Men Elite Road Race
Umunsi wa Munani wa Shampiyona y'Isi y'Amagare: KCC- KCC |
Umwanditsi : Eric Tony Ukurikiyimfura |
Amafoto : IGIHE |
Uko isiganwa riri kugenda
17:07
Sunday, 09/28/25
Perezida Kagame yitabiriye isozwa rya Shampiyona y'Isi y'Amagare ya 2025
Umukuru w'Igihugu ni we wambitse umudali wa Zahabu, Umunya-Slovenia, Tadej Pogacar, wegukanye iri rushanwa ryari rimaze iminsi umunani ribera i Kigali.
Perezida Kagame yitabiriye umuhango wo gusoza iri rushanwa ari kumwe na Perezida wa UCI, David Lappartient n'Igikomangoma Albert II wa Monaco.
Ni ku nshuro ya kabiri yikurikiranya Pogacar yegukanye umudali wa Zahabu muri Shampiyona y'Isi y'Amagare nyuma yo gutsinda isiganwa ryo mu muhanda.
Uyu mukinnyi w'imyaka 27, ni we usanzwe ari nimero ya mbere ku Isi muri uyu mukino.
Umudali wa Feza uhabwa umukinnyi wa kabiri wegukanywe n'Umubiligi Remco Evenepoel naho uw'Umuringa uhabwa umukinnyi wa gatatu utwarwa n'Umunya-Irlande, Ben Healy.
Perezida Kagame yitabiriye umuhango wo gusoza iri rushanwa ari kumwe na Perezida wa UCI, David Lappartient n'Igikomangoma Albert II wa Monaco.
Ni ku nshuro ya kabiri yikurikiranya Pogacar yegukanye umudali wa Zahabu muri Shampiyona y'Isi y'Amagare nyuma yo gutsinda isiganwa ryo mu muhanda.
Uyu mukinnyi w'imyaka 27, ni we usanzwe ari nimero ya mbere ku Isi muri uyu mukino.
Umudali wa Feza uhabwa umukinnyi wa kabiri wegukanywe n'Umubiligi Remco Evenepoel naho uw'Umuringa uhabwa umukinnyi wa gatatu utwarwa n'Umunya-Irlande, Ben Healy.
16:52
Sunday, 09/28/25
Uko ibihugu byegukanye imidali muri Shampiyona y'Isi y'Amagare yabereye i Kigali
No: Igihugu (Zahabu, Feza, Umuringa)
1. U Buholandi (2, 1, 1)
2. U Bwongereza (2, -, -)
3. U Bufaransa (1, 2, 1)
4. U Busuwisi (1, 1, 2)
5. Espagne (1, 1, 2)
6. U Bubiligi (1, 1, 2)
7. U Butaliyani (1, 1, 1)
8. Australia (1, 1, -)
9. Canada (1, -, -)
10. Slovenia (1, -, -)
11. Suede (1, -, -)
12. Nouvelle-Zelande (-, 2, -)
13. Slovakia (-, 2, -)
14. Leta Zunze Ubumwe za Amerika (-, 1, -)
15. Irlande (-, -, 1)
16. Autriche (-, -, 1)
17. Pologne (-, -, 1)
18. Norvege (-, -, 1)
1. U Buholandi (2, 1, 1)
2. U Bwongereza (2, -, -)
3. U Bufaransa (1, 2, 1)
4. U Busuwisi (1, 1, 2)
5. Espagne (1, 1, 2)
6. U Bubiligi (1, 1, 2)
7. U Butaliyani (1, 1, 1)
8. Australia (1, 1, -)
9. Canada (1, -, -)
10. Slovenia (1, -, -)
11. Suede (1, -, -)
12. Nouvelle-Zelande (-, 2, -)
13. Slovakia (-, 2, -)
14. Leta Zunze Ubumwe za Amerika (-, 1, -)
15. Irlande (-, -, 1)
16. Autriche (-, -, 1)
17. Pologne (-, -, 1)
18. Norvege (-, -, 1)
16:10
Sunday, 09/28/25
Tadej Pogacar yisubirije umudali wa Zahabu n’ikuzo i Kigali
Umunya-Slovenie, Tadej Pogacar, yisubije umudali wa Zahabu muri Shampiyona y’Isi y’Amagare, nyuma yo gutsinda isiganwa ry’abagabo ryo mu muhanda ryakinwe kuri iki Cyumweru, tariki ya 28 Nzeri 2025, aho yakoresheje amasaha atandatu, iminota 21 n’amasegonda 20 ku ntera y’ibilometero 267,5.
Nimero ya mbere ku Isi, Pogacar yayoboye isiganwa habura ibilometero 104 ubwo yavaga mu gikundi, abakinnyi bari kuzamuka ahazwi nka Norvege.
Ni ku nshuro ya kabiri abikoze bikamuhira, aho mu 2024, i Zurich, na bwo yafashe icyo cyemezo hasigaye ibilometero 100, akegukana umudali wa Zahabu.
Umubiligi Remco Evenepoel wari wamukojeje isoni muri “Time Trial” yakinwe ku munsi wa mbere i Kigali, yagize ikibazo cy’igare mu bilometero 75 bya nyuma, intera iriyongera, ndetse yongera kumurikira mu bilometero 20 bya nyuma, ariko birangira atamushyikiriye, ahubwo hagumamo intera y’umunota n’amasegonda 28.
Umudali w'umwanya wa gatatu wegukanywe n'Umunya-Irlande, Ben Healy, wasizwe iminota ibiri n'amasegonda 16.
Mu bakinnyi 165 batangiye, hasoje 30 gusa ndetse nta Munyarwanda wasoje iri siganwa muri batandatu barikinnye.
Shampiyona y'Isi y'Amagare ya 2026 izabera i Montreal muri Canada.
Nimero ya mbere ku Isi, Pogacar yayoboye isiganwa habura ibilometero 104 ubwo yavaga mu gikundi, abakinnyi bari kuzamuka ahazwi nka Norvege.
Ni ku nshuro ya kabiri abikoze bikamuhira, aho mu 2024, i Zurich, na bwo yafashe icyo cyemezo hasigaye ibilometero 100, akegukana umudali wa Zahabu.
