Rukomo (Gicumbi)- Rwamagana

Tour du Rwanda ya 2026 izakomeza ku wa Mbere, tariki ya 23 Gashyantare, hakinwa Agace ka Kabiri kazahagurukira i Nyamata Saa 12:00, kagasorezwa i Huye ku ntera y'ibilometero 134,6.

1. Itamar Einhorn (NSN Development Team): 3h59'54"
2. Hodei Munoz (Soudal Quick-Step Devo Team) " + 04"
3. Henrique Da Silva Avancini (Localiza Meoo/ Swift Pro Cycling): "
4. Mewael Girmay (Istanbul Team): +06"
5. Miguel Heidemann (REMBE | rad-net):
6. Pau Marti (NSN Development Team): +09"
7. Uwiduhaye Mike (Benediction Banafrica Team):
8. Christiaan van Rees (Development Team Picnic PostNL): +10"
9. Henok Mulubrhan (Eritrea):
10. Mauro Cuylits (Lotto - Groupe Wanty):


Kugeza ku mwanya wa 70, abandi bose banganya ibihe n’umukinnyi wa munani.

1. Itamar Einhorn (NSN Devo Team): 4:00:05,02
2. Hodei Gabina Munoz (Soudal Quick-Step Devo Team)
3. Mewael Girmay (Istanbul Team):
4. Henok Mulubrhan (Eritrea):
5. Christian Van Rees (Devo Team Picnic Postnl):
.
.
.
Uwiduhaye Mike (Benediction):
Muhoza Eric (Team Amani):

Abakinnyi 70 ba mbere banganyije ibihe mu gihe abandi batandatu batasoje isiganwa.

Itamar Einhorn ni we uhise yambara umwambaro w'umuhondo kuko ari we utanze abandi i Rwamagana.

Uyu Munya-Israel yahawe amasegonda 10 kuko yatsinze 'sprint' ya gatatu mu isiganwa.

Umukinnyi wa kabiri yabonye amasegonda atandatu, uwa gatatu abona ane.

Umunya-Israel Itamar Einhorn ukinira Ikipe ya NSN ni we wegukanye Agace ka Mbere ka Tour du Rwanda ya 2026 nyuma yo kurusha abandi imbaraga ku murongo.

Ni etape ya gatatu atwaye muri Tour du Rwanda nyuma yo gutsindira i Kayonza n'i Nyaruguru mu 2024.

Ikinyuranyo ni amasegonda 15.

Ikinyuranyo ni amasegonda 20.

Ikinyuranyo ni amasegonda 30 gusa.

Igikundi cyongereye umuvuduko, hasigaramo amasegonda 45 hagati yacyo n'abakinnyi babiri bari imbere.

Isiganwa riri mu bilometero birindwi bya nyuma.

Isiganwa ryinjiye mu bilometero 10 bya nyuma.

Ikinyuranyo hagati y'abakinnyi bari imbere n'igikundi kiracyari umunota n'amasegonda 25.

Abakinnyi babiri b'imbere bamaze kugera mu Mujyi wa Kayonza ariko igikundi cyatangiye kugabanya ikinyuranyo.

Hasigaye ibilometero 16 gusa.

Henrique da Silva Avancini wa Localiza Meoo/Swift Pro Cycling na Miguel Heidemann wa REMBE | rad-net bakomeje kuyobora isiganwa.

Igikundi cyasizwe umunota n'amasegonda 40 mu gihe hasigaye ibilometero 23 gusa.

NSN, Eritrea na Movistar ziri mu makipe ayoboye igikundi.

Abakinnyi babiri bari imbere [Henrique da Silva Avancini wa Localiza Meoo / Swift Pro Cycling na Miguel Heidemann wa REMBE | rad-net] basize igikundi iminota ibiri n'amasegonda 25 mu gihe hamaze gukorwa ibilometero 143.

Ikipe ya NSN ni yo iri imbere mu gikundi cyasizwe iminota ibiri n'amasegonda 35 mu gihe bamaze gukora intera y'ibilometero 117.

BPR Bank Rwanda Plc iri mu bafatanyabikorwa ba Tour du Rwanda 2026, aho izajya ihemba Umunyarwanda witwaye neza kuri buri gace.

Iyi banki yatangiye ibikorwa byayo mu 1975 yitwa Banki y’Abaturage y’u Rwanda. Kugeza ubu ifite amashami 73 hiryo no hino mu gihugu.

Mu irushanwa ry'uyu mwaka, iyi banki iragira iti "Imbere cyane".

