Women Junior ITT & Men Junior ITT
Umunsi wa Gatatu wa Shampiyona y'Isi y'Amagare: BK Arena- KCC |
Umwanditsi : Eric Tony Ukurikiyimfura |
Amafoto : IGIHE |
Uko isiganwa riri kugenda
16:45
Tuesday, 09/23/25
Shampiyona y'Isi y'Amagare ya 2025 izakomeza hakina amakipe
Ku wa Gatatu, tariki ya 24 Nzeri 2025, uzaba ari umunsi wa kane wa Shampiyona y'Isi y'Amagare ya 2025, aho hazakina amakipe [Time Time Trial- TTT]; abagabo bavanze n'abagore, ku ntera y'ibilometero 41,8 guhera saa 13:45.
Ni isiganwa rizitabirwa n'amakipe 19, aho buri kipe izaba igizwe n'abakinnyi batandatu barimo abagabo batatu n'abagore batatu.
Ikipe y'u Rwanda izaba igizwe na Byukusenge Patrick, Nkundabera Eric, Uwiduhaye Mike, Ingabire Diane, Nirere Xaverine na Nyirarukundo Claudette.
Ni isiganwa rizitabirwa n'amakipe 19, aho buri kipe izaba igizwe n'abakinnyi batandatu barimo abagabo batatu n'abagore batatu.
Ikipe y'u Rwanda izaba igizwe na Byukusenge Patrick, Nkundabera Eric, Uwiduhaye Mike, Ingabire Diane, Nirere Xaverine na Nyirarukundo Claudette.
16:40
Tuesday, 09/23/25
Uko Abanyarwanda bitwaye
Mu bakinnyi 85 bakinnye ITT y'ingimbi kuri uyu wa Kabiri, Umunyarwanda wasoreje hafi ni Byusa Pacifique wabaye uwa 53 yasizwe iminota 5,27 n'umukinnyi wa mbere.
Ni mu gihe Ishimwe Brian yabaye uwa 55 yasizwe iminota 5,52.
Ingimbi zizongera gukina ku wa Gatanu mu isiganwa ryo mu muhanda rizaba rireshya n'ibilometero 119,3.
16:35
Tuesday, 09/23/25
Michiel Mouris yegukanye umudali wa Zahabu muri ITT y'abahungu bari munsi y'imyaka 19
Umuholandi Michiel Mouris yegukanye umudali wa Zahabu nyuma yo kuba uwa mbere mu isiganwa rya ITT rya Shampiyona y'Isi mu cyiciro cy'abahungu bari munsi y'imyaka 18.
Mouris wari wakinnye muri iki cyiciro mu 2024 i Zurich, yakoresheje iminota 29,07, arusha Umunyamerika Ashlin Barry amasegonda atandatu ndetse n'Umubiligi, Seff van Kerckhove, amasegonda umunani.
Mouris wari wakinnye muri iki cyiciro mu 2024 i Zurich, yakoresheje iminota 29,07, arusha Umunyamerika Ashlin Barry amasegonda atandatu ndetse n'Umubiligi, Seff van Kerckhove, amasegonda umunani.
16:24
Tuesday, 09/23/25
Umudali urabona umugabo kuri uyu wa Kabiri
Dylan Sage wahagurutse nyuma ari mu bilometero bitanu bya nyuma.
Kugeza ubu isiganwa riyobowe n'Umuholandi Michiel Mouris wakoresheje iminota 29,07 aho arusha Ashlin Barry amasegonda atandatu ndetse na Seff van Kerckhove amasegonda umunani.
16:03
Tuesday, 09/23/25
Umunyamerika ni we uyoboye
Mu gihe abakinnyi bose bamaze guhaguruka muri BK Arena ndetse 20 muri bo bakaba batarasoza, Umunyamerika Beckam Drake ni we wicaye ku ntebe ishyushye nyuma yo gukoresha iminota 29, 21.
