Women ITT & Men ITT
Umunsi wa Mbere wa Shampiyona y'Isi y'Amagare: BK Arena- KCC |
Umwanditsi : Eric Tony Ukurikiyimfura |
Amafoto : Umwari Sandrine |
Uko isiganwa riri kugenda
17:20
Sunday, 09/21/25
Shampiyona y'Isi y'Amagare ya 2025 izakomeza ku wa Mbere
Shampiyona y'Isi y'Amagare iri kubera i Kigali, izakomeza ku wa Mbere, tariki ya 22 Nzeri 2025, abakinnyi b'abahungu n'abakobwa batarengeje imyaka 23 basiganwa n'igihe [ITT].
Abahungu batarengeje imyaka 23 bazakina intera y'ibilometero 31,2 guhera saa 13:35.
U Rwanda ruzaba ruhagarariwe na Tuyizere Etienne na Niyonkuru Samuel.
Abakobwa batarengeje imyaka 23 bazakina intera y'ibilometero 22,6.
Abanyarwandakazi bazakina iri siganwa ni Nyirarukundo Claudette na Mwamikazi Jazilla guhera saa 10:30.
17:08
Sunday, 09/21/25
Uko Abanyarwanda bitwaye:
Nsengiyumva Shemu wahagurutse mbere y'abandi bakinnyi bose mu bagabo, yabaye uwa 25 yasizwe iminota itandatu n'amasegonda 55 na Remco wabaye uwa mbere.
Ni mu gihe Mugisha Moise yabaye uwa 31 yasizwe iminota umunani n'amasegonda 54.
Abakinnyi 54 ni bo bakinnye iri siganwa rya ITT mu bagabo, uwa nyuma aba Umunya-Sudani y'Epfo, Edward Jalal, wasizwe iminota 43,18.
17:04
Sunday, 09/21/25
Pogacar abuze umudali ku munsi wa mbere
Tadej Pogacar wari uhanzwe amaso, niba i Kigali ari ho ashobora guhindurira ibintu muri ITT, yabaye uwa kane nyuma yo gukoresha iminota 52,23 ku ntera y'ibilometero 40,6, arushwa iminota ibiri n'amasegonda 37 na Remco Evenepoel wabaye uwa mbere.
Umunya-Australia Jay Vine yabaye uwa kabiri yakoresheje iminota 51 naho uwa gatatu aba Umubiligi Ilan Van Wilder wakoresheje iminota 52,22.
Pogacar usanzwe ari nimero ya mbere ku Isi, azongera gukina ku Cyumweru, tariki ya 28 Nzeri 2025, mu isiganwa ryo mu muhanda rizaba rifite intera y'ibilometero 267,5.
16:54
Sunday, 09/21/25
Remco Evenepoel yegukanye ITT ya Shampiyona y'Isi ya 2025
Umubiligi Remco Evenepoel yegukanye umudali wa Zahabu nyuma yo gutsinda isiganwa rya ITT [gusiganwa n'igihe buri wese agenda wenyine] mu bagabo, akoresheje iminota 49,6 ku ntera y'ibilometero 40,6.
Ni ku nshuro ya gatatu Remco atsinze ITT muri Shampiyona y'Isi, nyuma yo kubikora i Glasgow mu 2023 n'i Zurich mu 2024. Uyu munsi hari i Kigali!
16:49
Sunday, 09/21/25
Remco yanyuze kuri Pogacar
Nyuma yo kumusatira bazamuka mu Mujyi, bagana kuri Rond-point, Remco Evenepoel yanyuze kuri Tadej Pogacar bari kuzamuka mu muhanda w'amabuye, Kimihurura.
Remco yahagarutse iminota ibiri n'amasegonda 30 nyuma ya Pogacar.
Remco yahagarutse iminota ibiri n'amasegonda 30 nyuma ya Pogacar.
16:40
Sunday, 09/21/25
Remco na Pogacar mu mihanda y'i Kigali
16:34
Sunday, 09/21/25
Birashoboka ko Ababiligi batahana iyi ntebe
Ilan Van Wilder ni we ukomeje kuyobora isiganwa, ariko akurikiranira hafi ibyo mwenewabo Remco Evenepoel ari gukorera mu muhanda.
16:30
Sunday, 09/21/25
Umugoroba utandukanye ku bakunzi b'umukino w'amagare
Nyuma y'amezi arindwi hasojwe Tour du Rwanda 2025, abakunzi b'umukino w'amagare bongeye kubona ibirori by'umwihariko kuri Kigali Convention Centre.