Umubiligi Remco Evenepoel wari wamukojeje isoni muri “Time Trial” yakinwe ku munsi wa mbere i Kigali, yagize ikibazo cy’igare mu bilometero 75 bya nyuma, intera iriyongera, ndetse yongera kumurikira mu bilometero 20 bya nyuma, ariko birangira atamushyikiriye, ahubwo hagumamo intera y’umunota n’amasegonda 28.
Umudali w'umwanya wa gatatu wegukanywe n'Umunya-Irlande, Ben Healy, wasizwe iminota ibiri n'amasegonda 16.
Mu bakinnyi 165 batangiye, hasoje 30 gusa ndetse nta Munyarwanda wasoje iri siganwa muri batandatu barikinnye.
Shampiyona y'Isi y'Amagare ya 2026 izabera i Montreal muri Canada.
16:07
Sunday, 09/28/25
Pogacar ari gusatira gusoza
Mu ntera ya kilometero 1,5 isigaye, Pogacar yashyizemo umunota n'amasegonda 28 hagati ye na Remco Evenepoel ndetse ageze hagati Kwa Mignonne.
15:56
Sunday, 09/28/25
Intera yiyongereye
Mu gihe hasigaye ibilometero umunani, Tadej Pogacar yasize Remco Evenepoel umunota n'amasegonda 30.
Abandi bakinnyi babiri bakurikiyeho basizwe iminota ibiri n'amasegonda 12.
Abandi bakinnyi babiri bakurikiyeho basizwe iminota ibiri n'amasegonda 12.
15:51
Sunday, 09/28/25
Abegukana imidali batangiye kugaragara
Uko bigaragara, imyanya ine ya mbere iri hagati ya Pogacar, Evenepoel, Healy na Skjelmose.
Abakinnyi 15 bakurikiyeho barimo Tom Pidcock barahatanira kuba muri batanu ba mbere kuko ubu basizwe intera igaragara.
15:49
Sunday, 09/28/25
HAVUGIJWE INZOGERA
Tadej Pogacar abwiwe ko agiye kuzenguruka inshuro imwe, ubundi agasubira kuri KCC asoza isiganwa.
Yasize Remco umunota n'amasegonda 26.
Yasize Remco umunota n'amasegonda 26.
15:42
Sunday, 09/28/25
Remco akurikiye Pogacar
Umubiligi Remco Evenepoel acitse Mattias Skjelmose na Ben Healy, akurikira Tadej Pogacar mu gihe hasigaye ibilometero 20.
Ikinyuranyo ni umunota n'amasegonda umunani.
Yakongera kumukora nk'ibyo yakoze muri "Time Trial" ku Cyumweru gishize?
Ikinyuranyo ni umunota n'amasegonda umunani.
Yakongera kumukora nk'ibyo yakoze muri "Time Trial" ku Cyumweru gishize?
15:40
Sunday, 09/28/25
Hasigaye ibilometero 20
Tadej Pogacar akomeje kwitwara imbere wenyine, ndetse yasize batatu bamurikiye barimo Remco umunota n'amasegonda 17.
15:35
Sunday, 09/28/25
Abakinnyi basigaye mu isiganwa ni 32
Abarenga kimwe cya gatanu cy'abakinnyi 165 batangiye isiganwa bamaze kuvamo, ahubwo kuri ubu hasigayemo 32 gusa.
15:30
Sunday, 09/28/25
HASIGAYE KUZENGURUKA INSHURO EBYIRI
Tadej Pogacar anyuze kuri KCC ku nshuro ya 14 yashyizemo ikinyuranyo cy'umunota n'amasegonda 17 hagati ye n'itsinda ry'abakinnyi batanu bamukurikiye barimo Remco Evenepoel.
Ubu isiganwa rigabanyije mu bice bitandutu.
15:27
Sunday, 09/28/25
Ubwo abasiganwa banyuraga Kwa Mutwe
15:13
Sunday, 09/28/25
Abakinnyi batatu ni bo bakurikiye Pogacar
Umunya-Australia Jai Hindley n'Umwongereza Tom Pidcock basigaye.
Mu gihe hasigaye ibilometero 40, Tadej Pogacar akurikiwe na Remco Evenepoel, Umunya-Danemark Mattias Skjelmose n'Umunya-Irlande Ben Healy, aho bose yabasize umunota n'amasegonda abiri.
Pidcock yasizwe umunota n'amasegonda 40.
Mu gihe hasigaye ibilometero 40, Tadej Pogacar akurikiwe na Remco Evenepoel, Umunya-Danemark Mattias Skjelmose n'Umunya-Irlande Ben Healy, aho bose yabasize umunota n'amasegonda abiri.
Pidcock yasizwe umunota n'amasegonda 40.
15:07
Sunday, 09/28/25
HASIGAYE KUZENGURUKA INSHURO ESHATU
Tadej Pogacar anyuze kuri KCC ku nshuro ya 13, ndetse asigaje kuzenguruka inshuro eshatu gusa.
Ikinyuranyo kiri hagati ye n'abamurikiye barimo Remco Evenepoel ni umunota n'amasegonda atanu.
Ikinyuranyo kiri hagati ye n'abamurikiye barimo Remco Evenepoel ni umunota n'amasegonda atanu.
14:50
Sunday, 09/28/25
Itsinda rikurikiye Pogacar ririmo ibikoko
Remco EVENEPOEL, SKJELMOSE Mattias, Thomas PIDCOCK, Jai HINDLEY na Ben HEALY ni bo bakinnyi bakurikiye Tadej Pogacar, aho yabasize umunota n'isegonda mu gihe hasigaye ibilometero 57.
Mu 2024, Pogacar yavuye mu gikundi habura ibilometero 100, aragenda aratsinda.
14:46
Sunday, 09/28/25
HASIGAYE KUNZEGURUKA INSHURO ENYE
Tadej Pogacar yageze kuri KCC ku nshuro ya 12, ndetse asigaje kuzenguruka inshuro enye gusa.
Kuri ubu ikinyuranyo ni umunota n'isegonda hagati ye n'abakinnyi batanu bamukurikiye barimo Remco.
Kuri ubu ikinyuranyo ni umunota n'isegonda hagati ye n'abakinnyi batanu bamukurikiye barimo Remco.