15:49
Tuesday, 09/23/25
Bamwe mu bakinnyi bagera kuri KCC
Mu gihe abakinnyi barindwi ari bo batarahaguruka, kuri ubu isiganwa riyobowe n'Umunya-Suede Vilgot Reinhold wakuye Umunya-Afurika y'Epfo Josh Johnson ku ntebe.
Vilgot yakoresheje iminota 29,55.
Vilgot yakoresheje iminota 29,55.
15:27
Tuesday, 09/23/25
Ishimwe Brian yasoreje mu 10 bafite ibihe byiza kugeza ubu
Umunyarwanda Ishimwe Brian yageze kuri KCC ari uwa munani ufite ibihe byiza, aho yakoresheje iminota 34,59, arushwa iminota 3,39 n'Umunya-Slovenia Vanja Kuntaric Žibert uyoboye isiganwa.
Abakinnyi 21 ni bo batarahaguruka muri BK Arena.
Abakinnyi 21 ni bo batarahaguruka muri BK Arena.
15:06
Tuesday, 09/23/25
Ubwo abasiganwa banyuraga Kimironko
14:53
Tuesday, 09/23/25
Ishimwe Brian yamaze guhaguruka
Ishimwe Brian, undi Munyarwanda uri gukina ITT y'abahungu batarengeje imyaka 19 muri Shampiyona y'Isi y'Amagare, yamaze guhaguruka muri BK Arena.
Ishimwe yegukanye Agace ka Mbere ka Rwanda Junior Tour 2025, ariko asoza iri siganwa ry'uduce dutatu ari ku mwanya wa gatandatu.
Ni mu gihe yabaye uwa kane muri ITT ya Shampiyona y'Igihugu ya 2025.
Ishimwe yegukanye Agace ka Mbere ka Rwanda Junior Tour 2025, ariko asoza iri siganwa ry'uduce dutatu ari ku mwanya wa gatandatu.
Ni mu gihe yabaye uwa kane muri ITT ya Shampiyona y'Igihugu ya 2025.
14:50
Tuesday, 09/23/25
Byusa yakuwe ku ntebe y'icyubahiro
Umunya-Azerbaijan, Artyom Proskuryakov, yicaye ku ntebe y'umukinnyi uyoboye isiganwa nyuma yo gukoresha iminota 32,47.
Ni mu gihe Byusa Pacifique yasizwe umunota n'amasegonda 47.
Ni mu gihe Byusa Pacifique yasizwe umunota n'amasegonda 47.
14:45
Tuesday, 09/23/25
Kuri Gare ya Nyanza ni uku byifashe
Kuva ku munsi wa mbere wa Shampiyona y'Isi y'Amagare i Kigali, kugeza kuri uyu munsi wa gatatu, ubwitabire buri hejuru bukomeje kwiganza kuri Gare ya Nyanza aho abakinnyi bakatira.
14:31
Tuesday, 09/23/25
Byusa Pacifique atangiye yicaye ku ntebe ishyushye
Byusa Pacifique yageze kuri KCC nyuma yo gukoresha iminota 34,34 ku ntera y'ibilometero 22,6.
Uyu mukinnyi w'imyaka 17 agiye kuba yicaye ku ntebe y'umukinnyi uyoboye isiganwa mu gihe ategereje kureba niba hari ukoresha ibihe byiza kumurusha.
Uyu mukinnyi w'imyaka 17 agiye kuba yicaye ku ntebe y'umukinnyi uyoboye isiganwa mu gihe ategereje kureba niba hari ukoresha ibihe byiza kumurusha.
14:21
Tuesday, 09/23/25
Isiganwa rigizwe n'abakinnyi 83
Abakinnyi 83 bo mu bihugu 56, barimo Abanyarwanda babiri, ni bo bari gukina ITT y'abahungu batarengeje imyaka 19 ku munsi wa gatatu wa Shampiyona y'Isi y'Amagare iri kubera i Kigali.
Muri abo, 21 ntibigeze bakina gusiganwa n'ibihe muri uyu mwaka w'imikino wa 2025, mu gihe abakinnye amasiganwa menshi TT menshi, bakinnye ane (Ashlin Barry na Michiel Mouris).