16:21
Sunday, 09/21/25
Mugisha Moise yabaye afashe umwanya wa 10
Mugisha Moise yasoje isiganwa arushwa iminota 6,18 n'umukinnyi w'Umubiligi, Ilan Van Wilder, umaze gukoresha ibihe byiza, ibimushyira ku mwanya wa 10 w'agateganyo.
Ni mu gihe Nsengiyumva Shemu ari ku mwanya wa munani.
Ni mu gihe Nsengiyumva Shemu ari ku mwanya wa munani.
16:05
Sunday, 09/21/25
Isiganwa riyobowe n'Umubiligi
Kugeza ubu, Umubiligi Ilan Van Wilder ni we wamaze gukoresha ibihe byiza, aho yasoje ibilometero 40,6 akoresheje iminota 52,22.
Nsengiyumva Shemu ari ku mwanya wa gatanu arushwa iminota 4,19.
16:00
Sunday, 09/21/25
Umwami wa ITT ku Isi yinjiye mu muhanda
Umubiligi Remco Evenepoel watwaye ITT ya Shampiyona y'Isi mu 2023 na 2024, yatangiye urugendo rwo kuyitwara ku nshuro ya gatatu yikurikiranya ndetse akaba yabikorera i Kigali.
Remco ni we mukinnyi wa nyuma wasohotse muri BK Arena kuri iki Cyumweru, akurikiye Tadej Pogacar.
15:57
Sunday, 09/21/25
Tadej Pogacar yamaze guhaguruka
Nimero ya mbere ku Isi mu mukino w'amagare, Umunya-Slovanie Tadej Pogacar, yamaze guhaguruka muri BK Arena yerekeza kuri KCC, ku ntera y'ibilometero 40,6.
Ni we watwaye Shampiyona y'Isi ya 2024 mu isiganwa ryo mu muhanda.
Yatwara na ITT uyu mwaka?
Hafi aho hari Umubiligi Remco Evenepoel watwaye iri siganwa mu nshuro ebyiri ziheruka, ndetse na we ari mu bitezwe kuri KCC.
Ni we watwaye Shampiyona y'Isi ya 2024 mu isiganwa ryo mu muhanda.
Yatwara na ITT uyu mwaka?
Hafi aho hari Umubiligi Remco Evenepoel watwaye iri siganwa mu nshuro ebyiri ziheruka, ndetse na we ari mu bitezwe kuri KCC.
15:38
Sunday, 09/21/25
Kuri KCC hari abafana benshi
15:27
Sunday, 09/21/25
Paul Seixas ahanzwe amaso
Umufaransa Paul Seixas w'imyaka 18, ni we mukinnyi muto mu bagabo bakina icyiciro cya ITT kuri iki Cyumweru.
Yahagurutse muri BK Arena saa Cyenda n'iminota 15.
Yahagurutse muri BK Arena saa Cyenda n'iminota 15.
15:25
Sunday, 09/21/25
Shemu yakuwe ku mwanya wa mbere
Umubiligi Florian Vermeersch w'imyaka 26, ni we uyoboye isiganwa nyuma yo gukoresha iminota 54,49 aho arushije Nsengiyumva Shemu umunota n'amasegonda 51.
Abakinnyi 10 ni bo bamaze gusoza isiganwa mu gihe 14 ari bo batarahaguruka.
Abakinnyi 10 ni bo bamaze gusoza isiganwa mu gihe 14 ari bo batarahaguruka.
15:22
Sunday, 09/21/25
Mugisha Moise yamaze guhaguruka
Umunyarwanda wa kabiri ukina mu bagabo, Mugisha Moise yamaze guhaguruka.
Mugisha yatwaye Shampiyona y'Igihugu ya ITT mu 2023 na 2024 mu gihe yabaye uwa kabiri muri Shampiyona Nyafurika mu 2023.
Mugisha yatwaye Shampiyona y'Igihugu ya ITT mu 2023 na 2024 mu gihe yabaye uwa kabiri muri Shampiyona Nyafurika mu 2023.
15:03
Sunday, 09/21/25
Shemu yarushije Umunya-Tanzania wamukurikiye
Nsengiyumva Shemu ni we ukicaye ku ntebe y'uyoboye isiganwa nyuma yo kurusha iminota icyenda Umunya-Tanzania, Ngwata Boniphase wahagurutse amukurikiye.
Umunya-Mali Diarra Siriki na we yarushijwe iminota 10,22.
