Musanze- Kigali

Agace ka Karindwi: Musanze- Kigali
Isaha yo guhaguruka: Saa 11:00
Isaha yo gusoza: Saa 15:04
Abasiganwa: 67
Intera: 147,2 Km

Umwanditsi : Eric Tony Ukurikiyimfura

Amafoto : Tour du Rwanda

Uko isiganwa riri kugenda

15:31

samedi, 28/02/2026

Umunyarwanda witwaye neza mu Gace ka Karindwi: Masengesho Vainqueur (Benediction Banafrica Team)

15:30

samedi, 28/02/2026

Ikipe nziza yahembwe na Inyange Industries: Soudal Quick-Step Devo Team

15:29

samedi, 28/02/2026

Umukinnyi wayoboye isiganwa igihe kirekire wahembwe na Ingufu Gin Ltd: Reuben Thompson (Lotto-Groupe Wanty)

15:28

samedi, 28/02/2026

Umunyarwanda mwiza mu isiganwa wahembwe na BPR Bank: Niyonkuru Samuel (Team Amani)

15:28

samedi, 28/02/2026

Umunyafurika witwaye neza wahembwe na RwandAir: Amaniel Desta (Team Amani)

15:26

samedi, 28/02/2026

Umunyafurika muto mwiza: Amanuel Desta (Team Amani)

15:25

samedi, 28/02/2026

Umukinnyi wahize abandi mu kuzamuka: Miguel Heidemann (REMBE | rad-net)

15:24

samedi, 28/02/2026

Umukinnyi muto witwaye neza mu isiganwa wahembwe na Prime Insurance: Duarte Marivoet (Lotto-Groupe Wanty)

15:21

samedi, 28/02/2026

Umukinnyi wahize abandi muri sprint: Henok Mulubrhan (Eritrea)

15:18

samedi, 28/02/2026

Umukinnyi wambaye umwambaro w'umuhondo wahembwe na Visit Rwanda: Kretschy Moritz (NSN Development Team)

15:18

samedi, 28/02/2026

Umukinnyi wegukanye Agace ka Karindwi ka Tour du Rwanda 2026 wahembwe na Amstel: Henrique Bravo Ribero (Soudal Quick Step Devo Team)

15:11

samedi, 28/02/2026

Tour du Rwanda 2026 izasozwa ku Cyumweru

Nyuma y'iminsi irindwi imaze, Tour du Rwanda ya 2026 izasozwa ku Cyumweru, tariki ya 1 Werurwe, hakinwa Agace ka Munani aho abakinnyi bazazenguruka i Kigali ku ntera y'ibilometero 83,8 guhera Saa 13:00.

15:07

samedi, 28/02/2026

Moritz Kretschy yasatiriye kwegukana Tour du Rwanda 2026


Umudage Moritz Kretschy ukinira Ikipe ya NSN Development Team yasatiriye kwegukana Tour du Rwanda 2026 nyuma y’uko hagumyemo iminota ibiri hagati ye n’umukinnyi umurikiye mu gihe hasigaye Agace ka Munani kazakinwa ku Cyumweru:

Dore uko urutonde rusange ruhagaze:

1. Moritz Kretschy (NSN Devo Team): 21h09’08”
2. Johannes Adamietz (Rembe | Rad-net): +2’08”
3. Duarte Marivoet (Lotto-Groupe Wanty): +2’32”
4. Amaniel Desta (Team Amani): +3’13”
5. Jurgen Zomermaand (Picnic Devo Team): +4’13”
6. Henrique Bravo Ribeiro (Soudal Quick-Step Devo Team): +4’21”

10. Henok Mulubrhan (Eritrea): +4’41”
17. Niyonkuru Samuel (Team Amani): +5’51”


14:58

samedi, 28/02/2026

Abakinnyi ba mbere mu Gace ka Karindwi ka Tour du Rwanda 2026 (Musanze- Kigali: 147,2 Km):

1. Henrique Bravo Ribero (Soudal Quick Step Devo Team): 3h20’59”
2. Lucas Van Gils (Lotto-Groupe Wanty): +09”
3. Henok Mulubrhan (Eritrea):
4. Hodei Munoz Gabina (Soudal Quick-Step Devo Team):
5. Moritz Kretschy (NSN Devo Team):
16. Masengesho Vainqueur (Benediction): +30”

14:28

samedi, 28/02/2026

Bravo Ribeiro yegukanye Agace ka Karindwi ka Tour du Rwanda 2026

Umunya-Bresil Bravo Ribeiro w'imyaka 20, ukinira Ikipe ya Soudal Quick-Step Development Team, yegukanye Agace ka Karindwi ka Tour du Rwanda 2026, kasorejwe kuri Kigali Pele Stadium nyuma yo kuva i Musanze ku ntera y'ibilometero 147,2.

