Tour du Rwanda Kigali - Kigali

1. Merhawi Kudus (Astana Pro Team): 24h12'37''

2. Rein Taaramae (Direct Energie): 24h12'47''

3. Matteo Badialatti (Israel Cycling Academy): 24h12'55''

4. Aguirre Ricardo (Interpro Cycling Academy): 24h13'08''

5. Tesfom Sirak (Érythrée): 24h16'41''

Umwenda utangwa na Skol uhabwa uwegukanye agace: Rodrigo Contreras Pinzón (Astana Pro Team)

Umwenda w'Umuhondo utangwa na Minispoc uhabwa uri imbere ku rutonde rusange: Merhawi Kudus (Astana Pro Team)

Umwenda utangwa na Cogebanque uhabwa urusha abandi guterera imisozi: Debesay Yakob (Érythrée)

Umwenda w'urusha abandi Sprint utangwa na SP: Du Plooy Rohan (Pro-Touch)

Umwenda w'umukinnyi ukiri muto witwaye neza utangwa na Prime Insurance Ltd: Debesay Yakob (Érythrée)

Umwenda w'urusha abandi guhangana utangwa na Rwanda Tea: Mugisha Moise (Team Rwanda)

Umwenda w'umunya-Afurika uri imbere uhembwa na RwandaAir: Merhawi Kudus (Astana Pro Team, Erythree)

Umwenda w'umunyarwanda uri imbere ku rutonde rusange utangwa na RDB: Areruya Joseph (Delko Marseille Provence)

Ikipe yahize izindi yahembwe umwenda w'Inyange Industries: (Érythrée)

Abafana ni benshi kuri Tapis Rouge ahasorejwe Tour du Rwanda 2019, nubwo atari umunyarwanda watsinze, abanyarwanda bakirije ubwuzu Merhawi Kudus wegukanye isiganwa.

One word from the 2019 Tour du Rwanda winner,@MeraKudus, ‘MURAKOZE’ that’s ‘THANK YOU’ in Kinyarwanda????????!
Congratulations Mera ????????????????????????#TdRwanda19 pic.twitter.com/5er9CoxX2z

— Tour du Rwanda???????? (@Tour_du_Rwanda) March 3, 2019

Umunya-Erythree Merhawi Kudus Ghebremedhin wavutse tariki 23 Mutarama 1994 ukinira Astana Pro Team niwe wegukanye Tour du Rwanda 2019.

Rodrigo Contreras Pinzón yavutse tariki 2 Kamena 1994. Yegukanye shampiyona y’umugabane wa Amerika y’Epfo mu 2014, Asoreza ku mwanya wa 10 muri Tour of Colombia 2019 yabaye mu kwezi gushize inyuma y’ibihangange birimo Nairo Quintana Rojas waje ku mwanya wa gatanu.

Umunya-Colombia Rodrigo Contreras Pinzón ukinira Astana Pro Team yegukanye agace ka munani ka Tour du Rwanda. Nta gihindutse, Merhawi Kudus aregukana iri siganwa kuko nawe ahagereye rimwe n'igikundi gikurikiye Contreras.

Ku rutonde rusange Merhawi Kudus arusha Matteo Badilatti uri ku mwanya wa gatatu amasegonda 18. Uyu Musuwisi avuye mu bandi agiye gushaka uko yasatira Contreras. Ahise akurikirwa na Hailemichael na Aguirre.

Uruganda Nyarwanda rukora, rukanakwirakwiza ibikoresho by’isuku, imbere mu gihugu kuva mu 2018 ruri mu bukangurambaga bwiswe ‘Shashagirana na Clear’, aho abakoresha isabune yo kumesa y’ubururu n’umweru batsindira ibihembo bitandukanye.

Muri aya masabune kandi harimo agakarita ka tombola iriho imitaka, imipira n’ingofero watsindira ako kanya, ukabifatira ku maduka yose ahagarariye Trust Industries.

Trust Industries nk’uruganda rumaze gushinga imizi rwateye inkunga Tour du Rwanda 2019 ruzasoza ubukangurambaga muri Gicurasi 2019 hatangwa igihembo nyamukuru cy’imodoka yo mu bwoko bwa Suzuki Alto.

Umusozi wo kwa Mutwe umaze kumenyekana mu mukino w'amagare ku isi. Benshi bawita urukuta rwa Kigali, 'Wall of Kigali'. Abafana baryoherwa no kubona abakinnyi bahanyura bashinyiriza bamaze kuba benshi. N'uyu munsi ntabwo bahatanzwe

Rwanda Foam yaboneye izuba inganda zikora matela mu Rwanda yashyize ku isoko ubwoko bushya bwa matela zirimo iyitwa ‘Inzozi’ na ‘Executif’ zizafasha Abanyarwanda kuba no kuryama aheza.

