Men Junior Road Race
Umunsi wa Gatandatu wa Shampiyona y'Isi y'Amagare: KCC- KCC |
Umwanditsi : Eric Tony Ukurikiyimfura |
Amafoto : IGIHE |
Uko isiganwa riri kugenda
20:27
vendredi, 26/09/2025
ISESENGURA KU MYITWARIRE Y'ABANYARWANDA MURI SHAMPIYONA Y'ISI Y'AMAGARE YA 2025
16:31
vendredi, 26/09/2025
Shampiyona y’Isi y’Amagare ya 2025 izakomeza ku wa Gatandatu
Ku wa Gatandatu, tariki ya 27 Nzeri 2025, uzaba ari Umunsi wa Karindwi wa Shampiyona y’Isi y’Amagare ya 2025, ndetse ni wo ubanziriza uwa nyuma.
Guhera mu gitondo, saa Mbiri n’iminota 20, hazaba isiganwa ryo mu muhanda ry’abakobwa batarengeje imyaka 19, bazakora intera y’ibilometero 74 kugeza saa 10:40.
U Rwanda ruzahagararirwa na Masengesho Yvonne ari kumwe na Uwiringiyimana Liliane.
Guhera saa 12:05 hazaba isiganwa ry’abagore bazakora intera y’ibilometero 164,6 kugeza saa 16:45.
U Rwanda ruzahagararirwa na Ingabire Diane, Irakoze Neza Violette, Nirere Xaverine na Nzayisenga Valentine.
16:26
vendredi, 26/09/2025
Niyonkuru Samuel ni we Munyarwanda wasoje isiganwa ry'Abatarengeje imyaka 23
Mu Banyarwanda bane bakinnye isiganwa ry'Abahungu batarengeje imyaka 23, Niyonkuru Samuel ni we wenyine wasoje aho yabaye uwa 50 mu bakinnyi 56 basoje, yasizwe iminota 16 n'amasegonda ane.
Ni ku nshuro ya kane Niyonkuru yakinaga Shampiyona y'Isi, ariko ntiyari yarigeze asoza isiganwa ryayo kuva mu 2021 ubwo yakinaga mu batarengeje imyaka 19.
Abandi bakinnyi b'u Rwanda bakinnye kuri uyu wa Gatanu ariko batasoje ni Ruhumuriza Aime, Ufitimana Shadrack na Tuyizere Etienne.
Muri rusange, isiganwa ryatangiwe n'abakinnyi 118 ariko 62 ntibasoza.
Ni ku nshuro ya kane Niyonkuru yakinaga Shampiyona y'Isi, ariko ntiyari yarigeze asoza isiganwa ryayo kuva mu 2021 ubwo yakinaga mu batarengeje imyaka 19.
Abandi bakinnyi b'u Rwanda bakinnye kuri uyu wa Gatanu ariko batasoje ni Ruhumuriza Aime, Ufitimana Shadrack na Tuyizere Etienne.
Muri rusange, isiganwa ryatangiwe n'abakinnyi 118 ariko 62 ntibasoza.
16:03
vendredi, 26/09/2025
Finn Lorenzo yegukanye umudali wa Zahabu
Umutaliyani Finn Lorenzo w'imyaka 18, yegukanye umudali wa Zahabu nyuma yo gutsinda isiganwa ry'abahungu batarengeje imyaka 23 muri Shampiyona y'Isi y'Amagare iri kubera i Kigali, aho yakoresheje amasaha atatu, iminota 57 n'amasegonda 27 ku ntera y'ibilometero 164,6.
Umudali wa Feza, w'umwanya wa kabiri, wegukanywe na Huber Jan wo mu Busuwisi asizwe amasegonda 31.
Umudali w'Umuringa uhabwa umukinnyi wa gatatu wegukanywe n'Umunya-Autriche, Schrettl Marco, wasizwe umunota n'amasegonda 13.
Finn Lorenzo ni we wari watwaye umudali wa Zahabu mu isiganwa ry'Abatarengeje imyaka 19 rya Shampiyona y'Isi y'Amagare yabereye i Zurich mu 2024, ndetse i Kigali ni we wari umukinnyi muto mu batarengeje imyaka 23.
Umudali wa Feza, w'umwanya wa kabiri, wegukanywe na Huber Jan wo mu Busuwisi asizwe amasegonda 31.
Umudali w'Umuringa uhabwa umukinnyi wa gatatu wegukanywe n'Umunya-Autriche, Schrettl Marco, wasizwe umunota n'amasegonda 13.
Finn Lorenzo ni we wari watwaye umudali wa Zahabu mu isiganwa ry'Abatarengeje imyaka 19 rya Shampiyona y'Isi y'Amagare yabereye i Zurich mu 2024, ndetse i Kigali ni we wari umukinnyi muto mu batarengeje imyaka 23.
15:56
vendredi, 26/09/2025
Lorenzo yageze mu bilometero bibiri bya nyuma
Uyu mukinnyi w'Umutaliyani ari kuzamuka mu muhanda w'amabuye wa Kimihurura ndetse yashyizemo amasegonda 24 hagati ye na Jan Huber ukomeje kumukurikira.
Ni mu gihe Schrettl Marco wa Autriche yasizwe umunota n'amasegonda 10, ariko akaba akurikiwe n'itsinda ryasizwe umunota n'amasegonda 15.
Ni mu gihe Schrettl Marco wa Autriche yasizwe umunota n'amasegonda 10, ariko akaba akurikiwe n'itsinda ryasizwe umunota n'amasegonda 15.
15:54
vendredi, 26/09/2025
Hasigaye ibilometero bitanu
Finn Lorenzo yasize Jan Huber amasegonda 17 mu gihe abandi bakinnyi batatu bakurikiyeho basizwe umunota n'amasegonda abiri.
15:52
vendredi, 26/09/2025
Niyonkuru Samuel yageze kuri KCC ku nshuro ya 10
Umunyarwanda Niyonkuru Samuel yamaze gusoza kuzenguruka inshuro ya 10, aho yageze kuri KCC ari mu itsinda ryasizwe iminota 12 n'amasegonda 41.
15:51
vendredi, 26/09/2025
Finn Lorenzo ahisemo kujya imbere
Umutaliyani Finn Lorenzo afashe icyemezo cyo gukoresha imbaraga nyinshi asiga Jan Huber mu gihe bazamukaga kuri MINAGRI.
Hasigaye ibilometero 6,5.
Hasigaye ibilometero 6,5.
15:48
vendredi, 26/09/2025
Ubwo abasiganwa bari mu muhanda wa Nyarutarama
15:46
vendredi, 26/09/2025
Isiganwa rigeze mu bilometero 10 bya nyuma
Finn Lorenzo na Jan Huber bashyizemo amasegonda 45 hagati yabo n'abandi bakinnyi batatu babakurikiye.
Itsinda rya gatatu ryasizwe umunota n'amasegonda 46.