14:27

samedi, 28/02/2026

Ribeiro agiye imbere

Ribeiro (Soudal) ni we uhise ujya imbere basatira kuri Pele Stadium.

14:24

samedi, 28/02/2026

Araya ari imbere

Nahom Zeray Araya wa Eritrea ari kuzamuka Cosmus wenyine nyuma yo kuva mu gikundi.

Yatsindiye ku i Rebero mu 2025.

14:23

samedi, 28/02/2026

Igikundi cyafashe Thompson


Thompson wari washyizemo amasegonda 30 azamuka kwa Mutwe, yafashwe n'igikundi.

14:20

samedi, 28/02/2026

Thompson ari imbere wenyine

Reuben Thompson w'Ikipe ya Lotto yacitse abakinnyi ba Movistar bari kumwe, agenda imbere wenyine.

14:20

samedi, 28/02/2026

Hasigaye ibilometero 10

Abasiganwa bageze Nyabugogo ahari abantu benshi bari babategereje.

Ikinyuranyo ni umunota n'amasegonda atanu.

14:09

samedi, 28/02/2026

Hasigaye ibilometero 15

Ikimyuranyo hagati y'abakinnyi batatu bari imbere n'igikundi ni umunota n'amasegonda 15.

14:05

samedi, 28/02/2026

Igikundi cyongereye umuvuduko

Hasigayemo umunota n'amasegonda 20.

Hasigaye ibilometero 20 gusa

14:02

samedi, 28/02/2026

Hasigaye ibilometero 25

Abakinnyi batatu bari imbere barimo babiri ba Movistar (Novak na Pareta) na Thompson wa Lotto bashyizemo iminota ibiri n’amasegonda atanu.

13:57

samedi, 28/02/2026

Nyabugogo yatangiye gufata irangi

Muri aka gace ni hamwe mu haba abakunzi b'umukino w'amagare mu Mujyi wa Kigali.

Abakinnyi barahanyura berekeza kuri Kigali Pele Stadium.

13:52

samedi, 28/02/2026

Igikundi gitangiye gusatira

Ikinyuranyo kiramanutse kigera ku minota ibiri n'amasegonda 35.

Ikipe ya NSN na Rembe ni zo ziri imbere mu gikundi.

Hasigaye ibilometero 30.

13:47

samedi, 28/02/2026

Hagezemo iminota itatu

Ku kilometero cya 112, abakinnyi batatu hari imbere bashyizemo iminota itatu hagati yabo n'igikundi.

13:45

samedi, 28/02/2026

Imvura ntiyabujije Abanya-Gicumbi kureba isiganwa

13:37

samedi, 28/02/2026

Ikinyuranyo cyazamutse cyane

Ku kilometero cya 100, hagezemo iminota ibiri n'amasegonda 20.

Hasigaye ibilometero 47 gusa.

13:33

samedi, 28/02/2026

BPR Bank Rwanda Plc iracyari kumwe n'Abanyarwanda muri Tour du Rwanda 2026


BPR Bank Rwanda Plc iri mu bafatanyabikorwa ba Tour du Rwanda 2026, aho ihemba Umunyarwanda witwaye neza kuri buri gace.

Iyi banki yatangiye ibikorwa byayo mu 1975 yitwa Banki y’Abaturage y’u Rwanda. Kugeza ubu ifite amashami 73 hiryo no hino mu gihugu.

Mu irushanwa ry'uyu mwaka, iyi banki iragira iti "Imbere cyane".

13:25

samedi, 28/02/2026

Abakinnyi b'imbere barenze mu Rukomo

Pareta, Novak na Thompson bari imbere barenze mu Rukomo mu gihe igikundi cyasizwe umunota n'amasegonda 50 ku kilometero cya 93.

13:19

samedi, 28/02/2026

Nyabugogo bariteguye

Tour du Rwanda 2026 igiye kwinjira i Kigali bwa mbere nyuma y'uko yatangiriye i Gicumbi igakomereza mu Ntara.