14:44
Sunday, 09/28/25
Remco yakurikiye Pogacar
Umubiligi Remco Evenepoel yagarutse mu itsinda rikurikiye Tadej Pogacar uri imbere, ndetse ikinyuranyo ni amasegonda 58 mu gihe hasigaye ibilometero 61.
14:42
Sunday, 09/28/25
Nta Munyarwanda usigaye mu isiganwa
Nsengiyumva Shemu wari Umunyarwanda usigaye mu isiganwa, na we yamaze kuvamo.
Muri Team Rwanda yari igizwe n'abakinnyi batandatu, Shemu ni we wageze Nyabugogo ndetse yavuye mu isiganwa ubwo bari basubiye kuri KCC.
Abandi barimo Byukusenge Patrick, Masengesho Vainqueur, Nkundabera Eric, Muhoza Eric na Manizabayo Eric 'Karadiyo' bavuyemo mbere.
Muri Team Rwanda yari igizwe n'abakinnyi batandatu, Shemu ni we wageze Nyabugogo ndetse yavuye mu isiganwa ubwo bari basubiye kuri KCC.
Abandi barimo Byukusenge Patrick, Masengesho Vainqueur, Nkundabera Eric, Muhoza Eric na Manizabayo Eric 'Karadiyo' bavuyemo mbere.
14:36
Sunday, 09/28/25
Ibilometero 200 byarangiye
Abasiganwa bamaze kugenda intera y'ibilometero 200, bivuze ko hasigaye ibilometero 67,5.
Pogacar na Del Toro bashyizemo amasegonda 43 hagati yabo n'ababakurikiye.
Pogacar na Del Toro bashyizemo amasegonda 43 hagati yabo n'ababakurikiye.
14:27
Sunday, 09/28/25
HASIGAYE KUZENGURUKA INSHURO ESHANU
Tadej Pogacar na Isaac del Toro Romero banyuze kuri KCC ku nshuro ya 11, ndetse bashyizemo amasegonda 39 hagati yabo n'abakinnyi 29 babakurikiye.
Remco yasizwe umunota n'amasegonda 34.
Remco yasizwe umunota n'amasegonda 34.
14:26
Sunday, 09/28/25
Remco yagize ikibazo cy'igare
Umubiligi Remco Evenepoel avuye ku igare yariho ageze ku Kabindi, asaba irindi ndetse yasizwe umunota n'amasegonda 33 mu gihe mbere yari yasizwe amasegonda 41 gusa.
Hasigaye ibilometero 74.
Hasigaye ibilometero 74.
14:11
Sunday, 09/28/25
Ubwo abasiganwa banyuraga i Nyabugogo
14:07
Sunday, 09/28/25
HASIGAYE KUZENGURUKA INSHURO ESHESHATU
Del Toro na Pogacar bageze kuri KCC ku nshuro ya 10, bivuze ko basigaje kuzenguruka inshuro esheshatu muri 'circuit' ya Nyarutarama.
Isiganwa rigeze mu bilometero 88 bya nyuma ndetse ikinyuranyo ni amasegonda 58 hagati y'abakinnyi bari imbere n'ababakurikiye.
Isiganwa rigeze mu bilometero 88 bya nyuma ndetse ikinyuranyo ni amasegonda 58 hagati y'abakinnyi bari imbere n'ababakurikiye.
14:05
Sunday, 09/28/25
Hari ihangana rya Del Toro na Pogacar?
Umunya-Mexique, Isaac del Toro Romero n'Umunya-Slovenie, Tadej Pogacar, ni bo bayoboye isiganwa ndetse ubusanzwe bakinana muri UAE Team Emirates XRG.
Aba bakinnyi bombi kandi bakunze kugaragara i Kigali bari kwitozanya muri iki cyumweru.
Aba bakinnyi bombi kandi bakunze kugaragara i Kigali bari kwitozanya muri iki cyumweru.
14:02
Sunday, 09/28/25
Ubwo abasiganwa banyuraga ku Gitikinyoni
13:53
Sunday, 09/28/25
Del Toro na Poggy ni bo bayoboye
Kwa Mutwe hasize Remco Evenepoel yasigaye amasegonda 36 mu gihe Tadej Pogacar na Isaac del Toro ari bo bari imbere basize Ayuso.
13:51
Sunday, 09/28/25
Abakinnyi batatu ni bo bari imbere
Isaac del Toro wo muri Mexique yafashe Ayuso wo muri Espagne na Tadej Pogacar, bagendana ari batatu mu gihe bitegura kuzamuka Kwa Mutwe.
Hasigaye ibilometero 100 gusa.
Hasigaye ibilometero 100 gusa.
13:47
Sunday, 09/28/25
Tadej Pogacar ayoboye isiganwa
Umunya-Slovenia, Tadej Pogacar, yongereye umuvuduko, ajya imbere anyuze kuri Julien Bernard.
Mu 2024, i Zurich, yitwaye ibilometero 100 kugeza atwaye Shampiyona y'Isi y'Amagare.
Kuri ubu hasigaye ibilometero 104 gusa.
Mu 2024, i Zurich, yitwaye ibilometero 100 kugeza atwaye Shampiyona y'Isi y'Amagare.
Kuri ubu hasigaye ibilometero 104 gusa.
13:45
Sunday, 09/28/25
Isiganwa riyobowe n'umukinnyi umwe
Umufaransa Julien Bernard ni we uri imbere wenyine nyuma y'uko bagenzi barimo Ivo Oliveira wo muri Portugal bananiwe.
Bernard yasize igikundi amasegonda 52 mu gihe bari kuzamuka Norvege.
Bernard yasize igikundi amasegonda 52 mu gihe bari kuzamuka Norvege.
13:42
Sunday, 09/28/25
I Nyabugogo hari hihariye
13:33
Sunday, 09/28/25
Abasiganwa batangiye kuzamuka kuri Ruliba
Anders Foldager, Julien Bernard na Oliveira Ivo batangiye kuzamuka kuri Ruliba berekeza kuri Mont-Kigali, ahazwi nka Norvege.
Huising Menno (u Buholandi), García Pierna Raúl (Espagne), Mayrhofer Marius (u Budage) na Christen Fabio (u Busuwisi), bose bafashwe n'igikundi mbere yo kugera i Nyabugogo.
Huising Menno (u Buholandi), García Pierna Raúl (Espagne), Mayrhofer Marius (u Budage) na Christen Fabio (u Busuwisi), bose bafashwe n'igikundi mbere yo kugera i Nyabugogo.