Ni mu gihe itsinda rya kane ryasizwe iminota ibiri n'amasegonda 46 naho irya gatanu ryasizwe iminota itandatu n'amasegonda 15.
Itsinda rya gatatu ryasizwe umunota n'amasegonda 46.
Ni mu gihe itsinda rya kane ryasizwe iminota ibiri n'amasegonda 46 naho irya gatanu ryasizwe iminota itandatu n'amasegonda 15.
15:40
vendredi, 26/09/2025
HAVUGIJWE INZOGERA
Finn Lorenzo na Jan Huber bayoboye isiganwa, babwiwe ko basigaje kuzenguruka inshuro imwe bakaza basoza.
Bombi basize ababakurikiye (Mateusz na Marco) amasegonda 47.
Hector Alvarez Martinez ari inyuma ku masegonda 57 naho igikundi cyasizwe umunota n'amasegonda 45.
Bombi basize ababakurikiye (Mateusz na Marco) amasegonda 47.
Hector Alvarez Martinez ari inyuma ku masegonda 57 naho igikundi cyasizwe umunota n'amasegonda 45.
15:34
vendredi, 26/09/2025
Niyonkuru Samuel ari kuzenguruka ku nshuro ya 10
Umunyarwanda rukumbi ukiri mu isiganwa, Niyonkuru Samuel, yasoje kuzenguruka inshuro ya cyenda ari mu itsinda ryasizwe iminota icyenda n'amasegonda 39.
15:32
vendredi, 26/09/2025
Finn Lorenzo ni uwo kwitondera
Uyu Mutaliyani w'imyaka 18, uri mu bakinnyi babiri bari imbere kugeza ubu, ni we wegukanye isiganwa rya Road Race mu bahungu batarengeje imyaka 19 muri Shampiyona y'Isi y'Amagare iheruka kubera i Zurich mu 2024.
Ni ku nshuro ya kabiri ari gukina iri rushanwa,
Ni ku nshuro ya kabiri ari gukina iri rushanwa,
15:26
vendredi, 26/09/2025
Abakinnyi basatira kimwe cya kabiri cy'abatangiye bavuye mu isiganwa
Kugeza ubu isiganwa ririmo abakinnyi bagera kuri 60 mu matsinda ane ari imbere, mu gihe abasatira uwo mubare bamaze kuvamo.
Abakinnyi babiri bari imbere bageze mu bilometero 23 bya nyuma ndetse basize amasegonda 19 itsinda ribakurikiye mu gihe irya gatatu ryasizwe umunota n'amasegonda 13 naho irya kane risigwa itanu n'amasegonda 49.
Abakinnyi babiri bari imbere bageze mu bilometero 23 bya nyuma ndetse basize amasegonda 19 itsinda ribakurikiye mu gihe irya gatatu ryasizwe umunota n'amasegonda 13 naho irya kane risigwa itanu n'amasegonda 49.
15:19
vendredi, 26/09/2025
HASIGAYE KUZENGURUKA INSHURO EBYIRI
Huber Jan wo mu Busuwisi na Finn Lorenzo wo mu Butaliyani ni bo batambutse kuri KCC bari imbere, aho basize amasegonda 16 abakinnyi batatu babakurikiye ari bo ÁLVAREZ, SCHRETTL na GAJDULEWICZ.
Irindi tsinda rikurikiyeho, ryasizwe umunota n'amasegonda atanu, ririmo abakinnyi 13.
Irindi tsinda rikurikiyeho, ryasizwe umunota n'amasegonda atanu, ririmo abakinnyi 13.
15:16
vendredi, 26/09/2025
Abakinnyi baheruka kuva mu isiganwa:
1. Dike Joshua Ethan (Afurika y'Epfo)
2. Crause Pedri (Afurika y'Epfo)
3. McKenzie Hamish (Australia)
4. Marriage Zac (Australia)
5. Boyle Evan (Amerika)
6. Gross Adam (Slovakia)
7. Macias Cesar (Mexique)
8. Maekele Milkias (Eritrea)
9. Lewandowski Dawid (Pologne)
10. Kam Chin Pok (Macau)
11. Hashikawa Jo (U Buyapani)
12. Moolman Warren (Afurika y'Epfo)
15:14
vendredi, 26/09/2025
Isiganwa rigeze mu bilometero 32 bya nyuma
15:06
vendredi, 26/09/2025
Niyonkuru Samuel yamaze kunyura kuri KCC
Umunyarwanda Niyonkuru Samuel yageze kuri KCC ku nshuro ya munani yasizwe iminota itandatu n'amasegonda abiri.
15:04
vendredi, 26/09/2025
Isiganwa rigeze mu bilometero 40 bya nyuma
Eeman Kamiel w'u Bubiligi ntakiri mu itsinda ry'abantu 15 rikurikiye abakinnyi batandatu bari imbere.
Ikinyuranyo ni amasegonda 25.
Ikinyuranyo ni amasegonda 25.
14:58
vendredi, 26/09/2025
HASIGAYE KUZENGURUKA INSHURO ESHATU
Finn Lorenzo, Álvarez Héctor, GAJDULEWICZ Mateusz, SCHRETTL Marco, Dolven Halvor na Jan Huber ni bo batambutse mbere kuri KCC ku nshuro ya munani, aho basize igikundi kibakurikiye amasegonda 10.
Abakinnyi 19 ni bo bari mu gikundi.
14:54
vendredi, 26/09/2025
Niyonkuru Samuel ni we Munyarwanda ukiri mu isiganwa
Ubwo bazengurukaga ku nshuro ya karindwi, Niyonkuru yari yasizwe iminota itatu n'abakinnyi batambutse kuri KCC bari imbere.
14:52
vendredi, 26/09/2025
Isiganwa rigeze mu bilometero 47 bya nyuma
Dolven Halvor wo muri Norvege yafashe Hector Alvarez Martinez bagendera hamwe mu gihe bari kugana Kimihurura, kwa Mignonne.
Igikundi cyasizwe amasegonda 14.
Igikundi cyasizwe amasegonda 14.
14:48
vendredi, 26/09/2025
Igikundi cyasatiriye Alvarez
Mu gihe bari kuzamuka kuri MINAGRI, igikundi gifashe abakinnyi bari bakurikiye Alvarez Martinez ndetse hasigayemo amasegonda abiri hagati yabo.
14:46
vendredi, 26/09/2025
Abakinnyi bane bakurikiye Alvarez
Abakinnyi bane bavuye mu gikundi, barimo Pomorski Micha? na Soderqvist Jakob, bakurikira Alvarez Martinez wabasize amasegonda 16.
Igikundi cyo cyasizwe amasegonda 24.
Igikundi cyo cyasizwe amasegonda 24.
14:42
vendredi, 26/09/2025
Igikundi gikurikiye Alvarez
Igikundi cyasizwe amasegonda 26, cyafashe itsinda ry'abakinnyi 15 bari bakurikiye Umunya-Espagne, Álvarez Héctor, mu gihe hasigaye ibilometero 55.