13:17

samedi, 28/02/2026

Thompson yegukanye Umusozi wa Gicumbi

Reuben Thompson w'Ikipe ya Lotto yegukanye amanota y'Umusozi wa Gicumbi yatangiwe mu Mujyi ku kilometero cya 83.

1. Thompson
2. Novak
3. Pareta

13:09

samedi, 28/02/2026

Imvura yatangiye kugwa

Ku kilometero cya 76, abakinnyi batatu bari imbere basize igikundi umunota n'amasegonda 30.

Imbere mu bilometero birindwi haratangwa amanota y'Umusozi wa Gicumbi mu Mujyi.

13:05

samedi, 28/02/2026

Ubwo abakinnyi bazamukaga Umusozi wa Tetero

12:56

samedi, 28/02/2026

Ikinyuranyo cyongeye kuzamuka

Ku kilometero cya 70, abakinnyi bari imbere bashyizemo umunota n'amasegonda 15

Ikipe ya NSN ifite umukinnyi wambaye umwambaro w'umuhondo ni yo iyoboye igikundi.

Ikirere cy'i Gicumbi kirijimye cyane.

12:53

samedi, 28/02/2026

Prime Insurance yegereye buri wese muri Tour du Rwanda


Prime Insurance imaze kumenyekana mu gutanga serivisi z’ubwishingizi ndetse ikabifatanya no guteza imbere siporo, iterambere ry’igihugu ndetse n’ubukerarugendo, iri muri Tour du Rwanda nk'umuterankunga wayo ku nshuro ya cyenda.

Prime Insurance yatangiye gutera inkunga Tour du Rwanda mu 2018, ikora ibikorwa bitandukanye birimo kwishingira irushanywa no guhemba abakinnyi bitwaye neza mu byiciro bitandukanye.

Prime Insurance kandi igira umwihariko wo guhemba umukinnyi ukiri muto wagaragaye mu irushanwa hagamijwe gukomeza gukangurira urubyiruko kwitabira ibikorwa nk’ibi no kubereka ko ibyo bakora byose bashyigikiwe.

12:48

samedi, 28/02/2026

Ubwo abakinnyi banyuraga mu cyari kuri Base

12:46

samedi, 28/02/2026

Karadiyo yafashwe n'igikundi

Ku kilometero cya 60, igikundi cyafashe Manizabayo Eric Karadiyo mu gihe cyasizwe amasegonda 25.

12:45

samedi, 28/02/2026

Thompson yegukanye Umusozi wa Tetero

Reuben Thompson wa Lotto Groupe Wanty yegukanye amanota y'Umusozi wa Tetero.

1. Thompson
2. Novak
3. Pareta
4. Manizabayo

12:37

samedi, 28/02/2026

Karadiyo yavuye mu gikundi

Ku kilometero cya 54, Manizabayo Eric Karadiyo wa Benediction yavuye mu gikundi akurikira abari imbere.

12:34

samedi, 28/02/2026

Abakinnyi ba Movistar bari imbere batangiye kunanirwa

Reuben Thompson wa Lotto ari kurinda Roger Sala Pareta na Pavel Novak kugira ngo bajyane.

Hasigayemo amasegonda 55 hagati yabo n'igikundi.

12:28

samedi, 28/02/2026

Abakinnyi bayoboye isiganwa n'abari mu gikundi kiyobowe na Niyonkuru Samuel

12:24

samedi, 28/02/2026

Ikinyuranyo cyagabanyutse

Ku kilometero cya 51, intera iri hagati y'abakinnyi batatu bari imbere n'igikundi ni umunota n'amasegonda 10.

Igikundi na cyo kiri kuzamuka Umusozi wa Tetero.

12:21

samedi, 28/02/2026

Amstel igarukanye na Tour du Rwanda i Kigali

Uruganda rwenga ibinyobwa bisembuye n’ibidasembuye, Bralirwa Plc, rubinyujije mu kinyobwa cyarwo Amstel, ruri Tour du Rwanda ku nshuro ya gatandatu.

Muri iri siganwa, uru ruganda ruba rususurutsa abaryitabiriye binyuze mu bitaramo bitandukanye rutegura.

Ni rwo kandi ruhemba umukinnyi wegukanye isiganwa ry'umunsi.

Mu irushanwa ry’uyu mwaka, Amstel yateguye ibitaramo bya “after party” mu mijyi itandukanye aho bamwe mu babyitabira batsindira amagare. I Kigali ni ho hatahiwe.

Iki gitaramo kizaba ku Cyumweru.

