ku nshuro ya kane Forzza Bet itera inkunga irushanwa rya Tour du Rwanda, isiganwa rizenguruka igihugu, igenda isabana n'abakunzi bayo aho inyura hose.

Muri iyi Tour du Rwanda 2025, Forzza Bet yasangije buri wese wifuza gutega uko yabikora akoresheje telefoni ye, uko yakwishyiriraho amafaranga n'uko yakwibikuriza ayo yatsindiye kandi ako kanya.

Forzza Bet ni izina ry'ubucuruzi bwa Sosiyete ya Baron Sports Gaming Ltd, yanditse kandi ikorera mu Rwanda. Intego zayo ni ugutanga serivisi zinoze, kandi ikaba ishishikajwe no guteza imbere uruganda rw'imikino n'imyidagaduro mu Rwanda.

Ukeneye ibindi bisobanuro uhamagara umurongo wa telefoni utishyurwa 6677 cyangwa se ukabandikira ku mbuga nkoranyambaga zabo, (X, Facebook, Instagram @Forzzagamingrwanda na WhatsApp @ 0795307588).

Nsengiyumva Shemu yizeye gusoza irushanwa ari umuzamutsi mwiza naho Munyaneza Didier ari umukinnyi mwiza ahatambika.

Iyi myambaro ihemberwa kimwe n'uw'Umunyafurika mwiza n'umukinnyi muto mu irushanwa.

Uwa mbere ahabwa 700€ (miliyoni 1,04 Frw), uwa kabiri 500€ kugeza ku wa gatanu ubona 50€.

Umunyarwanda wa mbere mwiza mu isiganwa ahabwa 600€, bagahembwa kugeza ku wa gatanu ubona 50€.

Umunyafurika muto mwiza wa mbere mu isiganwa ahabwa 400€ kugeza ku wa gatanu uhabwa 50€.

Ni mu gihe umukinnyi wayoboye isiganwa kuri buri gace ahabwa 100€ (agera ku bihumbi 150 Frw).

Muri Tour du Rwanda 2025 hari gutangwa imyambaro 10 igaragaza abakinnyi bayoboye mu byiciro bitandukanye.

Irushanwa ry'uyu mwaka rizatangwamo ibihembo by'ibihumbi 46,1 by'Amayero, ni ukuvuga agera kuri miliyoni 68,5 Frw.

Uwegukana irushanwa azahabwa 3500€, agera kuri miliyoni 5,2 Frw.

Abakinnyi beza ku rutonde rusange barahembwa kugeza ku wa 20 ubona 40€ (hafi ibihumbi 60 Frw).

Uwegukanye Agace ka Tour du Rwanda ahabwa 1100€, agera kuri miliyoni 1,6 Frw ariko uwegukanye Prologue uyu mwaka yahawe 500€ (hafi ibihumbi 745 Frw).

Kuri buri gace, abakinnyi bitwaye neza barahembwa kugeza ku wa 20 uhabwa 20€ (hafi ibihumbi 30) ariko kuri Prologue uwa 20 yahawe 10€ (hafi ibihumbi 15 Frw).

Mbere na mbere, kuri iki Cyumweru, abakinnyi b'Abanyarwanda by'umwihariko aba Team Rwanda barakorera Masengesho Vainqueur kugira ngo bamufashe gusoza mu myanya myiza ku rutonde rusange aho kuri ubu ari uwa karindwi arushwa amasegonda 51 na Fabien Doubey wa mbere.

Kugeza ubu kandi, Masengesho Vainqueur ni Umunyafurika wa kabiri mwiza mu isiganwa nyuma ya Henok Mulubrhan.

Nsengiyumva Shemu wa Java-InovoTec yizeye gusoza ari umuzamutsi mwiza muri Tour du Rwanda 2025 kuko afite amanota 52, akurikiwe na Uwiduhaye Mike ufite amanota 41 naho Antoine Berlin wa Bike Aid akagira amanota 30 mu gihe kuri uyu munsi bafite Umusozi umwe wa Norvege.

Munyaneza Didier na we yizeye gusoza ari umukinnyi mwiza ahatambika aho kuri ubu afite amanota 60, akurikiwe na Uwiduhaye Mike ufite amanota 32 mu gihe kuri iki Cyumweru hari Sprint ebyiri z'amanota 16 gusa.

Mu duce dutandatu twabanje, Abanyarwanda ni bo batsindiye imyambaro yo guhatana (kuyobora isiganwa igihe kirekire) itangwa na Ingufu Gin Ltd.

Ku wa Gatandatu, Team Rwanda na Java-InovoTec zagerageje gufatanya ngo zitware Agace ka Nyanza-Canal Olympia, ariko Mugisha Moise waherukaga kuhatsindira mu 2022 birangira abaye uwa gatanu.

Kuzenguruka intera nto: KCC-KCC:

KCC (Gutangira) -Gishushu- RDB- MTN HQ- Kabuga ka Nyarutarama- umuhanda wa UTEXRWA- umuhanda wo kuri Tennis Club-Frontier-Gold Club (inzira yo kwirukiramo)- SOS- MINAGRI- Meridien- KBAC-RIB HQ- Kimicanga- Kimihurura- (Kwa Mignone)- Umuhanda w'amabuye- Kabindi- KABC- KCC.