14:40
vendredi, 26/09/2025
Umunya-Espagne ayoboye isiganwa
Álvarez Héctor wo muri Espagne yagiye imbere wenyine, akurikirwa n'abakinnyi 15 yasize amasegonda 19.
Hasigaye ibilometero 57.
Hasigaye ibilometero 57.
14:37
vendredi, 26/09/2025
Abakinnyi bakata kuri RDB mu muhanda ugana Nyarutarama
14:37
vendredi, 26/09/2025
HASIGAYE KUZENGURUKA INSHURO ENYE
Isiganwa rigeze mu bilometero 61 bya nyuma.
Abarimo Schrettl Marco wo muri Autriche na Widar Jarno wo mu Bubiligi batangiye gutesha umutwe abari mu itsinda riyoboye.
Abakinnyi 16 ni bo bari imbere.
Abarimo Schrettl Marco wo muri Autriche na Widar Jarno wo mu Bubiligi batangiye gutesha umutwe abari mu itsinda riyoboye.
Abakinnyi 16 ni bo bari imbere.
14:34
vendredi, 26/09/2025
Ubwo abakinnyi bazamukaga kuri MINAGRI
14:31
vendredi, 26/09/2025
Tuyizere Etienne na we yavuye mu isiganwa
Tuyizere Etienne yabaye Umunyarwanda wa gatatu wavuye mu isiganwa ryo kuri uyu wa Gatanu mu batarengeje imyaka 23, nyuma ya Ruhumuriza Aime na Ufitimana Shadrack.
Umunyarwanda rukumbi usigayemo ni Niyonkuru Samuel.
Umunyarwanda rukumbi usigayemo ni Niyonkuru Samuel.
14:29
vendredi, 26/09/2025
Habteab Yoel na we ntiyasoje
Umunya-Ertirea, Habteab Yoel, na we ari mu bakinnyi bavuye mu isiganwa.
Abandi barimo Umunya-Uganda, Lawrence Lorot n'Umunya-Canada, Valenti Luke.
Isiganwa rigeze mu bilometero 65 bya nyuma, bivuze ko abakinnyi bamaze gukora ibilometero 100.
14:24
vendredi, 26/09/2025
Ufitimana Shadrack ntiyasoje isiganwa rye rya mbere muri Shampiyona y'Isi y'Amagare
Uyu mukinnyi w'imyaka 18, irindi rushanwa mpuzamahanga yari yarakinnye ni Shampiyona Nyafurika yabereye mu Mujyi wa Eldoret mu 2024, aho yabaye uwa 11 mu ngimbi.
14:21
vendredi, 26/09/2025
Isiganwa rigeze mu bilometero 70 bya nyuma
14:14
vendredi, 26/09/2025
HASIGAYE KUZENGURUKA INSHURO ESHANU
Abakinnyi 45 ni bo bageze kuri KCC bari mu gikundi kiyoboye isiganwa rimaze amasaha abiri n'iminota 10.
14:11
vendredi, 26/09/2025
Tuyizere Etienne yasoje kuzenguruka bwa gatanu abanziriza uwa nyuma
Umunyarwanda Tuyizere Etienne yageze kuri KCC ku nshuro ya gatanu ari mu bakinnyi babiri bari basigaye, aho yasizwe iminota umunani n'amasegonda 14.
14:08
vendredi, 26/09/2025
Isiganwa mu bilometero 80 bya nyuma
Abakinnyi bo mu Butaliyani, u Bufaransa n'u Bubiligi bashatse gucomoka ngo bajye imbere, bagaruwe n'igikundi mu gihe bari kujya kuzamuka mu muhanda w'amabuye Kimihurura.
14:07
vendredi, 26/09/2025
Ufitimana Shadrack yamaze kuva mu isiganwa
Nyuma ya Ruhumuriza Aime, na Ufitimana Shadrack yavuye mu isiganwa.
Abandi bavuyemo ni Brenner Mauro (u Budage), Chavarria Derrick (Belize), Tarakci Mustafa (Turikiya), Hailemaryam Gereziher Geremedhin (Ethiopia), Maestre Winston (Venezuela), Dellai Mohamed Aziz (Tunisia), Neaves Jadian (Trinidad & Tobago), Komac Nejc (Slovenia) na Yilmaz Ramazan (Turikiya).
Abandi bavuyemo ni Brenner Mauro (u Budage), Chavarria Derrick (Belize), Tarakci Mustafa (Turikiya), Hailemaryam Gereziher Geremedhin (Ethiopia), Maestre Winston (Venezuela), Dellai Mohamed Aziz (Tunisia), Neaves Jadian (Trinidad & Tobago), Komac Nejc (Slovenia) na Yilmaz Ramazan (Turikiya).
14:04
vendredi, 26/09/2025
Abakinnyi babiri bavuye mu gikundi bajya imbere
Umutaliyani Mattio Pietro agiye imbere, akurikirwa n'Umubiligi Schoofs Jasper bari kuzamuka kuri MINAGRI.
Hari ugucungana gukomeye hagati y'Ababiligi n'Abataliyani.
Igikundi kiri inyuma yabo muri metero nkeya.
Hari ugucungana gukomeye hagati y'Ababiligi n'Abataliyani.
Igikundi kiri inyuma yabo muri metero nkeya.
13:57
vendredi, 26/09/2025
Abanyarwanda babiri ntibaragera kuri KCC
Ufitimana Schadrack na Tuyizere Etienne ntibarasoza kuzenguruka inshuro ya gatanu.
Ni mu gihe Niyonkuru Samuel yahanyuze yasizwe amasegonda 12.
Ruhumuriza Aime yamaze kuruhuka nyuma yo kuva mu isiganwa.
Ni mu gihe Niyonkuru Samuel yahanyuze yasizwe amasegonda 12.
Ruhumuriza Aime yamaze kuruhuka nyuma yo kuva mu isiganwa.
13:52
vendredi, 26/09/2025
HASIGAYE KUZENGURUKA INSHURO ESHESHATU
Schrettl Marco wo muri Autriche na Widar Jarno wo mu Bubiligi ni bo batambutse mbere kuri KCC, aho abakinnyi bamaze kunyura inshuro eshanu, bakaba basigaje inshuro esheshatu.
Isiganwa riri mu bilometero 90 bya nyuma.
Isiganwa riri mu bilometero 90 bya nyuma.
13:51
vendredi, 26/09/2025
Umutaliyani ayoboye isiganwa
Mattio Pietro w'u Butaliyani yahisemo kujya imbere y'igikundi gitwawe n'u Bubiligi, ariko hafi aho hari abandi bagenzi be.
13:43
vendredi, 26/09/2025
Abandi bakinnyi bavuye mu isiganwa
Piat William wo mu Birwa bya Maurice, Couture Samuel wo muri Canada, Meunier Sow Neriah wo muri Senegal na Bárta Martin muri Repubulika ya Tcheque bavuye mu isiganwa riyobowe n'Ababiligi mu bilometero 96 bya nyuma.