Umunya-Bresil Henrique da Silva Avancini ukinira Ikipe ya Localiza Meoo / Swift Pro Cycling yegukanye amanota ya Sprint ya Kabiri yatangiwe i Kabarore, ku kilometero cya 113.

Yakurikiwe na Miguel Heidemann.

Da Silva yegukanye andi masegonda atatu akurwa ku bihe akoresha uyu munsi mu gihe Heidemann yegukanye abiri.

Umukinnyi wa gatatu, Marti, arabona isegonda rimwe.

Imvura ni nyinshi mu muhanda wa Gatsibo- Kayonza- Rwamagana, ibishobora kugabanya umuvuduko w'isiganwa.

Nyuma y'ibilometero 98 bimaze gukorwa, intera iri hagati y'abakinnyi babiri bari imbere n'igikundi iracyari iminota ine n'amasegonda 10.

Ku nshuro ya gatatu yikurikiranya, Tour du Rwanda yanyuze mu Karere ka Nyagatare k’imirambi n’inka nyinshi.

Ukurikije uko isiganwa rihagaze ubu, abakinnyi ba mbere baragera i Rwamagana hagati ya Saa 15:00 na Saa 15:10.

Impuzandengo y'umuduko mu isaha ya kabiri ni 42 km/h.

Ni mu gihe impuzandengo y'umuvuduko kuva isiganwa ritangiye ari 45,5 km/h.

Uruganda rwenga ibinyobwa bisembuye n’ibidasembuye, Bralirwa Plc, rubinyujije mu kinyobwa cyarwo Amstel, rwitabiriye Tour du Rwanda ku nshuro ya gatandatu.

Muri iri siganwa, uru ruganda ruba rususurutsa abaryitabiriye binyuze mu bitaramo bitandukanye rutegura.

Ni rwo kandi ruhemba umukinnyi wegukanye isiganwa ry'umunsi.

Muri uyu mwaka, ibitaramo bya "After party" bizakorerwa i Musanze, Rubavu, Huye ndetse n’i Kigali.

Muri buri gitaramo kandi Amstel izajya ihemba igare rimwe ku mufana wahize abandi.

Si ibyo gusa kuko mu isiganwa ryo kwishimisha rizwi nka ‘social ride’ rikorwa n’abafana batandukanye, iki kinyobwa kizahemba amagare abiri ku munsi.

Iyi ‘social ride’ iteganyijwe tariki ya 26 Gashyantare 2026 i Rubavu n’i Kigali ku munsi wa nyuma tariki ya 1 Werurwe 2026.

Nyuma yo kugera ku Nyange i Nyagatare, Uwiduhaye Mike na Nkundabera Eric bafashwe n'igikundi cyasizwe iminota ine n'amasegonda 20 n'abakinnyi babiri bari imbere.

Muri aka Gace ka Mbere ka Tour du Rwanda 2026, aya masegonda yatangiwe i Nyagatare, ndetse birakorwa i Kabarore na Rwamagana.

I Nyagatare na Kabarore, umukinnyi wa mbere arabona amasegonda atatu, uwa kabiri, abiri, uwa gatatu rimwe.

Ni mu gihe i Rwamagana, uwatsinze (kuko ni we uhagera mbere), arabona amasegonda 10, uwa kabiri atandatu, uwa gatatu ane.

Ibi ni mu rwego rwo gutuma isiganwa ryihuta, kugira ngo igikundi kiticara kigatuza.

Bizakorwa kandi mu Gace ka Kabiri (Nyamata- Huye) no mu Gace ka Gatanu (kuzenguruka i Rubavu).

Muri Tour du Rwanda y'uyu mwaka wa 2026 hari gutangwa ibihembo bisanzwemo n'ibishya ndetse n'ibyari bisanzwe ariko byahinduriwe ababitanga.

Muri ibyo harimo igihembo gihabwa umukinnyi uyobora isiganwa igihe kirekire, kiri gutangwa n'Uruganda Ingufu Gin Ltd nk'uko byagenze mu 2025.

Ibinyobwa uru ruganda rutunganya ni 10 birimo Royal Castle Gin, Nguvu, Club Whiskey, New House, Rabiant, Home Town, New House, Medal Gin n'izindi.

Umunyarwanda Uwiduhaye Mike wa Benediction ni we wageze i Nyagatare ari umukinnyi wa gatatu, yegukanye isegonda rimwe rya bonification.

Andi manota n'amasegonda ya "sprint" aratangirwa i Kabarore na Rwamagana.