Mu minota mike iri imbere, Mugisha Moise arahaguruka saa 15:20.
Umunya-Mali Diarra Siriki na we yarushijwe iminota 10,22.
Mu minota mike iri imbere, Mugisha Moise arahaguruka saa 15:20.
14:44
Sunday, 09/21/25
Nsengiyumva Shemu asoje isiganwa
Umunyarwanda Nsengiyumva Shemu wahagurutse mbere y'abandi, asoje ibilometero 40,6 yakoresheje iminota 56,41.
Shemu Nsengiyumva does Rwanda ???????? proud in the Men Elite ITT, setting the standard with a time of 56:41.13.
— UCI (@UCI_cycling) September 21, 2025
Gave it all ????. Now time for him to enjoy his moment in the hot seat ????.#Kigali2025 pic.twitter.com/INMCvrbTY7
14:27
Sunday, 09/21/25
Kicukiro Centre yari yihariye kuri iki Cyumweru
14:20
Sunday, 09/21/25
Ku nshuro ya gatatu, Ikipe y'impunzi yitabiriye Shampiyona y'Isi
Kuva mu 2023, Impuzamashyirahamwe y'Umukino w'Amagare ku Isi (UCI) yashyizeho uburyo bwemerera bamwe mu bakinnyi b'impunzi kwitabira Shampiyona y'Isi.
Mu isiganwa ry'abagabo riri kuba harimo Wais Ahmad Badreddin wahagarutse ari umukinnyi wa karindwi.
Mu isiganwa ry'abagabo riri kuba harimo Wais Ahmad Badreddin wahagarutse ari umukinnyi wa karindwi.
13:58
Sunday, 09/21/25
Afurika yashyizwe igorora nk'iri mu rugo
Ku nshuro ya mbere, abakinnyi bo mu bihugu 38 bya Afurika bazagaragara muri Shampiyona y'Isi y'Amagare.
Abakinnyi bo kuri uyu Mugabane boroherejwe mu kwitabira iri rushanwa kuko ari ubwa mbere ribereye iwabo.
U Rwanda, nk'igihugu cyakiriye, ruzahagararirwa n'abakinnyi 23 mu masiganwa 13.
Bwa mbere u Rwanda rukina iri rushanwa ni mu 2014 aho rwahagarariwe n'abakinnyi batatu.
Mu gihe mu 2024, u Rwanda rutagize ikipe y'abagabo [Men Elite] muri Shampiyona y'Isi, kuri iyi nshuro ruzaba rufite abakinnyi batandatu muri "peloton" y'isiganwa ryo ku munsi wa nyuma, ku wa 28 Nzeri 2025.
Abakinnyi bo kuri uyu Mugabane boroherejwe mu kwitabira iri rushanwa kuko ari ubwa mbere ribereye iwabo.
U Rwanda, nk'igihugu cyakiriye, ruzahagararirwa n'abakinnyi 23 mu masiganwa 13.
Bwa mbere u Rwanda rukina iri rushanwa ni mu 2014 aho rwahagarariwe n'abakinnyi batatu.
Mu gihe mu 2024, u Rwanda rutagize ikipe y'abagabo [Men Elite] muri Shampiyona y'Isi, kuri iyi nshuro ruzaba rufite abakinnyi batandatu muri "peloton" y'isiganwa ryo ku munsi wa nyuma, ku wa 28 Nzeri 2025.
13:47
Sunday, 09/21/25
ISIGANWA RY'ABAGABO RYATANGIYE
Umunyarwanda Nsengiyumva Shemu, watwaye Shampiyona y'Igihugu muri ITT, yamaze guhaguruka.
Uyu mukinnyi hamwe n'abandi 54 barimo Remco Evenepoel na Tadej Pogacar, barakora intera y'ibilometero 40,6.
13:20
Sunday, 09/21/25
Abakinnyi bitwaye neza mu bagore bari guhabwa imidali
Muri Shampiyona y'Isi y'Amagare, buri wese akina isiganwa rye, yarirangiza agahembwa [mu gihe yatsinze].
Hari abakinnyi baba bafite isiganwa rimwe, abakina abiri n'abakina atatu bitewe n'uburyo umutoza yabihisemo.