12:17

samedi, 28/02/2026

Ikinyuranyo cyazamutse

Hagezemo umunota n'amasegonda 45.

Abakinnyi batatu bari imbere bari kuzamuka Umusozi wa Tetero bashobora kumaramo hagati y'iminota 30 na 50.

12:14

samedi, 28/02/2026

Team Amani mu makipe ayoboye igikundi

Ikipe ya Amani ikinamo Muhoza Eric na Niyonkuru Samuel iri mu ziyoboye igikundi.

Izindi ni Rembe na NSN, aho zose zifite abakinnyi muri batatu ba mbere ku rutonde rusange.

Ikinyuranyo ni umunota n'amasegonda 30 ku kilometero cya 45.

12:10

samedi, 28/02/2026

Amwe mu mafoto yo mu muhanda

12:09

samedi, 28/02/2026

Abakinnyi bari imbere ntibahangayikishije cyane

17. Thompson
19. Novak

Bombi barushwa iminota itanu n'amasonda 27 ku rutonde rusange.

Umuvuduko wo mu isaha ya mbere y'isiganwa wari 42 km/h.

12:05

samedi, 28/02/2026

Thompson yegukanye Sprint yo kuri Base

Ni amanota y'ahatambika yatangiwe ku Mashini, kuri Base, ku kilometero cya 40.

1. Thompson
2. Pareta
3. Novak

12:03

samedi, 28/02/2026

Abasiganwa bageze kuri Base

Roger Sala Pareta, Pavel Novak (Movistar) na Reuben Thompson (Lotto) bari gutambika kuri Base.

Ni bo begukana sprint kuko ubu bashyizemo umunota n'amasegonda 30.

11:58

samedi, 28/02/2026

Hagezemo umunota

Roger Sala Pareta, Novak (Movistar) na Reuben Thompson (Lotto) bashyizemo umunota n'amasegonda atanu.

Bamaze gukora ibilometero 35.

Mu biometero bitanu biri imbere hari sprint yo ku Mashini (Base).

11:54

samedi, 28/02/2026

Ikinyuranyo cyazamutse

Abakinnyi batatu bari imbere bashyizemo amasegonda 40 nyuma y'ibilometero 32 bamaze gukora.

11:52

samedi, 28/02/2026

Imbere hari abakinnyi batatu

Ku kilometero cya 30, Novak na Parrera ba Movistar Devo Team bafashe Thompson wari imbere.

Bose hamwe basize igikundi amasegonda 30.

11:49

samedi, 28/02/2026

Reuben Thompson ni we uri imbere


Uyu mukinnyi wa Lotto-Groupe Wanty yashyizemo amasegonda 20.

Yaherukaga kujya imbere gutya ubwo hakinwaga Agace ka Huye-Rusizi, igare rye rigirira ikibazo muri Nyungwe.

11:46

samedi, 28/02/2026

Abakinnyi bayoboye isiganwa barahinduka buri kanya

11:45

samedi, 28/02/2026

Imbere hari umukinnyi umwe

Umukinnyi w'Ikipe ya Lotto-Groupe Wanty acitse abandi amanuka muri Buranga wenyine.

11:42

samedi, 28/02/2026

Martins yegukanye Umusozi wa Mbere

Bruno Martins w'Ikipe ya Localiza yegukanye amanota y'Umusozi wa Buranga ku kilometero cya 19.

1. Martins
2. Manizabayo
3. Araya
4. Cisneros

11:38

samedi, 28/02/2026

Abakinnyi batandatu bari imbere

Igikundi kiri kubareba imbere yabo.

Mu bagiye harimo umukinnyi wa Benediction.

Abo ni De Clercq na Cisneros (Soudal), Aman (Istanbul), Araya (Eritrea), Manizabayo (Benediction) na Martins (Localiza).

Bashyizemo amasegonda 20 ku kilometero cya 17.

11:37

samedi, 28/02/2026

Ingufu Gin Ltd ikomeje kubana n'Abanyarwanda muri Tour du Rwanda

Kuva ku munsi wa mbere kugeza kuri uyu wa Gatandatu, Ingufu Gin Ltd ikomeje kubana n'Abanyarwanda muri Tour du Rwanda ya 2026.

Muri iri rushanwa, Uruganda Ingufu Gin Ltd ruhemba umukinnyi wayoboye isiganwa igihe kirekire.

Ni mu gihe aho runyura hose, rususurutsa abakurikiye isiganwa rubagezaho n'ibicuruzwa rubafitiye.