13:26
Sunday, 09/28/25
Nyabugogo yongeye kwerekana itandukaniro
Abakunzi b'umukino w'amagare benshi bari i Nyabugogo bongeye kwerekana urukundo rwihariye bakunda uyu mukino, ubwo abakinnyi bari imbere bari babanyuzeho.
13:25
Sunday, 09/28/25
Ibilometero 150 byarangiye
Abasiganwa bamaze gukora intera y'ibilometero 150, bivuze ko basigaje ibindi 116.
13:19
Sunday, 09/28/25
Uko isiganwa rihagaze
Anders Foldager, Julien Bernard na Oliveira Ivo batangiye kuzamuka berekeza mu Mujyi, aho basigaje ibilometero 120, ndetse basize igikundi iminota ibiri.
13:10
Sunday, 09/28/25
Itsinda riyoboye ryacitsemo ibice
Kuri ubu imbere hari abakinnyi bane mu gihe abandi batatu babakurikiye, ikinyuranyo hagati yabo kikaba amasegonda icyenda mu gihe hasigaye ibilometero 125.
13:04
Sunday, 09/28/25
HASIGAYE KUZENGURUKA INSHURO ZIRINDWI
Abakinnyi bageze kuri KCC ku nshuro ya cyenda, bivuze ko basigaje kuzenguruka inshuro zirindwi.
Kuri iyi nshuro, bagiye gufata umuhanda ujya mu Mujyi- Muhima- Nyabugogo- Norvege- Nyamirambo- Kwa Mutwe.
Kuri iyi nshuro, bagiye gufata umuhanda ujya mu Mujyi- Muhima- Nyabugogo- Norvege- Nyamirambo- Kwa Mutwe.
13:03
Sunday, 09/28/25
Karadiyo yavuye mu isiganwa
Manizabayo Eric 'Karadiyo' yamaze kuva mu isiganwa ndetse ni umukinnyi wa gatanu w'u Rwanda uvuyemo kugeza ubu hasigaye ibilometero 130.
Usigayemo ni Nsengiyumva Shemu gusa.
12:50
Sunday, 09/28/25
Abasiganwa bakata mu Kabuga ka Nyarutarama
12:41
Sunday, 09/28/25
HASIGAYE KUZENGURUKA INSHURO UMUNANI
Abakinnyi barindwi bayoboye isiganwa ari bo: Anders Foldager, Julien Bernard, Huising Menno, Oliveira Ivo, Christen Fabio, Raul Pierna na Mayrhofer Marius, banyuze kuri KCC bashyizemo ikinyuranyo cy'iminota ibiri n'amasegonda atanu hagati yabo n'igikundi.
Bivuze ko bamaze kuzenguruka inshuro umunani muri 'circuit' barimo, aho bagaruka kuri KCC bahita bafata umuhanda ujya Nyabugogo.
Bivuze ko bamaze kuzenguruka inshuro umunani muri 'circuit' barimo, aho bagaruka kuri KCC bahita bafata umuhanda ujya Nyabugogo.
12:28
Sunday, 09/28/25
Abasiganwa banyura muri Kigali Golf Course
12:27
Sunday, 09/28/25
Muhoza Eric na we yavuye mu isiganwa
Team Rwanda isigaranye Manizabayo Eric na Nsengiyumva Shemu mu isiganwa nyuma y'uko Muhoza Eric, Nkundabera Eric, Byukusenge Patrick na Masengesho Vainqueur bamaze kuvamo.
12:24
Sunday, 09/28/25
Remco Evenepoel yasigaye
Nyuma yo kujya kwikiranura n'umubiri, Umubiligi Evenepoel Remco yasizwe iminota itatu.
12:19
Sunday, 09/28/25
Nyabugogo: Ubwitabire buri hejuru
Mu gihe abakinnyi basigaye kuzenguruka inshuro ebyiri ngo bafate umuhanda uherekeza, i Nyabugogo hamaze kugera abantu benshi ku muhanda, bategereje kureba abasiganwa.
12:12
Sunday, 09/28/25
Abandi Banyarwanda babiri bavuye mu isiganwa
Nkundabera Eric na Masengesho Vainqueur bamaze kuva mu isiganwa, biyongera kuri Byukusenge Patrick.
Kuri ubu Team Rwanda isigaranye Muhoza Eric (uri mu b'inyuma), Manizabayo Eric na Nsengiyumva Shemu.
Kuri ubu Team Rwanda isigaranye Muhoza Eric (uri mu b'inyuma), Manizabayo Eric na Nsengiyumva Shemu.
12:06
Sunday, 09/28/25
I Nyarugenge barategereje
Nyuma yo gupepera abo mu Mujyi ku munsi wa mbere wa Shampiyona y'Isi y'Amagare ya 2025, iri siganwa riranyura mu Karere ka Nyarugenge ku nshuro ya mbere mu buryo bugaragara.
Mu bice bitandukanye by'ako Karere birimo Nyabugogo, ku Gitikinyoni, Norvege, Nyamirambo, Kwa Mutwe, mu Biryogo no mu Mujyi biteguye kureba abasiganwa, aho babageraho nyuma yo gusoza kuzenguruka inshuro icyenda muri 16.
Mu bice bitandukanye by'ako Karere birimo Nyabugogo, ku Gitikinyoni, Norvege, Nyamirambo, Kwa Mutwe, mu Biryogo no mu Mujyi biteguye kureba abasiganwa, aho babageraho nyuma yo gusoza kuzenguruka inshuro icyenda muri 16.
12:01
Sunday, 09/28/25
HASIGAYE KUZENGURUKA INSHURO 10
Nyuma y'ibilometero 175 bisigaye, abakinnyi barindwi bayoboye isiganwa basize iminota ibiri n'amasegonda 30 abakinnyi 127 bari mu gikundi.
Abandi bakinnyi babiri basigaye inyuma basizwe iminota itandatu n'amasegonda 26.
Abandi bakinnyi babiri basigaye inyuma basizwe iminota itandatu n'amasegonda 26.
11:45
Sunday, 09/28/25
Abasiganwa batambuka kuri KCC
11:41
Sunday, 09/28/25
Umunyarwanda wa mbere yavuye mu isiganwa
Byukusenge Patrick yamaze kuva mu isiganwa, bivuze ko Ikipe y'u Rwanda isigaranye abakinnyi batanu.