Abakinnyi bahembwe mu bagore (WE ITT) ni:
Umudali wa Zahabu + Umwambaro w'uwatwaye isiganwa uriho amabara y'umukororombya: Marlen Reusser (U Busuwisi)
Umudali wa Feza: Anna van der Breggen (U Buholandi)
Umudali w'Umuringa: Vollering Demi (U Buholandi)
Hari abakinnyi baba bafite isiganwa rimwe, abakina abiri n'abakina atatu bitewe n'uburyo umutoza yabihisemo.
Abakinnyi bahembwe mu bagore (WE ITT) ni:
Umudali wa Zahabu + Umwambaro w'uwatwaye isiganwa uriho amabara y'umukororombya: Marlen Reusser (U Busuwisi)
Umudali wa Feza: Anna van der Breggen (U Buholandi)
Umudali w'Umuringa: Vollering Demi (U Buholandi)
13:16
Sunday, 09/21/25
Harakurikiraho isiganwa ry'abagabo
Guhera saa Saba n'iminota 45, abagabo baratangira gusiganwa n'igihe ku ntera y'ibilometero 40,6.
U Rwanda rufitemo abakinnyi babiri ari bo Nsengiyumva Shemu uhagaruka mbere ndetse na Mugisha Moise uhaguruka saa Cyenda n'iminota 20.
Na bo barahagurukira muri BK Arena, basoreze kuri KCC.
U Rwanda rufitemo abakinnyi babiri ari bo Nsengiyumva Shemu uhagaruka mbere ndetse na Mugisha Moise uhaguruka saa Cyenda n'iminota 20.
Na bo barahagurukira muri BK Arena, basoreze kuri KCC.
13:12
Sunday, 09/21/25
Uko Abanyarwanda bitwaye mu isiganwa rya mbere mu bagore
Nirere Xaverine wahagurutse mbere y'abandi bose, yabaye uwa 27 akoresheje iminota 50,07 ku ntera y'ibilometero 31,2, arushwa iminota itandatu n'amasegonda 58 n'umukinnyi wa mbere.
Ingabire Diane yabaye uwa 35 akoresheje iminota 52,57 aho yarushijwe n'umukinnyi wa mbere iminota icyenda n'amasegonda 48.
Abakinnyi 44 ni bo bahatanye muri iki cyiciro, babiri ba nyuma baba Abanya-Qatar bakurikiye Umunya-Uganda, Trinitah Namukasa.
Ingabire Diane yabaye uwa 35 akoresheje iminota 52,57 aho yarushijwe n'umukinnyi wa mbere iminota icyenda n'amasegonda 48.
Abakinnyi 44 ni bo bahatanye muri iki cyiciro, babiri ba nyuma baba Abanya-Qatar bakurikiye Umunya-Uganda, Trinitah Namukasa.
13:00
Sunday, 09/21/25
Marlen Reusser yegukanye Shampiyona y'Isi y'Amagare ya 2025 muri ITT y'Abagore
Umusuwisikazi Marlen Reusser ni we wegukanye isiganwa rya mbere rya Shampiyona y'Isi y'Amagare ya 2025, aho abagore basiganwaga n'igihe, ibizwi nka Women Elite Individual Time Trial (ITT).
Reusser yakoresheje iminota 43,09 ku ntera y'ibilometero 31,2, arusha Anna van der Breggen amasegonda 51,89.
Ni mu gihe Umunya-Norvege, Katrine Aalerud, yabaye uwa gatatu yasizwe umunota umwe n'amasegonda 24.
Umugore wa Tadej Pogacar, Urška Žigart wo muri Slovenia, yabaye uwa cyenda yasizwe iminota itatu n'amasegonda 30.
Reusser yakoresheje iminota 43,09 ku ntera y'ibilometero 31,2, arusha Anna van der Breggen amasegonda 51,89.
Ni mu gihe Umunya-Norvege, Katrine Aalerud, yabaye uwa gatatu yasizwe umunota umwe n'amasegonda 24.
Umugore wa Tadej Pogacar, Urška Žigart wo muri Slovenia, yabaye uwa cyenda yasizwe iminota itatu n'amasegonda 30.
12:54
Sunday, 09/21/25
Amaso yose yerekejwe kuri KCC
Mu gihe abakinnyi babiri gusa ari bo bakiri mu muhanda, amaso yose ahanzwe ibihe bakoresha dore ko ari bari bitwaye neza mu 2024 bakaza mu myanya itatu ya mbere.
Kuri KCC, ahari gusorezwa isiganwa, hari abafana batari bake.