Ibinyobwa uru ruganda rutunganya ni 10 birimo Royal Castle Gin, Nguvu, Club Whiskey, New House, Rabiant, Home Town, New House, Medal Gin n'ibindi.

11:31

samedi, 28/02/2026

Abakinnyi bari kugenda batatanye

11:25

samedi, 28/02/2026

Abakinnyi batatu bongeye kujya imbere

Ku kilometero cya 12, Novak (Movistar), Cisneros (Soudal) na Martins (Localiza) basize igikundi amasegonda 20.

Imbere hari Umusozi wa Buranga aho amanota atangirwa ku kilometero cya 19.

11:23

samedi, 28/02/2026

Igikundi cyongeye kugarura abakinnyi bari imbere

Hari abakinnyi benshi bari kugerageza kujya imbere, ariko igikundi kiri maso.

Mu bari imbere, bari bashyizemo amasegonda atanu, harimo Miguel Heidemann wa Rembe, uyoboye mu kuzamuka imisozi.

11:16

samedi, 28/02/2026

Ubwo abasiganwa bahagurukaga i Musanze

11:14

samedi, 28/02/2026

Bamwe batangiye gucika igikundi

Ku kilometero cya kane, abakinnyi batanu bashatse bavuye mu gikundi ariko bidatinze gihita kibagarura.

11:13

samedi, 28/02/2026

Abakinnyi bari hamwe mu gikundi

Isiganwa ryatangiye abakinnyi bose bagendera hamwe mu gikundi, aho abari imbere badashaka ko hari ugenda.

11:07

samedi, 28/02/2026

Abakinnyi batangiye kubarirwa ibihe

Nyuma yo kugenda ibilometero 3,1 bitabarwa, bakagera kuri Mukungwa, abakinnyi batangiye kubarirwa ibihe.

Urugendo rutangiye, rusorezwa kuri Kigali Pele Stadium nyuma yo kunyura i Gicumbi, rureshya n'ibilometero 147,2.

11:02

samedi, 28/02/2026

AGACE KA KARINDWI KA TOUR DU RWANDA 2026 KATANGIYE

Abakinnyi bahagurutse imbere y'Isoko rya Goico i Musanze.

Ibihe biratangira kubarwa bageze kuri Mukungwa.

11:00

samedi, 28/02/2026

Abakinnyi 67 ni bo batangiye isiganwa

Team Rwanda isigaranyemo abakinnyi batatu nyuma y'uko Nsengiyumva Shemu na Tuyizere Etienne bavuyemo.

May Stars ifitemo abakinnyi babiri gusa ari bo Ngendahayo Jeremie na Ruhumuriza Aime.

Tour du Rwanda 2026 yari yatangiwe n'abakinnyi 84.

10:43

samedi, 28/02/2026

Abakinnyi biteguye gutangira isiganwa

09:01

samedi, 28/02/2026

Tour du Rwanda 2026 ishobora gutwarwa kuri uyu wa Gatandatu


Agace ka Karindwi ka Tour du Rwanda 2026 gashobora gusiga bamwe bakuyeyo amaso, abandi bakagira icyizere cyo gutwara iri rushanwa.

Mu gihe hasigaye iminsi ibiri gusa, umukinnyi wa mbere ku rutonde rusange, Moritz Kretschy w'Ikipe ya NSN Development Team, arusha abamukurikiye igihe kirenga iminota ibiri.

Ni ibihe byinshi ku buryo bigoye kubikuramo, ariko mu gihe uyu Mudage yagorwa no kuzamuka imisozi yo kuri uyu wa Gatandatu, umwe mu bakinnyi bari hafi akabyitwaramo neza, birashoboka ko iyi minota yagiriyemo i Rubavu (Karongi- Rubavu) yavamo.

Akenshi usanga umunsi wa nyuma ukinirwa i Kigali uba urimo imibare myinshi yo gucungana ku jisho ku buryo utabamo ikinyuranyo kigaragara. Mu 2025, agace ka nyuma ntikakinwe kubera imvura yaguye.

08:54

samedi, 28/02/2026

Amahirwe ya nyuma yo kwigaragaza ku Banyarwanda n'Abanya-Eritrea


Kuva Tour du Rwanda igiye ku rwego rwa 2,1 nta Munyarwanda urayegukana ndetse Mugisha Moise ni we mukinnyi rukumbi wegukanyemo agace kamwe gasoza irushanwa rya 2022.