Muri abo, 21 ntibigeze bakina gusiganwa n'ibihe muri uyu mwaka w'imikino wa 2025, mu gihe abakinnye amasiganwa menshi TT menshi, bakinnye ane (Ashlin Barry na Michiel Mouris).
14:04
Tuesday, 09/23/25
Kimironko irihariye ku munsi wa gatatu wa Shampiyona y'Isi y'Amagare ya 2025
13:58
Tuesday, 09/23/25
Abakinnyi bitwaye neza mu 2024 ntibitabiriye uyu mwaka
Mu bakinnyi basoje mu myanya 20 ya mbere muri ITT ya Shampiyona y'Isi y'Abahungu batarengeje imyaka 19 mu 2024, batatu gusa ni bo bakina kuri uyu wa Kabiri.
Muri abo ntiharimo Umufaransa Paul Seixas watwaye umudali wa Zahabu, aho kuri iyi nshuro yakinnye mu batarengeje imyaka 23 ku wa Mbere.
Abongeye kwitabira mu ngimbi ziri kurushanwa i Kigali ni Umunyamerika Ashlin Barry wari wabaye uwa cyenda, Umwongereza Dylan Sage wari wabaye uwa 12 n'Umuholandi Michiel Mourris wari wabaye uwa 15.
Muri abo ntiharimo Umufaransa Paul Seixas watwaye umudali wa Zahabu, aho kuri iyi nshuro yakinnye mu batarengeje imyaka 23 ku wa Mbere.
Abongeye kwitabira mu ngimbi ziri kurushanwa i Kigali ni Umunyamerika Ashlin Barry wari wabaye uwa cyenda, Umwongereza Dylan Sage wari wabaye uwa 12 n'Umuholandi Michiel Mourris wari wabaye uwa 15.
13:54
Tuesday, 09/23/25
ISIGANWA RY'ABAHUNGU RYATANGIYE
Umunyarwanda Byusa Pacifique abimburiye abandi bakinnyi b'abahungu guhaguruka muri BK Arena, aho agiye gukora intera y'ibilometero 22,6.
Byusa yabaye uwa kabiri muri ITT ya Shampiyona y'Igihugu ya 2025 yakinwe muri Kamena.
13:04
Tuesday, 09/23/25
Harakurikiraho isiganwa ry'abahungu
Guhera saa 13:54, haratangira gukina abahungu batarengeje imyaka 19, aho na bo basiganwa n'igihe ku ntera y'ibilometero 22,6.
Umunyarwanda Byusa Pacifique ni we uhaguruka mbere mu gihe Ishimwe Brian ahaguruka saa 14:48.
12:55
Tuesday, 09/23/25
Uko Abanyarwandakazi bitwaye
Kuri uyu wa Kabiri, u Rwanda rwahagarariwe n'abakinnyi babiri basiganwe n'igihe, buri wese ahaguruka wenyine mu bakobwa batarengeje imyaka 19, aho bakinnye intera y'ibilometero 18,3.
Masengesho Yvonne yabaye uwa 33 yakoresheje iminota 29,43 aho yarushijwe iminota 3,55 na Megan Arens watwaye umudali wa Zahabu.
Uwiringiyimana Liliane yabaye uwa 40 mu bakinnyi 47, nyuma yo gukoresha iminota 30,58, bivuze ko yarushijwe iminota 5,11 n'umukinnyi wa mbere.
12:40
Tuesday, 09/23/25
Megan Arens yegukanye ITT y'Abakobwa batarengeje imyaka 19
Umuholandikazi Megan Arens yegukanye umudali wa Zahabu muri ITT ya Shampiyona y'Isi, mu bakobwa batarengeje imyaka 19, nyuma yo kuba uwa mbere akoresheje iminota 25,47 ku ntera y'ibilometero 18,3.
Umunya-Espagne, Paula Ostiz, yabaye uwa kabiri arushwa amasegonda 35 naho Umunya-Norvege, Oda Aune Gissinger, aba uwa gatatu yasizwe amasegonda 37.