Umunya-Bresil Henrique da Silva Avancini ukinira Ikipe ya Localiza Meoo / Swift Pro Cycling ni we wegukanye amanota ya Sprint ya Mbere yatangiwe i Nyagatare, ku kilometero cya 72,6, bagikata berekeza i Ryabega.

Yakurikiwe na Miguel Heidemann.

Da Silva yegukanye amasegonda atatu akurwa ku bihe akoresha uyu munsi mu gihe Heidemann yegukanye abiri.

Umukinnyi wa gatatu arabona isegonda rimwe.

Igikundi cyasizwe iminota ine n'amasegonda 35.

Da Silva Avancini na Miguel Heidemann bamaze gukora ibilometero 67 ndetse basize Nkundabera Eric na Uwiduhaye Mike iminota itatu.

Mu bilometero bitanu biri imbere [i Nyagatare] ni ho hatangirwa amanota ya Sprint n'amasegonda ya 'bonification'.

Ku kilometero 58, Nkundabera na Uwiduhaye basizwe umunota n'amasegonda 50 mu gihe Da Silva Avancini wo muri Bresil na Miguel Heidemann wo mu Budage bakiri imbere.

Igikundi cyasizwe iminota itanu n'amasegonda 50.

Nyuma y'ibilometero 53 bimaze gukorwa, igikundi gitangiye kugabanya intera cyasizwe aho kuri ubu hasigayemo iminota itandatu n'amasegonda 10.

Mu bilometero 20 biri imbere ni ho hatangirwa amasegonda ya "Bonifications" ashobora kugena utsindira i Rwamagana.

Nkundabera na Uwiduhaye basizwe umunota n'amasegonda 50.

Uwiduhaye Mike (Benediction) na Nkundabera Eric (Team Rwanda) basizwe umunota n'amasegonda 20 mu gihe hamaze gukorwa ibilometero 47.

Prime Insurance imaze kumenyekana mu gutanga serivisi z’ubwishingizi ndetse ikabifatanya no guteza imbere siporo, iterambere ry’igihugu ndetse n’ubukerarugendo, iri muri Tour du Rwanda nk'umuterankunga wayo ku nshuro ya cyenda.

Prime Insurance yatangiye gutera inkunga Tour du Rwanda mu 2018, ikora ibikorwa bitandukanye birimo kwishingira irushanywa no guhemba abakinnyi bitwaye neza mu byiciro bitandukanye.

Prime Insurance kandi igira umwihariko wo guhemba umukinnyi ukiri muto wagaragaye mu irushanwa hagamijwe gukomeza gukangurira urubyiruko kwitabira ibikorwa nk’ibi no kubereka ko ibyo bakora byose bashyigikiwe.

Kuri iyi nshuro Prime Insurance iri gutanga ubutumwa butandukanye ku bakiliya bayo cyane cyane ibakangukira gufata ubwishingizi bw’inkongi y’umuriro hagamijwe kurinda inzu zabo.

Mu bilometero 39 bya mbere, igikundi cyasizwe iminota irindwi n'abakinnyi babiri bari imbere.

Uwiduhaye na Nkundabera bari hagati, basizwe amasegonda 45.

Heidemann and Da Silva bageze ku kilometero cya 35, basize amasegonda 45 Uwiduhaye Mike wa Benediction na Nkundabera Eric 'Buravan' wa Team Rwanda.

Aya manota yatangiwe ku kilometero cya 32,8 i Gatsibo.

1.Heidemann
2. De Silva
3. Uwiduhaye

Teweldbrhan wa May Stars yasigaye mu gihe Heidemann na Da Silva bagiye gushaka amanota y'umusozi wa Nyagakoni.

Ikipe ya NSN ni yo iri imbere mu gikundi.

Nyuma y'ibilometero 30 bimaze gukorwa, Mugalu ategereje igikundi ngo bajyane kuko yananiwe gufata abakinnyi bari imbere.

Umunyarwanda Uwiduhaye Mike ukinira Ikipe ya Benediction, acitse abo bari kumwe imbere agenda wenyine mu gihe bagiye kugeera ahatangirwa amanota yo kuzamuka.

Abakinnyi bayoboye isiganwa batangiye kuzamuka umusozi wa mbere (Nyagakoni), ahaza gutangirwa amanota yo kuzamuka.

Ikinyuranyo hagati y'abakinnyi bari imbere na Shafik Mugalu wa Team Amani ni amasegonda 45.

Igikundi cyasizwe iminota ibiri n'amasegonda 45.

Abakinnyi bayoboye ni Da Silva (Localiza), Heidemann (Rembe), Teweldbrhan (May Stars), Nkundabera Eric (Rwanda) na Uwiduhaye Mike (Bénédiction).