Kuzenguruka intera ndende:

KCC (gukomeza)- Gishushu RDB-MTN HQ- umuhanda wo kuri UTEXRWA- umuhanda wo kuri Tennis Club- Golf Club (inzira birukiramo)- SOS- MINAGRI- Merdien KBAC- RIB HQ- Kimicanga- Sopetrade- Downtown- Roundabout- Traffic Police- Nyabugogo- Gitikinyoni- Ruliba- Norvège- Mont Kigali- Nyamirambo- Ghadaffi Mosque-Tapis Rouge- Kimisagara-Kwa Mutwe (Mûr de Kigali)- Biryogo- Ku Cyapa- Biryogo- ONATRACOM- Gitega- Statistique- CHIC -Round Point- Payage- Sopetrade Kimicanga- Kimihurura (Kwa Mignone)- Umuhanda w'amabuye- Kabindi- Kigali Convention Center (GUSOZA).

Kugeza ku munsi wa nyuma wa Tour du Rwanda 2025, amahirwe yo kwegukana iri rushanwa riri kuba ku nshuro ya 17 aracyari menshi ku bakinnyi 10 ba mbere, ariko by'umwihariko babiri ba mbere mu gihe amakipe yabo yaba abafashije cyane.

Umufaransa Fabien Doubey wongeye kwambara umwambaro w'umuhondo ku wa Gatandatu nyuma y'iminsi ibiri ufitwe na Joris Delbove bakinana muri TotalEnergies, afite amahirwe menshi dore ko ikipe ye ari yo ikomeye ndetse yakunze kuyobora igikundi iminsi myinshi.

Kuri uyu munsi wa nyuma, hakora imibare myinshi y'amakipe kugira ngo abakinnyi babuze abo bahanganye kugenda.

Umukinnyi wa kabiri witezwe kuri iki Cyumweru ni Umunya-Eritrea Henok Mulubrhan watwaye Tour du Rwanda mu 2023 mu gihe atakinnye iya 2024 kubera imvune.

Ku wa Gatandatu, yagabanyije amasegonda yarushwaga na Fabien Doubey hasigaramo atandatu gusa.

Kuba Eritrea ikomeye nk'uko yabigaragaje ku i Rebero ubwo Nahom Araya yegukanaga Agace ka Gatandatu atsinze abarimo Mugisha Moise, bishobora gutuma Henok yongera kwandika amateka i Kigali.

Abaterankunga ba Tour du Rwanda 2025 barimo Amstel, Rwanda Foam, MTN Momo, Prime Insurance na Forzza Bet bakereye kugeza ku batuye Umujyi wa Kigali serivisi zabo mu gihe iri rushanwa mpuzamahanga ry'amagare riri kugana ku musozo.

Tubahaye ikaze na none mu isiganwa mpuzamahanga rizenguruka u Rwanda mu mukino wo gusiganwa ku magare "Tour du Rwanda 2025", ryakomeje kuri iki Cyumweru hakinwa umunsi waryo wa munani ari na wo wa nyuma, mu Gace ka Karindwi gahagurukira kuri Kigali Convention Centre kakaza kuhasorezwa nyuma yo guca mu bice bitandukanye bya Kigali ku ntera y'ibilometero 74.

- Etape 7: Kigali Convention Centre- Kigali Convention Centre
-Intera: Kilometero 74
-Isaha yo guhaguruka: Saa 12:00
-Isaha yo gusoza: Hagati ya saa 13:43 na 14:00

Tour du Rwanda ni cyo gikorwa cy’imikino cyonyine kigera mu Ntara zose z’u Rwanda kandi gikurikiranwa n’Abanyarwanda benshi badasabwe ikiguzi na gito, muri make ni ku buntu.

Ni inshuro ya karindwi iri siganwa riri kuba riri ku kwego rwa 2.1 nyuma y’atandatu aheruka, yegukanywe n’Abanya-Erythrée; Merhawi Kudus mu 2019 na Natnael Tesfazion mu 2020, Umunya-Espagne Cristian Rodriguez, Natnael Tesfazion mu 2022, Henok Mulubrhan mu 2023 na Joe Blackmore mu 2024.

Tour du Rwanda yatangiye gukinwa mu 1988, yabaye mpuzamahanga kuva mu 2009, aho yashyizwe ku cyiciro cya 2.2 kugeza mu 2018.

Itandukaniro ry’ibi byiciro byombi riba ko mu isiganwa riri kuri 2.1, amakipe yemerewe gutumirwamo arimo ayo mu cyiciro cya mbere ‘World Tour’ atarenze 50% y’amakipe yose agize isiganwa, n’amakipe yo mu cyiciro cya kabiri ‘Pro-Continental teams’, naho isiganwa riri ku cyiciro cya 2.2 ryo amakipe yemerewe gutumirwa ni ayo mu cyiciro cya gatatu gusa bita ‘Continental teams’ n’amakipe y’ibihugu yo ku mugabane irushanwa.