Umunya-Espagne, Paula Ostiz, yabaye uwa kabiri arushwa amasegonda 35 naho Umunya-Norvege, Oda Aune Gissinger, aba uwa gatatu yasizwe amasegonda 37.
12:29
Tuesday, 09/23/25
Bamwe mu bakinnyi bagera kuri KCC
12:20
Tuesday, 09/23/25
Abakinnyi bose bamaze guhaguruka
Erin Boothman wo mu Bwongereza ni we mukinnyi wa nyuma wahagurutse muri BK Arena, saa 12:15.
Kuri ubu abakinnyi bose bategerejwe kuri BK Arena, mu gihe mu bamaze kuhagera uwakoresheje ibihe byiza ari Oda Aune Gissinger wo muri Norvege wakoresheje iminota 26,24.
Kuri ubu abakinnyi bose bategerejwe kuri BK Arena, mu gihe mu bamaze kuhagera uwakoresheje ibihe byiza ari Oda Aune Gissinger wo muri Norvege wakoresheje iminota 26,24.
12:11
Tuesday, 09/23/25
Siporo n'imyidagaduro cyangwa ni imyidagaduro?
Biragoye gutandukanya siporo n'umuziki. Ku Kabindi, hari urubyiruko ruri kureba abakinnyi bahanyura berekeza kuri KCC, ariko runidagadura mu buryo bunyuranye.
12:09
Tuesday, 09/23/25
Uwiringiyimana Liliane yanyuzweho n'umukinnyi uyoboye isiganwa
Umunyarwandakazi Uwiringiyimana Liliane yamaze kugera kuri KCC, aho yakoresheje iminota 30,58.
Mu nzira, we n'abandi babiri bamukurikiye, banyuzweho na Oda Aune Gissinger wo muri Norvege, aho kuri ubu ari we uyoboye isiganwa nyuma yo gukoresha iminota 26,24.
12:03
Tuesday, 09/23/25
Sonatube hari ababyeyi bakenyeye
Sonatube na ho hari mu duce dufite abafana benshi b'umukino w'amagare muri iyi minsi ya mbere ya Shampiyona y'Isi iri kubera i Kigali.
Kuri uyu wa Kabiri, hari abiganjemo ababyeyi bakenyeye ndetse bishimiye ko abarushanwa bongeye kunyura iwabo.
11:53
Tuesday, 09/23/25
Umunya-Chili ni we umaze gukoresha ibihe byiza
Umunya-Chili, Marlen Rojas Lescot, yicaye ku ntebe y'umukinnyi uyoboye isiganwa nyuma yo gukoresha iminota 27,28 ku ntera y'ibilometero 18,3.
Ni mu gihe Masengesho Yvonne ageze ku mwanya wa gatanu mu bakinnyi 12 bamaze gusoza.
11:43
Tuesday, 09/23/25
Kuri KCC barategereje
Amasiganwa ya Shampiyona y'Isi y'Amagare ya 2025 uko ari 13, yose azasorezwa kuri Kigali Convention Centre.
Ni hamwe mu haba hari abantu benshi baje kureba uko abakinnyi basoza.
11:40
Tuesday, 09/23/25
Uwiringiyimana Liliane yamaze guhaguruka
Undi Munyarwandakazi uri gukina isiganwa rya ITT mu batarengeje imyaka 19, Uwiringiyimana Liliane, yahagurutse muri BK Arena saa 11:30.
Yari umukinnyi wa 16 uhagurutse muri 47 bakina isiganwa ry'uyu munsi mu bakobwa.
Yari umukinnyi wa 16 uhagurutse muri 47 bakina isiganwa ry'uyu munsi mu bakobwa.
11:37
Tuesday, 09/23/25
Masengesho Yvonne yasoje isiganwa
Umunyarwandakazi Masengesho Yvonne yageze kuri KCC ahari gusorezwa isiganwa, nyuma yo gukoresha iminota 29,43 ku ntera y'ibilometero 18,3.