12:51
Sunday, 09/21/25
Byari ibyishimo i Remera
12:42
Sunday, 09/21/25
Reusser ayoboye isiganwa
Marlen Reusser wo mu Busuwisi yicaye ku ntebe y'umukinnyi umaze gukoresha ibihe byiza, nyuma yo gukoresha iminota 43,09 ku ntera y'ibilometero 31,2, aho arusha Anna van der Breggen amasegonda 51,89.
Nirere Xaverine yamaze kuva mu bakinnyi 20 ba mbere.
Nirere Xaverine yamaze kuva mu bakinnyi 20 ba mbere.
12:35
Sunday, 09/21/25
Abanyarwanda bishimiye kubona abakinnyi babo muri Shampiyona y'Isi
Ingabire Diane watwaye Shampiyona y'Igihugu y'umukino w'Amagare inshuro eshatu, akaba ari gukina Shampiyona y'Isi y'Amagare ku nshuro ya kane, ari mu Banyarwandakazi babiri bakinnye ITT kuri iki Cyumweru.
Hari kandi Nirere Xaverine wegukanye Shampiyona y'Igihugu ya 2025 muri ITT, na we akaba ari gukina Shampiyona y'Isi ku nshuro ya gatatu.
Hari kandi Nirere Xaverine wegukanye Shampiyona y'Igihugu ya 2025 muri ITT, na we akaba ari gukina Shampiyona y'Isi ku nshuro ya gatatu.
12:23
Sunday, 09/21/25
Umuhanda w'amabuye, ahazwi nko kwa Mignonne, uri gukora ikinyuranyo
12:13
Sunday, 09/21/25
Abakinnyi bose bamaze guhagaruka
Demi Vollering wo mu Buholandi wabaye uwa kabiri muri ITT ya Shampiyona y'Isi y'Abagore mu 2024, yamaze guhaguruka muri BK Arena.
Bivuze ko nta wundi mukinnyi usigaye, ahubwo bose bari mu muhanda berekeza kuri Kigali Convention Centre ahasorezwa isiganwa.
Muri BK Arena, ni ho hatangirira isiganwa ry'abagabo guhera saa Saba n'iminota 45, aho babimburirwa na Nsengiyumva Shemu wo mu Rwanda.
12:08
Sunday, 09/21/25
Anna van der Breggen ni we uyoboye
Umukinnyi w'Umuholandikazi, Anna van der Breggen, ni we umaze gukoresha ibihe bito bingana n'iminota 44,1.
Nirere Xaverine yageze ku mwanya wa karindwi.
Uko abakinnyi bagenda basoza, ni ko uyoboye ahinduka keretse iyo habayeho gutungurana cyangwa gutungurwa.
Nirere Xaverine yageze ku mwanya wa karindwi.
Uko abakinnyi bagenda basoza, ni ko uyoboye ahinduka keretse iyo habayeho gutungurana cyangwa gutungurwa.
12:05
Sunday, 09/21/25
Abakinnyi batatu ni bo bataratangira gukina
Umufaransakazi Juliette Labous amaze gusohoka muri BK Arena, atangira urugendo rw'ibilometero 31,2.
Bivuze ko hasigaye Anna Henderson wo mu Bwongereza, Dygert Chloe wo muri Amerika na Demi Vollering wo mu Buholandi.
Muri ITT, Abakinnyi beza ni bo baharuka nyuma ndetse ni bo baba bafite amahirwe yo gutsinda.
Bivuze ko hasigaye Anna Henderson wo mu Bwongereza, Dygert Chloe wo muri Amerika na Demi Vollering wo mu Buholandi.
Muri ITT, Abakinnyi beza ni bo baharuka nyuma ndetse ni bo baba bafite amahirwe yo gutsinda.
11:52
Sunday, 09/21/25
Sonatube hari abafana benshi
Abari kurebera isiganwa Sonatube bari mu nyungu kuko abakinnyi bahanyura inshuro ebyiri; bazamuka bavuye mu muhanda wo kuri Prince House ndetse no mu gihe bagaruka bavuye i Nyanza, aho bahita berekeza Rwandex.
11:44
Sunday, 09/21/25
Nirere yakuwe ku ntebe y'umukinnyi uyoboye
Umukinnyi wo mu Bushinwa, Xhang Hao, ni we uyoboye kugeza ubu aho yakoresheje iminota 47,33 ku ntera y'ibilometero 31,2.
Ni mu gihe Soraya Paladin wo mu Butaliyani yakoresheje iminota 48 n'amasegonda 56.
Kugeza ubu, Nirere ari ku mwanya wa gatatu arushwa iminota ibiri n'amasegonda 44.