13:38
vendredi, 26/09/2025
Ruhumuriza mu bakinnyi bavuye mu isiganwa
Umunyarwanda Ruhumuriza Aime ari mu bakinnyi bavuye mu isiganwa, kimwe na Mimouni Oussama Abdellah wo muri Algeria, El Alouani Driss wo muri Maroc na Diamoutene Tiemoko wo muri Mali.
Ruhumuriza yatangiye gukina amasiganwa akomeye uyu mwaka, aho yakinnye Tour du Rwanda ya mbere muri Gashyantare, mu ikipe ya May Stars.
Ruhumuriza yatangiye gukina amasiganwa akomeye uyu mwaka, aho yakinnye Tour du Rwanda ya mbere muri Gashyantare, mu ikipe ya May Stars.
13:31
vendredi, 26/09/2025
HASIGAYE KUZENGURUKA INSHURO ZIRINDWI
Abakinnyi 77 ni bo bageze kuri KCC bari mu gikundi kiyoboye isiganwa, aho kugeza ubu bamaze gukoresha isaha n'iminota 26 mu bilometero 105.
13:28
vendredi, 26/09/2025
Tuyizere Etienne ntiyorohewe
Tuyizere Etienne ari mu bakinnyi bari inyuma y'igikundi mu gihe abasiganwa bari kuzamuka Kwa Migonne, mu muhanda w'amabuye.
Na we ni ku nshuro ya kane ari gukina Shampiyona y'Isi, ariko ntiyigeze asoza amasiganwa yo mu muhanda yakinnye kuva mu 2021 ari mu bato.
Na we ni ku nshuro ya kane ari gukina Shampiyona y'Isi, ariko ntiyigeze asoza amasiganwa yo mu muhanda yakinnye kuva mu 2021 ari mu bato.
13:22
vendredi, 26/09/2025
Mugalu mu bakinnyi bavuye mu isiganwa
Umunya-Uganda Shafik Mugalu ukinira Ikipe ya Java-InovoTec yo mu Rwanda, ari mu bandi bakinnyi bane bamaze kuva mu isiganwa.
Hari kandi na Kozoriz Danylo wo muri Ukraine, Malakwen Kipruto Ivan wo muri Kenya na Tesfay Amanuel wo muri Ethiopia.
Hari kandi na Kozoriz Danylo wo muri Ukraine, Malakwen Kipruto Ivan wo muri Kenya na Tesfay Amanuel wo muri Ethiopia.
13:20
vendredi, 26/09/2025
Niyonkuru Samuel ari gukina Shampiyona y'Isi ya kane
Umunyarwanda Niyonkuru Samuel uri mu bakinnyi bane bahagarariye igihugu mu isiganwa riri kuba, ari gukina Shampiyona y'Isi y'Amagare ku nshuro ya kane.
Inshuro ya mbere hari mu 2021 mu Bubiligi, aho atasoje isiganwa ry'abatarengeje imyaka 18.
Mu 2023 na 2024, na bwo ntiyasoje isiganwa ry'abatarengeje imyaka 23 i Glasgow n'i Zurich.
Inshuro ya mbere hari mu 2021 mu Bubiligi, aho atasoje isiganwa ry'abatarengeje imyaka 18.
Mu 2023 na 2024, na bwo ntiyasoje isiganwa ry'abatarengeje imyaka 23 i Glasgow n'i Zurich.
13:17
vendredi, 26/09/2025
Abandi bakinnyi babiri bavuye mu isiganwa
Connolly Redmond wo muri Nouvelle- Zelande na Diallo Tiémoko wo muri Mali bavuye mu isiganwa.
Intera isigaye ni ibilometero 115.
Intera isigaye ni ibilometero 115.
13:10
vendredi, 26/09/2025
Umunya-Slovakia yavuye mu isiganwa
Novák Samuel wo muri Slovakia na we yamaze kuva mu isiganwa, aho kugeza ubu bamaze kuba barindwi.
13:09
vendredi, 26/09/2025
HASIGAYE KUZENGURUKA INSHURO UMUNANI
Abakinnyi 83 ni bo batambutse kuri KCC bari mu gikundi kiyoboye isiganwa mu gihe basigaje gukora ibilometero 120.
13:08
vendredi, 26/09/2025
Abakinnyi baba baherekejwe n'imodoka z'amakipe yabo
13:01
vendredi, 26/09/2025
Abandi bakinnyi bane bavuye mu isiganwa
Emisci Ferhat (Turikiya), Gabriel Jahdel (Seychelles), Thompson Isaiah Judah (Thailande) na Alaleeli Mohammed wa Leta Zunze Ubumwe z'Abarabu.
Isiganwa risigaje ibilometero 124.
Isiganwa risigaje ibilometero 124.
12:46
vendredi, 26/09/2025
HASIGAYE KUZENGURUKA INSHURO ICYENDA
Abakinnyi 87 ni bo bari mu gikundi kiyoboye isiganwa ndetse bamaze kunyura kuri KCC ku nshuro ya kabiri, bivuze ko basigaje izindi icyenda.
12:43
vendredi, 26/09/2025
Abakinnyi bamwe batangiye gusigara
Umuhanda w'amabuye wo kwa Migonne watangiye kunaniza bamwe mu bari inyuma mu gikundi ndetse barasigara.
Ni mu gihe Umubiligi Rex Tim ashaka kujya imbere.
Ni mu gihe Umubiligi Rex Tim ashaka kujya imbere.
12:40
vendredi, 26/09/2025
Shampiyona y'Isi y'Amagare yarenze kuba irushanwa
Mu bice bitandukanye by'Umujyi wa Kigali birimo mu Kabuga ka Nyarutarama, Shampiyona y'Isi y'Amagare yarenze kuba irushanwa, ahubwo iba icyumweru cy'ibirori n'imyidagaduro.
12:35
vendredi, 26/09/2025
Umukinnyi wa gatatu yavuye mu isiganwa
Remkhi Rudolf wo muri Kazakhstan na we yamaze kuva mu isiganwa yiyongera ku Banyafurika babiri.
12:35
vendredi, 26/09/2025
Igikundi kiyoboye isiganwa
Nyuma yo kugenda ibilometero 21, igikundi cyagaruye Kozoriz Danylo wo muri Ukraine ndetse ubu abakinnyi bose bari kugendera hamwe.
12:33
vendredi, 26/09/2025
Uko imigabane ihagarariwe mu isiganwa ry'uyu munsi
Mu bakinnyi 118 batangiye isiganwa ry'Abatarengeje imyaka 23 harimo 28 bo muri Afurika, 57 b'i Burayi, 10 bo muri Amerika ya Ruguru, barindwi bo muri Amerika y'Epfo, 10 muri Asia na bane bo muri Oceania.
12:28
vendredi, 26/09/2025
Undi mukinnyi yavuye mu isiganwa
Umunya-Cameroun, Moussa Oumarou, yamaze kuva mu isiganwa aho yiyongereye kuri Edward Ngunu wo muri Kenya.