Byukusenge yongerewe mu bazakina iri siganwa risoza ku wa Kane, nyuma y'uko Mugisha Moise wari kurikina yarwaye.
Byukusenge yongerewe mu bazakina iri siganwa risoza ku wa Kane, nyuma y'uko Mugisha Moise wari kurikina yarwaye.
11:35
Sunday, 09/28/25
HASIGAYE KUZENGURUKA INSHURO 11
Abakinnyi bari imbere banyuze kuri KCC ku nshuro ya gatanu ndetse basize igikundi iminota itatu n'isegonda rimwe.
11:26
Sunday, 09/28/25
Abakinnyi bazamuka kuri MINAGRI
Akazamuko ko kuri MINAGRI kareshya na metero 800 ni kamwe mu dusozi dutanu turi mu isiganwa ryo kuri iki Cyumweru.
Ahandi ni Kwa Mutwe, Kwa Mignonne, Peyage ugana mu Mujyi na Norvege.
Ahandi ni Kwa Mutwe, Kwa Mignonne, Peyage ugana mu Mujyi na Norvege.
11:19
Sunday, 09/28/25
Abakinnyi 21 bamaze kuva mu isiganwa kugeza ubu:
1. ALAPHILIPPE Julian
2. ALFREDO Mauro da Silveira
3. BADLIS Slimane
4. CISSÉ Cheikhouna
5. DIALLO Diantouba
6. DIARRA Siriki
7. GONZALEZ Jyven
8. ILIC Ognjen
9. JALLOH Ibrahim
10. KOERDT Bjorn
11. KOROMA Mustapha
12. ÖRKEN Ahmet
13. PICIU Mattew-Denis
14. DO ROSARIO Ediney Nascimento Ferreira
15. SCHMID Mauro
16. SOLER Marc
17. SU Haoyu
18. WAIS Ahmad Badreddin
19. WALTERS Red
20. OOMEN Sam
21. Barré Louis
2. ALFREDO Mauro da Silveira
3. BADLIS Slimane
4. CISSÉ Cheikhouna
5. DIALLO Diantouba
6. DIARRA Siriki
7. GONZALEZ Jyven
8. ILIC Ognjen
9. JALLOH Ibrahim
10. KOERDT Bjorn
11. KOROMA Mustapha
12. ÖRKEN Ahmet
13. PICIU Mattew-Denis
14. DO ROSARIO Ediney Nascimento Ferreira
15. SCHMID Mauro
16. SOLER Marc
17. SU Haoyu
18. WAIS Ahmad Badreddin
19. WALTERS Red
20. OOMEN Sam
21. Barré Louis
11:16
Sunday, 09/28/25
HASIGAYE KUZENGURUKA INSHURO 12
Abakinnyi barindwi bayoboye isiganwa ari bo: Anders Foldager, Julien Bernard, Huising Menno, Oliveira Ivo, Christen Fabio, Raul Pierna na Mayrhofer Marius, banyuze kuri KCC bashyizemo ikinyuranyo cy'iminota ibiri n'amasegonda 34.
11:13
Sunday, 09/28/25
Karadiyo afite ubushobozi bwo gutanga akazi?
Ni ku nshuro ya gatatu Manizabayo Eric 'Karadiyo' ari gukina Shampiyona y'Isi y'Amagare, ariko mu nshuro ebyiri ziheruka ntiyigeze asoza isiganwa ryo mu muhanda.
Karadiyo yayoboye isiganwa ryo mu muhanda mu Mikino Olempike ya Paris mu gihe cy'ibilometero 170, ariko birangira adasoje.
Nta gitunguranye kuba ari we bagenzi be bo muri Team Rwanda bahisemo ko aza kujya anyuzamo akajya imbere.
Kuva mu 2014 u Rwanda rwitabiriye Shampiyona y'Isi y'Amagare bwa mbere, nta mukinnyi urasoza isiganwa ry'abagabo.
Kuri iki Cyumweru byashoboka? Ni amateka dutegereje kureba ko ashoboka!
Karadiyo yayoboye isiganwa ryo mu muhanda mu Mikino Olempike ya Paris mu gihe cy'ibilometero 170, ariko birangira adasoje.
Nta gitunguranye kuba ari we bagenzi be bo muri Team Rwanda bahisemo ko aza kujya anyuzamo akajya imbere.
Kuva mu 2014 u Rwanda rwitabiriye Shampiyona y'Isi y'Amagare bwa mbere, nta mukinnyi urasoza isiganwa ry'abagabo.
Kuri iki Cyumweru byashoboka? Ni amateka dutegereje kureba ko ashoboka!
11:08
Sunday, 09/28/25
Karadiyo yongeye gucomoka
Nyuma y'ibilometero 56, Manizabayo Eric 'Karadiyo' yongeye kuva mu gikundi ajya imbere gushaka abakinnyi barindwi bayoboye isiganwa.
Igikundi cyasizwe iminota ibiri n'amasegonda ane.
Igikundi cyasizwe iminota ibiri n'amasegonda ane.
11:02
Sunday, 09/28/25
Abasiganwa banyura kuri Kigali Golf Course
10:58
Sunday, 09/28/25
Bamwe mu baguye bavuye mu isiganwa
Umwongereza Koerdt Bjorn n'Umunya-Espagne, Soler Marc, bombi bavuye mu isiganwa nyuma yo kugwa mu kanya kashize.
10:57
Sunday, 09/28/25
Karadiyo yafashwe n'igikundi
Manizabayo Eric 'Karadiyo' yagaruwe n'igikundi mu gihe hasigaye ibilometero 219.
Abakinnyi barindwi bari imbere barimo Raul Pierna, basize igikundi iminota ibiri n'amasegonda 40.
Abakinnyi barindwi bari imbere barimo Raul Pierna, basize igikundi iminota ibiri n'amasegonda 40.
10:55
Sunday, 09/28/25
Impanuka mu gikundi
Abakinnyi barindwi bari mu gikundi baraguye, ariko bahabwa ubufasha bwihuse.
Umwongereza Koerdt Bjorn wari muri abo baguye, yamaze gusubira mu gikundi.