Abakinnyi 10 ni bo batarahaguruka.
Ni mu gihe Soraya Paladin wo mu Butaliyani yakoresheje iminota 48 n'amasegonda 56.
Kugeza ubu, Nirere ari ku mwanya wa gatatu arushwa iminota ibiri n'amasegonda 44.
Abakinnyi 10 ni bo batarahaguruka.
11:36
Sunday, 09/21/25
I Nyanza, ubwitabire buri hejuru ku muhanda
11:22
Sunday, 09/21/25
Abakinnyi 23 ni bo bamaze guhaguruka
Isiganwa ry'abagore rigeze hagati kuko hamaze guhaguruka abakinnyi 23 muri 44.
Muri 21 basigaye harimo Umunyarwandakazi Ingabire Diane uhaguruka saa Tanu n'iminota 32.
11:13
Sunday, 09/21/25
Nirere Xaverine asoje isiganwa mbere
Umunyarwandakazi Nirere Xaverine wahagurutse mbere, ni na we usoje mbere isiganwa rya ITT mu bagore aho yakoresheje iminota 50,07 ku ntera y'ibilometero 31,2.
11:07
Sunday, 09/21/25
Abari kuri KCC bari gukurikira isiganwa kuri televiziyo za rutura mu gihe bategereje ko abakinnyi bahagera
10:57
Sunday, 09/21/25
Shampiyona y'Isi ya 2025 ntirimo umwamikazi wa ITT iheruka
Umunya-Australia, Grace Brown w'imyaka 33, wegukanye isiganwa rya ITT muri Shampiyona y'Isi y'Amagare ya 2024 yabereye i Zurich, ntiyitabiriye uyu mwaka i Kigali kuko yahise asezera umukino ku mpera z'umwaka ushize.
Abahanzwe amaso uyu mwaka ni Umuholandikazi, Demi Volleringi n'Umunyamerika Dygert Chloe, ari na bo bahaguruka nyuma y'abandi kuri iki Cyumweru.
10:49
Sunday, 09/21/25
Abakinnyi 10 bamaze guhaguruka
Mu gihe Nirere Xaverine ageze hagati mu rugendo rw'isiganwa rye, abakinnyi 10 muri 44 ni bo bamaze guhaguruka muri BK Arena.
10:42
Sunday, 09/21/25
Kuri KCC bariteguye
Kuri Kigali Convention Centre ni ho hasorezwa isiganwa ry'umunsi wa mbere ndetse ni naho amasiganwa yose azajya asorezwa.
Muri aka kanya, hamaze kugera abantu benshi baje kureba uko abakinnyi basoza ITT.
10:37
Sunday, 09/21/25
Kubera iki Nirere Xaverine?
Nirere w'imyaka 23, usanzwe ukinira Team Amani, ari mu bakinnyi b'abakobwa bahagaze neza muri uyu mwaka aho yatwaye irushanwa ryabereye i Windhoek muri Namibia.
Uyu mwaka, ni we wegukanye Shampiyona y'Igihugu ya 2025 muri ITT mu gihe yabaye uwa gatatu mu isiganwa ryo mu muhanda.
Yakinnye kandi Migration Gravel Race muri Kenya, asoreza ku mwanya wa gatatu.
Ni inshuro ya gatatu ari gukina Shampiyona y'Isi y'Amagare nyuma ya 2023 na 2024.
10:30
Sunday, 09/21/25
Inzira iri gukoreshwa n'abasiganwa
Nirere Xaverine aracyari mu nzira aho kuri ubu yafashe umuhanda ujya Sonatube, akaza gukomeza azamuka i Nyanza.
Nyuma ya buri minota ibiri cyangwa itatu, hari abandi bakinnyi bazajya bahaguruka.
Dore inzira bari gukoresha: BK Arena- Rwahama- Kimironko (Simba Supermarket) - Kwa Chez Lando - Prince House - Sonatube - Nyanza ya Kicukiro - Gahanga (Master Steel)- Kugaruka Sonatube - Rwandex - Mu Kanogo - Roundabout yo mu Mujyi- Kugaruka mu Kanogo- Mediheal- Kwa Mignone - Ku Muvunyi - KCC.
Nyuma ya buri minota ibiri cyangwa itatu, hari abandi bakinnyi bazajya bahaguruka.