12:24
vendredi, 26/09/2025
HASIGAYE KUZENGURUKA INSHURO 10
Umunya-Ukraine, Kozoriz Danylo, ni we watambutse kuri KCC ari imbere aho yasize igikundi amasegonda 14.
12:23
vendredi, 26/09/2025
Umukinnyi wa mbere yavuye mu isiganwa
Umunya-Kenya, Ngunu Edward, ni we ubimburiye abandi bakinnyi batarengeje imyaka 23 kuva mu isiganwa.
12:16
vendredi, 26/09/2025
Abakinnyi batatu bayoboye isiganwa
Pomorski Micha?, Kozoriz Danylo na Yilmaz Ramazan ni bo bayoboye isiganwa nyuma y'ibilometero 10 bimaze gukorwa.
Igikundi kiri inyuma ho amasegonda 24.
Igikundi kiri inyuma ho amasegonda 24.
12:12
vendredi, 26/09/2025
Abanyarwanda bane ni bo bari mu isiganwa
Muri iri siganwa ry'abatarengeje imyaka 23, u Rwanda ruhagarariwe na Niyonkuru Samuel, Ruhumuriza Aime, Tuyizere Etienne na Ufitimana Shadrack.
Niyonkuru yaguye ari mu gikundi mu bilometero bine bya mbere, ariko yamaze gufata bagenzi be bamaze kugenda ibilometero birindwi.
Niyonkuru yaguye ari mu gikundi mu bilometero bine bya mbere, ariko yamaze gufata bagenzi be bamaze kugenda ibilometero birindwi.
12:04
vendredi, 26/09/2025
ISIGANWA RY'ABATARENGEJE IMYAKA 23 RYATANGIYE
Guhera saa Sita zuzuye, abakinnyi 118 bo mu bihugu 56, bose batarengeje imyaka 23, batangiye isiganwa ry'ibilometero 164,6, bivuze ko bazenguruka inshuro 11 'circuit' yanyuzwemo na barumuna babo mu gitondo.
11:20
vendredi, 26/09/2025
Ntirenganya Moise yisubije ikuzo muri Shampiyona y'Isi y'Amagare
Ku myaka 18, ni ubwa kabiri Ntirenganya Moise yakinaga Shampiyona y'Isi y'Amagare mu cyiciro cy'ingimbi.
Mu 2024, i Zurich, ntiyasoje isiganwa ryo mu muhanda yakinnye nk'uko byagenze no kuri Nshutiraguma Kevin bari kumwe.
Kuri uyu wa Gatanu, i Kigali, Ntirenganya yasoje isiganwa ari uwa nyuma, uwa 66, ndetse yasizwe iminota 14 n'amasegonda 13.
Abakinnyi 75 barimo Nkurikiyinka Jackson ni bo batasoje isiganwa ry'uyu munsi.
Ni imbonekarimwe kumva umukinnyi w'Umunyarwanda yasoje isiganwa ryo mu muhanda muri Shampiyona y'Isi y'Amagare.
Mu 2024, i Zurich, ntiyasoje isiganwa ryo mu muhanda yakinnye nk'uko byagenze no kuri Nshutiraguma Kevin bari kumwe.
Kuri uyu wa Gatanu, i Kigali, Ntirenganya yasoje isiganwa ari uwa nyuma, uwa 66, ndetse yasizwe iminota 14 n'amasegonda 13.
Abakinnyi 75 barimo Nkurikiyinka Jackson ni bo batasoje isiganwa ry'uyu munsi.
Ni imbonekarimwe kumva umukinnyi w'Umunyarwanda yasoje isiganwa ryo mu muhanda muri Shampiyona y'Isi y'Amagare.
11:01
vendredi, 26/09/2025
Harry Hudson yegukanye umudali wa Zahabu
Umwongereza Harry Hudson yegukanye umudali wa Zahabu nyuma yo kwegukana isigawa ry'abahungu batarengeje imyaka 18 muri Shampiyona y'Isi y'Amagare, aho yakoresheje amasaha abiri, iminota 55 n'amasegonda 19 ku ntera y'ibilometero 119,3.
Harry Hudson yamaze ibilometero 36 bya nyuma ari imbere wenyine.
Umufaransa Johan Blanc yabaye uwa kabiri yasizwe amasegonda amasegonda 16 nk'uko bimeze ku Munya-Pologne, Jackowiak Jan Michal, wabaye uwa gatatu.
Harry Hudson yamaze ibilometero 36 bya nyuma ari imbere wenyine.
Umufaransa Johan Blanc yabaye uwa kabiri yasizwe amasegonda amasegonda 16 nk'uko bimeze ku Munya-Pologne, Jackowiak Jan Michal, wabaye uwa gatatu.
10:57
vendredi, 26/09/2025
Jackowiak Jan Michal yakurikiye
Umunya-Pologne, Jackowiak Jan Michal, yavuye mu gikundi akurikira Harry Hudson na Johan Blanc bari imbere ndetse yamaze gufata uyu Mufaransa, bombi barushwa amasegonda 12 n'Umwongereza Harry mu kilometero cya nyuma.
10:54
vendredi, 26/09/2025
Noval Benjamin yasigaye
Noval araguye mu gihe kuri Hudson akurikiwe na Johan Blanc yasize amasegonda 10 naho Cubillas akaba yasizwe amasegonda 27 mu bilometero bitatu bya nyuma.
10:52
vendredi, 26/09/2025
Ibilometero bitanu bya nyuma
Johan Blanc wo mu Bufaransa, Javier Cubillas wo muri Espagne na Noval Benjamín bakurikiye Harry Hudson wabasize amasegonda 13 mu gihe bitegura kuzamuka kwa Mignonne.
10:49
vendredi, 26/09/2025
Abakinnyi batatu bavuye mu gikundi bakurikira abari imbere
Benz Benedikt, Noval Benjamín na Barry Ashlin bavuye mu gikundi bakurikira abakinnyi batatu bari imbere, aho intego ari ugufata Harry Hudson uyoboye.
Harry yasize abakinnyi bamurikiye amasegonda 18 mu gihe hasigaye ibilometero birindwi.
Harry yasize abakinnyi bamurikiye amasegonda 18 mu gihe hasigaye ibilometero birindwi.
10:46
vendredi, 26/09/2025
Ntirenganya Moise ari mu basoje 'circuit' ya karindwi
Umunyarwanda Ntirenganya Moise ari mu bakinnyi bazengurutse inshuro zirindwi, ariko yarushwaga iminota umunani n'amasegonda 36 na Harry Hudson uri imbere.
10:44
vendredi, 26/09/2025
Uko isiganwa rihagaze mu bilometero 10 bya nyuma
Umwongereza Harry Hudson yasize Capello Roberto wo mu Butaliyani na Cubillas Javier wo muri Espagne amasegonda 23.
Igikundi kiri inyuma amasegonda 46.
Igikundi kiri inyuma amasegonda 46.