Uyu mukobwa w'imyaka 17 agiye kuba yicaye ku ntebe y'umukinnyi uyoboye isiganwa mu gihe ategereje kureba niba hari ukoresha ibihe byiza kumurusha.
11:24
Tuesday, 09/23/25
Rwanda Youth Racing Cup na Rwanda Junior Tour byaharuriye benshi inzira yo gukina Shampiyona y'Isi y'Amagare
Kuri uyu Munsi wa Gatatu wa Shampiyona y'Isi y'Amagare ya 2025, ukinwa n'ingimbi n'abangavu batarengeje imyaka 19, u Rwanda rufitemo abakinnyi bane; ni ukuvuga babiri muri bahungu na babiri mu bakobwa.
Masengesho Yvonne, Uwiringiyimana Liliane, Byusa Pacifique na Ishimwe Brian, bose ni umusaruro w'irushanwa rya "Rwanda Youth Racing Cup" ryatangijwe n'Ishyirahamwe ry'Umukino w'Amagare mu Rwanda (FERWACY) muri Nyakanga 2023.
Kuva icyo gihe, iri rushanwa rikinwa mu byiciro bitanu by'imyaka (kuva ku batarengeje imyaka 11 kugeza ku batarengeje imyaka 19) riba buri kwezi, amanota abakinnyi babonye bitewe n'uburyo bitwaye akegeranywa, ku mwaka hagatangwa ibihembo.
Aba bakinnyi bose uko ari bane bamaze hafi imyaka ibiri bakina iryo rushanwa ndetse bari mu bitwara neza.
Si bo gusa kuko hari n'abandi bazakina amasiganwa yo mu muhanda, na bakuru babo bari muri iri rushanwa ariko bazakina mu batarengeje imyaka 23, barimo Nkuriliyinka Jackson, Ntirenganya Moïse na Nshutiraguma Kevin.
Ku bahungu, ho hari umwihariko ko banitabira irushanwa ngarukamwaka rya "Rwanda Junior Tour" rimaze kuba inshuro ebyiri.
Masengesho Yvonne, Uwiringiyimana Liliane, Byusa Pacifique na Ishimwe Brian, bose ni umusaruro w'irushanwa rya "Rwanda Youth Racing Cup" ryatangijwe n'Ishyirahamwe ry'Umukino w'Amagare mu Rwanda (FERWACY) muri Nyakanga 2023.
Kuva icyo gihe, iri rushanwa rikinwa mu byiciro bitanu by'imyaka (kuva ku batarengeje imyaka 11 kugeza ku batarengeje imyaka 19) riba buri kwezi, amanota abakinnyi babonye bitewe n'uburyo bitwaye akegeranywa, ku mwaka hagatangwa ibihembo.
Aba bakinnyi bose uko ari bane bamaze hafi imyaka ibiri bakina iryo rushanwa ndetse bari mu bitwara neza.
Si bo gusa kuko hari n'abandi bazakina amasiganwa yo mu muhanda, na bakuru babo bari muri iri rushanwa ariko bazakina mu batarengeje imyaka 23, barimo Nkuriliyinka Jackson, Ntirenganya Moïse na Nshutiraguma Kevin.
Ku bahungu, ho hari umwihariko ko banitabira irushanwa ngarukamwaka rya "Rwanda Junior Tour" rimaze kuba inshuro ebyiri.
11:07
Tuesday, 09/23/25
ISIGANWA RY'ABAKOBWA RYATANGIYE
Umunyarwandakazi Masengesho Yvonne wabimburiye abandi, yahagurutse muri BK Arena, aho agiye gukora urugendo rw'ibilometero 18,3 rusorezwa kuri KCC.
Ku myaka 17, ni umwe mu bakobwa bahagaze neza mu mukino w'amagare mu Rwanda, by'umwihariko mu cyiciro cy'abatarengeje imyaka 19.
Mu 2025, yatwaye amasiganwa atanu y'abato arimo abiri ya Shampiyona y'Igihugu muri ITT no muri Road Race.
Ku myaka 17, ni umwe mu bakobwa bahagaze neza mu mukino w'amagare mu Rwanda, by'umwihariko mu cyiciro cy'abatarengeje imyaka 19.