Mu myaka ine ishize nibwo iyi sosiyete y’ubukombe mu gutanga ibiryamirwa byizewe yanabiherewe icyemezo cy’ubuziranenge gitangwa n’Ikigo cy’Igihugu cy’Ubuziranenge (RSB), yatangiye gukorana na Tour du Rwanda kuva iri siganwa ryaba mpuzamahanga mu 2009.

Rwanda Foam yatangiye kunyuza ibicuruzwa byayo kuri internet aho wanyura kuri www.rwandafoam.com ugatumiza matela ishobora kukugeraho mu masaha ane muri Kigali n’umunsi umwe mu ntara.

Umunya-Colombia Rodrigo Contreras Pinzón ukinira Astana Pro Team avuye mu gikundi. Ubu arenze Kimisagara agiye kuzamuka kwa Mutwe ku nshuro ya Gatatu. Yasize igikundi amasegonda 50. Arahabwa amahirwe yo kwegukana aka gace.

Umunya-Erythree Debesay Mekseb w'imyaka 27, kapiteni w'ikipe y'igihugu cye yaje ari mu bahabwa amahirwe ariko ntabwo yorohewe n'isiganwa ry'uyu mwaka. Mbere yo gutangira aka gace yari ku mwanya wa 48 asigwa na mwenewabo Kudus badakinira ikipe imwe iminota 56'10'' yose. None azamutse kwa Mutwe ku nshuro ya kabiri, imbaraga ziranga asezera mu isiganwa

Mugisha Moise ashyize igare imbere. Ari kumwe na ,Samuel Mugisha, Yakob Debesay, Ndayisenga Valens na Manizabayo Eric bita Karadiyo. Baminutse kwa Mutwe ku nshuro ya kabiri. Igikundi kiri inyuma ye amasegonda 23. Merhawi Kudus ari kumwe n'abo bahanganye ku rutonde rusange, igikundi kiratuje

Mu gufasha Abanyarwanda n’abanyamahanga bitabiriye Tour du Rwanda 2019 kuticwa n’inyota, Uruganda rwenga ibinyobwa bisembuye n’ibidasembuye rwa Skol Brewery Ltd Rwanda, rwabegereje inzoga ya Skol Select n’ibindi binyobwa bitandukanye.

Skol ifite ku isoko ibinyobwa bitarimo umusemburo nka Panache Lemon n’ibisembuye nka Skol Select, Skol Lager, Skol Malt, Skol 5, Virunga Mist, Virunga Gold na Skol Canette, byose biboneka hirya no hino mu gihugu ku giciro cyiza.

Areruya Joseph azamutse kuri 40 yerekeza kuri Tapis Rouge ari imbere ariko asatiriwe na Mugisha Moise wa Team Rwanda n'abandi bakinnyi bane. Bagiye kumanuka mu Nyakabanda na Kimisagara bongere kuzamuka kwa Mutwe ku nshuro ya kabiri

Bazamutse kwa Mutwe ku nshuro ya mbere, igikundi kiri kumwe ariko barenze kuri Sky Hotel basatira mu Mujyi Areruya Joseph wa Delko Marsille Provence yo mu Bufaransa acomotse mu gukundi. Ubu aragisiga amasegonda 27

Mu gukomeza gutanga umusanzu muri gahunda ya guverinoma yo korohereza abantu bose kugera kuri serivisi z’imari, Banki Nyarwanda y’Ubucuruzi, Cogebanque, yegereje serivisi zo kuzigama abakurikiranye Tour du Rwanda 2019.

Bamwe bafunguje konti ya ‘ITEZIMBERE’ banyuze ku bahagarariye Cogebanque (agent) aho buri gace kasorejwe.

Umwihariko wa Konti ya ‘ITEZIMBERE’, ni uko nta mufuragiro wa buri kwezi uyifunguye acibwa, kandi ashobora kuyikoresha mu kwaka serivisi zose za banki.

Benshi mu bafunguje iyi konti banasabye iyo kuzigama ya ‘TEGANYA’, ishobora gufungurwa n’umukiliya mushya cyangwa usanzwe, akungukirwa kugera kuri 5% by’amafaranga yabikijeho.

Usibye IGIHE.com, ahandi wakurikirana aka gace ka nyuma ka Tour du Rwanda 2019 ni kuri Televiziyo y'u Rwanda, naho uko umunsi wagenze ushobora kubikurikirana kuri Canal+ Sports 2 saa 22:30..

A reminder that you can watch today’s final stage here ??https://t.co/kfLL7EXlNq #TdRwanda19

— Tour du Rwanda???????? (@Tour_du_Rwanda) March 3, 2019

Clovis Kamzong Abessolo, Umunya-Cameroun rukumbi usigaye mu isiganwa, akaba ari nawe uri ku mwanya wa nyuma ku rutonde rusange, yasizwe n'igikundi kiri kuzamuka mu Rwampara cyerekeza kuri 40 i Nyamirambo. Cyamusize amasegonda 42

Rugg utari umuhanga cyane mu kumanuka igikundi kimufatiye mu muhanda uva Sonatubes ujya Rwandex. Baritegura kuzamuka i Gikondo

Mbere yo guhaguruka i Kanombe, umunya-Algeria Lagab Azzedine wegukanye agace kasorejwe i Nyamirambo gaciye kwa Mutwe yabwiye IGIHE ko Tour du Rwanda y'uyu mwaka iri mu masiganwa yamugoye mu buzima, gusa ngo gutsinda uyu munsi birashoboka.