10:38
vendredi, 26/09/2025
HAVUGIJWE INZOGERA
Harry Hudson yatambutse kuri KCC ku nshuro ya karindwi, bivuze ko agaruka asoza.
Ni ko bimeze kandi ku bakinnyi bamukurikiye barimo abari mu gikundi cyasize Umuholandi Mouris Michiel wegukanye umudali wa Zahabu muri ITT.
Ni ko bimeze kandi ku bakinnyi bamukurikiye barimo abari mu gikundi cyasize Umuholandi Mouris Michiel wegukanye umudali wa Zahabu muri ITT.
10:33
vendredi, 26/09/2025
Uko isiganwa rihagaze
Umwongereza Harry Hudson yatangiye kuzamuka umuhanda w'amabuye kwa Mignonne ndetse yasize Capello Roberto wo mu Butaliyani na Cubillas Javier wo muri Espagne amasegonda atanu.
Igikundi kiri inyuma amasegonda 26.
Igikundi kiri inyuma amasegonda 26.
10:29
vendredi, 26/09/2025
HASIGAYE IBILOMETERO 20 GUSA
Umwongereza Hudson Harry akomeje kuyobora isiganwa yasize igikundi amasegonda 33.
Umufaransa Johan Blanc wari wacomotse mu gikundi, yahise agarurwa.
Umufaransa Johan Blanc wari wacomotse mu gikundi, yahise agarurwa.
10:23
vendredi, 26/09/2025
Nkurikiyinka Jackson yavuye mu isiganwa
Umunyarwanda Nkurikiyinka Jackson ari mu bakinnyi bavuye mu isiganwa nyuma yo kuzenguka inshuro ya gatanu.
10:21
vendredi, 26/09/2025
Ubwo abakinnyi banyuraga kuri Kigali Golf Course
10:17
vendredi, 26/09/2025
HASIGAYE KUZENGURUKA INSHURO EBYIRI
Umwongereza Hudson Harry yanyuze kuri KCC ku nshuro ya gatandatu, yasize igikundi amasegonda 46.
Abakinnyi bose basigaje kuzenguruka inshuro ebyiri gusa.
Abakinnyi bose basigaje kuzenguruka inshuro ebyiri gusa.
10:11
vendredi, 26/09/2025
Umwongereza ni we uyoboye isiganwa
Umukinni wari uyoboye, Drake Beckam, yafashwe n'abari bamukurikiye hasigaye ibilometero bitandatu, ahubwo Umwongereza Hudson Harry ahita acomoka ayobora isiganwa wenyine ndetse yashyizemo amasegonda 36 hagati ye n'igikundi mu gihe basatira kugera mu bilometero 30 bya nyuma.
10:09
vendredi, 26/09/2025
Nkurikiyinka Jackson aracyahanyanyaza
Umunyarwanda Nkurikiyinka Jackson yasoje 'circuit' ya gatanu ari mu basizwe iminota umunani n'amasegonda 56.
Abakinnyi bane ni bo basizwe ibihe bingana gutyo.
Abakinnyi bane ni bo basizwe ibihe bingana gutyo.
10:04
vendredi, 26/09/2025
Umuvugizi wa Guverinoma ari mu bakurikiye isiganwa ry'ingimbi
Umuvugizi wa Guverinoma y'u Rwanda, Yolande Makolo, ari mu batari bake bakurikiye isiganwa rya Shampiyona y'Isi y'Amagare ryo kuri uyu wa Gatanu, aho hari gukina icyiciro cy'abahungu bari munsi y'imyaka 19.
10:01
vendredi, 26/09/2025
Hasigaye ibilometero 40
Drake Beckam na Van Der Merwe Nicholas bari imbere ho amasegonda 10 itsinda ry'abakinnyi 10 ribakurikiye mu gihe igikundi cyasizwe amasegonda 21.
09:59
vendredi, 26/09/2025
Nkurikiyinka Jackson ari mu bakinnyi basigaye
Umunyarwanda Nkurikiyinka Jackson ari mu bakinnyi bashobora kuva mu isiganwa nyuma yo gutinda gusoza 'circuit' ya gatanu.
Ni mu gihe Ntirenganya Moise yari mu itsinda ryasizwe iminota itatu n'amasegonda 47 ubwo bagera kuri KCC ku nshuro ya gatanu.
Ni mu gihe Ntirenganya Moise yari mu itsinda ryasizwe iminota itatu n'amasegonda 47 ubwo bagera kuri KCC ku nshuro ya gatanu.
09:56
vendredi, 26/09/2025
HASIGAYE KUZENGURUKA INSHURO ESHATU
Abakinnyi babiri bari imbere; Drake Beckam na Van Der Merwe Nicholas, banyuze kuri KCC ku nshuro ya gatanu, aho basigaje inshuro eshatu ngo basoze.
Mu bilometero 45 bisigaye, basize itsinda ry'abakinnyi barindwi babakurikiye amasegonda icyenda gusa.
Igikundi kiri inyuma ho amasegonda 32.
Mu bilometero 45 bisigaye, basize itsinda ry'abakinnyi barindwi babakurikiye amasegonda icyenda gusa.
Igikundi kiri inyuma ho amasegonda 32.
09:53
vendredi, 26/09/2025
Abanyarwanda bashyizwe igorora
Muri iki gihe cya Shampiyona y'Isi y'Amagare, hari abajya kurebera isiganwa aho bumva bashobora kubona abakinnyi uko babyifuza.
Hari kandi n'abarebera ahantu hagenwe "Fan Zone", hari mu bice bitandukanye by'Umujyi wa Kigali.
Kuri izi Fan Zones, hashyizwe televiziyo za rutura zifasha abaharebera gukurikira isiganwa ryose nta kibacitse.
Hari kandi n'abarebera ahantu hagenwe "Fan Zone", hari mu bice bitandukanye by'Umujyi wa Kigali.
Kuri izi Fan Zones, hashyizwe televiziyo za rutura zifasha abaharebera gukurikira isiganwa ryose nta kibacitse.
09:44
vendredi, 26/09/2025
Uko isiganwa rihagaze:
Mu gihe hasiye ibilometero 50, isiganwa riri mu bice bitatu:
Imbere hari abakinnyi babiri ari bo Drake Beckam na Van Der Merwe Nicholas.
Hakurikiyeho abakinnyi barindwi barimo AGOSTINACCHIO Mattia, WINTER Zeno Levi, CUBILLAS Javier, NOVAL Benjamín na SCHERTENLEIB Loic, bose basizwe amasegonda 32.
Inyuma hari igikundi cyasizwe umunota n'amasegonda atatu.
09:40
vendredi, 26/09/2025
Abakinnyi 39 bamaze kuva mu isiganwa
Hasigaye ibilometero 52 ngo isiganwa rirangire.
Kugeza ubu abakinnyi 39 ni bo bamaze kuva mu irushanwa.
Abanyarwanda Nkurikiyinka Jackson na Ntirenganya Moise bari mu bakinnyi bari kugendera mu gikundi cyasizwe umunota n'amasegonda atatu.