Kimwe n'Abanyarwanda, Abanya-Eritrea batwaye iri rushanwa inshuro enye kuva mu 2019, barimo Henok Mulubrhan na Merhawi Kudus bagarutse uyu mwaka, na bo ntiborohewe na Tour du Rwanda ya 2026.

Mu gihe abakinnyi bo muri ibi bihugu byombi biyumva ndetse bakaba bazwi nk'abazamutsi beza, bahanzwe amaso muri aka gace ka Musanze-Kigali karimo imisozi ine yakora ikinyuranyo.

Mu duce dutandatu tumaze gukinwa, tune cyangwa dutanu muri two twasorejwe ahatambika (muri sprint): Rwamagana, Huye, Rubavu (ku munsi wa kabiri) na Musanze.

08:48

samedi, 28/02/2026

Uko Agace ka Karindwi ka Tour du Rwanda 2026 gateye

Etape ya Musanze-Kigali si nshya mu mateka ya Tour du Rwanda, ariko iy'uyu mwaka irihariye.

Mbere na mbere, isiganwa rirasorezwa kuri Kigali Pele Stadium, ibyaherukaga mu 2019.

Mbere yo kugera i Kigali, abakinnyi barahaguruka imbere y'Isoko rya Goico babanze gukora intera y'bilometero 3,1 bitabarwa. Bitandukanye n'uko byajyaga bikorwa, abakinnyi bakanyura i Shyorongi, kuri iyi nshuro baranyura i Gicumbi.

Amanota ya mbere yo kuzamuka aratangirwa muri Buranga ku kilometero cya 19, akurikirwe n'aya Sprint atangwa inshuro imwe kuri Base (ku kilometero cya 40,5).

Andi manota yo kuzamuka ni ayo mu Musozi muremure wa Tetero (ku kilometero cya 57), i Gicumbi ku kilometero cya 83, no kuri Kigali Pele Stadium (ku kilometero cya 147,2) basoza.

Uyu musozi wa nyuma uratangira kubarwa guhera Kwa Mutwe (Mur de Kigali).

08:36

samedi, 28/02/2026

Abakinnyi bahagaze neza ku rutonde rusange nyuma y’uduce dutandatu tumaze gukinwa (ibilometero 747):


1. Kretschy Moritz (NSN Development Team): 17:48:00
2. Adamietz Johannes (Rembe | Rad-Net): +2:02
3. Desta Teweldemedhn Amaniel (Team Amani): + 2:18
4. Marivoet Scholiers Duarte (Lotto - Groupe Wanty): +2:32
5. Zomermaand Jurgen (Development Team Picnic Postnl): +4:07
.
.
.
9. Kudus Merhawi (Eritrea): +4:32
15. Mulueberhan Henok (Eritrea): +4:41
16. Niyonkuru Samuel (Team Amani): +4:59
23. Mugisha Moise (Benediction Banafrica Team): +5:57
25. Muhoza Eric (Team Amani): +8:06
26. Masengesho Vainqueur (Benediction Banafrica Team): +9:07

08:35

samedi, 28/02/2026

Ibyaranze Agace ka Gatandatu i Musanze n'ibyitezwe kuri uyu munsi ubanziriza uwa nyuma muri Tour du Rwanda 2026:

Ku munsi wa gatatu wikurikiranya, Umudage Moritz Kretschy ukinira Ikipe ya NSN Devo Team arakina isiganwa rya Tour du Rwanda 2026 yambaye umwambaro w'umuhondo yafashe ku wa Gatatu.

Iyi kipe yo mu Busuwisi yahoze ari Israel-Premier Tech ni yo yigaragaje ku wa Gatanu, umukinnyi wayo Itamar Einhorn yegukana Agace ka Rubavu- Musanze kasorejwe muri 'sprint'.

08:32

samedi, 28/02/2026

IKAZE MU GACE KA KARINDWI KA TOUR DU RWANDA 2026


Tubahaye ikaze na none mu isiganwa mpuzamahanga rizenguruka u Rwanda mu mukino wo gusiganwa ku magare "Tour du Rwanda 2026", ryakomeje kuri uyu wa Gatandatu hakinwa umunsi waryo wa karindwi, aho abakinnyi bahaguruka i Musanze berekeza i Kigali, ku ntera y'ibilometero 147,2.

-Etape 7: Musanze- Kigali
-Intera: Kilometero 147,2
- Isaha yo guhaguruka: Saa 11:00
-Isaha yo gusoza: Hagati ya Saa 14:31 na Saa 15:04.