Dore inzira bari gukoresha: BK Arena- Rwahama- Kimironko (Simba Supermarket) - Kwa Chez Lando - Prince House - Sonatube - Nyanza ya Kicukiro - Gahanga (Master Steel)- Kugaruka Sonatube - Rwandex - Mu Kanogo - Roundabout yo mu Mujyi- Kugaruka mu Kanogo- Mediheal- Kwa Mignone - Ku Muvunyi - KCC.
10:23
Sunday, 09/21/25
10:22: Nirere Xaverine ni we uhagurutse bwa mbere muri BK Arena
Nyuma y'imyaka ine yo gutegereza, kuva mu 2021 ubwo u Rwanda rwabwirwa ko ruzakira Shampiyona y'Isi ya 2025, kera kabaye iratangiye!
Nirere Xaveline, Umunyarwandakazi, mushiki wa Ndayisenga Valens na we wakiniye Team Rwanda, ni we uhagurutse muri BK Arena mbere, saa Yine n'iminota 22, aho agiye gukora intera y'ibilometero 31,2.
10:17
Sunday, 09/21/25
Minisitiri Mukazayire na David Lappartient wa UCI ni bo batangije Shampiyona y'Isi ya 2025
Ibirori byo gufungura Shampiyona y'Isi ya 2025 byabereye muri BK Arena.
Minisitiri wa Siporo, Nelly Mukazayire, yavuze ko ari icyumweru cy’akataraboneka, aha ikaze abanyamahanga bitabiriye iri rushanwa.
Ati “Iki kigiye kuba icyumweru cy’imbonekarimwe. Mwese murakaza neza mu Rwanda muri Shampiyona y’Isi y’Amagare ya 2025. Abanya-Kigali ni mwe muzatuma iri rushanwa riba ryiza kurushaho, mushyigikira abakinnyi aho bari kunyura ndetse munabakira neza.”
“Igihugu cyacu cyakoze ibishoboka ngo giteze imbere siporo mu byiciro byose, n’ikimenyimenyi mu Rwanda ni ho hazakinirwa icyiciro cy’abagore batarengeje imyaka 23 ku nshuro ya mbere. Nanjye ndi hano ndi umugore ubahagaze imbere, muri make ndi umusaruro w’ubuyobozi bwiza bwacu.”
Perezida wa UCI, David Lappartient, yashimye ubuyobozi bwa Perezida Paul Kagame, avuga ko ari we washyize imbaraga mu kugeza iri siganwa muri Afurika bwa mbere.
Ati “Ndashimira Perezida Kagame ku miyoborere ye n’imbaraga abishyiramo kugera ngo bikorwe bitya. Ni irushanwa twiteguye ko rizaba ririmo abafana benshi kuva ryabaho. Bitewe na televiziyo zirenga 100 zizaryerekana, ibihugu byose bizareba ibyiza bitatse u Rwanda n’ubushobozi Afurika yifitemo.”
Minisitiri wa Siporo, Nelly Mukazayire, yavuze ko ari icyumweru cy’akataraboneka, aha ikaze abanyamahanga bitabiriye iri rushanwa.
Ati “Iki kigiye kuba icyumweru cy’imbonekarimwe. Mwese murakaza neza mu Rwanda muri Shampiyona y’Isi y’Amagare ya 2025. Abanya-Kigali ni mwe muzatuma iri rushanwa riba ryiza kurushaho, mushyigikira abakinnyi aho bari kunyura ndetse munabakira neza.”
“Igihugu cyacu cyakoze ibishoboka ngo giteze imbere siporo mu byiciro byose, n’ikimenyimenyi mu Rwanda ni ho hazakinirwa icyiciro cy’abagore batarengeje imyaka 23 ku nshuro ya mbere. Nanjye ndi hano ndi umugore ubahagaze imbere, muri make ndi umusaruro w’ubuyobozi bwiza bwacu.”
Perezida wa UCI, David Lappartient, yashimye ubuyobozi bwa Perezida Paul Kagame, avuga ko ari we washyize imbaraga mu kugeza iri siganwa muri Afurika bwa mbere.
Ati “Ndashimira Perezida Kagame ku miyoborere ye n’imbaraga abishyiramo kugera ngo bikorwe bitya. Ni irushanwa twiteguye ko rizaba ririmo abafana benshi kuva ryabaho. Bitewe na televiziyo zirenga 100 zizaryerekana, ibihugu byose bizareba ibyiza bitatse u Rwanda n’ubushobozi Afurika yifitemo.”