09:32
vendredi, 26/09/2025
ISIGANWA RIGEZE MURI KIMWE CYA KABIRI
Umunya-Bulgaria, Van der Merwe Nicholas n'Umunyamerika Drake Beckam batambutse kuri KCC ku nshuro ya kane, bivuze ko hasigaye inshuro enye.
09:30
vendredi, 26/09/2025
Ubwo abakinnyi banyuraga kuri KCC
09:26
vendredi, 26/09/2025
Drake Beckam ari imbere wenyine
Umunya-Bulgaria, Van der Merwe Nicholas, yagize ikibazo cy'igare, bitumye Umunyamerika Drake Beckam akomeza imbere wenyine mu gihe basigaje ibilometero 62.
09:18
vendredi, 26/09/2025
Abakinnyi 16 bamaze kuva mu isiganwa
Abakinnyi barindwi ni bo bavuye mu isiganwa nyuma ya 'Circuit' ya gatatu, biyongera ku bandi icyenda bavuyemo muri ebyiri zabanje.
09:16
vendredi, 26/09/2025
Uko isiganwa rihagaze ku kilometero cya 49
Mu gihe habura ibilometero 70 ngo basoze, abakinnyi bari mu byiciro bitatu.
Isiganwa riyobowe n'Umunyamerika Drake Beckham ari hamwe na Van Der Merwe Nicholas.
Inyuma yabo hari abakinnyi batandatu basizwe umunota n'amasegonda 11 mu gihe igikundi cyo cyasizwe umunota n'amasegonda 35.
09:13
vendredi, 26/09/2025
Abakinnyi bakata mu Kabuga ka Nyarutarama
09:09
vendredi, 26/09/2025
HASIGAYE KUZENGURUKA INSHURO ESHANU
Abakinnyi bari imbere bageze kuri KCC ku nshuro ya gatatu, bivuze ko basigaje kuzenguruka inshuro eshanu.
Igikundi cyasizwe igihe kirenga umunota n'amasegonda 30 n'abakinnyi bayoboye.
Igikundi cyasizwe igihe kirenga umunota n'amasegonda 30 n'abakinnyi bayoboye.
09:07
vendredi, 26/09/2025
Umusuwisi ntakiri mu bayoboye isiganwa
Schertenleib Loic yavuye mu bakinnyi bayoboye isiganwa, ahubwo Winter Zeno Levi wo mu Budage na Morin Ben wo muri Canada basanga Umufaransa Blanc Johan imbere.
09:05
vendredi, 26/09/2025
Abakinnyi bazamuka Kimihurura mu muhanda w'amabuye
09:01
vendredi, 26/09/2025
Abakinnyi bigabanyije mu bice bine
Ku kilometero cya 80, isiganwa ryacitsemo ibice bine.
Imbere hari Fugger, Schertenleib, Drake na Van der Merwe, mu gihe hakurikiyeho Johan Blanc wo mu Bufaransa, igikundi ndetse n'irindi tsinda ryasigaye inyuma.
Imbere hari Fugger, Schertenleib, Drake na Van der Merwe, mu gihe hakurikiyeho Johan Blanc wo mu Bufaransa, igikundi ndetse n'irindi tsinda ryasigaye inyuma.
08:57
vendredi, 26/09/2025
Abakinnyi icyenda ni bo bamaze kuva mu isiganwa
Abakinnyi bava mu isiganwa bakomeje kwiyongera.
Kuri ubu bamaze kuba icyenda ndetse bashobora kwiyongera bitewe n'umuvuduko abayoboye bari gukoresha.
Mu isiganwa nk'iri ryo kuzenguruka, iyo umukinnyi uri imbere agiye kugufata (ngo akuzenguruke), uvamo.
Batanu baheruka kuvamo ni Yacouba Tinni Mounkaila (Niger), Soumana Sofiane (Niger), Ouangraoua Mahamadi (Burkina Faso), Hajeer Mohammad (Jordan) na Thiel Marco (Namibia).
Kuri ubu bamaze kuba icyenda ndetse bashobora kwiyongera bitewe n'umuvuduko abayoboye bari gukoresha.
Mu isiganwa nk'iri ryo kuzenguruka, iyo umukinnyi uri imbere agiye kugufata (ngo akuzenguruke), uvamo.
Batanu baheruka kuvamo ni Yacouba Tinni Mounkaila (Niger), Soumana Sofiane (Niger), Ouangraoua Mahamadi (Burkina Faso), Hajeer Mohammad (Jordan) na Thiel Marco (Namibia).
08:55
vendredi, 26/09/2025
Abakinnyi benshi bavuye mu gikundi basigara inyuma
Isiganwa ryatangiye gucikamo ibice ndetse kugeza ubu hari abakinnyi benshi batakiri mu gikundi, ahubwo basigaye inyuma. Abo ni:
1. Lee Wan Chun (Hong Kong)
2.Sánchez Mario (Bolivia)
3.Thani Al Ali Saif (Leta Zunze Ubumwe z'Abarabu)
4. Hatali Joseph (Tanzania)
5. Masoli Waziri (Tanzania)
6. Soumana Sofiane (Niger)
7. Yacouba Tinni Mounkaila (Niger)
8. Mohammed Frarrakhan (Ghana)
9. Saparov Muhriddin (Uzbekistan)
10. Godonou Cylian-Odilon (Benin)
11. Saïzonou Exodus (Benin)
12. Gulwako Sivuyile (Eswatini)
13. Asha'ar Osama (Jordan)
14. Hajeer Mohammad (Jordan)
15. Fall Babacar Atta (Senegal)
16. Ravla Prateek (Zimbabwe)
17. Michael Lobo (Uganda)
18. Irhamdine Issouf Soidiki (Ibirwa bya Comores)
19. Keita Sorydjan (Guinea)
20. Proskuryakov Artyom (Azerbaijan)
21. Ouangraoua Mahamadi (Burkina Faso)
22. Alsaeh Oddi Adel Salim (Libya)
1. Lee Wan Chun (Hong Kong)
2.Sánchez Mario (Bolivia)
3.Thani Al Ali Saif (Leta Zunze Ubumwe z'Abarabu)
4. Hatali Joseph (Tanzania)
5. Masoli Waziri (Tanzania)
6. Soumana Sofiane (Niger)
7. Yacouba Tinni Mounkaila (Niger)
8. Mohammed Frarrakhan (Ghana)
9. Saparov Muhriddin (Uzbekistan)
10. Godonou Cylian-Odilon (Benin)
11. Saïzonou Exodus (Benin)
12. Gulwako Sivuyile (Eswatini)
13. Asha'ar Osama (Jordan)
14. Hajeer Mohammad (Jordan)
15. Fall Babacar Atta (Senegal)
16. Ravla Prateek (Zimbabwe)
17. Michael Lobo (Uganda)
18. Irhamdine Issouf Soidiki (Ibirwa bya Comores)
19. Keita Sorydjan (Guinea)
20. Proskuryakov Artyom (Azerbaijan)
21. Ouangraoua Mahamadi (Burkina Faso)
22. Alsaeh Oddi Adel Salim (Libya)
08:52
vendredi, 26/09/2025
Isiganwa ry'ingimbi ritandukanye n'iry'abakobwa ryo ku wa Kane
Ku wa Kane byasabye ko abakobwa batarengeje imyaka 23 bagera mu kuzenguruka inshuro ya gatandatu kugira ngo bamwe muri bo batangire kuva mu gikundi, bashake kuyobora isiganwa.