Umwongereza Koerdt Bjorn wari muri abo baguye, yamaze gusubira mu gikundi.
10:54
Sunday, 09/28/25
HASIGAYE KUZENGURUKA INSHURO 13
Abakinnyi barindwi bari imbere banyuze kuri KCC ku nshuro ya gatatu bashyizemo ikinyuranyo cy'iminota ibiri n'amasegonda 28 hagati yabo na Karadiyo.
10:49
Sunday, 09/28/25
Uko isiganwa rihagaze
Nyuma y'ibilometero 43, aho bari kuzamuka umuhanda w'amabuye wo Kwa Mignonne, abakinnyi batandatu bari imbere basize Raul Pierna amasegonda 20.
Karadiyo yasizwe iminota ibiri n'amasegonda 25 naho igikundi cyasizwe iminota ibiri n'amasegonda 43.
Itsinda riri inyuma ryasizwe iminota itatu n'amasegonda 45.
Karadiyo yasizwe iminota ibiri n'amasegonda 25 naho igikundi cyasizwe iminota ibiri n'amasegonda 43.
Itsinda riri inyuma ryasizwe iminota itatu n'amasegonda 45.
10:47
Sunday, 09/28/25
Karadiyo yacitse igikundi
Manizabayo Eric 'Karadiyo' yavuye mu gikundi, akurikira Raul Pierna, aho intego ari ugufata abakinnyi batandatu bayoboye isiganwa rimaze gukorwamo ibilometero 42.
10:45
Sunday, 09/28/25
Abandi bakinnyi babiri bavuye mu isiganwa
Jalloh Ibrahim wo muri Sierra Leone na Cissé Cheikhouna wo muri Sénégal, na bo bavuye mu isiganwa.
10:42
Sunday, 09/28/25
Igikundi gikomeje gusigara
Nyuma y'ibilometero 38 bimaze gukorwa, abakinnyi batandatu bari imbere basize igikundi iminota ibiri n'amasegonda 14.
García Pierna Raúl urimo hagati, yasizwe amasegonda 33.
Inyuma mu isiganwa, hari itsinda ry'abakinnyi batandatu ryasizwe iminota itatu n'amasegonda 42.
10:38
Sunday, 09/28/25
Ubwo abasiganwa banyuraga mu Kabuga ka Nyarutarama
10:33
Sunday, 09/28/25
Alaphilippe yavuye mu isiganwa
Kabuhariwe w'Umufaransa, Julian Alaphilippe, wari mu bakinnyi bake bahabwa amahirwe yo kwitwara neza mu isiganwa ryo kuri iki Cyumweru, yavuyemo nyuma yo kumva atameze neza.
10:30
Sunday, 09/28/25
HASIGAYE KUZENGURUKA INSHURO 14
Abakinnyi batandatu bayoboye isiganwa banyuze kuri KCC ku nshuro ya kabiri basize Pierna amasegonda 42 mu igikundi cyasizwe amasegonda 54.
Do Rosario Ediney Nascimento Ferreira wo muri São Tomé & Príncipe yamaze kuva mu isiganwa.
Do Rosario Ediney Nascimento Ferreira wo muri São Tomé & Príncipe yamaze kuva mu isiganwa.
10:26
Sunday, 09/28/25
Uko isiganwa rihagaze:
Nyuma y’ibilometero 27, abakinnyi batandatu bari imbere ni Anders Foldager, Julien Bernard, Huising Menno, Oliveira Ivo, Christen Fabio na Mayrhofer Marius, ndetse bashyizemo amasegonda 53 hagati yabo n’Umunya-Espagne, García Pierna Raúl, wabakurikiye.
Igikundi cyari cyacitsemo ibice, cyongeye kugendera hamwe ndetse cyasizwe umunota.
Itsinda ry’abakinnyi 11 riri inyuma, ryasizwe iminota itatu n’amasegonda 43.
10:18
Sunday, 09/28/25
Umukinnyi wa mbere yavuye mu isiganwa
Umunya-Turikiya, Örken Ahmet, yavuye mu isiganwa nyuma y'ibilometero 22 gusa.
Kuri ubu isiganwa riyobowe n'abakinnyi batandatu, bakurikiwe n'abandi 147 naho inyuma hari abandi bakinnyi 10.
Kuri ubu isiganwa riyobowe n'abakinnyi batandatu, bakurikiwe n'abandi 147 naho inyuma hari abandi bakinnyi 10.
10:16
Sunday, 09/28/25
Abafana ni benshi kuri KCC
Kuri uyu munsi wa nyuma wa Shampiyona, abafana benshi bashyigikiye abakinnyi bo mu bihugu bitandukanye bahuriye kuri KCC, ahatangiriye isiganwa ndetse akaba ari na ho risorezwa.
10:08
Sunday, 09/28/25
HASIGAYE KUZENGURUKA INSHURO 15
Umufaransa Julien Bernard yiyongereye ku bakinnyi bari imbere, baba batandatu bayoboye isiganwa.
Batambutse kuri KCC ku nshuro ya mbere bashyizemo ikinyuranyo cy'amasegonda 58 hagati y'abo n'umukinnyi umwe ubakurikiye mu gihe igikundi kirimo abantu 157 cyasizwe iminota ibiri.
Batambutse kuri KCC ku nshuro ya mbere bashyizemo ikinyuranyo cy'amasegonda 58 hagati y'abo n'umukinnyi umwe ubakurikiye mu gihe igikundi kirimo abantu 157 cyasizwe iminota ibiri.
10:05
Sunday, 09/28/25
Shampiyona y'Isi y'Amagare y'i Kigali ni yo ikomeye mu mateka
Ni ku nshuro ya 92 hari kuba isiganwa ryo mu muhanda ry'abagabo muri Shampiyona y’Isi y’Amagare.
Muri izo nshuro zose, ntaho iri rushanwa ryigeze ribera hari ku butumburuke nk’ubwa metero 1850 Umujyi wa Kigali uriho.
Ibyi byiyongeraho kandi ko nk’Umujyi uri mu gihugu cy’imisozi, Kigali na yo igizwe n’imihanda ikunda kugora abakinnyi bakina amarushanwa y’amagare.
Kuri iki Cyumweru, imisozi yitezweho kugora abakinnyi ni ukuzamuka kuri Peyage, Norvège no Kwa Mutwe, utibagiwe no Kwa Mignonne aho banyura inshuro nyinshi mu muhanda w'amabuye.