Mu 2025, yatwaye amasiganwa atanu y'abato arimo abiri ya Shampiyona y'Igihugu muri ITT no muri Road Race.
11:03
Tuesday, 09/23/25
Abitwaye neza mu mwaka ushize ntibagarutse muri ITT y'uyu munsi
Ferguson Cat wo mu Bwongereza, wegukanye ITT y'abakobwa batarengeje imyaka 19 mu 2024, uyu mwaka azakina isiganwa ryo mu muhanda mu batarengeje imyaka 23.
Umunya-Slovenia, Viktória Chladonová, wari wabaye uwa kabiri, we yitwaye neza mu bakobwa batarengeje imyaka 23 bakinnye ITT ku wa Mbere, na ho aba uwa kabiri.
Ni mu gihe Imogen Wolff wo mu Bwongereza, wabaye uwa gatatu mu 2024 i Zurich, na we azakina isiganwa ryo mu muhanda mu batarengeje imyaka 23.
Umunya-Slovenia, Viktória Chladonová, wari wabaye uwa kabiri, we yitwaye neza mu bakobwa batarengeje imyaka 23 bakinnye ITT ku wa Mbere, na ho aba uwa kabiri.
Ni mu gihe Imogen Wolff wo mu Bwongereza, wabaye uwa gatatu mu 2024 i Zurich, na we azakina isiganwa ryo mu muhanda mu batarengeje imyaka 23.
10:51
Tuesday, 09/23/25
Abakinnyi bariteguye
Abakobwa 47 bo mu bihugu 29 ni bo bagiye gukina isiganwa ry'abangavu batarengeje imyaka 19 (Women Junior ITT) kuri uyu wa Kabiri.
Masengesho Yvonne uhagaruka mbere, saa 11:06, yamaze kugera muri BK Arena aho ari kwishyushya.
10:20
Tuesday, 09/23/25
Imbamutima z'abantu batandukanye bari kureba amasiganwa ya Shampiyona y'Isi y'Amagare i Kigali
10:13
Tuesday, 09/23/25
Abakurikira uko isiganwa ritangira bamaze kuhagera
Muri BK Arena, ahabereye ibirori byo gutangiza Shampiyona y'Isi y'Amagare ku wa 21 Nzeri 2025, ni ho hazakomeza kubera itangira ry'amasiganwa ya ITT na TTT kugeza ku wa Gatatu.
Bamwe mu bakunzi b'umukino w'amagare bajya gukurikira uko abakinnyi bahagurukira muri iyi nzu y'imikino n'imyidagaduro yakira abantu ibihumbi 10 bicaye neza.
Kuva Shampiyona y'Isi itangiye kuba mu myaka 104 ishize, ni ubwa mbere amasiganwa yayo yo mu muhanda ahagurukira mu nzu.
Ni ku nshuro ya mbere kandi iri rushanwa riri kubera ku Mugabane wa Afurika.
10:08
Tuesday, 09/23/25
Ikaze ku Munsi wa Gatatu wa Shampiyona y'Isi y'Amagare ya 2025
Igitondo cyiza! Turi ku Munsi wa Gatatu wa Shampiyona y'Isi y'Amagare ya 2025 ukinwa kuri uyu wa Kabiri, tariki ya 22 Nzeri 2025.
Kuri iyi nshuro hatahiwe ingimbi n'abangavu batarengeje imyaka 19 (Juniors), basiganwa n'igihe buri wese ku giti cye.
Abangavu barakora intera y'ibilometero 18,3 guhera saa 11:06 naho ingimbi zikore intera y'ibilometero 22,6 guhera saa 13:57.
Mu bakobwa, u Rwanda ruhagarariwe na Masengesho Yvonne na Uwiringiyimana Liliane , naho mu bahungu ni Byusa Pacifique na Ishimwe Brian.
Nk'uko bimeze kuva ku Cyumweru, isiganwa riratangirira muri BK Arena, risorezwe kuri Kigali Convention Centre (KCC).