Abakinnyi batanu bari imbere basize ababakurikiye amasegonda 30 mu gihe igikundi cyasizwe iminota ibiri n'amasegonda atanu.

Ibilometero 12 ni byo bimaze gukorwa mu isiganwa.

Nyuma y'ibilometero birindwi, nta mpinduka ziraba mu isiganwa.

Mugalu aracyasigwa amasegonda 20 mu gihe igikundi cyasizwe umunota n'amasegonda 20.

Ku kilometero cya gatanu, abakinnyi batanu bari imbere. Abo ni: Da Silva (Localiza), Heidemann (Rembe), Teweldbrhan (May Stars), Nkundabera (Rwanda) na Uwiduhaye (Bénédiction).

Basize Shafik Mugalu (Amani) amasegonda 20 mu gihe igikundi cyasigaye umunota ndetse kiratuje.

Saa Tanu n'iminota ine ni bwo abakinnyi batangiye kubarirwa ibihe nyuma yo kugenda ibilometero 2,1.

Kuri ubu bagiye gusiganwa intera y'ibilometero 173,6 byiganjemo ahantu hamanuka no gutambika.

Saa Tanu zuzuye ni bwo abakinnyi b'amakipe 84 b'amakipe 17 ari gukina Tour du Rwanda 2026 bahagurutse mu Rukomo.

Bagiye kubanza gukora intera y'ibilometero 2,1 mbere y'uko bagera hafi yo ku Cyuru aho kubara ibihe bitangirira.

Tour du Rwanda y'uyu mwaka izakinwa n’amakipe 17 nyuma y’uko Madar Cycling Team yo muri Algeria ititabiriye.

Amakipe y'ibihugu ahari ni u Rwanda, Eritrea, Ethiopia na African Mixed Team.

Continental Teams ni Team Amani [Rwanda], Benediction Banafrica Team [Rwanda], May Stars [Rwanda], Rembe Rad Net [u Budage], Localiza Meoo Swift Pro Cycling [Brazil], Bike Aid [u Budage], Istanbul Team [Türkiye] na Tshenolo Pro Cycling Team [Afurika y’Epfo].

Ni mu gihe World Tour Development Teams zitabiriye ari Movistar Team Academy [Espagne], NSN Development Team [u Busuwisi], Soudal Quick-Step [u Bubiligi], Picnic Postnl [u Buholandi] na Lotto Groupe Wanty [u Bubiligi].

Nyuma yo kurara i Kigali, abakinnyi bakoze urugendo rw'isaha imwe bava i Kigali.

Bagiye kubanza gusinya ko bitabiriye isiganwa, berekwe Abanya-Gicumbi mbere y'uko isiganwa ritangira Saa 11:00.

Akarere ka Gicumbi ni kamwe muri dutanu tugize Intara y’Amajyaruguru. Gafite amateka yihariye mu buzima bw’Abanyarwanda cyane ko kabaye igicumbi cy’urugamba rwo kubohora igihugu, kanafite Umurindi w’Intwali. Uru rugamba rwatumye hongera kuvuka bwa kabiri u Rwanda rushya rwishimiwe na benshi bazi aho rwavuye n’aho rugeze kuri ubu.

Ni akarere gafite ibihe bikonje, akagoroba kaho n’igitondo bigira imbeho ubundi imenyerewe mu bihugu by’u Burayi kubera imiterere yabyo n’aho biherereye ku Isi. Iyo uturutse mu bindi bice by’igihugu bigusaba kwifubika mu gihe abahatuye cyangwa ba kavukire usanga umubiri wabo waramenyereye, ubukonje bwamaze kuba mu byo babana na byo.

Gicumbi ni akarere gafite ubuso bungana na kilometero kare 829. Gaherereye Iburasirazuba bw’iyi Ntara. Mu Majyaruguru, gahana imbibi n’Akarere ka Burera na Uganda.

Iburasirazuba hari Uturere twa Nyagatare na Gatsibo, mu Majyepfo hari Akarere ka Gasabo n’agace gato ka Rwamagana ku nkengero z’ikiyaga cya Muhazi cyizwi mu bukerarugendo mu byiza bitatse u Rwanda. Mu Burengerazuba gahana imbibi n’Akarere ka Rulindo.

Kugera i Gicumbi bamwe bibuka ku izina rya Byumba uturutse nko muri Kigali cyangwa se Gasabo, ugenda ubona ubwiza bw’imisozi y’u Rwanda mu buryo butandukanye n’uko wari usanzwe uyizi, hagomba kuba ari ho havuye izina ko u Rwanda ari ‘urw’imisozi igihumbi’.