I Karama ahazwi nka Norvege, abakinnyi barazamuka metero 5.475 kuva kuri Ruliba kugeza hejuru kuri Mont-Kigali, mbere yo kumanuka berekeza i Nyamirambo.
Uretse Norvège, hari kandi na Mur de Kigali (Kwa Mutwe), aho umuhanda w’aka gasozi gato ufite metero 500 ukunda kwahagiza abakinnyi bitewe n’uko wubakishije amabuye nk’uko bimeze n’ahazwi nko kwa Mignonne (Kimihurura) hareshya na kilometero 1,3.
Uvuye ku kibuga cya Golf, uzamuka kuri MINAGRI, hari agasozi ka metero 800.
Ikindi gitandukanya Shampiyona y’Isi y’Amagare ya 2025 n’izindi zabanje, ndetse kikayikomeza kurushaho, ni uko yo itangirira muri ‘circuit’, aho aba bakinnyi b’abagabo bazenguruka inshuro icyenda iyo ‘circuit’ mbere yo gufata umuhanda ujya Norvège, ndetse bakongera gusoreza muri ‘circuit’ bazenguruka inshuro esheshatu.
Muri izo nshuro zose, ntaho iri rushanwa ryigeze ribera hari ku butumburuke nk’ubwa metero 1850 Umujyi wa Kigali uriho.
Ibyi byiyongeraho kandi ko nk’Umujyi uri mu gihugu cy’imisozi, Kigali na yo igizwe n’imihanda ikunda kugora abakinnyi bakina amarushanwa y’amagare.
Kuri iki Cyumweru, imisozi yitezweho kugora abakinnyi ni ukuzamuka kuri Peyage, Norvège no Kwa Mutwe, utibagiwe no Kwa Mignonne aho banyura inshuro nyinshi mu muhanda w'amabuye.
I Karama ahazwi nka Norvege, abakinnyi barazamuka metero 5.475 kuva kuri Ruliba kugeza hejuru kuri Mont-Kigali, mbere yo kumanuka berekeza i Nyamirambo.
Uretse Norvège, hari kandi na Mur de Kigali (Kwa Mutwe), aho umuhanda w’aka gasozi gato ufite metero 500 ukunda kwahagiza abakinnyi bitewe n’uko wubakishije amabuye nk’uko bimeze n’ahazwi nko kwa Mignonne (Kimihurura) hareshya na kilometero 1,3.
Uvuye ku kibuga cya Golf, uzamuka kuri MINAGRI, hari agasozi ka metero 800.
Ikindi gitandukanya Shampiyona y’Isi y’Amagare ya 2025 n’izindi zabanje, ndetse kikayikomeza kurushaho, ni uko yo itangirira muri ‘circuit’, aho aba bakinnyi b’abagabo bazenguruka inshuro icyenda iyo ‘circuit’ mbere yo gufata umuhanda ujya Norvège, ndetse bakongera gusoreza muri ‘circuit’ bazenguruka inshuro esheshatu.
09:59
Sunday, 09/28/25
Abakinnyi batanu bayoboye isiganwa
Menno Huising, Oliveira Ivo na Mayrhofer Marius banyuze kuri Red Walters bayobora isiganwa, ariko Foldager Anders na Christen Fabio bahita babiyungaho, bose baba batanu imbere nyuma y'ibilometero icyenda bamaze gukora.
Intera ni amasegonda 10 hagati yabo n'igikundi.
09:56
Sunday, 09/28/25
Abakinnyi batatu bakurikiye Walters
Abakinnyi batatu barimo Umuholandi Menno Huising bavuye mu gikundi bakurikira Red Walters uri imbere ndetse hagati yabo harimo amasegonda ane.
09:51
Sunday, 09/28/25
Umukinnyi wa mbere yahise ava mu gikundi ayobora isiganwa
Walters Red wo muri Grenade, yahise acomoka mu gikundi abakinnyi batambika Nyarutarama, ashyiramo amasegonda 10 hagati ye n'igikundi.
09:46
Sunday, 09/28/25
ISIGANWA RYATANGIYE
Abakinnyi b'abagabo 165 bahagurutse kuri KCC, aho bagiye kubanza kugenda intera ya kilometero 1,5 itabarwa, ubundi batangire isiganwa ry'ibilometero 267,5 rishobora kumara amasaha arindwi.
09:44
Sunday, 09/28/25
Inzira igiye gukoreshwa:
Kuri iki Cyumweru, mu isiganwa ry'abagabo, inzira ikoreshwa ni: KCC - Gishushu-MTN-Mu Kabuga ka Nyarutarama- kuzenguruka Golf- SOS- MINAGRI- Ninzi-KABC- RIB- MediHeal- Women Foundation Ministries (Kwa Mignone)- Ku Muvunyi- KCC.
Iyi ntera y'ibilometero 14,8 barayizenguruka inshuro icyenda.
Izo nshuro nizirangiram barafata umuhanda wa: Kimihurura- Peyage- Rond-point Mu Mujyi- Ku Muhima- Nyabugogo- Kuri Ruliba- Karama ka Norvege- Nyamirambo Tapis Rouge- Kimisagara- Kwa Mutwe- Mu Biryogo- Gitega- Rond point mu Mujyi- Peyage- Mediheal- Ku Kabindi- KCC.
Iyo ntera barayiyinyuramo inshuro imwe.
Nyuma yaho, barongera bajye mu muhanda wa: KCC - Gishushu-MTN-Mu Kabuga ka Nyarutarama- kuzenguruka Golf- SOS- MINAGRI- Ninzi-KABC- RIB- MediHeal- Women Foundation Ministries (Kwa Mignone)- Ku Muvunyi- KCC.
Aha na ho barongera bahazenguruke inshuro esheshatu, ndetse ibilometero 267,5 biraba birangiye.
09:37
Sunday, 09/28/25
Ni bande bahabwa amahirwe kuri iki Cyumweru?
Kuri iki Cyumweru, abakinnyi bahabwa amahirwe ni benshi, ariko amazina agarukwaho cyane ni Umunya-Slovenia Tadej Pogacar n'Umubiligi Remco Evenepoel.