Yagize ati: ''Uyu mwaka njye n'ikipe yanjye ntabwo byatworoheye. Ntabwo ndi ku mwanya nifuza ariko nishimiye aho ndi kuko twahanganye n'amakipe aomeye cyane. Tour du Rwanda uyu mwaka yari itandukanye n'izayibanjirije. Iyi ishobora kuba ari rimwe mu masiganwa yangoye mu buzima. Gusa uyu munsi ndifuza gutsinda agace nkagira icyo ntahana.''

Abasiganwa bari kuzamuka aho bita ku cyapa cya Mutzig basatira mu Giporoso. Umunya-Leta zunze ubumwe za Amerika, Rugg Timothy ukinira BAI - Sicasal - Petro de Luanda yo muri Angola yacomotse mu gikundi. Ubu arabasiga amasegonda 14.

Polisi y'u Rwanda yabaye hafi iri siganwa kuva ku munsi wa mbere, nta mpanuka yatewe n'umutekano muke mu mihanda yabaye. No mu gusoza Tour du Rwanda 2019 iriteguye

Umunsi wo gusoza urugamba rwo guhanganira umwenda w'umuhondo uratangiye. Saa 13:05 uwegukanye Tour du Rwanda 2019 araba yamenyekanye

Umwaka ushize agace gasoza Tour du Rwanda kegukanywe na Lagab Azzedine ukinira Algeria.

Mu mateka y’iri siganwa abanyarwanda babiri nibo bashoboye gutsinda mu gace kanyuze kwa Mutwe kagasorezwa i Nyamirambo. Jean Bosco Nsengimana mu 2015 na Valens Ndayisenga mu 2016.

Abasiganwa 63 nibo bagiye gukina aka gace gasoza Tour du Rwanda ya 2019.

Ntabwo barimo Fourie James wa Pro Touch yo muri Afurika y‘Epfo wasezeye mu isiganwa kubera uburwayi na mugenzi we Beneke Calvin bakinana utarashoboye gusoza ku munsi w’ejo.


Barazenguruka ibice bitandukanye bya Kigali. Barahaguruka i Kanombe bafate umuhanda wo hepfo uzamukira i Nyandungu bakomeze mu Giporoso na Sonatubes bafate Rwandex bazamuke mu muhanda ujya i Gikondo ukomeza mu Rwampara, bazamukire kuri 40 bafate Nyamirambo bazamuke bakatire kuri Tapis Rouge bamanuke bace Kimisigara bazamukire mu muhanda w’amabuye wo kwa Mutwe.


Nibawurangiza barakata ibumoso binjire mu Mujyi rwagati bamanukire ku ishuri rya Apacope bahinguke ku Kinamba bafate umuhanda ujya mu Kanogo no mu Rugunga bongere kuzamukira mu Rwampara na 40, bongere kuzamuka banyure kuri Tapis Rouge na Kimisagara, bazamukire kwa Mutwe, bazenguruke ako gace ka Nyamirambo inshuro eshatu.


Kuzamuka kwa Mutwe inshuro eshatu biragora benshi. Abakurikira umukino wo gusiganwa ku magare ku Isi aka gace bakita urukuta rwa Kigali, ‘The Kigali Wall’.

Agace ka munani ka Tour du Rwanda 2019 kagiye guhaguruka mu Murenge wa Nyarugunga hafi y’ikigo cya gisirikare i Kanombe. Gafite intera ya kilometero 61.7km. Icyayi cy’u Rwanda kiri kwamamarizwa muri Tour du Rwanda 2019


Mbere yo guhaguruka abasiganwa n’abitabiriye Tour du Rwanda babanje gufata icyayi cy’u Rwanda ngo batangire isiganwa bafite imbaraga.

Ni ku nshuro ya gatatu NAEB ibinyujije muri Rwanda Tea iri gukorana n’Ishyirahamwe ry’Umukino wo gusiganwa ku Magare (Ferwacy), mu isiganwa rikomeye rizenguruka u Rwanda nk’uburyo bwo kumenyekanisha icyayi cy’u Rwanda. Ibinyujije muri “Rwanda Tea, A Natural Reawakening” ni yo ihemba umukinnyi wagaragaje guhangana gukomeye (best combative rider) muri buri gace k’isiganwa. Iki cyayi kandi kizimanirwa abakinnyi n’abitabiriye isiganwa aho ritangirira n’aho risorezwa.