10:12
Sunday, 09/21/25
Umva ibyitezwe ku munsi wa mbere wa Shampiyona y'Isi y'Amagare ya 2025
10:07
Sunday, 09/21/25
Abanyarwanda bane ni bo bakina ku munsi wa mbere wa Shampiyona y'Isi y'Amagare ya 2025
Kuri iki Cyumweru, umunsi wa mbere wa Shampiyona y'Isi ya 2025, harakinwa amasiganwa abiri.
Isiganwa rya mbere ni iry'abagore basiganwa n'igihe, buri wese agenda wenyine. Intera yabo iraba ingana n'ibilometero 31,2.
Umukinnyi uhagaruka mbere ni Umunyarwandakazi Nirere Xaverine, guhera saa Yine n'iminota 22.
Ni mu gihe Ingabire Diane ahaguruka saa Tanu n'iminota 32.
Guhera saa Saba n'Iminota 45 haratangira isiganwa ry'abagabo, aho Nsengiyumva Shemu uhagaruka mbere ndetse na Mugisha Moise uhaguruka saa Cyenda n'Igice, ari bo bahagarariye u Rwanda muri ITT.
Umubiligi Remco Evenepoel watwaye ITT ya Shampiyona y'Isi mu 2023 na 2024, ni we uhaguruka nyuma mu bagabo, abanjirijwe na nimero ya mbere ku Isi, Tadej Pogacar.
Isiganwa rya mbere ni iry'abagore basiganwa n'igihe, buri wese agenda wenyine. Intera yabo iraba ingana n'ibilometero 31,2.
Umukinnyi uhagaruka mbere ni Umunyarwandakazi Nirere Xaverine, guhera saa Yine n'iminota 22.
Ni mu gihe Ingabire Diane ahaguruka saa Tanu n'iminota 32.
Guhera saa Saba n'Iminota 45 haratangira isiganwa ry'abagabo, aho Nsengiyumva Shemu uhagaruka mbere ndetse na Mugisha Moise uhaguruka saa Cyenda n'Igice, ari bo bahagarariye u Rwanda muri ITT.
Umubiligi Remco Evenepoel watwaye ITT ya Shampiyona y'Isi mu 2023 na 2024, ni we uhaguruka nyuma mu bagabo, abanjirijwe na nimero ya mbere ku Isi, Tadej Pogacar.
09:56
Sunday, 09/21/25
Uburyo urukundo rw'igare rwagejeje u Rwanda ku kwakira Shampiyona y'Isi ya 2025
09:49
Sunday, 09/21/25
Irushanwa riratangirira muri BK Arena
Ku nshuro ya mbere mu mateka ya Shampiyona y'Isi y'Amagare, isiganwa ryayo riratangirira mu nzu, muri BK Arena.
Abantu benshi bavuye mu bice bitandukanye by'Umujyi wa Kigali bakomeje kugera muri iyi nzu yakira abagera ku bihumbi 10 bicaye neza.
Ni ho kandi habera ibirori byo gufungura irushanwa ku mugaragaro.
Abantu benshi bavuye mu bice bitandukanye by'Umujyi wa Kigali bakomeje kugera muri iyi nzu yakira abagera ku bihumbi 10 bicaye neza.
Ni ho kandi habera ibirori byo gufungura irushanwa ku mugaragaro.
09:39
Sunday, 09/21/25
Ikaze muri Shampiyona y'Isi y'Amagare ya 2025
IGIHE ibahaye ikaze kuri BK Arena na Kigali Convention Centre, ahabera ibikorwa by'Umunsi wa Mbere wa Shampiyona y'Isi y'Amagare ya 2025 yakiriwe n'umujyi wa Kigali.
Ni ku nshyuro ya mbere mu mateka iri rushanwa ribereye ku Mugabane wa Afurika, aho ryitabiriwe n'abakinnyi 918 bo mu bihugu 110 bazarushanwa mu masiganwa 13 mu gihe cy'iminsi umunani.
Shampiyona y'Isi y'Amagare igiye kuba ku nshuro ya 98 mu myaka 104, ikaba inshuro ya 12 ibereye hanze y'u Burayi.
Ni ku nshyuro ya mbere mu mateka iri rushanwa ribereye ku Mugabane wa Afurika, aho ryitabiriwe n'abakinnyi 918 bo mu bihugu 110 bazarushanwa mu masiganwa 13 mu gihe cy'iminsi umunani.
Shampiyona y'Isi y'Amagare igiye kuba ku nshuro ya 98 mu myaka 104, ikaba inshuro ya 12 ibereye hanze y'u Burayi.