Pogacar ni we ufite amahirwe menshi nyuma yo kwegukana Shampiyona y'Isi y'Amagare ya 2024, aho yatwaye isiganwa rya nyuma ryakiniwe i Zurich.
Byiyongeraho kandi ko asanzwe ari nimero ya mbere ku Isi muri uyu mukino, aho yatwaye Tour de France inshuro enye zirimo ebyiri ziheruka.
Ku mwanya wa kabiri w'abahabwa amahirwe hari Umubiligi Remco Evenepoel watwaye umudali wa Zahabu inshuro eshatu zikurikiranya muri ITT ya Shampiyona y'Isi y'Amagare harimo n'iyi iri kubera i Kigali.
Iki cyiciro ni cyo kirimo n'Umwongereza Thomas Pidcock wabaye uwa gatatu muri La Vuelta iheruka.
Andi mazina agarukwaho arimo Isaac del Toro Del Toro, Ben Healy na Primoz Roglic.
09:26
Sunday, 09/28/25
Bwa mbere mu mateka, u Rwanda rufite abakinyi benshi mu isiganwa rya Shampiyona y'Isi
Ubwo u Rwanda rwakinaga Shampiyona y'Isi ku nshuro ya mbere mu 2014, rwahagarariwe n'abakinnyi batatu ndetse ubwo ruheruka gukina isiganwa ry'abagabo ryo mu muhanda mu 2023, rwari rufitemo Manizabayo Eric 'Karadiyo' gusa.
Mu 2024, nta Munyarwanda wakinnye iri siganwa kubera umwanya u Rwanda rwariho, utararwemereraga kugiramo umukinnyi.
Kuri iyi nshuro, mu 2025, bwa mbere mu mateka, u Rwanda rufite abakinnyi batandatu mu isiganwa ry'abagabo.
Abo ni: Manizabayo Eric, Masengesho Vainqueur, Byukusenge Patrick, Muhoza Eric, Nkundabera Eric na Nsengiyumva Shemu.
Slovania ni cyo gihugu gifite abakinnyi benshi mu isiganwa ryo kuri iki Cyumweru, aho gihagarariwe n'abakinnyi icyenda barimo Tadej Pogacar na Primoz Roglic.
U Bubiligi bufite abakinnyi umunani barimo Remco Evenepoel, ndetse ni ko bimeze kuri Danemark, u Bufaransa, u Butaliyani n'u Bwongereza.
Mu 2024, nta Munyarwanda wakinnye iri siganwa kubera umwanya u Rwanda rwariho, utararwemereraga kugiramo umukinnyi.
Kuri iyi nshuro, mu 2025, bwa mbere mu mateka, u Rwanda rufite abakinnyi batandatu mu isiganwa ry'abagabo.
Abo ni: Manizabayo Eric, Masengesho Vainqueur, Byukusenge Patrick, Muhoza Eric, Nkundabera Eric na Nsengiyumva Shemu.
Slovania ni cyo gihugu gifite abakinnyi benshi mu isiganwa ryo kuri iki Cyumweru, aho gihagarariwe n'abakinnyi icyenda barimo Tadej Pogacar na Primoz Roglic.
U Bubiligi bufite abakinnyi umunani barimo Remco Evenepoel, ndetse ni ko bimeze kuri Danemark, u Bufaransa, u Butaliyani n'u Bwongereza.
09:15
Sunday, 09/28/25
Abakinnyi bamaze gusinya no kwerekwa abafana
Abakinnyi bagiye gukina isiganwa risoza Shampiyona y'Isi y'Amagare ya 2025, beretswe abafana nyuma yo gusinya ko bemeza ko bitabiriye.
07:32
Sunday, 09/28/25
Ibyaranze umunsi wa gatandatu ku Banyarwanda n'ibyo kwitega kuri iki Cyumweru
07:32
Sunday, 09/28/25
Ikaze ku Munsi wa Munani, uwa nyuma wa Shampiyona y'Isi y'Amagare ya 2025
Turi ku Cyumweru, tariki ya 28 Nzeri 2025, ku Munsi wa Munani ukaba n'uwa nyuma wa Shampiyona y’Isi y’Amagare imaze iminsi ibera i Kigali.
IGIHE yongeye kubana nawe nk'uko byagenze mu minsi irindwi ishize, aho ikugeza buri kimwe kibera muri iri rushanwa.
Kuri uyu munsi wa nyuma hagiye gukinwa isiganwa ryo mu muhanda ku bagabo, ku ntera y’ibilometero 267,5 aho ritangira saa 09:45 rigasozwa saa 16:45.
U Rwanda ruhagarariwe n’abakinnyi benshi ku nshuro ya mbere mu mateka, aho rufitemo batandatu ari bo Manizabayo Eric, Masengesho Vainqueur, Byukusenge Patrick, Muhoza Eric, Nkundabera Eric na Nsengiyumva Shemu.
Muri iri siganwa hitezwe ihangana rikomeye ry’abakinnyi bakomeye ku Isi barimo nimero ya mbere Tadej Pogacar na Remco Evenepoel wamukojeje isoni muri “Trime Trial” yakinwe ku munsi wa mbere.
Pogacar ni we watwaye Shampiyona y’Isi iheruka ubwo yari yabereye i Zurich mu 2024.
IGIHE yongeye kubana nawe nk'uko byagenze mu minsi irindwi ishize, aho ikugeza buri kimwe kibera muri iri rushanwa.
Kuri uyu munsi wa nyuma hagiye gukinwa isiganwa ryo mu muhanda ku bagabo, ku ntera y’ibilometero 267,5 aho ritangira saa 09:45 rigasozwa saa 16:45.
U Rwanda ruhagarariwe n’abakinnyi benshi ku nshuro ya mbere mu mateka, aho rufitemo batandatu ari bo Manizabayo Eric, Masengesho Vainqueur, Byukusenge Patrick, Muhoza Eric, Nkundabera Eric na Nsengiyumva Shemu.
Muri iri siganwa hitezwe ihangana rikomeye ry’abakinnyi bakomeye ku Isi barimo nimero ya mbere Tadej Pogacar na Remco Evenepoel wamukojeje isoni muri “Trime Trial” yakinwe ku munsi wa mbere.
Pogacar ni we watwaye Shampiyona y’Isi iheruka ubwo yari yabereye i Zurich mu 2024.