Gicumbi-Gatsibo-Nyagatare ni rumwe mu ngendo ziryoheye ijisho ku bakunda ibidukikije kimeza mu Rwanda kuko ugenda usa n’umanuka imisozi myiza cyane wegera ibibaya bya Gatsibo, ugana imirambi ya Nyagatare n’isura y’igitaka, imiterere bigenda bihinduka mu maso yawe.

Kuhatembera ni ukuruhura umutwe no kwirebera uko u Rwanda rugenda ruhinduka mu maso y’urusura.

Gicumbi ni Umujyi witeje imbere mu bijyanye n’ubuzima bwiza bw’abatuye aka karere. Ibitaro bya Byumba biriranga ukigera muri uwo mujyi mu nyubako zabyo nziza ziri ahirengeye. Ntitwakwibagirwa amasoko, imihanda y’imigenderano irimo gushyirwamo kaburimbo n’ibindi.

Ucyinjira mu Mujyi kandi ubona Ibiro byiza by’akarere, Ibiro bya Polisi, Hotel Urumuri n’izindi nyubako z’ubucuruzi zitandukanye.

Ni akarere kandi karimo amashuri menshi abanza, ayisumbuye ndetse na Kaminuza y’Ubugeni n’Ikoranabuhanga ya Byumba.

Gicumbi ni ku gicumbi cy’amateka y’urugamba rwo kubohora igihugu no guhagarika Jenoside yakorewe Abatutsi.

Uhasanga indaki yari iy’umugaba mukuru w’Ingabo ubu uyobora u Rwanda, Perezida Paul Kagame, hakaba n’inzira z’urugamba aho ugera ugasobanurirwa uko urugamba rwagiye rupangwa.

Gicumbi uhasanga n’amateka y’Ibwami nk’ahitwa Rutare hahoze hatabarizwa Abami n’Abagabekazi. Hakagira kandi umwihariko mu bijyanye n’Imbyino nziza nk’ikinimba, ni kimwe mu birango by’umuco muri ako gace kazwi nko mu Rukiga.

Ushaka gutarama kandi ku marwa ukizihirwana n’abahatuye ku kagoroba cyangwa ikiruhuko, Umujyi wa Gicumbi ubonekamo ikigage cyengetse cyiza cyane, kimwe cy’umwimerere.

Tubahaye ikaze mu isiganwa mpuzamahanga rizenguruka u Rwanda mu mukino wo gusiganwa ku magare "Tour du Rwanda 2026", rigiye gutangira kuri iki Cyumweru hakinwa umunsi waryo wa mbere, mu Gace ka Mbere gahagurukira mu Rukomo i Gicumbi kerekeza i Rwamagana ku ntera y'ibilometero 173,6.

- Etape 1: Rukomo- Rwamagana
-Intera: Kilometero 173,6
-Isaha yo guhaguruka: Saa 11:00
-Isaha yo gusoza: Hagati ya saa 15:07 na 15:46

Tour du Rwanda ni cyo gikorwa cy’imikino cyonyine kigera mu Ntara zose z’u Rwanda kandi gikurikiranwa n’Abanyarwanda benshi badasabwe ikiguzi na gito, muri make ni ku buntu.

Ni inshuro ya munani iri siganwa riri kuba riri ku kwego rwa 2.1 nyuma y’arindwi aheruka, yegukanywe n’Abanya-Erythrée; Merhawi Kudus mu 2019 na Natnael Tesfazion mu 2020, Umunya-Espagne Cristian Rodriguez, Natnael Tesfazion mu 2022, Henok Mulubrhan mu 2023, Umwongereza Joe Blackmore mu 2024 n'Umufaransa Fabien Doubey mu 2025.


Tour du Rwanda yatangiye gukinwa mu 1988, yabaye mpuzamahanga kuva mu 2009, aho yashyizwe ku rwego rwa 2.2 kugeza mu 2018.

Itandukaniro ry’ibi byiciro byombi riba ko mu isiganwa riri kuri 2.1, amakipe yemerewe gutumirwamo arimo ayo mu cyiciro cya mbere ‘World Tour’ atarenze 50% y’amakipe yose agize isiganwa, n’amakipe yo mu cyiciro cya kabiri ‘Pro-Continental teams’, naho isiganwa riri ku cyiciro cya 2.2 ryo amakipe yemerewe gutumirwa ni ayo mu cyiciro cya gatatu gusa bita ‘Continental teams’ n’amakipe y’ibihugu yo ku mugabane irushanwa.