Kuri uyu wa Gatanu, abahungu bari munsi y'imyaka 19 nta gutegereza bagize, ahubwo bamwe muri bo batangiye gucomoka muri 'circuit' ya mbere.
Biragoye kwemeza ko Schertenleib Loic na Fugger Heimo bageza muri 'circuit' ya munani bayoboye, ariko mu isiganwa buri wese afitemo bagenzi be babiri bashobora kumukorera mu ngata.
Kuri uyu wa Gatanu, abahungu bari munsi y'imyaka 19 nta gutegereza bagize, ahubwo bamwe muri bo batangiye gucomoka muri 'circuit' ya mbere.
Biragoye kwemeza ko Schertenleib Loic na Fugger Heimo bageza muri 'circuit' ya munani bayoboye, ariko mu isiganwa buri wese afitemo bagenzi be babiri bashobora kumukorera mu ngata.
08:47
vendredi, 26/09/2025
HASIGAYE KUZENGURUKA INSHURO ESHESHATU
Abakinnyi bari imbere, Schertenleib Loic na Fugger Heimo, banyuze kuri Kigali Convention Centre ku nshuro ya kabiri.
Igikundi kibakurikiye cyahageze hashize amasegonda 41.
Igikundi kibakurikiye cyahageze hashize amasegonda 41.
08:44
vendredi, 26/09/2025
Abanyarwanda bagumye mu gikundi muri 'circuit' ya mbere
Mu kuzenguruka kwa mbere, Nkurikiyinka Jackson na Ntirenganya Moise bari mu gikundi cyasizwe amasegonda 41 ubwo abakinnyi bazenguruka ku nshuro ya mbere.
08:41
vendredi, 26/09/2025
Heimo na Loic bageze kwa Migonne bongereye ikinyuranyo
Schertenleib Loic na Fugger Heimo bayoboye isiganwa, bageze mu muhanda w'amabuye wa Kimihurura, Kwa Mignonne, bashyizemo amasegonda 50.
Umuvuduko wabo uhagaze kuri 70 Km/h.
Umuvuduko wabo uhagaze kuri 70 Km/h.
08:36
vendredi, 26/09/2025
Abakinnyi bane ni bo bamaze kuva mu isiganwa
Malvina Trevor wo muri Seychelles na Ie Caizer Wilson wo muri Guinee-Bissau biyongereye kuri Fsehaye Semere wo muri Ethiopia na Abu Abd Allah Abubaker wo muri Libya mu bakinnyi bamaze kuva mu isiganwa.
08:30
vendredi, 26/09/2025
Ibilometero 20 bya mbere birarangiye
Fugger Heimo wo muri Autriche na Schertenleib Loic wo mu Busuwisi bakomeje kuyobora isiganwa, ariko n'igikundi kiri gukoresha imbaraga nyinshi ngo hatajyamo igihe kirekire hakiri kare.
Kuri ubu ikinyuranyo ni amasegonda 42.
Kuri ubu ikinyuranyo ni amasegonda 42.
08:25
vendredi, 26/09/2025
Ubwo abakinnyi bari bageze mu Kabuga ka Nyarutarama ku nshuro ya mbere
08:25
vendredi, 26/09/2025
HASIGAYE KUNZEGURUKA INSHURO ZIRINDWI
Schertenleib Loic na Fugger Heimo bayoboye isiganwa, bombi bamaze kunyura kuri KCC, bivuze ko basigaye kuhanyura inshuro zirindwi ngo basoze isiganwa.
Igikundi kiri inyuma yabo amasegonda 41.
Igikundi kiri inyuma yabo amasegonda 41.
08:22
vendredi, 26/09/2025
Abakinnyi babiri bamaze kuva mu isiganwa
Fsehaye Semere wo muri Ethiopia na Abu Abd Allah Abubaker wo muri Libya, bombi bamaze kuva mu isiganwa kugeza ubu riyobowe na Schertenleib Loic na Fugger Heimo bagiye kugera kuri KCC ku nshuro ya mbere.
08:15
vendredi, 26/09/2025
Isiganwa riyobowe n'abakinnyi babiri
Mu bilometero icyenda bya mbere, abakinnyi babiri bavuye mu gikundi bagenda imbere bonyine.
Abo ni Schertenleib Loic na Fugger Heimo basize igikundi amasegonda icyenda.
Abo ni Schertenleib Loic na Fugger Heimo basize igikundi amasegonda icyenda.
08:14
vendredi, 26/09/2025
Abakinnyi bari kugwa cyane mu bilometero bya mbere
Mu bilometero umunani bibanza, abakinnyi baguye inshuro eshatu, aho muri bo harimo Thani Al Ali Saif wo muri Leta Zunze Ubumwe z'Abarabu na Abu Abd Allah Abubaker wo muri Libya.
08:02
vendredi, 26/09/2025
ISIGANWA RYATANGIYE
Abakinnyi bahagurutse kuri KCC, bagiye kubanza gukora intera nto ya kilometero 1,5 itabarwa, ubundi bazenguruke inshuro umunani muri 'circuit' y'ibilometero 14,6 mbere yo gusoza ibilometero 119,3.
Inzira ikoreshwa ni nk'iyo abakobwa batarengeje imyaka 23 banyuzemo ku wa Kane.
Inzira ikoreshwa ni nk'iyo abakobwa batarengeje imyaka 23 banyuzemo ku wa Kane.
07:58
vendredi, 26/09/2025
Ikaze ku Munsi wa Gatandatu wa Shampiyona y'Isi y'Amagare ya 2025
Igitondo cyiza! IGIHE yongeye kuguha ikaze muri Shampiyona y'Isi y'Amagare iri kubera i Kigali, kuri uyu wa Gatanu igeze ku munsi wayo wa gatandatu.
Muri iki gitondo hari gukina abahungu bari munsi y'imyaka 19 (Men Junior) barushanwa ku ntera y'ibilometero 119,3.
U Rwanda rufitemo Ntirenganya Moise na Nkurikiyinka Jackson.
Guhera saa Sita kugeza saa Kumi n'Igice haraba hatahiwe abahungu batarengeje imyaka 23, bo bakina intera y'ibilometero 164,6.
Muri icyo cyiciro, Rwanda ruhagarariwe na Niyonkuru Samuel, Ruhumuriza Aime, Tuyizere Etienne na Ufitimana Shadrack.
